I̱bu̱ru̱ 13:14 - Tennet

¹⁴ Ka̱gga̱ naga ju̱rru̱m iróng looci cu ci kabahe udut, anyak atin orog ci aave udut, ngen naga kere orog ci aave do̱ ci atin a̱kku̱.

I̱bu̱ru̱ 13:14 Iomraidhean Croise

1 Ko̱ri̱nto̱ 7:29

Gotonogga ki ngonogga tu̱we̱nta̱, ka̱du̱wa̱kku̱ng zoz cu, eci izeto idice i̱i̱nya̱ oroot cik kar looci kuṯurei. Imma zin i̱yo̱ko̱, anyik ol wak anyak ngaai kabaito ki ci iróng nege anyak ngaai, ci iróng nege arike zi̱nze̱tti̱ cigge̱k nogo do̱ oroot.

2 Ko̱ri̱nto̱ 4:17

Ka̱gga̱ kaal ne̱k gerzek i̱nna̱kke̱t ko̱, e̱e̱ggi̱n kaal cik obokce, a̱ra̱gje̱, iróng aavtte udut. Ming ki̱no̱n naga kaal cik anyahakket Ta̱mu̱ta̱dde̱n abak atin udut ta̱mu̱-kenga. Iróng pirnanet cinna anyaha gi̱i̱ imma.

Evesos 2:19

Niga ol wak iróng e̱e̱ggi̱n Ya̱u̱d, iróng niga e̱e̱ggi̱nnu̱ mo̱ddo̱ icima i̱do̱ngi̱ ngu̱me̱ ci Ta̱mu̱ta̱dde̱no̱, abarik izetu niga boor co̱de̱ ki i̱yo̱ko̱ ol wak een boor ci Ta̱mu̱ta̱dde̱no̱ a̱tu̱ nonno ko̱.

Vilipia 3:20

Ma̱i̱je̱ naga ke̱e̱ggi̱n ol cik ta̱mu̱-kengo. Kere zin naga oroot Ti̱ri̱zo̱i̱t Manyi Ye̱su̱ Ki̱ri̱sto̱ ci atin a̱kku̱ ta̱mu̱-kenga.

I̱bu̱ru̱ 10:34

Ippirttau niga ki ol wak e̱ce̱bje̱ lagama, kar bo̱do̱k kaamttaung i̱jjo̱ cuggo̱k, abunna ming anyakku zi̱nze̱tti̱nne̱ cik alali. A̱gga̱yyu̱ niga a̱a̱nyu̱ng atin Ta̱mu̱ta̱dde̱n i̱jjo̱ cik abunna aavtte udut.

I̱bu̱ru̱ 12:22

Imma ngatu, i̱vi̱ta̱u̱ niga bee ci een Zion, lo̱o̱c ci Ta̱mu̱ta̱dde̱no̱, Jerusalem ci aave ta̱mu̱-kenga, aavtte anjilonya cik e̱e̱ggi̱n i̱bbo̱nge̱t cik meelek giir, atalne oroot.

I̱bu̱ru̱ 12:27

Omone atin enne kaal wak eenycai do̱o̱k kuduccai, kirakttek kaala cik iróng omoti do̱ niko.

I̱bu̱ru̱ 2:5

Ngen Ta̱mu̱ta̱dde̱n ku̱du̱wa̱k i̱i̱te̱n imma anjilonya ciginnek zoz ci ovvo atin nege abale lo̱o̱c ci een jor, ci kozoz naga zoz cinne ko̱.

I̱bu̱ru̱ 4:9

Anyaha zin Ta̱mu̱ta̱dde̱n i̱i̱te̱n wa a̱yu̱bze̱ ol ciginnek ko̱.

I̱bu̱ru̱ 9:11

I̱yo̱ko̱ zin ize Ye̱su̱ Ki̱ri̱sto̱ alaan ci a̱ddi̱ki̱re̱ wawaco kaale ne̱k een jor ko̱. I̱tto̱ zin enne Nginti A̱li̱le̱ Oroot Ce̱e̱ze̱ wa Ta̱mu̱ta̱dde̱no̱ ta̱mu̱-kenga, ci iróng e̱e̱ti̱ eenyet azzine, iróng aave lo̱o̱ta̱ ngatu.

1 Peturu 4:7

Ize ojon i̱i̱te̱ni̱ ci aṯurneke kaala veelek. I̱yo̱ko̱ zin, abunna ming egenyyu oroot, abunna bo̱do̱k ming okkomnu lawinta kak.

O̱no̱zzo̱k 3:12

Imma e̱e̱ti̱ ci anime no̱ngi̱tto̱n, kanyike anna kize lolac Ce̱e̱ze̱ ci Ta̱mu̱ta̱dde̱n cinanni. Iróng atin enne ngen ungnek lo̱o̱c udut. Keherike atin anna nonno zar cik Ta̱mu̱ta̱dde̱n cinanni ki zar cik orog wa a̱ddi̱ki̱re̱ wa Ta̱mu̱ta̱dde̱n cinanni, Jerusalem ci een jor, ci atin a̱kku̱nna̱k lo̱o̱c ta̱mu̱-kenga ngati Ta̱mu̱ta̱dde̱n cinanni; kar anna keteherik nonno zar cigannik een jor ko̱.