I̱bu̱ru̱ 12:25 - Tennet

²⁵ U̱zu̱tte̱ zin, abunna ming aziknnu zoz ci Ta̱mu̱ta̱dde̱n ci ozozikkung ko̱. Iróng olli Ya̱u̱do̱ a̱vi̱r ba̱li̱ye̱ balala baling abure zoz ci Musesi, iróng zin naga ka̱vi̱r zoz ci Ta̱mu̱ta̱dde̱no̱ ci ozozikket ta̱mu̱-kenga ko̱, ming kaburnna zoz cinne.

I̱bu̱ru̱ 12:25 Iomraidhean Croise

Lu̱ge̱z 16:29

Abunna ming a̱gga̱yyu̱ o̱o̱tti̱ne̱ cuggo̱k a̱a̱nyu̱ng Manyi I̱i̱te̱n wa Yu̱bze̱nto̱; zoz zin ci a̱a̱nyu̱ng enne i̱ge̱t da̱i̱ne̱t cik gwo̱o̱nya̱ rama i̱i̱te̱ne̱ ci een torkonom. Anyik ol do̱o̱k ka̱vvu̱to̱ nga̱to̱de̱ i̱i̱te̱n ci een turgerem; iróng e̱e̱ti̱ imma iyowa okko ngamani.”

Lu̱ge̱z 20:22

U̱du̱wa̱k zin Manyi Muses zoz ci azi ne, “Ti̱lo̱we̱k olli Israilo zoz cu: ‘Icinntu niga e̱le̱tti̱ne̱ cuggo̱k ming kozozeung anna i̱ge̱t ta̱mu̱-kenga.

Ma̱te̱yo̱ 17:5

Imma baling ngen enne ozozi, i̱ki̱ya̱k zin nogo di̱i̱z ci voori, kar zin mului kize di̱i̱za̱ ne, “Een necu Ngeranni wa kirezi; katalne anna oroot ngatinne. Iziyyet zoz cinne.”

Ma̱te̱yo̱ 8:4

U̱du̱wa̱k zin Ye̱su̱ nonno, a̱nne̱k ne, “Ma okko a̱du̱wa̱k e̱e̱t imma. Abarik bit ye̱le̱k ele e̱e̱t ci wawaco Ce̱e̱ze̱ wa Ta̱mu̱ta̱dde̱no̱, kar anyik muci cunne ki bali ming a̱du̱wa̱ ti̱lo̱wi̱ne̱t wa Musesi ke̱, kar ol kicinnet ka̱gga̱c zoz cunne.”

Buk wa To̱ni̱a̱u̱ 7:35

“Een necu Muses bali abure ol ke̱ kar bali kizettek nonno ne, ‘Ngene ci aanyi i̱nne̱t ize alaan ci ettedi zoz cinna̱ng?’ I̱tto̱n zin Ta̱mu̱ta̱dde̱n abarik nonno kize e̱e̱t ci abal kar bo̱do̱k keela nogo ngati anjilo bali iyowak nonno garuwe zare bali atuze kiwagon gwa̱a̱ ke̱.

1 Te̱se̱lo̱ni̱ka̱ 5:15

Ma acacannu kaal cik gerzek ogonekku̱ng ol, abarik u̱tu̱gu̱zze̱k ol do̱o̱k kaal cik abunna.

2 Ti̱mo̱te̱yo̱ 4:4

Ungnek abarik atin zoz wa een de̱de̱ lo̱o̱c, kar zin koronggit kiziyet zoz ci iróng een de̱de̱.

I̱bu̱ru̱ 1:1

Imma da̱ bali reena, go̱o̱lo̱we̱ cik meelek, ozozik Ta̱mu̱ta̱dde̱n ji̱ji̱ti̱gga̱c balik reentik ke̱, zoz wainne go̱o̱le̱ ci i̱tto̱na̱ne̱ a̱ri̱tto̱k cik zoz ci Ta̱mu̱ta̱dde̱no̱ ki̱vi̱ta̱ ku̱du̱kta̱k ol zoz ci a̱du̱wa̱ enne.

