I̱bu̱ru̱ 12:23 - Tennet

²³ I̱tto̱zzu̱ niga nginti aavtte a̱bu̱nya̱ ke̱le̱ci̱e̱ ci Ta̱mu̱ta̱dde̱no̱, wak e̱he̱rye̱ zara cigge̱k buwe ci Ta̱mu̱ta̱dde̱no̱ ta̱mu̱-kenga. I̱vi̱ta̱u̱ niga Ta̱mu̱ta̱dde̱n ele ci okko etted lo̱ki̱ko̱ ci kaal do̱o̱k. I̱vi̱ta̱u̱ niga vongizzok cik ol cik abunna idiman Ta̱mu̱ta̱dde̱n kubunnta ta̱mu̱-kenga.

I̱bu̱ru̱ 12:23 Iomraidhean Croise

Kananet 18:25

Iróng wo̱ye̱ i̱nna̱ a̱ru̱i̱ ol cik abunna ki cik gerzek nga̱to̱de̱, iróng wo̱ye̱ i̱nna̱ ogonni ol cik abunna ki cik gerzek kutubto. Iróng een niko. Abunna i̱nna̱ Manyi ettedi lo̱ki̱ko̱ ci lo̱o̱tu̱ go̱o̱le̱ ci abunna.”

Lu̱ge̱z 13:2

“Anyaktang a̱bu̱nya̱ cik macik annita kizeto cigannik, eci a̱bu̱nya̱ cik olli Israilo cik diirik icima cik kaalu e̱e̱ggi̱n cigannik.”

Lu̱ge̱z 4:22

Kar zin du̱wa̱k alaan ci Masiro ize ne, ‘Een necu zoz ci a̱du̱wa̱ Manyi: E̱e̱ggi̱n olli Israilo do̱le̱c cinanni wa een a̱bu̱,

Lu̱ka̱ 10:20

Ma zin atalninnu zo̱ze̱ ci o̱ngo̱o̱li̱nnu̱ng kuulo i̱ge̱ta̱, abarik atalit zo̱ze̱ ci eteherte zara ciggo̱k ta̱mu̱-kenga.”

Kaviyak wak Abunna Ta̱mu̱ta̱dde̱no̱ eher Joni 5:27

Aanyik zin Ngerinne komiz ci ettede lo̱ki̱ko̱ ci ollu eci enne een Ngerrti E̱e̱to̱.

Buk wa To̱ni̱a̱u̱ 20:28

U̱zu̱tte̱ e̱le̱tti̱ ciggo̱k ki ol wak a̱a̱nyu̱ng Vongizi ci A̱li̱le̱, abunna ming aballu nogo. Izet tuwayok cik ke̱le̱ci̱a̱ ci Ta̱mu̱ta̱dde̱no̱, wak balik uuta Ye̱su̱ bi̱ye̱te̱ ciginnek ke̱.

1 Ko̱ri̱nto̱ 13:12

I̱yo̱ko̱ kacinna naga de̱de̱ Ta̱mu̱ta̱dde̱n ogon ki ri̱ri̱to̱ni̱ ci di̱i̱zo̱ ming kacin miraya. Imma vu̱rrta̱ kacin atin nonno eberene. Iróng naga ka̱gga̱ kaal do̱o̱k, kovvo atin naga ka̱gga̱, ki i̱yo̱ko̱ Ta̱mu̱ta̱dde̱n ming a̱gga̱yye̱t agit do̱o̱k ko̱.

1 Ko̱ri̱nto̱ 15:49

Ki i̱yo̱ko̱ zin ming ka̱du̱wo̱ naga ki e̱e̱t bali eenyca Ta̱mu̱ta̱dde̱n todowai ke̱, kovvo atin naga bo̱do̱k ka̱du̱wo̱ ki e̱e̱t bali a̱kku̱ ta̱mu̱-kenga ke̱.

1 Ko̱ri̱nto̱ 15:54

Imma e̱le̱tti̱ cik kanyak naga i̱yo̱ko̱ ko̱, amuje kar bo̱do̱k ovvo atin a̱da̱i̱. Abarik ukce atin e̱le̱tti̱ kizeto e̱le̱tti̱ cik abak udut. Kar zin zo̱zzo̱wa̱ cik e̱he̱rye̱ Warage ci Ta̱mu̱ta̱dde̱no̱ kizeto de̱de̱, azi ne, “I̱llo̱i̱ daiz komiz. Ommog Ta̱mu̱ta̱dde̱n daiz.

2 Ko̱ri̱nto̱ 5:8

Ki i̱yo̱ko̱ ming ka̱du̱wa̱ ko̱, karikka naga zi̱nze̱tti̱ Ta̱mu̱ta̱dde̱n, korongnyya ko̱do̱tte̱yya̱ e̱le̱tti̱ cik kabahe naga i̱yo̱ko̱ ko̱ lo̱o̱c, kar ka̱vvu̱tta̱ ki Manyi ce̱e̱za̱, ta̱mu̱-kenga.

Evesos 1:22

Aanyik Ta̱mu̱ta̱dde̱n Ki̱ri̱sto̱ kabal kaal do̱o̱k, adima zin Ye̱su̱ kize alaan ci a̱ddi̱ki̱re̱ ngati ol wak ke̱le̱ci̱a̱k a̱tu̱ nonno do̱o̱k.

Vilipia 4:3

Ka̱jji̱ni̱n goona de̱de̱, kar eela ngaai ne̱k arike e̱le̱tti̱ ki annita li̱ngli̱ngo̱ne̱ ci kaviyak cik abunna, ki bo̱do̱k e̱e̱t ci een Kelemen ki ol u̱gge̱ wak ka̱li̱ngli̱ngnya̱ bu̱k, ol wak e̱he̱rye̱ zara cigge̱k buwe ci rugeto.

