I̱bu̱ru̱ 11:8 - Tennet

⁸ Imma bo̱do̱k tu̱we̱nte̱ ci e̱e̱t ci een zara Aburaham, elema zoz ci Ta̱mu̱ta̱dde̱no̱ baling awu nonno ke̱, kar kuk lo̱o̱ce̱ bali a̱nne̱k Manyi anyik nonno kuk ke̱, kar atin kuuwe lo̱o̱c neci kize cinne. Okko enne ming iróng a̱gga̱ lo̱o̱c neci nu̱nu̱n.

I̱bu̱ru̱ 11:8 Iomraidhean Croise

Kananet 11:31

Idima zin Terah ollinne, ngerinne Aburam ki Lot ngerrti ngerinne Haran, ki alawan cinne Sarai, ngaa ci Aburam, kar zin ku̱lu̱ge̱t koot o̱rge̱ ci een Ur, lo̱o̱ce̱ ci Chaldea kar atin koot Kanaana. Ma̱i̱je̱ baling ovvo nege arawa Haran, abaito zin nginati.

Kananet 12:5

Okkoye Aburami ki ngaa cinne Sarai, ki ngerrti gotononi ci een zara Lot, ovvoye ki kaal cigge̱k ki ol cik abak ki nogo o̱rge̱ ci een Haran, kar zin ku̱lu̱ge̱t koot lo̱o̱ce̱ ci een Kanaan, kar zin ku̱zu̱cca̱ ngineci.

Kananet 12:7

I̱ye̱le̱k zin Manyi Ta̱mu̱ta̱dde̱n Aburam ele kar kizek ne, “Lo̱o̱c ci kokko atin anna kanyik dooli cik dooli cigunnek icu.” Eteehenyek zin Aburami i̱te̱le̱ ngineci kize ci Manyi bali i̱ye̱le̱k nonno ele ke̱.

Kananet 15:5

Uwe zin enne nonno reena kar kize ne, “Cin ta̱dde̱n ta̱mu̱-keng kar zin ikeb munyuny, ming wo̱ye̱ ikebi nogo de̱de̱.” Kar enne kizek nonno ne, “I̱yo̱ko̱ zin, ovvo atin dooli cigunnek e̱e̱ggi̱n niko.”

Kananet 17:8

Kaanyi atin anna i̱nne̱t lo̱o̱c ci Kanaani ci i̱yo̱ko̱ abahe i̱nna̱ ize i̱do̱ngo̱je̱ni̱t ko̱, kize cunne udut ki dooli cigunnek; ke̱e̱ni̱ atin anna Ta̱mu̱ta̱dde̱n cinne̱ng.”

Kananet 20:13

Baling aanya Ta̱mu̱ta̱dde̱n keeron kutungek orog ci baba lo̱o̱c, ku̱du̱wa̱ Sarah ka̱nne̱k ne, ‘Een necu gool ci i̱ye̱le̱ka̱ i̱nna̱ annit rezinet cunne: Okko ngati kovvoye naga do̱o̱k, du̱wa̱k ol zoz cu, “Een enne gotona.”’”

Kananet 22:18

kar zo̱ze̱ ci dooli cigunnek, amuda atin ol lo̱o̱co̱we̱ do̱o̱k ma̱yu̱we̱ne̱t, eci i̱nna̱ o̱ngo̱o̱li̱na̱n.”

Kananet 26:3

A̱vvu̱ lo̱o̱ce̱ necu do̱yo̱i̱t, kaave atin anna ki i̱nne̱ta̱ kar atin ka̱mu̱yu̱i̱ i̱nne̱ta̱. Eci kanyike atin anna i̱nne̱t ki dooli ki dooli cigunnek lo̱o̱cco̱k ne̱ko̱, kar atin nege ku̱zu̱tte̱ olom bali ku̱du̱wa̱ anna baatunne Aburaham ke̱.

Ma̱te̱yo̱ 2:21

Itinga Yosevo ki Ma̱ri̱ya̱ o̱o̱tte̱ do̱le̱c lo̱o̱ce̱ ci een Israil.

Roma 1:5

Imma zin ngati Ye̱su̱ Manyi bunnat, aanya enne annit deten ci keene to̱ni̱a̱t ci kar kuwahek ol kaviyak waginnek abunna, kar ol wak iróng een Ya̱u̱d do̱o̱k ku̱tu̱we̱t nonno, kar ku̱zu̱tte̱ zoz neci.

Roma 10:16

Abarik iróng olli Israilo do̱o̱k cik elemi kaviyak cik abunna. Eci azi a̱ri̱to̱i̱ti̱ ci zoz ci Ta̱mu̱ta̱dde̱no̱ een Isaya ne, “Manyi, ngene ci a̱tu̱ kaviyak cigga̱c?”

Roma 6:17

E̱e̱ggi̱nnu̱ niga ba̱li̱ye̱ du̱cca̱k cik mu̱nye̱nu̱, abarik aanycik Ta̱mu̱ta̱dde̱n zany, eci niga iziktu de̱mzi̱ne̱t cinne, kar u̱zu̱tte̱ de̱mzi̱ne̱t neci zi̱nze̱tti̱nne̱ cuggo̱k.

2 Ko̱ri̱nto̱ 10:5

bak aditai zoz ci odonge nege e̱le̱tti̱ gon go̱o̱le̱ ci alame ol abunna iróng a̱gga̱ Ta̱mu̱ta̱dde̱n. Kommogta ol wak adangnyyet zo̱ze̱ ci Ta̱mu̱ta̱dde̱no̱ ko̱, kar zin ko̱to̱ngo̱o̱ltte̱ Ki̱ri̱sto̱.

I̱bu̱ru̱ 11:33

Tu̱we̱nte̱ ci ol ne̱ko̱, ommogit nege alaat cik lo̱o̱cco̱k u̱gge̱, abal ol de̱de̱, kar ku̱mu̱dda̱ zoz bali u̱du̱wa̱ Manyi, okko Danieli anyug u̱tu̱ge̱tti̱ cik maatetu.

I̱bu̱ru̱ 5:9

Ma baling elema Ye̱su̱ ku̱tu̱gu̱ zoz neci de̱de̱, aanyik zin enne ol wak elemi nonno ti̱ri̱ze̱ne̱t ci aave udut.

1 Peturu 1:22

I̱yo̱ko̱ i̱ti̱vi̱ltu̱ niga zi̱nze̱tti̱ cuggo̱k kizeto caale ngati elemnyyu zoz ci een de̱de̱, kar anyait rezinet ci een de̱de̱ ki gotonogget wak a̱tu̱we̱, irezit e̱le̱tti̱ cuggo̱k oroot, rezinet ci a̱kku̱ zinina.

1 Peturu 3:1

Niga ngaai, o̱to̱ngo̱o̱ltte̱ maccwa ciggo̱k, kar uggak cik abure zoz ci Ta̱mu̱ta̱dde̱no̱ ko̱, okko atin zoz cunno̱ng a̱tu̱yyu̱ niga Manyi ko̱ aanyik atin nogo kelemtta zoz ci Ta̱mu̱ta̱dde̱no̱ ci iróng niga a̱du̱wa̱kku̱ nogo.

1 Peturu 4:17

Ize ojon i̱i̱ wa okko Ta̱mu̱ta̱dde̱n apahek ol waginnek lo̱ki̱ko̱. Ming akatai lo̱ki̱ko̱ neci ngatinna een wo̱ye̱ zoz ku̱ ngati ol wak abure kaviyak waginnek abunna. Azi Warage ci Ta̱mu̱ta̱dde̱no̱ ne,