I̱bu̱ru̱ 13:21 - Tennet

²¹ nonno ci a̱a̱nyu̱ng kaal do̱o̱k eci niga a̱li̱ngli̱ngnyu̱ zoz cinne, kanycik bai nonno ki̱li̱ngli̱ng baize cinna kaale cik orong enne, go̱o̱le̱ ci Ye̱su̱ Ki̱ri̱sto̱, kanycik nonno ki̱di̱ngdi̱nga̱ne̱ udut. Amen.

I̱bu̱ru̱ 13:21 Iomraidhean Croise

Ma̱te̱yo̱ 12:50

Ming ogon e̱e̱ti̱ imma li̱ngli̱ngo̱n ci Baba wa aave ta̱mu̱-kenga ko̱, een enne gotona ki ngoona ki yaatanni.”

Ma̱te̱yo̱ 21:31

I̱jji̱n Ye̱su̱ nogo, azi ne, “I̱yo̱ko̱ zin, do̱le̱c jang ci ogon zoz ci a̱du̱wa̱ baatinne?” O̱bo̱dde̱k zin nege, “Do̱le̱c wa oowu.” Oobek zin Ye̱su̱ nogo ungec ci zozo: Azi ne, “Ka̱du̱wa̱kku̱ng zoz ci een de̱de̱, i̱i̱zo̱ atin ol wak a̱gga̱ma̱ ol mucuru o̱ro̱gjo̱we̱ ki a̱li̱ya̱k, ba̱a̱li̱ne̱t ci Ta̱mu̱ta̱dde̱no̱ o̱o̱we̱ cunno̱ng.

Ma̱te̱yo̱ 28:20

Edemezit nogo abunna ming o̱ngo̱o̱le̱ kaal cik ka̱du̱wa̱kku̱ng anna i̱ge̱t ko̱ do̱o̱k. Kaave atin ngati een i̱ge̱t odohize, rok nginti aṯurneke looci.”

Ma̱te̱yo̱ 6:13

Ma anyike ol kitimanteta, abarik eelawet lo̱rye̱nta̱.’

Ma̱te̱yo̱ 7:21

“Iróng ol do̱o̱k wak a̱nne̱ka̱ ne, ‘Manyi, Manyi,’ i̱i̱zo̱ atin ba̱a̱li̱ne̱t ci ta̱mu̱-kengo, abarik i̱i̱zo̱ atin ol wak azunne ti̱lo̱wi̱ne̱t ci Baba wa aave ta̱mu̱-kenga.

Kaviyak wak Abunna Ta̱mu̱ta̱dde̱no̱ eher Joni 17:23

Ko̱do̱wi̱na̱ anna ki nogo kar zin bo̱do̱k i̱nna̱ ki annita ko̱do̱ye̱. Anyik bai nogo kurumte ko̱do̱ye̱ ṯok kar anyik ol wak lo̱o̱tu̱ ka̱gga̱c ming een i̱nne̱t ci i̱tto̱na̱na̱n, irezzit zin nogo ki bali ming irezang annit ke̱.”

Kaviyak wak Abunna Ta̱mu̱ta̱dde̱no̱ eher Joni 7:17

Ming anyak e̱e̱t ci orong ki̱li̱ngli̱nge̱ de̱mzi̱ne̱t ci Ta̱mu̱ta̱dde̱no̱, amuda atin enne keng ci de̱mzi̱ne̱t necu a̱kku̱ ngati Ta̱mu̱ta̱dde̱no̱ icima kozozi de̱mzi̱ne̱t ci a̱kku̱ o̱o̱we̱ cinanni do̱.

Roma 11:36

Ta̱mu̱ta̱dde̱n ci eenyca kaal do̱o̱k, kar kaanyik nogo do̱o̱k kuruget, azunne enne kaal ne̱ke̱ do̱o̱k komize cinne kizeto kaal ciginnek. Abunna zin ka̱di̱ngdi̱nga̱n naga do̱o̱k nonno udut. Nonno nenen.

Roma 16:27

Abunna kinnat Ta̱mu̱ta̱dde̱n wa o̱de̱ ṯok niko, a̱gga̱ kaal do̱o̱k, ki̱di̱ngdi̱nga̱ni̱t nonno udut zo̱ze̱ ci Ye̱su̱ Ki̱ri̱sto̱. Nonno nenen.

2 Ko̱ri̱nto̱ 9:8

A̱ma̱yu̱ki̱n zin atin Ta̱mu̱ta̱dde̱n kaale cik orongi i̱nna̱ do̱o̱k, aanyi atin Ta̱mu̱ta̱dde̱n kaal cik meelek kar umuc ol cik meelek kaale cik abunna.

