I̱bu̱ru̱ 12:22 - Tennet

²² Imma ngatu, i̱vi̱ta̱u̱ niga bee ci een Zion, lo̱o̱c ci Ta̱mu̱ta̱dde̱no̱, Jerusalem ci aave ta̱mu̱-kenga, aavtte anjilonya cik e̱e̱ggi̱n i̱bbo̱nge̱t cik meelek giir, atalne oroot.

I̱bu̱ru̱ 12:22 Iomraidhean Croise

Ma̱te̱yo̱ 16:16

O̱bo̱de̱k zin Si̱mo̱ne̱ Peturu, “E̱e̱ni̱ i̱nna̱ Ki̱ri̱sto̱ Ngerrti Ta̱mu̱ta̱dde̱n wa aruge.”

Ma̱te̱yo̱ 5:35

icima lo̱o̱c, een looci nginti aavtte zoona cik Ta̱mu̱ta̱dde̱no̱, icima Jerusalem, een necu orog ci aave alaani wa a̱ddi̱ki̱re̱ een Ta̱mu̱ta̱dde̱n.

Roma 11:26

Kar zin atin vu̱rrta̱, i̱vi̱ta̱ olli Israilo do̱o̱k urubta ti̱ri̱ze̱ne̱t. Ki i̱yo̱ko̱ e̱he̱rye̱ Warage ci Ta̱mu̱ta̱dde̱no̱, azi ne, “A̱kku̱ atin e̱e̱ti̱ imma ci okko a̱ti̱ri̱z ol do̱o̱k o̱rge̱ ci een Zion. Okko atin enne aara ol wak iróng elemi Ta̱mu̱ta̱dde̱n olle wak aavtte ki Ya̱ko̱bo̱.

Roma 9:26

Azi bo̱do̱k Hoseyya ne, “U̱du̱ya̱i̱ ba̱li̱ye̱ zoz necu: ‘Iróng niga e̱e̱ggi̱nnu̱ ol cigannik,’ awu atin ol nogo kizeto ‘dooli cik Ta̱mu̱ta̱dde̱no̱.’”

Ga̱la̱ti̱a̱ 4:26

Ma̱i̱je̱ ngaa ci een zara Sarah ko̱, i̱ya̱bzo̱ni̱k nonno orogi ci een Jerusalem tu̱we̱nta̱ ci aave ta̱mu̱-kenga, ci i̱llo̱i̱ e̱e̱t imma ci een du̱ca̱i̱t. Een enne e̱e̱ti̱nna̱, ol wak a̱tu̱ Ye̱su̱ do̱o̱k,

Evesos 2:19

Niga ol wak iróng e̱e̱ggi̱n Ya̱u̱d, iróng niga e̱e̱ggi̱nnu̱ mo̱ddo̱ icima i̱do̱ngi̱ ngu̱me̱ ci Ta̱mu̱ta̱dde̱no̱, abarik izetu niga boor co̱de̱ ki i̱yo̱ko̱ ol wak een boor ci Ta̱mu̱ta̱dde̱no̱ a̱tu̱ nonno ko̱.

Vilipia 3:20

Ma̱i̱je̱ naga ke̱e̱ggi̱n ol cik ta̱mu̱-kengo. Kere zin naga oroot Ti̱ri̱zo̱i̱t Manyi Ye̱su̱ Ki̱ri̱sto̱ ci atin a̱kku̱ ta̱mu̱-kenga.

1 Te̱se̱lo̱ni̱ka̱ 1:9

U̱du̱ktta̱i̱t ol do̱o̱k gool bali a̱gga̱mnyu̱ niga nogo baling i̱tto̱zzo̱ nege orog cunno̱ng, kar zin bo̱do̱k utuburtu gool ci a̱tu̱yyu̱ to̱do̱yyo̱k kar alac Ta̱mu̱ta̱dde̱n wa aruge een de̱de̱,

2 Ti̱mo̱te̱yo̱ 4:18

Ka̱gga̱ niko ming eelanna atin Manyi kaale wak gerzek do̱o̱k, kar kuwuya ngati ba̱a̱li̱ne̱t ci ta̱mu̱-kengo. Abunna abarik ming ka̱di̱ngdi̱nga̱n nonno niko udut. Nonno nenen.

I̱bu̱ru̱ 10:31

A̱gga̱c zoz necu ju̱rru̱m, gerza oroot ming a̱kku̱nna̱k e̱e̱ti̱ ngu̱m ci Ta̱mu̱ta̱dde̱no̱ kar ketted lo̱ki̱ko̱ cinne, aanyik zoz necu e̱e̱t ngo̱li̱ne̱t oroot.

I̱bu̱ru̱ 11:10

Imma Aburahami bo̱do̱k ere orog ci riili eenyet Ta̱mu̱ta̱dde̱n.

I̱bu̱ru̱ 11:16

Abarik nege orong orog ci riili aave ta̱mu̱-kenga, iróng zin a̱li̱ya̱ni̱ a̱da̱k Ta̱mu̱ta̱dde̱n ming awu nege nonno Ta̱mu̱ta̱dde̱n cinne̱ng, eci adimanek nogo orog ta̱mu̱-kenga.