Kolosiya 1:12

Kar aanycik Baba zany ci elemannu̱ng i̱ge̱t kar ozolit zoz ci u̱du̱wa̱k enne ol cik Ta̱mu̱ta̱dde̱no̱ ba̱a̱li̱ne̱t ci abahe ol vooritena.

Kolosiya 1:24

I̱yo̱ko̱ zin, katalne anna eci kipira zo̱ze̱ cunno̱ng, eci u̱ce̱zi̱ ci eliye cinanni ko̱, korongi anna kedecak piryanzet bali apirnane Ki̱ri̱sto̱ zo̱ze̱ ci ol wak a̱tu̱we̱.

1 Ti̱mo̱te̱yo̱ 3:5

Ming iróng e̱e̱ti̱ abal orog wainne ju̱rru̱m, iróng wo̱ye̱ azunne ol wak a̱tu̱we̱ ke̱le̱ci̱a̱k Ta̱mu̱ta̱dde̱no̱.

I̱bu̱ru̱ 11:4

Umuc ba̱li̱ye̱ e̱e̱ti̱ ci een Abel tu̱we̱nta̱ Ta̱mu̱ta̱dde̱n gi̱i̱ye̱ ci ommog ci gotononi Kain. Kar bo̱do̱k tu̱we̱nta̱, icin Ta̱mu̱ta̱dde̱n nonno kize e̱e̱t ci abunna. Ozoz Ta̱mu̱ta̱dde̱n ju̱rru̱m gi̱i̱ye̱ ci amuce enne nonno. Kar bo̱do̱k baling a̱da̱k Abeli nu̱nu̱n, ngen Ta̱mu̱ta̱dde̱n ozozikket zo̱ze̱ ci tu̱we̱ne̱t cinne.

I̱bu̱ru̱ 11:40

Anyak Ta̱mu̱ta̱dde̱n gi̱i̱ ci abunna oroot zinine cinne ci orong kaanyyet agit do̱o̱k, abunna kazuca nginti A̱li̱le̱ ta̱mu̱-kenga ki ol ne̱ke̱ do̱o̱k nga̱to̱de̱.

I̱bu̱ru̱ 2:12

Eci enne a̱nne̱k Ta̱mu̱ta̱dde̱n ne, “Kokko atin kuwahek zoz cunne gotonogga; Imma ngati aavtte ol cik ke̱le̱ci̱a̱k do̱o̱k, kinnati atin anna i̱nne̱ta̱ lo̱nga̱.”

I̱bu̱ru̱ 9:27

Izikto da̱ ju̱rru̱m, ogon zin zoz necu ki ming a̱da̱i̱ e̱e̱ti̱ ci diiri arrak, kar vu̱rrta̱ Ta̱mu̱ta̱dde̱n ketted lo̱ki̱ko̱ kaale wak gerzek u̱tu̱gu̱ enne.

Je̱mi̱s 1:18

Atahalaet enne agit zo̱ze̱ cinne wa een de̱de̱, kar kaanyyet ruget, kar naga kizet muci ciginnek wak oowu kaale wak eteehenya enne do̱o̱k.

1 Peturu 2:23

Ming nu̱nu̱n odom ol nonno, iróng enne abarizek nogo kodom bu̱k, ma baling apirna enne lo̱o̱ta̱ ngatu ke̱, ngen enne kutuburek e̱e̱t imma nong. Abarik zin enne a̱tu̱ Ta̱mu̱ta̱dde̱n wa apahek ol lo̱ki̱ko̱ ju̱rru̱m.

O̱no̱zzo̱k 13:8

Ovvo atin olli lo̱o̱tu̱ do̱o̱k a̱di̱ngdi̱nga̱n e̱le̱gi̱t, ol wak iróng zara cigge̱k e̱he̱rye̱ buwe ci rugeto baling ngen looci keteehenye, een bui necu ci Nyoon wa bali a̱ru̱we̱ ke̱.

O̱no̱zzo̱k 14:4

E̱e̱ggi̱n ne̱ko̱ ol cik iróng a̱wu̱l e̱le̱tti̱ ngaane, eci azunne e̱le̱tti̱ cigge̱k kizeto caale ne paz. Annu nege Nyoon rok nginti okkoye enne. Ataltai nege arrak oowa orgene ci ol cik diirik kar kanycozik nogo kizeto cik Ta̱mu̱ta̱dde̱no̱ ki ci Nyoono, kar nege kizeto ol cik riilik lo̱o̱ta̱ ngatu.

O̱no̱zzo̱k 20:15

Ming iróng zara cik e̱e̱t imma e̱he̱rye̱ buwe ci rugeto, u̱ju̱ko̱zi̱k enne kuk gwo̱o̱ye̱ ci apadpadi oroot ke̱.

O̱no̱zzo̱k 6:11

Kar kanyozik nogo do̱o̱k e̱co̱de̱ e̱co̱de̱ ru̱u̱ma̱ni̱ cik voorik, kar kaanyik kereyo arrak do̱yo̱i̱t baling u̱ru̱kte̱ nege, zee ku̱ru̱kte̱ du̱cca̱ha̱ ngonoggi ki gotonoggi do̱o̱k.

O̱no̱zzo̱k 6:9

Baling u̱du̱l enne mutulac ci een tu̱r ko̱, kicina i̱te̱le̱ lo̱o̱ta̱ vongizzok cik ol balik u̱ru̱kte̱ ke̱, eci a̱ru̱we̱ zo̱ze̱ ci Ta̱mu̱ta̱dde̱no̱ ki zoz ci ibbac nege.