I̱bu̱ru̱ 11:7 - Tennet

⁷ Imma bo̱do̱k tu̱we̱nte̱ ci e̱e̱t ci een zara Nowa, izik zoz bali i̱lo̱ti̱ke̱ Ta̱mu̱ta̱dde̱n ke̱ kar kuk ku̱tu̱gu̱ gi̱i̱ ci iróng enne acin bu̱k. Idiman zin i̱bo̱ ci a̱ddi̱ki̱re̱ kar ki̱ti̱ri̱z ol ciginnek. Utuburek zin Nowa olli lo̱o̱tu̱ nong, aanyik zin Ta̱mu̱ta̱dde̱n nonno kubunna eci enne anyak tu̱we̱ne̱t.

I̱bu̱ru̱ 11:7 Iomraidhean Croise

Kananet 19:14

Uk zin Loti u̱du̱wa̱k kawunyya ciginnek, balik owo dooli ciginnek ke̱. A̱nne̱k ne, “Amadantte ngatu ataman, eci Manyi orong atidic ki̱li̱b orog cu.” Ma̱i̱je̱ kawunyya ciginnek azi ne amice i̱yo̱ko̱ enne.

Kananet 6:13

Iizek zin Ta̱mu̱ta̱dde̱n Nowa ne, “Kokko anna kadita ol lo̱o̱ta̱ veelek, ma̱rri̱t looci abbize kaala cik gerzek zo̱ze̱ cinne̱ng. Kodola anna kokko la̱du̱n kadita ol ki kaal ne̱k lo̱o̱ta̱ ko̱ bu̱k.

Kananet 6:22

U̱tu̱gu̱ zin Nowa kaal ne̱ke̱ ki baling u̱du̱wa̱k Ta̱mu̱ta̱dde̱n nonno ke̱.

Kananet 6:9

Een zin cu zoz ci a̱du̱wa̱ baiz ci obod ki Nowa. Een da̱ enne e̱e̱t ci abunna olle balik abak ki nonno e̱rki̱to̱we̱ ne̱ke̱. Owowo enne ba̱li̱ye̱ ki Ta̱mu̱ta̱dde̱n.

Kananet 7:23

e̱e̱t ci diiri ki elegje, ngazengaze ki iballi ne̱k a̱ku̱l ta̱mu̱-kenga ko̱ do̱o̱k. Ovvo cik anyigzai, Nowa ki ollinne ki kaal balik aavtte ki nonno i̱ba̱ ke̱ do̱.

Kananet 7:5

Izik zin Nowa zoz ci Manyi, u̱tu̱gu̱ zin kaal balik i̱lo̱ti̱k enne nonno ke̱ do̱o̱k.

Kananet 8:16

“Iyokta i̱nna̱ ki ngaa cunne ki logoz wagunnek ki ngaai wagge̱k i̱ba̱.

Ma̱te̱yo̱ 2:12

Imma vu̱rrta̱, u̱du̱wa̱k Ta̱mu̱ta̱dde̱n nogo o̱no̱zo̱we̱ a̱nne̱k ne, ma ngen ovvoyyu rok alaan ci een He̱ro̱d. Idimtta zoz necu aartik iin, i̱mi̱rtte̱ oot lo̱o̱ce̱ cinne̱ng go̱o̱le̱ immane.

Ma̱te̱yo̱ 24:15

“Ming acinnu kaal balik u̱du̱wa̱ a̱ri̱to̱i̱ti̱ ci zoz ci Ta̱mu̱ta̱dde̱no̱ azi zara Daniel, azi ne, ‘Acinnu atin Gi̱i̱ ci Gerze’ abile Ngati A̱li̱le̱ Ce̱e̱ze̱ wa Ta̱mu̱ta̱dde̱no̱. Ming ikebtu niga ngintu, abunna ming a̱gga̱yyu̱ ungec cinne ju̱rru̱m!

Ma̱te̱yo̱ 24:25

Izikto ju̱rru̱m, ku̱du̱wa̱u̱ng anna ming ngen zoz neci ki̱ki̱ya̱.

Ma̱te̱yo̱ 24:38

Imma i̱i̱nya̱we̱ ne̱ke̱ baling ngen tawani ki̱ki̱ya̱, adak ol kwo̱o̱rnya̱ ki ru̱we̱ne̱t rucenet rok i̱i̱te̱n bali okko Nowa i̱i̱zo̱ i̱bo̱ cinne ke̱.

