I̱bu̱ru̱ 11:4 - Tennet

⁴ Umuc ba̱li̱ye̱ e̱e̱ti̱ ci een Abel tu̱we̱nta̱ Ta̱mu̱ta̱dde̱n gi̱i̱ye̱ ci ommog ci gotononi Kain. Kar bo̱do̱k tu̱we̱nta̱, icin Ta̱mu̱ta̱dde̱n nonno kize e̱e̱t ci abunna. Ozoz Ta̱mu̱ta̱dde̱n ju̱rru̱m gi̱i̱ye̱ ci amuce enne nonno. Kar bo̱do̱k baling a̱da̱k Abeli nu̱nu̱n, ngen Ta̱mu̱ta̱dde̱n ozozikket zo̱ze̱ ci tu̱we̱ne̱t cinne.

I̱bu̱ru̱ 11:4 Iomraidhean Croise

Kananet 4:10

I̱jji̱n zin Manyi nonno izek ne, “U̱tu̱gu̱ i̱nna̱ nya? Ziyo! A̱lu̱we̱ka̱ annit bi̱ye̱ta̱ cik gotononnu balik ibborak i̱nna̱ lo̱o̱c ke̱.

Kananet 4:15

Izek Manyi nonno ne, “A̱zze̱to̱, ming a̱ru̱k e̱e̱ti̱ imma Kain, ke̱de̱zi̱ atin anna e̱e̱t neci lak turgerem kommog de̱zi̱ne̱t cunne ko̱.” Kar zin Manyi kaarik Kain baayenit ci kar ol ka̱gga̱yye̱ nonno, ming amuda e̱e̱ti̱ imma Kain, iróng a̱ru̱k nonno.

Kananet 4:25

A̱ta̱gu̱zzo̱ zin bo̱do̱k Adami ki ngaa cinne, anyaho Eva kar zin ki̱ti̱rra̱ ngerinne ci akannek zar kize Seth. Azi ungec ci zar ne̱ko̱ ne, “Aanyyet Ta̱mu̱ta̱dde̱n kar karagiz Abel bali u̱ru̱k Kaini ke̱.”

Kananet 4:8

Izek zin Kaini Abel ne, “Koo da̱ kotoz ku̱ju̱ke̱t zo̱o̱.” Ma baling otozo orog reena, i̱li̱bo̱zi̱k zin Kaini Abel kar ku̱ru̱k ka̱da̱k.

Ma̱te̱yo̱ 23:35

Imma zin zo̱ze̱ necu, adakkung atin bi̱ye̱ta̱ cik ol wak abunna Ta̱mu̱ta̱dde̱no̱ balik a̱ru̱kku̱ niga ke̱, akane bi̱ye̱te̱ cik Abeli kuk rok Zakaria ngerrti Barachiah, bali u̱ru̱kttu̱ niga orgena ngati edevo Ce̱e̱z wa Ta̱mu̱ta̱dde̱no̱ ki i̱te̱le̱.

Lu̱ka̱ 11:51

akane bi̱ye̱te̱ cik Abeli ki̱ki̱ya̱ rok Zakaria, bali a̱ru̱we̱ orgene ci i̱te̱le̱ ki Ce̱e̱z wa Ta̱mu̱ta̱dde̱no̱ ke̱. De̱de̱, ka̱du̱wa̱kku̱ng anna i̱ge̱ta̱, a̱gi̱lo̱ni̱k atin zoz cu o̱o̱tti̱ cik bu̱u̱l cu do̱o̱k.

Ti̱to̱ 1:16

A̱du̱wa̱k nyakanganeta ne̱k volongak ol zoz ci azi ne ka̱gga̱yya̱ Ta̱mu̱ta̱dde̱n, ma̱i̱je̱ abarik abure Ta̱mu̱ta̱dde̱n go̱o̱le̱ ci abahe nege. Ogon kaal cik gerzek.

I̱bu̱ru̱ 11:2

U̱mu̱dda̱ ol balik reentik baiz ci abunna eci nege anyak tu̱we̱ne̱t ci okkomi, atal zin Ta̱mu̱ta̱dde̱n nogo.

I̱bu̱ru̱ 12:1

Eci ibbacit koole ci a̱ppwe̱ olli Ya̱u̱do̱ a̱tu̱ Ta̱mu̱ta̱dde̱n ko̱ tu̱we̱nte̱ ci kabahe naga niko, abunna kungnek mu̱nye̱n lo̱o̱c ki kaal wak adiryyet baiza. Abunna kabak baiz ci kanime no̱ngi̱tto̱n kar kurubta baiz ci aanyyet Ta̱mu̱ta̱dde̱n ko̱.

I̱bu̱ru̱ 12:24

I̱vi̱ta̱u̱ niga Ye̱su̱ ta̱mu̱-kenga, wa een zoc ci olom ci een jor, ki bali aanyik Ye̱su̱ ele cinne kize wawac, kar bi̱ye̱ta̱ ciginnek kanyakta zoz ci kalalek naga ol, een necu olom ci een jor, ommog necu bi̱ye̱ cik Abeli orong caac.

I̱bu̱ru̱ 5:1

Ta̱mu̱ta̱dde̱n ci ahala alaan ci a̱ddi̱ki̱re̱ wawaco do̱o̱k. Aanyik enne nonno ki̱li̱ngli̱ng kar kalawek ol Ta̱mu̱ta̱dde̱n, kar bo̱do̱k kotodongek nonno kaal cik aara ol mu̱nye̱n.

I̱bu̱ru̱ 9:22

De̱de̱, azzac ol kaal do̱o̱k bi̱ye̱te̱ ki bali ming a̱du̱wa̱ lo̱ti̱nno̱wa̱ cik Musesi ke̱; eci ming i̱llo̱i̱ bi̱ye̱ cik apahek ol Ta̱mu̱ta̱dde̱n, iróng Manyi alalek ol mu̱nye̱n.

2 Peturu 2:8

Een enne ba̱li̱ye̱ e̱e̱t ci abunna, amuda enne piryanzet zo̱ze̱ ci mu̱nye̱n cik acin kar bo̱do̱k kizik odohize.

Ju̱da̱ 1:11

Ize nonga o̱lle̱ ngatinne̱ng, eci nege unuwet zoz ci Kaini, wa bali amuny gotoni ke̱. Ogon nege kaal cik gerzek ki i̱yo̱ko̱ bali e̱e̱ti̱ wa een zara Balaam ke̱, kar kurubtai nege o̱ro̱bi̱ya̱. Atubo bo̱do̱k nege ki e̱e̱t wa azi zar ne Korah bali aburnek Ta̱mu̱ta̱dde̱n nong ke̱, adita atin Ta̱mu̱ta̱dde̱n nogo ki baling a̱ru̱k Korah ke̱.