I̱bu̱ru̱ 12:29 - Tennet

²⁹ Eci Ta̱mu̱ta̱dde̱n ci ka̱di̱ngdi̱nga̱n naga ko̱ ogon ki i̱yo̱ko̱ gwa̱a̱ ci atuz kaal ne lai.

I̱bu̱ru̱ 12:29 Iomraidhean Croise

Lu̱ge̱z 15:7

Imma zin doize ci ele cunne de̱de̱, ommogu zin i̱nna̱ ol do̱o̱k wak adangnyi i̱nne̱ta̱. Idita zin zoz ci aburneke i̱nna̱ nogo nong ne pid, u̱tu̱gu̱ ki i̱yo̱ko̱ gwa̱a̱ ming adita tabara.

2 Ko̱ri̱nto̱ 5:11

Ki i̱yo̱ko̱ ming ka̱gga̱ naga zoz ci ko̱ngo̱o̱li̱ne̱ Manyi ko̱, korongnyya la̱du̱n kanyakta ol Manyi. A̱gga̱ Manyi baiz cinna ki kaal cik kedemez naga ko̱, karike zin anna zinin a̱gga̱yyu̱ niga bu̱k baiz cinna̱ng.

2 Te̱se̱lo̱ni̱ka̱ 1:7

A̱a̱nyu̱ng atin Ta̱mu̱ta̱dde̱n abait yahe niga ol ne̱k a̱gi̱ddu̱ng ol ko̱, ogonekket agit bu̱k ming okko Manyi Ye̱su̱ alucak lo̱o̱c ta̱mu̱-kenga ki anjilonya ciginnek.

2 Te̱se̱lo̱ni̱ka̱ 1:8

Anyaha ki gwo̱o̱ ci okko edeze ol cik iróng a̱tu̱ zoz ci Ta̱mu̱ta̱dde̱no̱, ki ol cik iróng elemi kaviyak cik abunna Manyitinna Ye̱su̱.

I̱bu̱ru̱ 10:27

Abarik e̱e̱ti̱ ci anyak mu̱nye̱n ko̱, abak ngo̱li̱nte̱ ci okko Ta̱mu̱ta̱dde̱n ettede lo̱ki̱ko̱, kar ol wak adite iina iróng aziye zoz cinne, atuze gwo̱o̱ye̱ ci apadpadi oroot.

I̱bu̱ru̱ 10:31

A̱gga̱c zoz necu ju̱rru̱m, gerza oroot ming a̱kku̱nna̱k e̱e̱ti̱ ngu̱m ci Ta̱mu̱ta̱dde̱no̱ kar ketted lo̱ki̱ko̱ cinne, aanyik zoz necu e̱e̱t ngo̱li̱ne̱t oroot.

2 Peturu 3:7

Abarik zin Ta̱mu̱ta̱dde̱n aanyik lo̱o̱c cu ki ta̱mu̱-keng ka̱vvu̱to̱ zee ki̱ki̱ya̱ i̱i̱te̱ni̱ ci okko enne ettede lo̱ki̱ko̱. Kar zin atin enne kakatek gwo̱o̱, kar kidita ol do̱o̱k wak iróng a̱tu̱ zoz cinne.