I̱bu̱ru̱ 12:3 - Tennet

³ Icinnet da̱ baiz bali anime enne gi̱de̱ne̱t a̱tte̱ ci olli mu̱nye̱nu̱ oroot, abunna iróng niga o̱ngo̱o̱li̱nnu̱ baiz bak aburnnu nong.

I̱bu̱ru̱ 12:3 Iomraidhean Croise

Ma̱te̱yo̱ 11:19

Imma anna Ngerrti E̱e̱to̱, kadakce, kaude ki ol do̱o̱k, kar ol kizeto ne, ‘Een e̱e̱ti̱ cu elemnyoit kar bo̱do̱k kize bba̱kco̱i̱t, een gonen ki ol wak aluta mucuru ki olli mu̱nye̱nu̱.’ A̱gga̱ ol genyiz de̱de̱ go̱o̱le̱ ci ogone enne kaal.”

Ma̱te̱yo̱ 12:24

Ma̱i̱je̱ baling ovvo olli Varacisi aziye zoz necu, izeto ne, “Ottok e̱e̱ti̱ necu kuulo katkatone ci Beelzebub alaan ci kuulou.”

Ma̱te̱yo̱ 15:2

“Inya ming iróng nuyaha cigunnek o̱ngo̱o̱le̱ keer ci ol wak a̱ddi̱ki̱re̱? Iróng nege uuny azzin arrak ming ngen kadakto ko̱?”

Ma̱te̱yo̱ 21:23

I̱tto̱ Ye̱su̱ re̱e̱nu̱n ci Ce̱e̱z wa Ta̱mu̱ta̱dde̱no̱ kar zin kakate de̱mzi̱ne̱t, i̱vi̱tta̱k zin nonno alaata cik olli wawaco Ce̱e̱ze̱ wa Ta̱mu̱ta̱dde̱no̱ ki ddi̱ki̱ryyo̱k wak Ya̱u̱do̱. Kar zin ki̱jji̱nne̱t nonno, “Ogoni i̱nna̱ kaal ne̱ko̱ alaanzete ci ngene? Ngene ci aanyi i̱nne̱t komiz necu?”

Ma̱te̱yo̱ 21:46

Orongit zin nege ke̱ce̱bbi̱t Ye̱su̱, ma̱i̱je̱ nege o̱ngo̱o̱le̱ kar ke̱ce̱bbi̱t nonno, eci zu̱we̱ a̱gga̱ een enne a̱ri̱to̱i̱t de̱de̱.

Ma̱te̱yo̱ 22:15

U̱lu̱tte̱ zin ol cik een Varacis ko̱ kar ki̱no̱ni̱t gool ci ovvo nege atin a̱gga̱m Ye̱su̱ zo̱ze̱ ci a̱du̱wa̱ enne utuge cinne.

Lu̱ka̱ 14:1

Imma I̱i̱te̱ne̱ wa Yu̱bze̱nto̱ co̱de̱, baling okko da̱ Ye̱su̱ da̱i̱ne̱t ce̱e̱ze̱ ci e̱e̱t ci Varacisi a̱ddi̱ki̱re̱, egelem da̱ ol nonno oroot.

Lu̱ka̱ 15:2

Ma̱i̱je̱ olli Varacisi ki de̱me̱zzo̱k wak lo̱ti̱nno̱u̱ utuburet nong, izeto ne, “Awa e̱e̱ti̱ cu olli mu̱nye̱nu̱ kar enne kadakto ki nogo.”

Lu̱ka̱ 16:14

Baling iziyyet ol cik een Varacis wak gon irez o̱ro̱bi̱ya̱ oroot ko̱ zoz neci, kar zin nege kangarunyanit ngu̱mti̱ ngati Ye̱su̱.

Lu̱ka̱ 2:34

Kar zin enne ku̱mu̱yu̱k nogo do̱o̱k, kar kizek Ma̱ri̱ya̱ wa een yaatinne ko̱ ne: “Atahalai do̱le̱c necu kar ki̱ki̱ya̱ kaanyik ol cik meelek ku̱yu̱kte̱ kar bo̱do̱k uggak kitingazzo lo̱o̱ce̱ ci Israilo, kar atin enne kize baayenit ci adang ol zoz cinne,

Lu̱ka̱ 5:21

A̱ka̱tte̱ zin olli Varacisi ki de̱me̱zzo̱k wak lo̱ti̱nno̱u̱ i̱no̱ni̱t nege e̱le̱tti̱ne̱ do̱, “Ngene e̱e̱ti̱ cu ozoz zoz ci odome enne Ta̱mu̱ta̱dde̱n ko̱? Ngene wo̱ye̱ ci alalnek ol mu̱nye̱ne̱, iróng een Ta̱mu̱ta̱dde̱n do̱ niko?”