Ga̱la̱ti̱a̱ 1:5

Ki̱di̱ngdi̱nga̱ni̱t zar cik Ta̱mu̱ta̱dde̱no̱ udut, amin.

Evesos 2:10

Aruguzet Ta̱mu̱ta̱dde̱n kar naga ku̱tu̱gu̱z kaal cik abunna ngati Ye̱su̱ Ki̱ri̱sto̱. A̱rri̱ta̱nne̱t enne agit kar ki̱li̱ngli̱nge̱t li̱ngli̱ngo̱n cinne wa abunna lo̱o̱ta̱ ngatu.

Evesos 2:18

Eci zo̱ze̱ ci Ki̱ri̱sto̱, kanyak naga do̱o̱k olli Ya̱u̱do̱ ki ol cik iróng een Ya̱u̱d gool ci ka̱vvu̱nna̱k naga Be̱e̱ti̱nna̱ Vongize co̱de̱ Ta̱mu̱ta̱dde̱no̱.

Vilipia 1:11

a̱a̱nyu̱ng atin Ye̱su̱ Ki̱ri̱sto̱ i̱li̱ngli̱nge̱t u̱tu̱gu̱z kaal cik abunna cik aanyik ol ki̱di̱ngdi̱nga̱ni̱t kar bo̱do̱k kinnatit Ta̱mu̱ta̱dde̱n.

Vilipia 2:11

kar ol do̱o̱k u̱tu̱ge̱tti̱ne̱ cigge̱k kizeto ne, een Ye̱su̱ Ki̱ri̱sto̱ Manyi, imma zin zo̱ze̱ necu a̱di̱ngdi̱nga̱n nege Ta̱mu̱ta̱dde̱n Baba.

Vilipia 2:13

eci Ta̱mu̱ta̱dde̱n ci a̱li̱ngli̱ng baize cunno̱ng kar ka̱a̱nyu̱ng zinin ci ogonnu kaal cik abunna ki ming a̱du̱wa̱ zoz cinne.

Vilipia 4:13

Kogonni wo̱ye̱ anna kaal do̱o̱k zo̱ze̱ ci Ki̱ri̱sto̱ nonno ci aanya doiz.

Vilipia 4:18

I̱yo̱ko̱ zin, kuruba kaal cik korongi anna do̱o̱k, otorte abarik, aanya e̱e̱ti̱ ci een Epaphroditus muci balik i̱tto̱na̱kka̱ng niga ke̱. Ongooli muci ne̱ke̱ mediz ci aanyik Ta̱mu̱ta̱dde̱n katalo.

Kolosiya 3:17

Kar ming ogonnu gi̱i̱ imma, ming ozozu u̱tu̱ge̱tti̱ne̱ icima ogonnu azzine, u̱tu̱gu̱z kaal ne̱ke̱ do̱o̱k zare cik Manyi Ye̱su̱. Kar bo̱do̱k go̱o̱le̱ cinne, aanycik Ta̱mu̱ta̱dde̱n Baba zany kaale do̱o̱k.

Kolosiya 3:20

Aanycik dooli kiziyet ti̱lo̱wi̱ne̱t ci be̱e̱ti̱gge̱k ki e̱e̱ti̱gge̱k, eci Manyi atalne zo̱ze̱ necu.

Kolosiya 4:12

I̱tto̱na̱kku̱ng zin bo̱do̱k e̱e̱ti̱ ci een zara Epaphras zawinet cinne i̱ge̱ta̱, een enne e̱e̱t ci orog cunno̱ng kar kize du̱ca̱i̱t ci a̱li̱ngli̱ng zoz ci Ye̱su̱ Ki̱ri̱sto̱. Alawekkung gon enne i̱ge̱t Ta̱mu̱ta̱dde̱n odohize kar ibilet ju̱rru̱m tu̱we̱nta̱ zo̱ze̱ ci Ta̱mu̱ta̱dde̱no̱, ngati ogonnu zoz ci orong enne i̱ge̱t u̱tu̱gu̱z do̱o̱k.

1 Te̱se̱lo̱ni̱ka̱ 3:13

Ma̱i̱je̱ go̱o̱le̱ neci a̱a̱nyu̱ng Ta̱mu̱ta̱dde̱n elemit ol ko̱, a̱a̱nyu̱ng atin okkomit tu̱we̱nta̱ bu̱k, kar izet ol cik i̱llo̱i̱ rok ba̱ci̱nno̱k ngu̱me̱ ci Ta̱mu̱ta̱dde̱n Be̱e̱ti̱nna̱, ming okko Ye̱su̱ Manyi oboda, orkora atin ki ollinne wak a̱li̱le̱ do̱o̱k.