Ma̱te̱yo̱ 3:7

I̱vi̱tta̱k ol cik een Varacis ki Saddocis cik meelek nonno kar ka̱gga̱mto̱zi̱k ba̱ti̱ti̱mo̱ nogo bu̱k. Abarik zin Joni a̱nne̱k nogo ne, “Niga cik ogonnu ki uwanya ko̱! Nya ci a̱a̱nyu̱ng utuhuyek Ta̱mu̱ta̱dde̱n bo̱i̱ci̱ kar i̱vi̱re̱t lo̱ki̱ko̱ cinne ko̱?

Lu̱ka̱ 17:26

“Ki baling ogone kaala i̱i̱nya̱we̱ balik Nowa ke̱, ogone atin bo̱do̱k kaala niko i̱i̱nya̱we̱ cik Ngerrti E̱e̱to̱.

Roma 1:17

Eci kaviyahe cik abunna Ye̱su̱ i̱ye̱la̱ ming a̱kku̱ bunnati ngati Ta̱mu̱ta̱dde̱no̱, aara zin ol balik u̱tu̱gu̱zzo̱ mu̱nye̱n ke̱ kizeto ol cik abunna, a̱kku̱ bunnati neci tu̱we̱nta̱ arrak oowa okko rok vu̱rru̱t, ki i̱yo̱ko̱ ming e̱he̱rye̱, azi ne, “Abak atin e̱e̱ti̱ ci abunna tu̱we̱nta̱.”

Roma 10:6

Ma̱i̱je̱ ol wak ubunntta ngu̱me̱ ci Ta̱mu̱ta̱dde̱no̱ tu̱we̱nta̱ azi ne, “Ma a̱du̱wa̱ zinine cunne, ‘Ngene ci atin ottod okko ta̱mu̱-kenga (kuk kanyahak Ki̱ri̱sto̱ lo̱o̱c)?’”

Roma 3:22

A̱kku̱ gool ci zoz ci abunna ko̱ ngati Ta̱mu̱ta̱dde̱no̱, kar ol do̱o̱k kubunnta, elemi enne e̱e̱t ming a̱tu̱ Ye̱su̱ Ki̱ri̱sto̱ kize ti̱ri̱zo̱i̱t cinne.

Roma 4:11

Aanyik Aburahami ele cinne kettede kar ki̱ye̱la̱ bunnat cinne eci enne a̱tu̱ Ta̱mu̱ta̱dde̱n ki bali ming ngen enne ketted wucic vi̱ca̱vi̱ca̱ ke̱ nu̱nu̱n. Aanyik zin zoz necu Aburaham kize be̱e̱ti̱ ol wak elemi Ta̱mu̱ta̱dde̱n tu̱we̱nte̱ cinne̱ng, ming iróng nege etted nu̱nu̱n.

Roma 4:13

U̱du̱wa̱k Ta̱mu̱ta̱dde̱n Aburaham ki dooli cik dooli cigge̱k, okko atin enne aanyik nogo lo̱o̱c. Iróng enne a̱du̱wa̱ zoz necu eci Aburahami uzute lo̱ti̱nno̱k balik Musesi ke̱, abarik Ta̱mu̱ta̱dde̱n acin bunnat ci a̱kku̱ tu̱we̱nte̱ cinne.

Roma 9:30

Azi ungec ci zoz necu ne? Iróng ol wak iróng een Ya̱u̱d ko̱ elemi bunnat ci Ta̱mu̱ta̱dde̱no̱, elemi enne nogo kubunnta ngu̱me̱ ci cinne eci nege a̱tu̱ Ye̱su̱.

Ga̱la̱ti̱a̱ 5:5

Imma tu̱we̱nta̱, kerewina naga talninta go̱o̱le̱ ci Vongiz ci A̱li̱le̱, bunnate ci karike naga zi̱nze̱tti̱ ko̱.

Vilipia 3:9

kar ka̱gga̱ kabai anna zo̱ze̱ cinne. Iróng wo̱ye̱ anna kadimani ele cinanni kubunna ngu̱me̱ ci Ta̱mu̱ta̱dde̱no̱ ngati ko̱ngo̱o̱le̱ Lo̱ti̱nno̱k cik Musesi do̱. Elemanna Ta̱mu̱ta̱dde̱n go̱o̱le̱ ci tu̱we̱ne̱t ci ka̱tu̱we̱ anna Ki̱ri̱sto̱.