I̱bu̱ru̱ 13:14

Ka̱gga̱ naga ju̱rru̱m iróng looci cu ci kabahe udut, anyak atin orog ci aave udut, ngen naga kere orog ci aave do̱ ci atin a̱kku̱.

I̱bu̱ru̱ 3:12

Artta iin, gotonogga ki ngonogga, ma i̱zzo̱yu̱ mu̱nye̱n cik iróng a̱a̱nyu̱ng u̱tu̱we̱t Ta̱mu̱ta̱dde̱n bak a̱ti̱kku̱ tu̱.

I̱bu̱ru̱ 9:14

Izikto zin ju̱rru̱m, ming anyak da̱ bi̱ye̱ta̱ cik kaal cik kapahek naga Ta̱mu̱ta̱dde̱n ko̱ doiz, imma ngati Vongiz ci A̱li̱le̱ udut, anyak bi̱ye̱ta̱ cik Ye̱su̱ komiz kommog bi̱ye̱ cik kaalu, aanyik enne ele cinne Ta̱mu̱ta̱dde̱n ngati a̱da̱kne̱ ki̱zze̱c rok mu̱nye̱n ngatinne. A̱vi̱la̱ atin bi̱ye̱ta̱ cik Ki̱ri̱sto̱ kaale cik kabaccit lo̱o̱ta̱ ngatu, kar atin kala icima ka̱li̱ngli̱ng zoz cinne ki̱zze̱c rok mu̱nye̱n cik okkoyyet daiza.

Ju̱da̱ 1:14

Imma e̱e̱ti̱ ci een zara Enok wa een do̱le̱c ci do̱le̱c ci Adami, u̱du̱wa̱ zoz ci ol ne̱ko̱: “Icinnet, a̱kku̱ Manyi ki ol ciginnek a̱li̱le̱ meelek giir,

O̱no̱zzo̱k 14:1

Kicina zin anna bo̱do̱k Nyoon ci abile biye ci een zara Zion, ki ol cik e̱e̱ggi̱n i̱bbo̱nge̱t o̱bo̱n co̱de̱ ki i̱bbo̱nge̱t moten we̱c ki i̱bbo̱nge̱t we̱c (144,000) wak e̱he̱rye̱ zara cik Nyoono ki cik Baatinne ngu̱mtti̱nne̱ cigge̱k.

O̱no̱zzo̱k 21:10

Kar zin enne kodonga annit Vongize ci Ta̱mu̱ta̱dde̱no̱ o̱no̱zo̱we̱ okkoyya biye ci a̱ddi̱ki̱re̱ wu̱u̱ni̱ oroot, kar ki̱ye̱le̱ya̱ orog ci A̱li̱le̱, wa een Jerusalem, a̱kku̱ ta̱mu̱-kenga ngati Ta̱mu̱ta̱dde̱no̱ alucak lo̱o̱c.

O̱no̱zzo̱k 21:2

Kedenya orog ci A̱li̱le̱, een Jerusalem ci een jor, iyowa ta̱mu̱-kenga ngati Ta̱mu̱ta̱dde̱no̱, kar zin kidiman ele ogon ki nyatirani ci aime ki̱zi̱zi̱ kicin mac cinne.

O̱no̱zzo̱k 22:19

Ming aara e̱e̱ti̱ imma zoz imma buwe ci i̱ye̱le̱ka̱ Vongizi ci Ta̱mu̱ta̱dde̱no̱ ko̱, engera atin Ta̱mu̱ta̱dde̱n taban cinne keete ci rugeto ki o̱rge̱ ci a̱ddi̱ki̱re̱ a̱li̱le̱, cik e̱he̱rye̱ buwe cu ko̱.

O̱no̱zzo̱k 3:12

Imma e̱e̱ti̱ ci anime no̱ngi̱tto̱n, kanyike anna kize lolac Ce̱e̱ze̱ ci Ta̱mu̱ta̱dde̱n cinanni. Iróng atin enne ngen ungnek lo̱o̱c udut. Keherike atin anna nonno zar cik Ta̱mu̱ta̱dde̱n cinanni ki zar cik orog wa a̱ddi̱ki̱re̱ wa Ta̱mu̱ta̱dde̱n cinanni, Jerusalem ci een jor, ci atin a̱kku̱nna̱k lo̱o̱c ta̱mu̱-kenga ngati Ta̱mu̱ta̱dde̱n cinanni; kar anna keteherik nonno zar cigannik een jor ko̱.

O̱no̱zzo̱k 7:2

Kar anna kicin anjilo imma ci a̱kku̱ o̱to̱ne̱ ci je̱e̱ni̱, anyak baayenit ci Ta̱mu̱ta̱dde̱n wagon aruge ko̱ a̱tta̱. Utu zin enne anjilonya cik e̱e̱ggi̱n we̱c ko̱ muluwe ci a̱ppwe̱, e̱e̱ggi̱n nege anjilonya cik anyonike nogo doizi ci kar kegerezanit lo̱o̱c ki nyatapar ci a̱ddi̱ki̱re̱: