I̱bu̱ru̱ 13:17 - Tennet

¹⁷ O̱to̱ngo̱o̱ltte̱ lo̱ddi̱ki̱re̱ cuggo̱k, u̱tu̱gu̱z zoz ci a̱du̱wa̱ nege. Een li̱ngli̱ngo̱ni̱ cinne̱ng ci ebekkung nege i̱ge̱ta̱ ju̱rru̱m, ming iróng ebekkung ju̱rru̱m, okko atin Ta̱mu̱ta̱dde̱n a̱jji̱n nogo kaale cik ogon nege do̱o̱k. Ma anyike nogo komozte ming ogon li̱ngli̱ngo̱n cinne̱ng. Anyik nogo katalto. U̱zzu̱tte̱, abunna atin nege eelannung.

I̱bu̱ru̱ 13:17 Iomraidhean Croise

Kananet 16:9

Iizek zin anjilo ci Manyi nonno ne, “Mi̱re̱ bit ngati ddi̱ki̱ryo̱i̱t cunne kar abunna ming o̱ngo̱o̱le̱ nonno.”

Lu̱ka̱ 16:2

Utu zin i̱to̱i̱ti̱ ddi̱ki̱ryo̱i̱t kar ki̱jji̱n nonno, ‘Nya ci kazii anna zo̱ze̱ cunne ko̱? Teher zin kaal cik a̱li̱ngli̱nge̱ i̱nna̱ do̱o̱k, eci iróng atin i̱nna̱ e̱e̱ni̱ ddi̱ki̱ryo̱i̱t bo̱do̱k.’

Buk wa To̱ni̱a̱u̱ 20:28

U̱zu̱tte̱ e̱le̱tti̱ ciggo̱k ki ol wak a̱a̱nyu̱ng Vongizi ci A̱li̱le̱, abunna ming aballu nogo. Izet tuwayok cik ke̱le̱ci̱a̱ ci Ta̱mu̱ta̱dde̱no̱, wak balik uuta Ye̱su̱ bi̱ye̱te̱ ciginnek ke̱.

Roma 14:12

Kabile atin naga e̱co̱de̱ e̱co̱de̱ i̱i̱te̱ne̱ neci ngu̱me̱ ci Ta̱mu̱ta̱dde̱no̱, bak koobek nonno kaal cik abunna ki kaal cik gerzek kogon ba̱li̱ye̱ naga lo̱o̱ta̱ ngatu.

1 Ko̱ri̱nto̱ 16:16

abunna ming o̱ngo̱o̱li̱nnu̱ lo̱ddi̱ki̱re̱ cik ogon ki nege, kar uggak ku̱tu̱gu̱zzo̱ ki i̱yo̱ko̱ ming ogonnu niga ko̱.

Evesos 5:21

Izikto zin niga do̱o̱k zo̱ze̱ ci o̱ngo̱o̱li̱nnu̱ Ki̱ri̱sto̱.

Vilipia 1:4

Kala anna Ta̱mu̱ta̱dde̱n odohize talninta, ming kalaye zo̱ze̱ cunno̱ng do̱o̱k.

Vilipia 2:12

Gonogga wak zinino, gon ba̱li̱ye̱ ming kaavtte ki i̱ge̱t ojonun, o̱ngo̱o̱li̱nnu̱ niga Ta̱mu̱ta̱dde̱n odohize. I̱yo̱ko̱ zin kaave anna reena, abunna zin ming o̱ngo̱o̱li̱nnu̱ oroot. Abait zin go̱o̱le̱ ci amudannu niga ti̱ri̱ze̱ne̱t ko̱ ngo̱li̱nta̱ ki baritona,

Vilipia 2:16

Ki i̱yo̱ko̱ ming anyikku niga ol kaviyak cik abunna anyaha zoz ci rugeto, kar atin ming okko Ki̱ri̱sto̱ oboda, katalne atin anna zo̱ze̱ cunno̱ng oroot. Kar anna ka̱gga̱ iróng li̱ngli̱ngo̱ni̱ cinanni okko ollin.

Vilipia 2:29

I̱va̱tta̱ nonno ju̱rru̱m kiwagon gotoneti ci aave zo̱ze̱ ci Ki̱ri̱sto̱, u̱tu̱gu̱z nonno kiwagon e̱e̱ti̱ ci a̱tu̱ zoz ci Manyi.

Vilipia 3:18

Ku̱du̱wa̱u̱ng anna i̱ge̱t zoz necu oowa lak cik meelek giir, anyak ol cik meelek abak kizeto mo̱ddo̱ cik ta̱la̱ke̱c ci Ki̱ri̱sto̱. Imma i̱yo̱ko̱ ki ti̱la̱lo̱ eberene kobodonik ka̱du̱wa̱kku̱ng dee.

Vilipia 4:1

Gotonogga ki ngonogga wak zinino, korongi gon anna kar kurumte ki i̱ge̱ta̱, eci gon aanyang niga annita talninet kar bo̱do̱k anna kodong ele ngatinno̱ng. Ibilet zin ju̱rru̱m ngati Manyi.

2 Te̱se̱lo̱ni̱ka̱ 3:14

U̱zu̱tte̱ e̱e̱t ci abure zoz ci keherakkung naga ko̱ ju̱rru̱m. E̱de̱yya̱ e̱le̱tti̱ ngatinne kar kadak a̱li̱ya̱ni̱ nonno.

1 Ti̱mo̱te̱yo̱ 5:17

Anyik ol cik a̱tu̱we̱ ki̱ti̱ri̱ze̱t lo̱ddi̱ki̱re̱ cik a̱li̱ngli̱ng Ce̱e̱ze̱ wa Ta̱mu̱ta̱dde̱no̱ ju̱rru̱m eci nege a̱li̱ngli̱ng ju̱rru̱m. Ommogje ming uwahek ol kar ke̱de̱me̱zi̱t zoz ci Ta̱mu̱ta̱dde̱no̱.

I̱bu̱ru̱ 13:24

Izzac ddi̱ki̱ryyo̱k cuggo̱k ki ol cik Ta̱mu̱ta̱dde̱no̱ do̱o̱k. I̱tto̱na̱kku̱ng ol wak a̱tu̱we̱ lo̱o̱ce̱ ci een zara Italiya zawinet cinne̱ng.

I̱bu̱ru̱ 13:7

A̱a̱dda̱ ddi̱ki̱ryyo̱k cuggo̱k balik edemezung zoz ci Ta̱mu̱ta̱dde̱no̱ ke̱. A̱a̱dda̱ baiz ci abahe nege, i̱ye̱zi̱t tu̱we̱ne̱t cinne̱ng.

Je̱mi̱s 4:7

Aanycik zin e̱le̱tti̱ ciggo̱k Ta̱mu̱ta̱dde̱n. Utuburet lo̱rye̱ni̱t, kar atin enne ki̱vi̱ru̱ng.

1 Peturu 5:5

Niga dooli wak kidik, wak ngen ingannu, abunna ming o̱ngo̱o̱li̱nnu̱ ol cik a̱ddi̱ki̱re̱. Abunna ming o̱ngo̱o̱li̱nnu̱ e̱le̱tti̱, eci azi buwe ci Ta̱mu̱ta̱dde̱no̱ ne, “Adang Ta̱mu̱ta̱dde̱n e̱e̱t ci odong ele abarik aanyik deten e̱e̱t ci iróng odong ele.”