I̱bu̱ru̱ 13:1 - Tennet

¹ Gotonogga ki ngonogga tu̱we̱nta̱, e̱me̱dda̱ irezto niga do̱o̱k.

I̱bu̱ru̱ 13:1 Iomraidhean Croise

Kaviyak wak Abunna Ta̱mu̱ta̱dde̱no̱ eher Joni 15:17

Ki̱lo̱ti̱kku̱ng zin i̱yo̱ko̱ zoz ci ka̱nne̱kku̱ng ne, irezto e̱le̱tti̱.

Buk wa To̱ni̱a̱u̱ 2:1

Baling i̱ki̱ya̱ I̱i̱te̱ni̱ wa Pentakosi, aavtte bali nege do̱o̱k nga̱to̱de̱.

Buk wa To̱ni̱a̱u̱ 4:32

O̱do̱ye̱ da̱ ol wak a̱tu̱we̱ zi̱nze̱tti̱ cigge̱k ne ṯok. I̱llo̱i̱ rok e̱e̱t co̱de̱ ci azi ne, een ba̱li̱ye̱ i̱jjo̱ ne̱ke̱ ciginnek, abarik nege ozol kaal cik anyak do̱o̱k.

Ga̱la̱ti̱a̱ 5:13

Gotonogga ki ngonogga tu̱we̱nta̱, atahalaung Ta̱mu̱ta̱dde̱n abunna ming abakku baiz ci abunna, kar aanyyait kaal. Ma zin anyikku kaal ne̱ko̱ kize ci ogonnu mu̱nye̱n. Abarik aanyyait kaal ne̱ko̱ kize ci irezzu ol.

Ga̱la̱ti̱a̱ 5:22

Ma̱i̱je̱ baizi Vongiza, een rezinet, ki talninet, ki baiz yahe, ki niimenet no̱ngi̱tto̱n, ki i̱rrke̱ne̱t, ki bunnat, ki tu̱we̱ne̱t Ta̱mu̱ta̱dde̱n,

Ga̱la̱ti̱a̱ 5:6

Ming ke̱e̱ggi̱n ol wak ka̱tu̱ Ye̱su̱ Ki̱ri̱sto̱, i̱llo̱i̱ gi̱i̱ ci kamuda ming ketted wucic vi̱ca̱vi̱ca̱, icima iróng kettedi. Tu̱we̱ne̱t zin ci aanyyet kirezit ol.

Evesos 4:3

U̱tu̱gu̱z kaal do̱o̱k ju̱rru̱m kar Vongizi ci Ta̱mu̱ta̱dde̱no̱ ka̱a̱nyu̱ng zi̱nze̱tti̱ cik abakku nga̱to̱de̱. U̱tu̱gu̱z zoz necu ngati abakku labak.

Evesos 5:2

Abunna ming abakku baiz rezinta ki i̱yo̱ko̱ ming irezet Ki̱ri̱sto̱ ko̱, a̱kku̱ enne ta̱mu̱-kenga ki̱ki̱ya̱ kize wawac cinna ka̱da̱k zo̱ze̱ cinna, atalnet zin Ta̱mu̱ta̱dde̱n zo̱ze̱ cinne.

2 Te̱se̱lo̱ni̱ka̱ 1:3

Gotonogga ki ngonogga tu̱we̱nta̱, kaanyika Ta̱mu̱ta̱dde̱n zany ngati a̱tu̱we̱nu̱ kar bo̱do̱k rezinet ci irezonnu e̱le̱tti̱ ju̱rru̱m.

I̱bu̱ru̱ 10:24

Abunna ming ki̱lo̱t ol zo̱ze̱ ci kirezonne bak kogon kaal cik abunna.

1 Peturu 1:22

I̱yo̱ko̱ i̱ti̱vi̱ltu̱ niga zi̱nze̱tti̱ cuggo̱k kizeto caale ngati elemnyyu zoz ci een de̱de̱, kar anyait rezinet ci een de̱de̱ ki gotonogget wak a̱tu̱we̱, irezit e̱le̱tti̱ cuggo̱k oroot, rezinet ci a̱kku̱ zinina.

1 Peturu 2:17

O̱to̱ngo̱o̱ltte̱ ol do̱o̱k, irezit ol wak a̱tu̱ Ta̱mu̱ta̱dde̱n, akatek Ta̱mu̱ta̱dde̱n u̱zu̱ngtti̱ lo̱o̱c, o̱to̱ngo̱o̱ltte̱ bo̱do̱k alaat.

1 Peturu 3:8

I̱yo̱ko̱ zin, abunna niga do̱o̱k ming elemannu zoz necu. Irezit e̱le̱tti̱ kiwagon gotonoggeti ki ngonogget wak a̱tu̱we̱, izet ol cik i̱rrke̱nu̱, ma odongnyu e̱le̱tti̱ ciggo̱k.

1 Peturu 4:8

Ma gi̱i̱ye̱ ci riili oroot, abunna zin niga ming irezonnu, eci rezinet ngati aave, amadan mu̱nye̱n.

2 Peturu 1:7

Kar bo̱do̱k otortek zoz ci arikku zoz ci Ta̱mu̱ta̱dde̱no̱ zi̱nze̱tti̱ ko̱ zoz ci eelannu gonoggu wak a̱tu̱we̱ ki niga, kar bo̱do̱k otortek rezinet zoz ci eelannu ol cik a̱tu̱we̱ ko̱.

1 Jon 3:23

Een zin necu ti̱lo̱wi̱ne̱t cinne: Abunna ka̱tu̱we̱ zare cik Ngerinne Ye̱su̱ Ki̱ri̱sto̱, kar kirezit e̱le̱tti̱ cigga̱c do̱o̱k ki bali u̱du̱wa̱e̱t enne agit ke̱.

1 Jon 4:20

Ming azi e̱e̱ti̱ imma ne, kirezi enne Ta̱mu̱ta̱dde̱n, imma ngatu amarine gooni, een enne volongnyoit. Eci ming iróng e̱e̱ti̱ irez gooni ci acin enne eberene, irez wo̱ye̱ enne Ta̱mu̱ta̱dde̱n ci iróng enne acin eberene ko̱?

O̱no̱zzo̱k 2:4

Ma̱i̱je̱ zin i̱yo̱ko̱ kanyai zoz ci a̱u̱ce̱ zinine cinanni zo̱ze̱ cunno̱ng: Utungteu niga rezinet wa een oo lo̱o̱c.