I̱bu̱ru̱ 12:1 - Tennet

¹ Eci ibbacit koole ci a̱ppwe̱ olli Ya̱u̱do̱ a̱tu̱ Ta̱mu̱ta̱dde̱n ko̱ tu̱we̱nte̱ ci kabahe naga niko, abunna kungnek mu̱nye̱n lo̱o̱c ki kaal wak adiryyet baiza. Abunna kabak baiz ci kanime no̱ngi̱tto̱n kar kurubta baiz ci aanyyet Ta̱mu̱ta̱dde̱n ko̱.

I̱bu̱ru̱ 12:1 Iomraidhean Croise

Ma̱te̱yo̱ 10:22

Amarinnung atin ol veelek zo̱ze̱ cinanni. Imma e̱e̱ti̱ ci anime niko, amuda atin ti̱ri̱ze̱ne̱t ci Ta̱mu̱ta̱dde̱no̱ ci okko udut.

Ma̱te̱yo̱ 24:13

Ma̱i̱je̱ e̱e̱ti̱ ci abile ju̱rru̱m tu̱we̱nta̱, a̱ti̱ri̱z atin Ta̱mu̱ta̱dde̱n nonno.

Marko 10:50

U̱ju̱ke̱k zin ru̱u̱m cinne lo̱o̱c, itinga je̱e̱na̱ kar ki̱ki̱ya̱k Ye̱su̱.

Lu̱ka̱ 12:15

Kar enne kizek nogo ne, “Icinnet ju̱rru̱m! U̱zu̱tte̱ e̱le̱tti̱ ciggo̱k kar abunna iróng niga anyakku zi̱nze̱tti̱ cik a̱ppi̱nte̱k; riil rugeti ci e̱e̱t ci diiri kommog kaal cik meelek.”

Lu̱ka̱ 16:28

eci anna kanyai gotonogga tu̱r. Anyik nonno ku̱du̱wa̱k nogo gerza nege bo̱do̱k ming a̱vvu̱ nginti apirnane ol ko̱.’

Lu̱ka̱ 21:34

“U̱zu̱tte̱ e̱le̱tti̱, icima ovvo atin zi̱nze̱tti̱ cuggo̱k egerzanne zo̱ze̱ ci gerze, ki udenet merten ki ngo̱li̱ne̱t lo̱o̱c zo̱ze̱ ci baizo, okko atin i̱i̱te̱ni̱ neci a̱kku̱na̱kku̱ng kiwagon tarabai.

Kaviyak wak Abunna Ta̱mu̱ta̱dde̱no̱ eher Joni 3:32

A̱du̱wa̱ kaal cik icin enne ki wak izik enne, abarik i̱llo̱i̱ e̱e̱t ci elemi zoz cinne.

Kaviyak wak Abunna Ta̱mu̱ta̱dde̱no̱ eher Joni 4:39

Elemtta olli Samariyo cik meelek zoz ci Ye̱su̱ baling iziyyet zoz ci a̱du̱wa̱k ngaa nogo zoz ci Ye̱su̱, azi ne, “U̱du̱wa̱ enne kaal cik da̱ kogonni anna do̱o̱k.”

Kaviyak wak Abunna Ta̱mu̱ta̱dde̱no̱ eher Joni 4:44

U̱du̱wa̱ zin Ye̱su̱ enne eliya ize ne, “Iróng ol o̱ngo̱o̱le̱ a̱ri̱to̱i̱t ci zoz ci Ta̱mu̱ta̱dde̱no̱ o̱rge̱ wanne̱ng.”

Roma 12:12

Abunna ming atalninnu ngati arikku zi̱nze̱tti̱ Ta̱mu̱ta̱dde̱n. Ming apirnannu, inimet no̱ngi̱tto̱n, alayo odohize.

Roma 2:7

Aanyik atin enne baiz ci aave udut e̱e̱t wa anime no̱ngi̱tto̱n, ogon kaal cik abunna, kar atin enne ki̱tto̱ di̱ngdi̱ngo̱n ci Ta̱mu̱ta̱dde̱no̱, ki baiz ci aave udut.