I̱bu̱ru̱ 11:7

Imma bo̱do̱k tu̱we̱nte̱ ci e̱e̱t ci een zara Nowa, izik zoz bali i̱lo̱ti̱ke̱ Ta̱mu̱ta̱dde̱n ke̱ kar kuk ku̱tu̱gu̱ gi̱i̱ ci iróng enne acin bu̱k. Idiman zin i̱bo̱ ci a̱ddi̱ki̱re̱ kar ki̱ti̱ri̱z ol ciginnek. Utuburek zin Nowa olli lo̱o̱tu̱ nong, aanyik zin Ta̱mu̱ta̱dde̱n nonno kubunna eci enne anyak tu̱we̱ne̱t.

I̱bu̱ru̱ 12:19

Iziyyet nege muluk ci o̱ngo̱o̱le̱ nege oroot biye neci, ilalek Ta̱mu̱ta̱dde̱n abunna ming abiliz muluk neci.

I̱bu̱ru̱ 3:12

Artta iin, gotonogga ki ngonogga, ma i̱zzo̱yu̱ mu̱nye̱n cik iróng a̱a̱nyu̱ng u̱tu̱we̱t Ta̱mu̱ta̱dde̱n bak a̱ti̱kku̱ tu̱.

I̱bu̱ru̱ 3:17

Omoze ba̱li̱ye̱ Ta̱mu̱ta̱dde̱n ngatinne̱ng e̱rki̱nya̱ moten we̱c, eci nege u̱tu̱gu̱zzo̱ mu̱nye̱n ngati iróng a̱tu̱ nonno, kar zin ka̱da̱i̱to̱ balala.

I̱bu̱ru̱ 8:5

Imma zin kaala cik ogon olli wawaco Ce̱e̱ze̱ wa Ta̱mu̱ta̱dde̱no̱ lo̱o̱ta̱ ngatu ko̱, kaal wak i̱ya̱kza̱ Ce̱e̱z wa Ta̱mu̱ta̱dde̱no̱ ta̱mu̱-kenga. Zoz zin ci bali a̱du̱wa̱k Ta̱mu̱ta̱dde̱n Muses baling eenyet enne Ce̱e̱z wa Ta̱mu̱ta̱dde̱no̱ een ti̱ti̱ ko̱ balala, izek nonno ne, “Ziyo ju̱rru̱m, tu̱gu̱ kaal ne̱ko̱ do̱o̱k go̱o̱le̱ bali ka̱du̱wa̱ki̱ baling kurumto biye wa een zara Sinai ke̱.”

1 Peturu 1:22

I̱yo̱ko̱ i̱ti̱vi̱ltu̱ niga zi̱nze̱tti̱ cuggo̱k kizeto caale ngati elemnyyu zoz ci een de̱de̱, kar anyait rezinet ci een de̱de̱ ki gotonogget wak a̱tu̱we̱, irezit e̱le̱tti̱ cuggo̱k oroot, rezinet ci a̱kku̱ zinina.

O̱no̱zzo̱k 19:10

Imma ngatu kakateya anna nonno u̱zu̱ngti̱nne̱ zoone ciginnek kar ki̱di̱ngdi̱nga̱n nonno. Ma̱i̱je̱ enne a̱nne̱ka̱ ne, “Ma ogoni niko! Ke̱e̱ni̱ anna du̱ca̱i̱t ki i̱nne̱t ki gonoggu wak a̱gga̱m zoz ci Ye̱su̱. Di̱ngdi̱nga̱n Ta̱mu̱ta̱dde̱n do̱ niko! Eci zoz ci obod ki Ye̱su̱ ko̱ ci ozoz a̱ri̱tto̱wa̱ ko̱.”

O̱no̱zzo̱k 22:9

Ma̱i̱je̱ enne a̱nne̱ka̱ ne, “Ma ogoni zoz necu! Ke̱e̱ni̱ anna du̱ca̱i̱t ci Ta̱mu̱ta̱dde̱no̱ ki i̱nne̱ta̱ bu̱k, ki gotonogget wak e̱e̱ggi̱n a̱ri̱tto̱k cik zoz ci Ta̱mu̱ta̱dde̱no̱ ki ol wak azunne zoz ci e̱he̱rye̱ buwe cu. Di̱ngdi̱nga̱n Ta̱mu̱ta̱dde̱n do̱ niko!”