I̱bu̱ru̱ 13:2 - Tennet

² Abunna ming a̱ti̱ri̱zu̱ ol cik een i̱do̱ngi̱ cik een e̱re̱nno̱k ce̱e̱zi̱nne̱ cuggo̱k ju̱rru̱m, imma abarik go̱o̱le̱ ci ka̱ti̱ri̱ze̱ ol ko̱, i̱ti̱ri̱zze̱t ol uggak anjilonya lo̱mu̱k ngati iróng nege a̱gga̱we̱.

I̱bu̱ru̱ 13:2 Iomraidhean Croise

Kananet 18:1

I̱ye̱le̱k Manyi Aburaham ele ngati anyak keen cik a̱ddi̱ki̱re̱ cik Mamre, aave enne ojongzo ki tatug ci ti̱ti̱ cinne koore ci a̱bu̱re̱ wazin kenga.

Kananet 19:1

Uzucca anjilonya cik e̱e̱ggi̱n ram orog ci een Sodom yo̱mo̱na̱, imma Loti aave arane ci o̱rgu̱. Baling okko enne acin nogo kar ku̱lu̱le̱ kicin lo̱o̱c.

Ma̱te̱yo̱ 25:35

Eci ba̱li̱ye̱ adaka magiz, kar zin niga aanycang da̱i̱ne̱t. A̱ru̱ka̱ ba̱li̱ye̱ koor, kar zin niga aanycang maam. Ke̱e̱ni̱ ba̱li̱ye̱ e̱re̱nno̱i̱t o̱rge̱ cunno̱ng kar zin niga aanycang nginti kabaheke onyit lo̱o̱c.

Ma̱te̱yo̱ 25:40

“Kar zin alaani kabarizek nogo, azi ne, ‘Ka̱du̱wa̱kku̱ng zoz ci een de̱de̱, ming u̱tu̱gu̱we̱u̱ i̱nna̱ kaal ne̱ko̱ gotonogga icima ngonogga cik iróng ol edeconik ko̱, U̱tu̱gu̱we̱ya̱ i̱nna̱ annita!’

Ma̱te̱yo̱ 25:43

Ke̱e̱ni̱ ba̱li̱ye̱ e̱re̱nno̱i̱t, iróng niga a̱ti̱ri̱za̱ng ce̱e̱zi̱nne̱ ciggo̱k. Kaave ba̱li̱ye̱ nga̱dhi̱ri̱r, iróng niga aanyang ru̱u̱ma̱ni̱. Komori anna ba̱li̱ye̱ kecebje lagama, iróng niga ovvo i̱vo̱nna̱ng.’

Buk wa To̱ni̱a̱u̱ 16:15

Baling a̱gga̱mte̱k nege nonno ki ol cik ce̱e̱z cinne do̱o̱k ba̱ti̱ti̱mo̱, utuwet zin enne agita ce̱e̱ze̱ cinne. A̱nne̱kke̱t ne, “Ming aanyang niga annit kize e̱e̱t ci a̱tu̱ Manyi Ye̱su̱, i̱vi̱ta̱ a̱vvu̱t ce̱e̱ze̱ cinanni.” Kelemtta naga zoz cinne, kar ko̱o̱tta̱ i̱ye̱ niko.

Roma 12:13

Ming anyakku kaal, eelta ol cik Ta̱mu̱ta̱dde̱no̱ amati, anyik e̱re̱nno̱k ki̱vi̱ta̱ ce̱e̱zi̱ cuggo̱k.

Roma 16:23

I̱tto̱na̱kku̱ng e̱e̱ti̱ ci een Gaius zawinet cinne, een enne e̱e̱t ci abunna, kabai ba̱li̱ye̱ ce̱e̱ze̱ cinne, aanyet enne da̱i̱ne̱t ki olli ke̱le̱ci̱o̱. Okko e̱e̱ti̱ ci een Erastus wa a̱ddi̱ki̱rne̱ li̱ngli̱ngo̱n ci o̱rgu̱, i̱tto̱na̱ zin enne zawinet cinne. Izayung bo̱do̱k oroot gotoneti wa tu̱we̱nto̱ een zara Guartus.

1 Ti̱mo̱te̱yo̱ 3:2

Abunna zin alaani ci Ce̱e̱z wa Ta̱mu̱ta̱dde̱no̱ een e̱e̱t ci abak baiz ci iróng anyak mu̱nye̱n. Abunna bo̱do̱k ming o̱de̱ ngaa ṯok niko. Abunna ming een e̱e̱t ci uwak ju̱rru̱m, abariz no̱ngi̱tto̱n ju̱rru̱m, abunna ming i̱i̱rke̱, abunna ming elemi de̱mzi̱ne̱t.

1 Ti̱mo̱te̱yo̱ 5:10

Anyik bo̱do̱k ol ku̱du̱kta̱ bunnat cinne, ki zoz ci azi ne, azunne ba̱li̱ye̱ dooli ju̱rru̱m, i̱i̱rke̱, a̱gga̱m e̱re̱nno̱k wak a̱tu̱we̱ ju̱rru̱m, kar gon keela bo̱yyo̱k.

Ti̱to̱ 1:8

Abarik, abunna ming irez e̱re̱nno̱k, kar bo̱do̱k katal ku̱tu̱gu̱ kaal cik abunna, abunna ming anyak urutoit zoza, abunna ming ogon kaal cik een de̱de̱, anyik kabak baiz ci abunna a̱li̱le̱.

1 Peturu 4:9

Aanycik ol ki̱vi̱ta̱k ce̱e̱zi̱ ciggo̱k ki̱zzi̱ rok zoz imma ci anyakku zi̱nze̱tti̱nne̱ to.

3 Jon 1:5

Goona wa zinino, anyai i̱nna̱ tu̱we̱ne̱t oroot kaale cik ogonik i̱nna̱ gotonogget ko̱, ming e̱e̱ggi̱n nege nu̱nu̱n i̱do̱ngi̱.