2 Ko̱ri̱nto̱ 7:1

Gotonogga ki ngonogga wak kirezi anna ko̱, eci Ta̱mu̱ta̱dde̱n u̱du̱wa̱ zoz cinne kar kaanyyet kizet dooli ciginnek, abunna naga do̱o̱k kabiliz ba̱ci̱nno̱k vongize cinna. Gerza ming kogon kaal cik gerzek, gerza ming ki̱no̱n i̱no̱ni̱ ci gerze. Abunna ko̱ngo̱o̱le̱ Ta̱mu̱ta̱dde̱n, kabak baiz ci caale. Ming ku̱tu̱gu̱zzo̱ naga niko, irezet atin Manyi oroot.

Ga̱la̱ti̱a̱ 2:2

Kokko rok orog neci eci Ta̱mu̱ta̱dde̱n i̱ye̱le̱ya̱ annit abunna ming kokko. Imma bali nginati, kurumtowa ki lo̱ddi̱ki̱re̱ cik ol wak a̱tu̱ Ye̱su̱ lo̱mu̱k, kar koobek nogo kaviyak cik abunna kiwagon kuwahek ol wak iróng een Ya̱u̱d do̱o̱k ko̱. Kogonni zoz necu niko ko̱ gerza ming amurya de̱mzi̱ne̱t necu.

Ga̱la̱ti̱a̱ 5:7

Azunnu ba̱li̱ye̱ niga zoz ci Ye̱su̱ ju̱rru̱m, nya ci uhu o̱o̱tti̱ cuggo̱k bak odotekku zoz ci een de̱de̱ lo̱o̱c?

Evesos 4:25

Imma zin baize ci een jor ko̱, ma ngen bo̱do̱k ovolongnyu, abunna gon ming a̱du̱wa̱k e̱e̱ti̱ gooni zoz ci een de̱de̱, eci naga do̱o̱k kurumte kizeto ele co̱de̱ ngati Ye̱su̱.

Vilipia 1:30

eci niga amudannu pirnanet ki bali ming icinntu niga kapirna anna ke̱, iziyyet zin, ngen anna kapirna dee rok i̱yo̱ko̱.

Vilipia 2:16

Ki i̱yo̱ko̱ ming anyikku niga ol kaviyak cik abunna anyaha zoz ci rugeto, kar atin ming okko Ki̱ri̱sto̱ oboda, katalne atin anna zo̱ze̱ cunno̱ng oroot. Kar anna ka̱gga̱ iróng li̱ngli̱ngo̱ni̱ cinanni okko ollin.

2 Ti̱mo̱te̱yo̱ 2:4

Iróng e̱e̱ti̱ ci ogon ki aciiroci a̱li̱ngli̱nge̱k Ye̱su̱ ko̱ i̱i̱zo̱ li̱ngli̱ngo̱n ci aave do̱. Ogon enne li̱ngli̱ngo̱n neci ju̱rru̱m abunna ming atali Manyi.

2 Ti̱mo̱te̱yo̱ 4:7

Ku̱tu̱gu̱ gi̱i̱ ci abunna li̱ngli̱ngo̱nte̱ ci Ta̱mu̱ta̱dde̱no̱. Kedeca li̱ngli̱ngo̱n bali orong Ta̱mu̱ta̱dde̱n kar kidimanek nonno lo̱o̱ta̱ ngatu ke̱. Kuzute tu̱we̱ne̱t zo̱ze̱ cinne oroot.

I̱bu̱ru̱ 6:15

Erewo zin Aburahami zee kakat zoz bali u̱du̱wa̱ Ta̱mu̱ta̱dde̱n ke̱ mo̱o̱le̱t.

Je̱mi̱s 1:3

Eci Aanyyet timaninet ci tu̱we̱ne̱t cinna gool ci kanime no̱ngi̱tto̱n.

1 Peturu 2:1

Niga gotonogga ki ngonogga tu̱we̱nta̱, ki i̱yo̱ko̱ ming izetu ol cik a̱tu̱yyu̱ Ye̱su̱ Ki̱ri̱sto̱ ko̱, ma amarnonu, ma adaccu gonoggu, ma anyakku meder, ma ozozu ol gerzet, ma e̱e̱ggi̱nnu̱ ol cik a̱ru̱kku̱ talaben.

