I̱bu̱ru̱ 11:35 - Tennet

³⁵ Imma bali gi̱i̱ye̱ neci, icinnet ngaai uggak wak a̱tu̱we̱ ol cigge̱k ming obodai Manyi daiza. Ma̱i̱je̱ ngatu, i̱gi̱dde̱ ol uggak, abure ngati odotik zoz ci Ta̱mu̱ta̱dde̱no̱ lo̱o̱c, kar ol ne̱ke̱ koogtta nogo. Aartik nege zi̱nze̱tti̱ baiz ci abunna oroot a̱kku̱ atin vu̱rrta̱ ngati itingazze ol daiza.

I̱bu̱ru̱ 11:35 Iomraidhean Croise

Ma̱te̱yo̱ 22:30

Ming ovvo ol ingazi daiza, iróng atin ol aruce icima a̱ti̱ye̱ bo̱do̱k. Ogon atin ol ki anjilonya cik Ta̱mu̱ta̱dde̱no̱ ta̱mu̱-kenga.

Marko 12:25

Ming ovvo ol ingazi daiza, iróng e̱e̱ti̱ imma aruce, icima a̱ti̱ye̱ do̱le̱c imma; ovvo atin nege ogon kiwagon anjilonya cik Ta̱mu̱ta̱dde̱no̱ ta̱mu̱-kenga.

Lu̱ka̱ 14:14

kar atin i̱nna̱ ma̱yu̱we̱. Ming iróng nege wo̱ye̱ a̱ru̱k nga̱bo̱lo̱, okko atin Manyi a̱ru̱we̱ki̱ nga̱bo̱lo̱ ming ovvo atin ol cik abunna ingazi daiza.”

Lu̱ka̱ 20:36

iróng zin atin nege ngen a̱da̱i̱; u̱tu̱gu̱zzo̱ nege kiwagon anjilonya. E̱e̱ggi̱n nege dooli cik Ta̱mu̱ta̱dde̱no̱, ming e̱e̱ggi̱n nege dooli cik ingazi daiza.

Kaviyak wak Abunna Ta̱mu̱ta̱dde̱no̱ eher Joni 5:29

kar zin kiyokta ilomete. Ingazi ol wak a̱da̱i̱to̱ u̱tu̱gu̱zzo̱ ju̱rru̱m kuruget udut, imma ol wak u̱tu̱gu̱zzo̱ kaal cik gerzek ingazi daiza kar Ta̱mu̱ta̱dde̱n ketted lo̱ki̱ko̱ cinne̱ng.

Buk wa To̱ni̱a̱u̱ 22:29

Ataman niko, utungtek zin ol balik orong ki̱jji̱nne̱t nonno ke̱ lo̱o̱c, iróng ngen a̱jji̱nne̱. O̱to̱ngo̱o̱le̱ zin ddi̱ki̱ryo̱i̱ti̱ wa a̱ddi̱ki̱re̱ ko̱ bu̱k lo̱o̱c baling umuda enne eceb da̱ enne Pa̱u̱lo̱, e̱e̱t ci Romi.

Buk wa To̱ni̱a̱u̱ 23:6

A̱gga̱ Pa̱u̱lo̱ e̱e̱ggi̱n ol ciko uggak Saddocis, ovvo uggak e̱e̱ggi̱n Varacis, egerenyik olli lo̱ki̱ko̱, a̱nne̱k ne, “Gotonogga, ke̱e̱ni̱ anna Varacis, ngerrti Varacisoc. Kabili anna lo̱ki̱ka̱, eci karik anna zinin ngazi ci atin ingane ol wak a̱da̱i̱to̱.”

Buk wa To̱ni̱a̱u̱ 24:15

karik anna zinin cinanni Ta̱mu̱ta̱dde̱n ki i̱yo̱ko̱ ol ciko, zoz wa azi ne, ingazi atin ol do̱o̱k wak abunna ki wak gerzek daiza.

Buk wa To̱ni̱a̱u̱ 4:19

Abarizek zin Peturu ki Jon nogo izettek ne, “Etteddit da̱ o̱o̱tti̱ne̱ cuggo̱k, abunna wo̱ye̱ ngu̱me̱ ci Ta̱mu̱ta̱dde̱no̱ ming ko̱ngo̱o̱le̱ i̱ge̱ta̱ icima Ta̱mu̱ta̱dde̱n.

Buk wa To̱ni̱a̱u̱ 9:41

Eela Peturu nonno kitinga je̱e̱na̱. Utu zin enne ol wak a̱tu̱we̱, ki ngaai cik boyek kar zin ki̱ye̱le̱k nogo Dorkas ming aruge.

1 Ko̱ri̱nto̱ 15:54

Imma e̱le̱tti̱ cik kanyak naga i̱yo̱ko̱ ko̱, amuje kar bo̱do̱k ovvo atin a̱da̱i̱. Abarik ukce atin e̱le̱tti̱ kizeto e̱le̱tti̱ cik abak udut. Kar zin zo̱zzo̱wa̱ cik e̱he̱rye̱ Warage ci Ta̱mu̱ta̱dde̱no̱ kizeto de̱de̱, azi ne, “I̱llo̱i̱ daiz komiz. Ommog Ta̱mu̱ta̱dde̱n daiz.

Vilipia 3:11

kar atin anna bu̱k kitinga daiza kurug ki bali enne ke̱.