I̱bu̱ru̱ 11:1

I̱yo̱ko̱ zin, een tu̱we̱ne̱t gi̱i̱ ci karike naga zi̱nze̱tti̱ ko̱ de̱de̱, i̱ye̱le̱kke̱t atin kaal cik iróng naga kacin i̱yo̱ko̱ niko eberene.

I̱bu̱ru̱ 12:25

U̱zu̱tte̱ zin, abunna ming aziknnu zoz ci Ta̱mu̱ta̱dde̱n ci ozozikkung ko̱. Iróng olli Ya̱u̱do̱ a̱vi̱r ba̱li̱ye̱ balala baling abure zoz ci Musesi, iróng zin naga ka̱vi̱r zoz ci Ta̱mu̱ta̱dde̱no̱ ci ozozikket ta̱mu̱-kenga ko̱, ming kaburnna zoz cinne.

I̱bu̱ru̱ 5:7

Baling ngen Ye̱su̱ abak lo̱o̱ta̱ ngatu, ala enne Ta̱mu̱ta̱dde̱n ilalek ki̱vi̱ta̱ ti̱la̱lo̱. Ta̱mu̱ta̱dde̱n ci eela nonno daiza. Izik zin u̱lu̱wa̱ cinne eci enne elema kar ku̱tu̱gu̱ zoz ci a̱du̱wa̱k Ta̱mu̱ta̱dde̱n nonno.

I̱bu̱ru̱ 8:5

Imma zin kaala cik ogon olli wawaco Ce̱e̱ze̱ wa Ta̱mu̱ta̱dde̱no̱ lo̱o̱ta̱ ngatu ko̱, kaal wak i̱ya̱kza̱ Ce̱e̱z wa Ta̱mu̱ta̱dde̱no̱ ta̱mu̱-kenga. Zoz zin ci bali a̱du̱wa̱k Ta̱mu̱ta̱dde̱n Muses baling eenyet enne Ce̱e̱z wa Ta̱mu̱ta̱dde̱no̱ een ti̱ti̱ ko̱ balala, izek nonno ne, “Ziyo ju̱rru̱m, tu̱gu̱ kaal ne̱ko̱ do̱o̱k go̱o̱le̱ bali ka̱du̱wa̱ki̱ baling kurumto biye wa een zara Sinai ke̱.”

1 Peturu 3:20

E̱e̱ggi̱n zin bali ol ne̱ke̱, ol cik abure Ta̱mu̱ta̱dde̱n bali reena e̱rki̱nya̱i̱ balik aave Nowa lo̱o̱ta̱ ngatu ke̱, ere bali Ta̱mu̱ta̱dde̱n nogo baling ngen Nowa adiman i̱bo̱ ke̱. Abarik zin bali i̱i̱te̱n neci anyigzai ol cik e̱e̱ggi̱n tu̱rge̱, imma ol do̱o̱k utuddudde maame.

2 Peturu 1:1

Annita Si̱mo̱ne̱ Peturu wa ke̱e̱ni̱ du̱ca̱i̱t ki to̱ni̱a̱t ci Ye̱su̱ Ki̱ri̱sto̱. Keherakkung waraga necu i̱ge̱t ol wak anyakku tu̱we̱ne̱t ci okkomi ki i̱yo̱ko̱ naga ko̱ ngati Ta̱mu̱ta̱dde̱n cinna ki Ti̱ri̱zo̱i̱t Ye̱su̱ Ki̱ri̱sto̱, ogon atin enne kaal cik abunna.

2 Peturu 2:5

Imma e̱rki̱te̱ bali ngen Nowa aruge ke̱, iróng Ta̱mu̱ta̱dde̱n alalnek olli lo̱o̱tu̱ mu̱nye̱nu̱. I̱li̱b zin enne nogo tawana, eela zin enne ol turgerem ki Nowa wa bali uwahek ol zoz ci abunna.

2 Peturu 3:6

Imma bali vu̱rrta̱ egerzan Ta̱mu̱ta̱dde̱n lo̱o̱c maame.