I̱bu̱ru̱ 11:27 - Tennet

²⁷ Okko tu̱we̱nta̱ utungek Musesi lo̱o̱c ci Masiro lo̱o̱c, iróng o̱ngo̱o̱le̱ alaan, anime enne eci icin Ta̱mu̱ta̱dde̱n ci iróng naga kacin eberene.

I̱bu̱ru̱ 11:27 Iomraidhean Croise

Lu̱ge̱z 11:8

A̱vvu̱na̱ka̱ atin lo̱ddi̱ki̱re̱ cigunnek do̱o̱k annita, ovvo atin nege akanneka u̱zu̱ngti̱nne̱ kar kizeto ne, ‘Oto, niga ol do̱o̱k wak annuyi i̱nne̱ta̱!’ Imma atin vu̱rrta̱ kokko anna kowo.” Omoze zin Musesi kar kutungek alaan ci Masiro lo̱o̱c.

Lu̱ge̱z 12:11

Abunna zin ming ovvo adakku I̱i̱te̱n wa Va̱rda̱ngi̱nto̱ go̱o̱le̱ cu: i̱ti̱me̱t ru̱u̱ma̱ni̱ ki nyakadinget ki caava zone ki cool wagon owoye e̱e̱ti̱ eci niga a̱vi̱kku̱ we̱t. Adakto ataman eci necu een I̱i̱te̱n wa Va̱rda̱ngi̱nto̱ Manyi.

Lu̱ge̱z 12:50

O̱to̱ngo̱o̱ltte̱ zin olli Israilo kaal cik u̱du̱wa̱k Manyi Muses ki Aaron.

Lu̱ge̱z 4:19

I̱yo̱ko̱ iizek Manyi Muses Midianikte ne, “Mi̱re̱ bit Masire, eci ol balik orong ku̱ru̱kti̱ ke̱ a̱da̱i̱to̱ veelek.”

Ma̱te̱yo̱ 10:22

Amarinnung atin ol veelek zo̱ze̱ cinanni. Imma e̱e̱ti̱ ci anime niko, amuda atin ti̱ri̱ze̱ne̱t ci Ta̱mu̱ta̱dde̱no̱ ci okko udut.

Ma̱te̱yo̱ 24:13

Ma̱i̱je̱ e̱e̱ti̱ ci abile ju̱rru̱m tu̱we̱nta̱, a̱ti̱ri̱z atin Ta̱mu̱ta̱dde̱n nonno.

Marko 13:13

Amarinnung atin ol do̱o̱k zo̱ze̱ cinanni, imma e̱e̱ti̱ ci abile kokkom, amuda atin ti̱ri̱ze̱ne̱t ci Ta̱mu̱ta̱dde̱no̱.

Marko 4:17

Ma̱i̱je̱ zin ngatu iróng arike zi̱nze̱tti̱ ju̱rru̱m (anyak egero ju̱rru̱m), a̱tu̱we̱ arrak do̱yo̱i̱t. Ming okko piryanzet a̱kku̱ icima gi̱de̱ne̱t zo̱ze̱ ci zoz necu, odotek zoz necu lo̱o̱c ataman.

Buk wa To̱ni̱a̱u̱ 2:25

Ozoz Da̱vi̱de̱ zoz ci obod ki e̱e̱t neci, azi ne, “‘Kedenya anna Manyi odohize o̱o̱we̱ cinanni. Eci enne aave a̱tte̱ cinanni a̱zzo̱, iróng atin anna ka̱bba̱ri̱ti̱.

1 Ko̱ri̱nto̱ 13:7

Eela rezinet ol, alam kaal cik gerzek a̱vvu̱na̱k e̱e̱t ci anyak rezinet zinina. Iróng tu̱we̱ne̱t ci e̱e̱t ci anyak rezinet aṯurneke. Aanyik rezinet nonno karik zinin deten ci Ta̱mu̱ta̱dde̱no̱ kar kanyik bo̱do̱k kinim no̱ngi̱tto̱n cik a̱vvu̱na̱k nonno.