1 Te̱se̱lo̱ni̱ka̱ 4:3

Azi zin Ta̱mu̱ta̱dde̱n ne ma a̱u̱llu̱ e̱le̱tti̱ ngati orootonu ki ngaai, a̱gga̱mi̱t e̱le̱tti̱ ki̱li̱le̱c.

1 Te̱se̱lo̱ni̱ka̱ 5:23

Kala Ta̱mu̱ta̱dde̱n manyi gano ka̱a̱nyu̱ng abait labak, kidimanung izet caale udut. Ka̱a̱nyu̱ng baiz ki vongiz cunno̱ng do̱o̱k ki̱zze̱c ba̱ci̱no̱wa̱ zee kobodak Manyitinna Ye̱su̱ Ki̱ri̱sto̱ lo̱o̱c.

2 Te̱se̱lo̱ni̱ka̱ 2:17

kar ki̱ti̱lo̱u̱ng ka̱a̱nyu̱ng komiz odohize kar u̱tu̱gu̱z kaal icima a̱du̱wa̱nnu̱ zoz ci abunna.

1 Ti̱mo̱te̱yo̱ 1:17

Kala alaan kar bo̱do̱k ki̱di̱ngdi̱nga̱n nonno wa abak udut, wa iróng a̱da̱i̱, wa iróng kacin eberene, nonno Ta̱mu̱ta̱dde̱n o̱de̱ ṯok! Ko̱to̱ngo̱o̱ltte̱ nonno udut. I̱i̱ny.

1 Ti̱mo̱te̱yo̱ 5:10

Anyik bo̱do̱k ol ku̱du̱kta̱ bunnat cinne, ki zoz ci azi ne, azunne ba̱li̱ye̱ dooli ju̱rru̱m, i̱i̱rke̱, a̱gga̱m e̱re̱nno̱k wak a̱tu̱we̱ ju̱rru̱m, kar gon keela bo̱yyo̱k.

1 Ti̱mo̱te̱yo̱ 6:16

Ta̱mu̱ta̱dde̱n do̱ niko ci iróng a̱da̱i̱ udut. Abak enne vooritene ci ataltali, i̱llo̱i̱ rok e̱e̱t ci anime kuk ojonun, ngen e̱e̱ti̱ imma kicin nonno udut, i̱llo̱i̱ bo̱do̱k atin ol cik acin nonno. Anyak enne komiz, ki̱di̱ngdi̱nga̱ni̱t nonno udut. Anyik ku̱tu̱gu̱ niko (Amin).

2 Ti̱mo̱te̱yo̱ 3:17

kar zin e̱e̱ti̱ ci a̱li̱ngli̱nge̱k Ta̱mu̱ta̱dde̱n kuruba arizet ci ogone kaal cik abunna.

2 Ti̱mo̱te̱yo̱ 4:18

Ka̱gga̱ niko ming eelanna atin Manyi kaale wak gerzek do̱o̱k, kar kuwuya ngati ba̱a̱li̱ne̱t ci ta̱mu̱-kengo. Abunna abarik ming ka̱di̱ngdi̱nga̱n nonno niko udut. Nonno nenen.

I̱bu̱ru̱ 10:36

Abunna ming Animnyu no̱ngi̱tto̱n, kar u̱tu̱gu̱z kaal cik orong Ta̱mu̱ta̱dde̱n. Kar atin urubta kaal balik u̱du̱wa̱ enne ke̱.

I̱bu̱ru̱ 12:23

I̱tto̱zzu̱ niga nginti aavtte a̱bu̱nya̱ ke̱le̱ci̱e̱ ci Ta̱mu̱ta̱dde̱no̱, wak e̱he̱rye̱ zara cigge̱k buwe ci Ta̱mu̱ta̱dde̱no̱ ta̱mu̱-kenga. I̱vi̱ta̱u̱ niga Ta̱mu̱ta̱dde̱n ele ci okko etted lo̱ki̱ko̱ ci kaal do̱o̱k. I̱vi̱ta̱u̱ niga vongizzok cik ol cik abunna idiman Ta̱mu̱ta̱dde̱n kubunnta ta̱mu̱-kenga.

I̱bu̱ru̱ 12:28

I̱yo̱ko̱ zin, abunna zin kanyike Ta̱mu̱ta̱dde̱n zany ngati kalawe nonno eci enne aanyyet ba̱a̱li̱ne̱t ci iróng omoti.