Kaviyak wak Abunna Ta̱mu̱ta̱dde̱no̱ eher Joni 10:20

Izeto ol cik meelek ngatinne̱ng ne, “Anyak e̱e̱ti̱ necu kuuloc ci lo̱rye̱nto̱, kar bo̱do̱k kadak ngamoni. Ma bai aziknnu zoz cinne ke̱.”

Kaviyak wak Abunna Ta̱mu̱ta̱dde̱no̱ eher Joni 18:22

Baling u̱du̱wa̱ Ye̱su̱ zoz necu, apan e̱e̱ti̱ imma ci ojongzo ki Ye̱su̱ nonno ngu̱m eliya, kar zin ku̱cu̱b kizek ne, “Gool ci ozozike i̱nna̱ alaan ci a̱ddi̱ki̱re̱ wawaco necu?”

Kaviyak wak Abunna Ta̱mu̱ta̱dde̱no̱ eher Joni 5:16

I̱gi̱dde̱t zin olli Ya̱u̱do̱ Ye̱su̱ ma̱rri̱t enne angaru e̱e̱t ci omori I̱i̱te̱ne̱ wa Yu̱bze̱nto̱.

Kaviyak wak Abunna Ta̱mu̱ta̱dde̱no̱ eher Joni 7:12

Ongongonet zin koole neci zo̱ze̱ ci Ye̱su̱, azi uggak ne, “Een enne e̱e̱t ci abunna.” Ovvo bo̱do̱k uggak azi ne, “A̱zze̱to̱, een Ye̱su̱ e̱e̱t ci a̱lu̱t ol.”

Kaviyak wak Abunna Ta̱mu̱ta̱dde̱no̱ eher Joni 8:13

Ovoccek zin olli Varacis nonno zoz ci azi ne, “I̱yo̱ko̱, u̱du̱wa̱ i̱nna̱ kaal cik obod ki ele cunne do̱, iróng zoz ci a̱du̱wa̱ i̱nna̱ ko̱ een de̱de̱.”

Kaviyak wak Abunna Ta̱mu̱ta̱dde̱no̱ eher Joni 8:52

Baling iziyyet ol cik e̱e̱ggi̱n Ya̱u̱d zoz neci a̱du̱wa̱ Ye̱su̱ ke̱, u̱ku̱lte̱k je̱e̱n, kar zin kizettek nonno ne, “I̱yo̱ko̱, ka̱gga̱yi̱ niko ming anyai i̱nna̱ kuuloc ci lo̱rye̱nto̱! A̱da̱i̱to̱ ba̱li̱ye̱ ciko Aburaham ki a̱ri̱tto̱k wak zoz ci Ta̱mu̱ta̱dde̱no̱, kar zin abarik i̱nna̱ azi ne ‘Ming azunne e̱e̱ti̱ zoz cunne, iróng atin atari daiz udut?’

Kaviyak wak Abunna Ta̱mu̱ta̱dde̱no̱ eher Joni 8:59

35 Baling iziyyet zoz ci a̱du̱wa̱ Ye̱su̱ ko̱, ebertta biyen orongit kovvoccit nonno, u̱lu̱gu̱ny zin enne ele kar zin kinik lo̱mu̱k kutungek re̱e̱nu̱n ci Ce̱e̱z wa Ta̱mu̱ta̱dde̱no̱ lo̱o̱c.

Kaviyak wak Abunna Ta̱mu̱ta̱dde̱no̱ eher Joni 9:40

Iziyyet da̱ ol uggak wak e̱e̱ggi̱n Varacis Ye̱su̱ ming a̱du̱wa̱ zoz neci kar zin ki̱jji̱nne̱t kizettek ne, “Ke̱e̱ggi̱nna̱ naga bu̱k ru̱be̱ne̱?”

