I̱bu̱ru̱ 11:16 - Tennet

¹⁶ Abarik nege orong orog ci riili aave ta̱mu̱-kenga, iróng zin a̱li̱ya̱ni̱ a̱da̱k Ta̱mu̱ta̱dde̱n ming awu nege nonno Ta̱mu̱ta̱dde̱n cinne̱ng, eci adimanek nogo orog ta̱mu̱-kenga.

I̱bu̱ru̱ 11:16 Iomraidhean Croise

Kananet 26:24

Okko ba̱a̱li̱n neci, i̱ye̱le̱k Manyi I̱sa̱ko̱ ele kar kize ne, “Ke̱e̱ni̱ anna Ta̱mu̱ta̱dde̱n ci baatunne Aburaham. Ma o̱ngo̱o̱le̱, eci anna kaave ngatunne; ka̱mu̱yu̱ki̱ atin anna i̱nne̱ta̱ kar atin kanyik dooli cigunnek kizeto meele zo̱ze̱ ci du̱ca̱i̱t cinanni Aburaham.”

Kananet 28:13

Imma go̱o̱le̱ neci ta̱dde̱na̱, abile Manyi nginati, kar enne kize ne, “Ke̱e̱ni̱ anna Manyi, Ta̱mu̱ta̱dde̱n ci baatunne Aburaham ki baatunne I̱sa̱ko̱. Kaanyi atin i̱nne̱t ki dooli cigunnek lo̱o̱c ci oonge i̱nna̱ ko̱.

Lu̱ge̱z 3:15

A̱nne̱k Ta̱mu̱ta̱dde̱n Muses ne, “Du̱wa̱k olli Israilo, ‘I̱tto̱na̱ Manyi kar ki̱ki̱ya̱u̱ng, Ta̱mu̱ta̱dde̱n ci be̱e̱ti̱ggo̱k, Ta̱mu̱ta̱dde̱n ci Aburahami, ki Ta̱mu̱ta̱dde̱n ci I̱sa̱ko̱ ki Ta̱mu̱ta̱dde̱n ci Ya̱ko̱bo̱.’ Een necu zar cigannik udut, zar cik a̱a̱dda̱na̱ bu̱u̱llo̱wa̱ ki bu̱u̱llo̱k.

Lu̱ge̱z 3:6

Kar zin enne kize ne, “Ke̱e̱ni̱ anna Ta̱mu̱ta̱dde̱n ci baatunne, Ta̱mu̱ta̱dde̱n ci Aburahami, Ta̱mu̱ta̱dde̱n ci I̱sa̱ko̱ ki Ta̱mu̱ta̱dde̱n ci Ya̱ko̱bo̱.” Imma zin zo̱ze̱ necu, u̱lu̱gu̱ny Musesi ngu̱m cinne, eci enne o̱ngo̱o̱le̱ kar kicin Ta̱mu̱ta̱dde̱n.

Lu̱ge̱z 4:5

Ize zin Manyi ne, “Tu̱gu̱ zoz necu ki i̱yo̱ko̱ kar olli Israilo kelemtta zoz ci Manyi Ta̱mu̱ta̱dde̱n ci be̱e̱ti̱gge̱k ki Aburaham ki I̱sa̱ko̱ ki Ya̱ko̱bo̱, i̱ye̱le̱i̱ Manyi i̱nne̱t ele de̱de̱.”

Ma̱te̱yo̱ 25:34

“Kar zin alaani atin kizek ol wak aavtte a̱tte̱ ci a̱zzo̱ ko̱ ne, ‘I̱vi̱ta̱, niga ol balik u̱mu̱yu̱ng Baba ke̱, o̱o̱tte̱ kaal cik aragizu niga ba̱a̱li̱nte̱ ci ta̱mu̱-kengo bali adimanekkung enne baling ngen eenyce enne lo̱o̱c ke̱.

Marko 12:26

Ma̱i̱je̱ zin zo̱ze̱ ci ingazi ol daiza, ngen niga ikebit buwe ci Musesi, baling atuz gwa̱a̱ zari ngu̱me̱ ci Musesi, a̱nne̱k Ta̱mu̱ta̱dde̱n nonno ne, ‘Ke̱e̱ni̱ anna Ta̱mu̱ta̱dde̱n ci Aburahami, Ta̱mu̱ta̱dde̱n ci I̱sa̱ko̱ ki Ta̱mu̱ta̱dde̱n ci Ya̱ko̱bo̱’?

Marko 8:38

Ming adak e̱e̱ti̱ a̱li̱ya̱ni̱ zo̱ze̱ cinanni lo̱o̱ce̱ ci alawe ol kaal cik lo̱o̱tu̱ ko̱ ki bu̱u̱l cik mu̱nye̱nu̱ ko̱, adak atin a̱li̱ya̱ni̱ Ngerrti E̱e̱to̱ bu̱k zo̱ze̱ cinne ming okko enne a̱kku̱ di̱ngdi̱ngo̱nte̱ ci Baatinne ki anjilonya ciginnek a̱li̱le̱.”