2 Ko̱ri̱nto̱ 4:18

Iróng ngen ki̱no̱n zoz ci kapirnane naga i̱yo̱ko̱ niko, imma kaala ne̱k kacin naga eberene i̱yo̱ko̱ niko ko̱, iróng aavtte udut. Abunna ki̱no̱n karike zi̱nze̱tti̱ zoz ci iróng kacin eberene adimanekket Manyi aavtte ta̱mu̱-kenga, abak atin udut.

Kolosiya 1:15

Een Ki̱ri̱sto̱ ri̱ri̱to̱n ci Ta̱mu̱ta̱dde̱n ci iróng naga kacin eberene, nonno bo̱do̱k ci een a̱bu̱ ci kaal cik eenyca Ta̱mu̱ta̱dde̱n do̱o̱k.

1 Ti̱mo̱te̱yo̱ 1:17

Kala alaan kar bo̱do̱k ki̱di̱ngdi̱nga̱n nonno wa abak udut, wa iróng a̱da̱i̱, wa iróng kacin eberene, nonno Ta̱mu̱ta̱dde̱n o̱de̱ ṯok! Ko̱to̱ngo̱o̱ltte̱ nonno udut. I̱i̱ny.

1 Ti̱mo̱te̱yo̱ 6:16

Ta̱mu̱ta̱dde̱n do̱ niko ci iróng a̱da̱i̱ udut. Abak enne vooritene ci ataltali, i̱llo̱i̱ rok e̱e̱t ci anime kuk ojonun, ngen e̱e̱ti̱ imma kicin nonno udut, i̱llo̱i̱ bo̱do̱k atin ol cik acin nonno. Anyak enne komiz, ki̱di̱ngdi̱nga̱ni̱t nonno udut. Anyik ku̱tu̱gu̱ niko (Amin).

I̱bu̱ru̱ 10:32

A̱a̱dda̱ i̱i̱nya̱ balik ngen elemannu Ye̱su̱ jor ke̱. Arikku niga zi̱nze̱tti̱ Ta̱mu̱ta̱dde̱n, ming anyak kaal cik anyahakku̱ng piryanzet.

I̱bu̱ru̱ 11:1

I̱yo̱ko̱ zin, een tu̱we̱ne̱t gi̱i̱ ci karike naga zi̱nze̱tti̱ ko̱ de̱de̱, i̱ye̱le̱kke̱t atin kaal cik iróng naga kacin i̱yo̱ko̱ niko eberene.

I̱bu̱ru̱ 11:13

Abaito zin ol ne̱k anyak tu̱we̱ne̱t ke̱ do̱o̱k, ngen zin nege a̱tu̱we̱ zo̱ze̱ ci okko Ta̱mu̱ta̱dde̱n ogoni. Ngen kurubta zoz bali u̱du̱wa̱ Manyi ke̱, icinnet nege kaal ne̱ke̱ meer reena many bak orongi. A̱gga̱ ming e̱e̱ggi̱n nege e̱re̱nno̱k ki i̱do̱ngi̱ lo̱o̱ta̱ ngatu.

I̱bu̱ru̱ 6:15

Erewo zin Aburahami zee kakat zoz bali u̱du̱wa̱ Ta̱mu̱ta̱dde̱n ke̱ mo̱o̱le̱t.

Je̱mi̱s 5:11

Ki i̱yo̱ko̱ ming a̱gga̱yyu̱ ko̱, ku̱mu̱yu̱kte̱ naga ol balik inimet no̱ngi̱tto̱n. Iziktu niga niimenet ci bali anime e̱e̱ti̱ ci een zara Job no̱ngi̱tto̱n. Icinntu bo̱do̱k nya ci anyahak Manyi baiz ci Jobi bali vu̱rrta̱. Anyak Manyi rezinet ki deten ci a̱ppwe̱ oroot.

1 Peturu 1:8

Ming ngen niga icinnet nonno nu̱nu̱n, irezzu niga nonno; ming iróng niga nu̱nu̱n acinnu nonno i̱yo̱ko̱, a̱tu̱yyu̱ niga nonno kar ngatu anyakku talninet ci a̱ppwe̱ ngatinne,