I̱bu̱ru̱ 11:5 - Tennet

⁵ Imma bo̱do̱k tu̱we̱nte̱ ci e̱e̱t ci een zara Enok, odong zin Ta̱mu̱ta̱dde̱n nonno rugetet uwe ta̱mu̱-kenga. Iróng atin ol ngen amuda nonno eci Ta̱mu̱ta̱dde̱n uwe nonno. Baling ngen Ta̱mu̱ta̱dde̱n kuuwe nonno, aanyik zin nonno kize e̱e̱t ci abunna.

I̱bu̱ru̱ 11:5 Iomraidhean Croise

Lu̱ka̱ 2:26

I̱ye̱le̱k bali Vongizi ci A̱li̱le̱ nonno zoz cu, iróng atin enne a̱da̱i̱ ming ngen kicin Ki̱ri̱sto̱ ci i̱tto̱na̱ Manyi.

Lu̱ka̱ 3:37

een Lamechi ngerrti Matasela, okko Matasela een ngerrti Enok, okko Enoki een ngerrti Jaredi, okko Jaredi een ngerrti Mahalalel, een Mahalaleli ngerrti Kainani,

1 Te̱se̱lo̱ni̱ka̱ 2:4

Kuwaktteung naga i̱ge̱t zoz ci Ta̱mu̱ta̱dde̱no̱ ki bali ming atahalait enne ke̱ kar kaanyyet li̱ngli̱ngo̱n ci kuwaheka ol kaviyak cik abunna. Iróng korongnya katanantta ol cik diirik, Ta̱mu̱ta̱dde̱n do̱ niko. Eci enne a̱gga̱ zi̱nze̱tti̱ cigga̱k.

I̱bu̱ru̱ 11:6

Iróng wo̱ye̱ Ta̱mu̱ta̱dde̱n irez e̱e̱t ci diiri ming iróng elemi zoz cinne. Ming orong e̱e̱ti̱ a̱kku̱nna̱k Ta̱mu̱ta̱dde̱n, abunna ming elemi kar ka̱gga̱ aave Manyi to, kar zin Ta̱mu̱ta̱dde̱n kumuc e̱e̱t eci oronge nonno de̱de̱.

I̱bu̱ru̱ 2:9

Abarik zin kicinnta Ye̱su̱ bali a̱rri̱ta̱i̱ kar kize vu̱rru̱t anjilonyai cik Ta̱mu̱ta̱dde̱no̱ arrak do̱yo̱i̱t. I̱yo̱ko̱, i̱di̱ngdi̱nga̱n Ta̱mu̱ta̱dde̱n nonno kize alaan, eci atar enne daiz, kar zin zo̱ze̱ ci deten ci Ta̱mu̱ta̱dde̱no̱ atar enne daiz zo̱ze̱ cinna do̱o̱k.

1 Jon 3:22

kar kurubta kaal do̱o̱k cik ka̱jji̱n naga ngatinne, eci naga kazunne lo̱ti̱nno̱k ciginnek kar ku̱tu̱gu̱z kaal cik orong enne.

Ju̱da̱ 1:14

Imma e̱e̱ti̱ ci een zara Enok wa een do̱le̱c ci do̱le̱c ci Adami, u̱du̱wa̱ zoz ci ol ne̱ko̱: “Icinnet, a̱kku̱ Manyi ki ol ciginnek a̱li̱le̱ meelek giir,