Lu̱ka̱ 12:32

“Ma o̱ngo̱o̱li̱nnu̱ gi̱i̱ imma, niga demezyaha cikidik ko̱, eci Be̱e̱ti̱nno̱ng wa aave ta̱mu̱-kenga atalne oroot ngati a̱a̱nyu̱ng ba̱a̱li̱ne̱t cinne.

Lu̱ka̱ 20:37

Ma̱i̱je̱ zo̱ze̱ ci zari bali atuze ke̱, i̱ye̱la̱ zin bali Musesi bu̱k ingazi atin ol daiza, eci enne awu Manyi azi ne, ‘Ta̱mu̱ta̱dde̱n ci Aburahami, Ta̱mu̱ta̱dde̱n ci I̱sa̱ko̱ ki Ta̱mu̱ta̱dde̱n ci Ya̱ko̱bo̱.’

Kaviyak wak Abunna Ta̱mu̱ta̱dde̱no̱ eher Joni 14:2

Anyak o̱rge̱ ci Baba ce̱e̱zi̱ cik meelek, wo̱ye̱ da̱ ming ki̱zze̱c ce̱e̱zi̱ ne̱ke̱ to, ku̱du̱wa̱kku̱ng wo̱ye̱ da̱. Kokko anna kadimanekkung nginti aavtiyyu.

Buk wa To̱ni̱a̱u̱ 7:32

‘Ke̱e̱ni̱ anna Ta̱mu̱ta̱dde̱n ci baatunne, Ta̱mu̱ta̱dde̱n ci Aburahami, Ta̱mu̱ta̱dde̱n ci I̱sa̱ko̱ ki ci Ya̱ko̱bo̱.’ O̱to̱ngo̱o̱le̱ zin Musesi iróng ngen orong kar kicin gwo̱o̱ neci.

Vilipia 3:20

Ma̱i̱je̱ naga ke̱e̱ggi̱n ol cik ta̱mu̱-kengo. Kere zin naga oroot Ti̱ri̱zo̱i̱t Manyi Ye̱su̱ Ki̱ri̱sto̱ ci atin a̱kku̱ ta̱mu̱-kenga.

2 Ti̱mo̱te̱yo̱ 4:18

Ka̱gga̱ niko ming eelanna atin Manyi kaale wak gerzek do̱o̱k, kar kuwuya ngati ba̱a̱li̱ne̱t ci ta̱mu̱-kengo. Abunna abarik ming ka̱di̱ngdi̱nga̱n nonno niko udut. Nonno nenen.

I̱bu̱ru̱ 10:34

Ippirttau niga ki ol wak e̱ce̱bje̱ lagama, kar bo̱do̱k kaamttaung i̱jjo̱ cuggo̱k, abunna ming anyakku zi̱nze̱tti̱nne̱ cik alali. A̱gga̱yyu̱ niga a̱a̱nyu̱ng atin Ta̱mu̱ta̱dde̱n i̱jjo̱ cik abunna aavtte udut.

I̱bu̱ru̱ 11:10

Imma Aburahami bo̱do̱k ere orog ci riili eenyet Ta̱mu̱ta̱dde̱n.

I̱bu̱ru̱ 11:14

Imma ol cik ozoz niko ko̱, orong nege orog cinne̱ng ci aave do̱.

I̱bu̱ru̱ 11:40

Anyak Ta̱mu̱ta̱dde̱n gi̱i̱ ci abunna oroot zinine cinne ci orong kaanyyet agit do̱o̱k, abunna kazuca nginti A̱li̱le̱ ta̱mu̱-kenga ki ol ne̱ke̱ do̱o̱k nga̱to̱de̱.

I̱bu̱ru̱ 12:22

Imma ngatu, i̱vi̱ta̱u̱ niga bee ci een Zion, lo̱o̱c ci Ta̱mu̱ta̱dde̱no̱, Jerusalem ci aave ta̱mu̱-kenga, aavtte anjilonya cik e̱e̱ggi̱n i̱bbo̱nge̱t cik meelek giir, atalne oroot.

I̱bu̱ru̱ 13:14

Ka̱gga̱ naga ju̱rru̱m iróng looci cu ci kabahe udut, anyak atin orog ci aave udut, ngen naga kere orog ci aave do̱ ci atin a̱kku̱.

I̱bu̱ru̱ 2:11

Ye̱su̱ ci anyike ol kizeto dooli cik a̱li̱le̱ Ta̱mu̱ta̱dde̱no̱, o̱de̱ be̱e̱ti̱ ol ne̱k aanyik Ye̱su̱ kizeto dooli cik Ta̱mu̱ta̱dde̱no̱ ko̱. Iróng a̱li̱ya̱ni̱ adak Ye̱su̱ ngati awu nogo kizeto gotonoggi ki ngonoggi.

O̱no̱zzo̱k 21:2

Kedenya orog ci A̱li̱le̱, een Jerusalem ci een jor, iyowa ta̱mu̱-kenga ngati Ta̱mu̱ta̱dde̱no̱, kar zin kidiman ele ogon ki nyatirani ci aime ki̱zi̱zi̱ kicin mac cinne.