I̱bu̱ru̱ 13:4 - Tennet

⁴ Niga ol wak urucou, abunna ming azunnu keer ci rucento, abunna iróng e̱e̱ti̱ ci maci aaz ngaa icima enne aaz e̱e̱t, anyik baiz cinne̱ng kize caala ne paz. Edez atin Ta̱mu̱ta̱dde̱n odot icima ngaai wak orooto ki ol.

I̱bu̱ru̱ 13:4 Iomraidhean Croise

Kananet 2:21

Aanyik zin Manyi Ta̱mu̱ta̱dde̱n Adam kudung oroot kar zin kaara onyit cinne co̱de̱ kar zin ku̱bu̱ng ngineci,

Kananet 2:24

Eci zo̱ze̱ necu, ungnek atin e̱e̱ti̱ ci maci baatinne ki yaatinne lo̱o̱c kar koot kurumet baiz ki ngaa cinne, kar nege kizeto ele co̱de̱.

1 Ko̱ri̱nto̱ 5:13

Eci Ta̱mu̱ta̱dde̱n atin ci apahek ol wak iróng a̱tu̱we̱ ko̱ lo̱ki̱ko̱. E̱he̱rye̱ Warage ci Ta̱mu̱ta̱dde̱no̱ azi ne, “Ottoit e̱e̱t ci mu̱nye̱nu̱ orgene cunno̱ng.”

1 Ko̱ri̱nto̱ 6:18

E̱de̱yya̱ e̱le̱tti̱ baize ci a̱li̱ya̱kze̱ti̱nu̱. Imma mu̱nye̱na̱ cik ogon e̱e̱ti̱ ci diiri ko̱ do̱o̱k aavtte eliya eci re̱e̱nu̱no̱, ma̱i̱je̱ e̱e̱ti̱ icima ngaa ci een a̱li̱ya̱i̱t ogonik mu̱nye̱n ele cinne.

1 Ko̱ri̱nto̱ 6:9

Iróng niga a̱gga̱yyu̱ iróng atin olli mu̱nye̱nu̱ aragiz ba̱a̱li̱ne̱t ci Ta̱mu̱ta̱dde̱no̱. Ma anyikku ol kalabtaung! Iróng atin ol cik e̱e̱ggi̱n a̱li̱ya̱k, icima ol cik a̱di̱ngdi̱nga̱n to̱do̱yyo̱k kizeto ta̱mu̱ta̱dde̱ne̱t cik lo̱o̱tu̱, icima ngaai wak een a̱li̱ya̱k ki ol cik macik ogon e̱le̱tti̱ kizeto ngaai, icima ol cik macik oonge gonoggi,

1 Ko̱ri̱nto̱ 7:38

Imma zin e̱e̱ti̱ ci a̱ti̱k do̱le̱c ci ngen e̱e̱ti̱ imma ki̱ti̱k, abunna. Ma̱i̱je̱ e̱e̱ti̱ ci iróng a̱ti̱k do̱le̱c ci ngen ki̱ti̱ye̱, iróng a̱gga̱ e̱e̱t ci maci, abunna oroot.

1 Ko̱ri̱nto̱ 9:5

Een zoz ci een de̱de̱ ngatinna ming keeron ki ngaai cigga̱c a̱tu̱we̱ ko̱, ki i̱yo̱ko̱ to̱ni̱a̱ha̱ uggak ki gotonoggi Manyi ki Cephas.

2 Ko̱ri̱nto̱ 5:10

Korong zin naga do̱o̱k ol cik a̱tu̱we̱ abunna kogon kaal cik abunna, eci anyak i̱i̱te̱n imma ci kovvo kabile lo̱ki̱ko̱ ci okko Ki̱ri̱sto̱ ettedekket ba̱ci̱nno̱k cik kabaci naga baling ngen karuge lo̱o̱ta̱ ngatu, icima abunna icima gerza.

Ga̱la̱ti̱a̱ 5:19

A̱gga̱ ol do̱o̱k baiz ci mu̱nye̱nu̱, i̱ye̱la̱i̱, nogo ciko: A̱li̱ya̱kze̱t (wangi), rotinet ki ngaai, amanik e̱e̱ti̱ ngaa icima ngaa amanik e̱e̱t ci maci,

Ga̱la̱ti̱a̱ 5:21

e̱e̱t ci aarik zinin kaal cik ollu, e̱e̱t ci ibbakce, e̱e̱t ci i̱i̱zo̱ rugumon ci anyak a̱li̱ya̱kze̱t kar ku̱tu̱gu̱zzo̱ kaal cik gerzek. Kobodekku̱ng ki ba̱li̱ye̱ ming ka̱du̱wa̱kku̱ng oowa ke̱, imma ol wak ogon kaal ne̱ko̱ ko̱, iróng atin i̱i̱zo̱ ba̱a̱li̱ne̱t ci Ta̱mu̱ta̱dde̱no̱.