1 Peturu 4:2

I̱ye̱le̱kke̱t zin zoz necu zoz ci azi ne, utungteu niga kaal cik mu̱nye̱nu̱ amin zi̱nze̱tti̱ ciggo̱k ko̱ do̱o̱k lo̱o̱c, orongnyu u̱tu̱gu̱z zoz ci Ta̱mu̱ta̱dde̱no̱ baize cunno̱ng.

1 Peturu 5:1

Niga ddi̱ki̱rze̱t ci ke̱le̱ci̱o̱, ki ming karume anna ki i̱ge̱t ko̱, kilalekkung ke̱e̱ni̱ bbacait ci Ki̱ri̱sto̱ wa bali a̱gi̱d ol lo̱o̱ta̱ ngatu ke̱ ka̱da̱k, kokko atin anna kozola imma nonno di̱ngdi̱ngo̱n ci okko atin i̱ye̱la̱i̱ ke̱.

1 Peturu 5:12

Eelanna Silasi ngati kehere waraga cu, ka̱gga̱ Silas niko ming een gotonet ci anyak deten. Een waraga ci keherakkung ko̱, waraga ci orongi kar ku̱du̱wa̱u̱ng abunna ming a̱gga̱yyu̱ deten ci Ta̱mu̱ta̱dde̱n ming een de̱de̱ kar abunna ming emenannu ngati a̱tu̱yyu̱ nonno.

2 Peturu 1:6

Otortek genyiz ki laliz ci zi̱nze̱tti̱nnu̱, kar bo̱do̱k otortek laliz ci zi̱nze̱tti̱nnu̱ nimenet no̱ngi̱tto̱n, kar bo̱do̱k otortek nimenet no̱ngi̱tto̱n gool ci arikku zoz ci Ta̱mu̱ta̱dde̱no̱ zi̱nze̱tti̱.

O̱no̱zzo̱k 1:9

Ke̱e̱ni̱ anna Jon, gotonnu cunno̱ng tu̱we̱nta̱, kozol ki i̱ge̱t pirnanet, ki ba̱a̱li̱ne̱t ci Ta̱mu̱ta̱dde̱no̱, ki nimenet no̱ngi̱tto̱n zo̱ze̱ ci Ye̱su̱. Kaave ba̱li̱ye̱ anna lo̱o̱ce̱ ci aburuk maama een Patmos, kabai ki ci kecebje lagama, eci kuwahek ol zoz ci Ta̱mu̱ta̱dde̱no̱, kibbaci bo̱do̱k anna zoz ci Ye̱su̱.

O̱no̱zzo̱k 13:10

Ming anyozik e̱e̱ti̱ imma kar atin ka̱gga̱me̱ illawa, okko atin enne a̱gga̱mnye̱ de̱de̱. Ming u̱du̱ya̱i̱ zoz ci e̱e̱to̱ okko enne a̱ru̱we̱ nya̱tu̱ba̱ta̱ ka̱da̱k, a̱ru̱we̱ atin enne nya̱tu̱ba̱ta̱ de̱de̱. Azi zoz necu ne, anyik ol wak Ta̱mu̱ta̱dde̱no̱ a̱li̱le̱ kinimet zo̱zzo̱k kanyait zi̱nze̱tti̱ cik alali.

O̱no̱zzo̱k 22:16

“Anna Ye̱su̱, ki̱tto̱na̱kku̱ng anna anjilo cinanni kar ku̱du̱wa̱u̱ng i̱ge̱t ol wak a̱tu̱we̱ ke̱le̱ci̱a̱nya̱i̱ do̱o̱k kaal ne̱ko̱. Ke̱e̱ni̱ anna lolac kar kize do̱le̱c ci doolik Da̱vi̱de̱, kar bo̱do̱k kize dhu̱mo̱c ci nge̱rre̱ti̱nu̱ ko̱.”

O̱no̱zzo̱k 3:10

Eci u̱zu̱ttu̱ niga zoz cinanni kar bo̱do̱k anyait nimenet, kazunnung atin anna i̱ge̱ta̱ bu̱k i̱i̱te̱ne̱ ci atimane no̱ngi̱tto̱na̱ cik atin i̱i̱na̱k ol do̱o̱k, atimane ol cik abak lo̱o̱ta̱ ngatu.