1 Ko̱ri̱nto̱ 15:58

Gotonogga ki ngonogga tu̱we̱nta̱, ibilet ju̱rru̱m ci iróng gi̱i̱ imma omonung tu̱we̱nta̱. Abunna ming anyikku e̱le̱tti̱ cuggo̱k li̱ngli̱ngo̱n ci Manyi, eci li̱ngli̱ngo̱ni̱ cunno̱ng ngati Manyi iróng e̱de̱nye̱.

2 Ko̱ri̱nto̱ 4:1

I̱yo̱ko̱ zin eci Ta̱mu̱ta̱dde̱n edete kar kaanya gool ci kedemzike ol kaviyak cik abunna, ngen i̱i̱te̱n imma kutubur nong kar kibiliz de̱mzi̱ne̱t ol.

2 Ko̱ri̱nto̱ 4:16

I̱yo̱ko̱ zin, eci naga ka̱gga̱ go̱o̱le̱ ci kapirnane zo̱ze̱ ci kuwahek ol zoz ci Ta̱mu̱ta̱dde̱no̱ kar ol cik meelek ko̱to̱ngo̱o̱ltte̱ Ta̱mu̱ta̱dde̱n, iróng zin kaburnna nong li̱ngli̱ngo̱ne̱ necu kar kibilizta de̱mzi̱ne̱t ol zoz ci Ta̱mu̱ta̱dde̱no̱. Ming ize ddi̱ki̱ro̱n nu̱nu̱n, eelannet Ta̱mu̱ta̱dde̱n odohize, aanyyet komiz zi̱nze̱tti̱nne̱.

Ga̱la̱ti̱a̱ 6:9

Ma arnannu ngati ogonnu zoz ci abunna. Ming emenannu li̱ngli̱ngo̱ne̱ ci Ta̱mu̱ta̱dde̱no̱, amuccu̱ng atin Ta̱mu̱ta̱dde̱n i̱i̱te̱ne̱ ci a̱gga̱ enne.

2 Te̱se̱lo̱ni̱ka̱ 3:13

Gonogga wak zinino, ma apirnannu zo̱ze̱ ci ogonnu kaal cik abunna.

I̱bu̱ru̱ 12:2

Abunna karike zi̱nze̱tti̱ do̱o̱k Ye̱su̱ wa anyahakket tu̱we̱ne̱t kar kidiman tu̱we̱ne̱t cinna kubunna ju̱rru̱m. Eci enne ere talninet ci okko enne a̱ti̱ri̱ze̱t agita, inim zin enne daiz keete ci een ta̱la̱ke̱c zo̱ze̱ ci talninet neci, iróng enne ngen o̱ngo̱o̱le̱ gi̱i̱ imma. I̱yo̱ko̱ aanyik Ta̱mu̱ta̱dde̱n nonno ka̱vvu̱ ngatinne a̱tte̱ ci a̱zzo̱ ta̱mu̱-kenga.

I̱bu̱ru̱ 12:5

I̱bbi̱rttu̱ng o̱o̱tti̱ zo̱ze̱ bali i̱lo̱ttu̱ng Ta̱mu̱ta̱dde̱n izet dooli ciginnek azi ne, “Dooli cigannik, ma ebezbezannu ti̱lo̱wi̱ne̱t ci Manyi, ma aburnnu nong ming a̱du̱wa̱kku̱ng zoz ci een de̱de̱.

I̱bu̱ru̱ 3:1

Gotonogga ki ngonogga wak tu̱we̱nta̱k balik awuyyung Ta̱mu̱ta̱dde̱n wa a̱li̱le̱ ta̱mu̱-kenga, i̱no̱ni̱t zoz ci Ye̱su̱ ko̱, wa een to̱ni̱a̱t ci Ta̱mu̱ta̱dde̱no̱ kar bo̱do̱k kize alaan ci a̱ddi̱ki̱re̱ wawaco wa ka̱tu̱ naga zoz cinne.

1 Peturu 2:23

Ming nu̱nu̱n odom ol nonno, iróng enne abarizek nogo kodom bu̱k, ma baling apirna enne lo̱o̱ta̱ ngatu ke̱, ngen enne kutuburek e̱e̱t imma nong. Abarik zin enne a̱tu̱ Ta̱mu̱ta̱dde̱n wa apahek ol lo̱ki̱ko̱ ju̱rru̱m.

O̱no̱zzo̱k 2:3

Inimttu niga no̱ngi̱tto̱n zo̱ze̱ ci zar cigannik, iróng zin niga apirnannu zo̱ze̱ necu.