Evesos 5:5

Abunna ming a̱gga̱yyu̱ zoz ci een de̱de̱ icu, ming een e̱e̱ti̱ a̱li̱ya̱i̱t, icima a̱ppwa̱ zinin, iróng enne anyak ngin imma ba̱a̱li̱nte̱ ci Ki̱ri̱sto̱ ki ci Ta̱mu̱ta̱dde̱no̱. Ma zinin ci a̱ppwe̱ atubo ki e̱e̱t ci a̱di̱ngdi̱nga̱n to̱do̱yyo̱k cik orong zinin cinne kommog Ta̱mu̱ta̱dde̱n.

1 Te̱se̱lo̱ni̱ka̱ 4:6

Ma orootonu ki ngaai cik ollu, ming u̱tu̱gu̱ niko, edezi atin Manyi wa a̱gga̱ no̱ngi̱tto̱n do̱o̱k ki bali ming koobteung ke̱, kar bo̱do̱k icinntu baize cinna̱ng ke̱.

1 Ti̱mo̱te̱yo̱ 3:12

Anyik e̱e̱t ci een kuye a̱li̱ngli̱ng Ce̱e̱ze̱ wa Ta̱mu̱ta̱dde̱no̱ ki̱ti̱k ngaa co̱de̱ ṯok niko. Kar zin kabal dooli ki orog wainne do̱o̱k ju̱rru̱m.

1 Ti̱mo̱te̱yo̱ 3:2

Abunna zin alaani ci Ce̱e̱z wa Ta̱mu̱ta̱dde̱no̱ een e̱e̱t ci abak baiz ci iróng anyak mu̱nye̱n. Abunna bo̱do̱k ming o̱de̱ ngaa ṯok niko. Abunna ming een e̱e̱t ci uwak ju̱rru̱m, abariz no̱ngi̱tto̱n ju̱rru̱m, abunna ming i̱i̱rke̱, abunna ming elemi de̱mzi̱ne̱t.

1 Ti̱mo̱te̱yo̱ 3:4

Abunna ming een e̱e̱t ci abal orog wainne ju̱rru̱m, kar dooli kiziyet ti̱lo̱wi̱ne̱t wainne ju̱rru̱m kar bo̱do̱k ko̱to̱ngo̱o̱ltte̱ nonno.

1 Ti̱mo̱te̱yo̱ 4:3

Edemez nege ol azi ne gerza rucenet, kar bo̱do̱k ma adakku da̱i̱ne̱t u̱gge̱. Abarik ka̱gga̱ eenycak Ta̱mu̱ta̱dde̱n da̱i̱ne̱t ne̱ke̱ ol cik diirik kar ol wak a̱tu̱we̱ a̱gga̱ zoz ci een de̱de̱ ko̱, ka̱gga̱mta̱ ngati anyike nonno zany.

1 Ti̱mo̱te̱yo̱ 5:14

Korongi ngaai cik boyek wak ngen een uturtta ki̱ti̱ktte̱ kar ki̱ti̱rrtta̱ dooli bak azunne ju̱rru̱m, kar zin moddena iróng ngen aranne.

Ti̱to̱ 1:6

Abunna e̱e̱ti̱ ci een nyakangan ming ogon kaal cik abunna. Abunna ming o̱de̱ nonno ngaa ṯok niko. Abunna dooli ciginnek ming a̱tu̱ Ye̱su̱, kar bo̱do̱k iróng a̱vi̱r o̱o̱tti̱.

I̱bu̱ru̱ 12:16

Gerza ming aave e̱e̱ti̱ ci maci icima ngaa ci orooto ki ol orgene cunno̱ng, icima ogon ki bali I̱sa̱u̱ ming utene a̱bu̱ze̱t da̱i̱nte̱, iróng enne elemi zoz ci Ta̱mu̱ta̱dde̱no̱. Utuwoi enne a̱bu̱ze̱t utubur kaal cik atin aragiz ko̱.

O̱no̱zzo̱k 22:15

Imma ol cik ogon kiwagon urzi aavtte reene ci orog ci a̱ddi̱ki̱re̱ ko̱, a̱ru̱k agura, e̱e̱ggi̱n a̱li̱ya̱k, amuny ol, ala to̱do̱yyo̱k kize ta̱mu̱ta̱dde̱ne̱t cigge̱k, kar kabaito volonga.