I̱bu̱ru̱ 12:13 - Tennet

¹³ Anyik tu̱we̱ne̱t cunno̱ng kibil ṯop, kar ol wak iróng a̱tu̱we̱ oroot abakku bu̱k ci iróng a̱mi̱re̱ ki vu̱rru̱t tu̱we̱nta̱, abarik eela baizi cunno̱ng nogo kokkomit tu̱we̱nta̱ ne kak.

I̱bu̱ru̱ 12:13 Iomraidhean Croise

Lu̱ka̱ 3:5

Aanycik lo̱wu̱la̱nge̱t do̱o̱k kibbiztante, aanycik biyen ki zi̱i̱ryo̱k do̱o̱k ka̱vvu̱to̱ lo̱o̱ta̱. Okko gool ci a̱lu̱ce̱, okko atin aave ṯop, okko gool ci gerze, abunna atin ju̱rru̱m.

Ga̱la̱ti̱a̱ 2:14

Baling kicina iróng ol ne̱ke̱ abak zo̱ze̱ ci een de̱de̱ kaviyahe cik abunna, ku̱du̱wa̱ zin anna Peturu zoz cu orgene ci ollu do̱o̱k, “Ming e̱e̱ni̱ i̱nna̱ ele e̱e̱ti̱ ci Ya̱u̱do̱ ci abai baiz ki i̱do̱ngo̱je̱nti̱, nya ming orongi i̱nna̱ abunna ming azunne ol cik iróng een Ya̱u̱d ko̱ keer cunno̱ng?”

Ga̱la̱ti̱a̱ 6:1

Gotonogga ki ngonogga, ming i̱ta̱k e̱e̱ti̱ imma mu̱nye̱n, imma niga ol ne̱k okkomnu Vongize ci Ta̱mu̱ta̱dde̱no̱ ko̱, o̱zo̱zze̱k nonno idic kar enne kobodak orgen cunno̱ng. Ming okko e̱e̱ti̱ adiman zoz neci, zuute ele cunne, gerza ming i̱i̱na̱k i̱nna̱ bu̱k mu̱nye̱n.

Je̱mi̱s 5:16

I̱yo̱ko̱ zin, uturtta mu̱nye̱n cuggo̱k gonoggu kar alayek e̱le̱tti̱ cuggo̱k Ta̱mu̱ta̱dde̱n kar ubunntta. Okkomi lawinet ci e̱e̱t ci abunna, kar bo̱do̱k ki̱li̱ngli̱ng oroot.

1 Peturu 2:24

Atala Ye̱su̱ mu̱nye̱n cigga̱c. Odode ba̱li̱ye̱ enne keete wa een ta̱la̱ke̱c kar naga abunna ming kunnek mu̱nye̱n lo̱o̱c kar ka̱vvu̱t baize ci abunna. I̱di̱lle̱t enne agit ngodocete wak balik a̱ru̱we̱ ol nonno ke̱.