I̱bu̱ru̱ 13:16

Abunna ming ogonnu kaal cik abunna, kar ozolit kaal ki ol wak amati. Een necu muci ci elemi Ta̱mu̱ta̱dde̱n.

1 Peturu 2:5

I̱yo̱ko̱ zin, niga bu̱k izetu biyen wak abak udut wak eenyconik kize ce̱e̱z ci abahe Vongizi ci Ta̱mu̱ta̱dde̱no̱. Izetu niga olli wawaco wak a̱li̱le̱ bu̱k. Ma go̱o̱le̱ ci a̱ti̱ri̱zu̱ng Ye̱su̱ Ki̱ri̱sto̱ ko̱, ovvo atin niga anyikku Ta̱mu̱ta̱dde̱n muci ci atin aanyik nonno katalo.

1 Peturu 4:2

I̱ye̱le̱kke̱t zin zoz necu zoz ci azi ne, utungteu niga kaal cik mu̱nye̱nu̱ amin zi̱nze̱tti̱ ciggo̱k ko̱ do̱o̱k lo̱o̱c, orongnyu u̱tu̱gu̱z zoz ci Ta̱mu̱ta̱dde̱no̱ baize cunno̱ng.

2 Peturu 3:18

Abarik e̱me̱dda̱ niga abait baiz ci abunna gi̱i̱ye̱ wa a̱a̱nyu̱ng Manyitinna Ti̱ri̱zo̱i̱t Ye̱su̱ Ki̱ri̱sto̱ i̱ge̱t deten cinne ki zoz ci a̱gga̱yyu̱ nonno. Abunna ka̱di̱ngdi̱nga̱n zar cik Manyi udut. Nonno nenen.

1 Jon 2:17

Okko looci ki baiz ci ogon niko ko̱ a̱zze̱ ne dakdak, ma̱i̱je̱ e̱e̱ti̱ ci a̱li̱ngli̱ng zoz ci Ta̱mu̱ta̱dde̱no̱ abak udut.

1 Jon 3:22

kar kurubta kaal do̱o̱k cik ka̱jji̱n naga ngatinne, eci naga kazunne lo̱ti̱nno̱k ciginnek kar ku̱tu̱gu̱z kaal cik orong enne.

Ju̱da̱ 1:25

Een enne Ta̱mu̱ta̱dde̱n co̱de̱ ṯok Ti̱ri̱zo̱i̱t cinna, anyak enne di̱ngdi̱ngo̱n, ki ddi̱ki̱rze̱t, ki doiz, ki alaanzet ngati Manyitinna Ye̱su̱ Ki̱ri̱sto̱ wa bali aave arrak oowa bu̱u̱llo̱we̱ do̱o̱k, ki i̱yo̱ko̱ udut. Nonno nenen.

O̱no̱zzo̱k 4:6

Okko bo̱do̱k lecer oowa, anyak gilac ci ataltali ogon ki nyatapari ci a̱ddi̱ki̱re̱. Imma orgene ci lecero, anyak kaal cik aruge e̱e̱ggi̱n we̱c aburuk lecer ne riu, anyak ebere cik meelek giir ele do̱o̱k, ngu̱ma̱ ki bo̱i̱ca̱.

O̱no̱zzo̱k 5:13

Kiziya zin kaal wak aruge e̱e̱ggi̱n we̱c do̱o̱k ta̱mu̱-kenga, lo̱o̱ta̱ ki lo̱o̱c todowai ecito nyatapare ci a̱ddi̱ki̱re̱, ki kaal cik aruge lo̱o̱ta̱ do̱o̱k ming e̱be̱ne̱: “Kanyikka inatinet ki ngo̱li̱ne̱t, ki di̱ngdi̱ngo̱n e̱e̱t ci aave lecera ko̱ ki Nyoon kinnatit nonno kar ko̱to̱ngo̱o̱ltte̱ nonno kar i̱di̱ngdi̱nga̱nni̱t nonno wa anyak komiz ci abale enne ol udut!”

O̱no̱zzo̱k 5:9

Kar zin ke̱be̱ni̱t lo̱ng ci een jor, azi ne, “Aganonu i̱nna̱ ming adima waraga kar du̱l mutula ne̱ke̱, eci i̱nna̱ u̱ru̱we̱ ba̱li̱ye̱, kar bi̱ye̱te̱ cigunnek, atalau i̱nna̱ ol Ta̱mu̱ta̱dde̱n olle cik lo̱o̱tu̱ ki u̱tu̱ge̱tti̱ cik ozoz ol do̱o̱k lo̱o̱ta̱ ngatu do̱ do̱.