I̱bu̱ru̱ 11:9 - Tennet

⁹ Baling okko enne azuca lo̱o̱c neci u̱du̱wa̱ Ta̱mu̱ta̱dde̱n ke̱, abak zin nginati tu̱we̱nta̱. Ogon enne ki e̱e̱ti̱ ci een e̱re̱nno̱i̱t abak ti̱ta̱, aragiz atin dooli cik dooli ciginnek, I̱sa̱ko̱ ki Ya̱ko̱bo̱ lo̱o̱c neci bu̱k.

I̱bu̱ru̱ 11:9 Iomraidhean Croise

Kananet 12:8

Imma zin nginati uk enne biyene o̱to̱ne̱ ci je̱e̱ni̱ o̱rge̱ ci een Bethel kar zin kidiman ti̱ti̱ cinne, aave Betheli nyigja okko Ai aave je̱e̱na̱. Eteehenyek zin enne Manyi i̱te̱le̱ kar zin kutu zare cik Manyi.

Kananet 13:18

Uduca zin Aburami ti̱ti̱ cinne kar kuk ku̱lu̱k kabak keene cik a̱ddi̱ki̱re̱ lo̱o̱ce̱ ci e̱e̱t ci een zara Mamre ojongzo ki orog ci een Hebron, kar zin enne kidimanek i̱te̱le̱ Manyi.

Kananet 13:3

Imma lo̱o̱ce̱ ci een Negev, oto enne lo̱o̱co̱we̱ ki lo̱o̱co̱we̱ rok Bethel, nginti aave orgene ci Bethel ki Ai lo̱o̱c bali arrak aave ti̱ti̱ cinne ke̱

Kananet 17:8

Kaanyi atin anna i̱nne̱t lo̱o̱c ci Kanaani ci i̱yo̱ko̱ abahe i̱nna̱ ize i̱do̱ngo̱je̱ni̱t ko̱, kize cunne udut ki dooli cigunnek; ke̱e̱ni̱ atin anna Ta̱mu̱ta̱dde̱n cinne̱ng.”

Kananet 18:6

I̱yi̱k zin Aburahami uk ngati Sarah ti̱ta̱ kar zin kizek ne “Damuta ovou necu imma ataman ngonyek kar puran umune imma.”

Kananet 18:9

I̱jji̱nne̱t zin e̱re̱nno̱wa̱ ne̱ke̱ nonno izettek ne, “I̱nno̱ ngaa waunne Sarah?” O̱bo̱de̱k enne izek ne, “Aave ti̱ta̱.”

Kananet 21:34

Abak zin da̱ Aburahami lo̱o̱ce̱ ci Philistino u̱u̱mu̱c.

Kananet 23:4

“Ke̱e̱ni̱ ja i̱do̱nge̱ni̱t ci reng, kabai lo̱o̱ce̱ cunno̱ng. U̱tu̱ye̱yya̱ng ngin imma kar kuk kadawek ngaa wananni.”

Kananet 25:27

Baling i̱ddi̱ki̱rre̱t logoz cik een cuude ko̱, i̱ki̱ya̱ I̱sa̱u̱ ize e̱e̱t ci akati elegje oroot, kar katal liyo, imma gotoniya Ya̱ko̱bo̱ een e̱e̱t ci ijakce, aave gon ce̱e̱za̱.

Kananet 28:4

Aanyi atin Ta̱mu̱ta̱dde̱n eezet ki dooli cik dooli cigunnek ki bali ming a̱mu̱yu̱k enne Aburaham ke̱. Aanyi atin bo̱do̱k Ta̱mu̱ta̱dde̱n lo̱o̱c ci abahe ki i̱yo̱ko̱ i̱do̱ngi̱ ko̱, ki bali aanyik enne Aburaham ke̱.”

Kananet 31:25

Idimanek da̱ Ya̱ko̱bo̱ ti̱ti̱ cinne biyene cik Gilead baling ozoro Labani nonno, i̱ye̱be̱zi̱t zin Labani ki boor ciginnek bu̱k nginati.

Kananet 35:27

I̱ki̱ya̱k zin Ya̱ko̱bo̱ baatinne I̱sa̱ko̱ o̱rge̱ ci een zara Mamre, ojono ki Kiriath Arba, awu ol bo̱do̱k zare cik een Hebron, ngin bali abahe Aburahami ki I̱sa̱ko̱.

Kananet 36:7

Izeto da̱ kaala cik anyak nege ko̱ meele giir; iróng looci bali aavtte nege ke̱ ngen eleno ki nogo zo̱ze̱ ci lo̱o̱c ci egewe kaala.

Kananet 47:9

Kar Ya̱ko̱bo̱ kizek nonno ne “E̱e̱ggi̱n e̱rki̱nya̱ cik kowoye anna lo̱o̱co̱we̱ o̱bo̱n co̱de̱ ki moten i̱i̱yo̱ (130). Idice annit e̱rki̱nya̱ kar kokkomit, iróng atubo ki e̱rki̱nya̱ cik owoye ciko baba.”

I̱bu̱ru̱ 6:17

Azi Ta̱mu̱ta̱dde̱n ne, i̱tto̱ni̱k ele cinne, orong enne zoz wainne een de̱de̱ ko̱ kar ka̱gga̱c ol ju̱rru̱m, iróng atin enne uhu zoz neci, kar ol wak elemna nonno ka̱gga̱c een zoz cinne de̱de̱.