I̱bu̱ru̱ 11:13 - Tennet

¹³ Abaito zin ol ne̱k anyak tu̱we̱ne̱t ke̱ do̱o̱k, ngen zin nege a̱tu̱we̱ zo̱ze̱ ci okko Ta̱mu̱ta̱dde̱n ogoni. Ngen kurubta zoz bali u̱du̱wa̱ Manyi ke̱, icinnet nege kaal ne̱ke̱ meer reena many bak orongi. A̱gga̱ ming e̱e̱ggi̱n nege e̱re̱nno̱k ki i̱do̱ngi̱ lo̱o̱ta̱ ngatu.

I̱bu̱ru̱ 11:13 Iomraidhean Croise

Kananet 21:34

Abak zin da̱ Aburahami lo̱o̱ce̱ ci Philistino u̱u̱mu̱c.

Kananet 23:4

“Ke̱e̱ni̱ ja i̱do̱nge̱ni̱t ci reng, kabai lo̱o̱ce̱ cunno̱ng. U̱tu̱ye̱yya̱ng ngin imma kar kuk kadawek ngaa wananni.”

Kananet 25:8

Baling abak enne ke̱ edeca e̱rki̱to̱k ne̱k meelek ko̱, etteda zin enne zinin u̱lu̱k uk ngato ji̱ji̱ti̱gi̱nne̱k.

Kananet 47:9

Kar Ya̱ko̱bo̱ kizek nonno ne “E̱e̱ggi̱n e̱rki̱nya̱ cik kowoye anna lo̱o̱co̱we̱ o̱bo̱n co̱de̱ ki moten i̱i̱yo̱ (130). Idice annit e̱rki̱nya̱ kar kokkomit, iróng atubo ki e̱rki̱nya̱ cik owoye ciko baba.”

Kananet 48:21

Izek zin Israili Yosevo ne, “Ize ojon annit daizi, eelanni atin Ta̱mu̱ta̱dde̱n kar okkoyyi rok lo̱o̱c ci be̱e̱ti̱gu̱nne̱k.

Kananet 49:10

Iróng atin alaanzet ungnek Ju̱da̱ lo̱o̱c, icima keet ci alaanzetu aave zone ciginnek, zee ki̱ki̱ya̱k enne manyi alaanzet kar ngo̱o̱li̱ne̱t ci lo̱o̱cco̱k do̱o̱k een cinne.

Kananet 49:18

Korongi anna ti̱ri̱ze̱ne̱t cunne, Manyi Ta̱mu̱ta̱dde̱n.

Kananet 49:28

E̱e̱ggi̱n ne̱ko̱ do̱o̱k booryyok cik Israilo omoto ki rama, kar zin ne̱ko̱ een zoz ci u̱du̱wa̱k be̱e̱ti̱nne̱ng nogo baling a̱mu̱yu̱k enne nogo co̱de̱ co̱de̱. Aanyik ngenngene ma̱yu̱we̱ne̱t ci eleno nonno.

Kananet 49:33

Baling edeca Ya̱ko̱bo̱ ti̱lo̱wi̱ne̱t logoz ciginnek, odong zo̱o̱ ciginnek kaarik kwe̱e̱n, kar zin ketteda zinin, uk ngato ji̱ji̱ti̱gi̱nne̱k.

Kananet 50:24

Izek zin Yosevo gotonoggi ne, “Ize annit ojon daizi. Ka̱gga̱ zin abarik anna, okko atin Ta̱mu̱ta̱dde̱n eelannung okkoyyung lo̱o̱ce̱ cu rok lo̱o̱c bali ogone enne olom ki Aburaham, ki I̱sa̱ko̱ ki Ya̱ko̱bo̱ ke̱.”

Lu̱ge̱z 2:22

Baling abaito bu̱k, i̱ti̱rra̱ zin Zipporah do̱le̱c ci maci, akatek zin Musesi do̱le̱c zar cik een Gershom, azi ungec cinne ne, “Kiize anna i̱do̱ngo̱je̱ni̱t lo̱o̱ce̱ ci reng.”

Ma̱te̱yo̱ 13:17

Ka̱du̱wa̱kku̱ng zoz ci een de̱de̱, anyak a̱ri̱tto̱k ki ol cik abunna meelek giir orong nege kicinnet kaal cik icinntu niga u̱tu̱gu̱zze̱ ko̱, iróng zin nege acinni, orong nege kiziyet zoz ci aziknnu niga ko̱, iróng zin nege aziye.

Kaviyak wak Abunna Ta̱mu̱ta̱dde̱no̱ eher Joni 12:41

U̱du̱wa̱ a̱ri̱to̱i̱ti̱ ci een Isaya zoz necu, eci enne icin Ye̱su̱ ming a̱bu̱le̱ zara, kar zin kozoz zoz ci obod ki nonno ko̱.

Kaviyak wak Abunna Ta̱mu̱ta̱dde̱no̱ eher Joni 8:56

Atal ba̱li̱ye̱ Aburahami orong kicin i̱i̱te̱n ci ka̱kku̱ne̱ anna, icin zin kar katalo.”

Roma 4:21

A̱gga̱ enne anyak Ta̱mu̱ta̱dde̱n komiz kar ku̱tu̱gu̱ kaal balik u̱du̱wa̱ enne ke̱.

Roma 8:24

Eci zo̱ze̱ ci karikka naga zi̱nze̱tti̱ ko̱ ci aanyet ti̱ri̱ze̱ne̱t. Ma̱i̱je̱ ngatu, iróng zin naga karike zi̱nze̱tti̱ kaal cik kacin eberene ko̱. Ngene ci arike zinin gi̱i̱ ci anyak enne la̱du̱n?

2 Ko̱ri̱nto̱ 4:18

Iróng ngen ki̱no̱n zoz ci kapirnane naga i̱yo̱ko̱ niko, imma kaala ne̱k kacin naga eberene i̱yo̱ko̱ niko ko̱, iróng aavtte udut. Abunna ki̱no̱n karike zi̱nze̱tti̱ zoz ci iróng kacin eberene adimanekket Manyi aavtte ta̱mu̱-kenga, abak atin udut.

2 Ko̱ri̱nto̱ 5:6

I̱yo̱ko̱ zin, ming ka̱gga̱ kabak e̱le̱tti̱ne̱ cik kanyak lo̱o̱ta̱ ngatu ko̱, iróng naga kabak ki Manyi ta̱mu̱-kenga.

Evesos 2:19

Niga ol wak iróng e̱e̱ggi̱n Ya̱u̱d, iróng niga e̱e̱ggi̱nnu̱ mo̱ddo̱ icima i̱do̱ngi̱ ngu̱me̱ ci Ta̱mu̱ta̱dde̱no̱, abarik izetu niga boor co̱de̱ ki i̱yo̱ko̱ ol wak een boor ci Ta̱mu̱ta̱dde̱no̱ a̱tu̱ nonno ko̱.

I̱bu̱ru̱ 11:14

Imma ol cik ozoz niko ko̱, orong nege orog cinne̱ng ci aave do̱.

I̱bu̱ru̱ 11:17

Imma tu̱we̱nte̱ ci Aburahami bali atimane Ta̱mu̱ta̱dde̱n nonno zo̱ze̱ ci ngerinne I̱sa̱ko̱ ko̱, abunna ming apahek nonno kize wawac. Orong zin enne kapahek I̱sa̱ko̱ Ta̱mu̱ta̱dde̱n ngerinne wa o̱de̱ ṯok kize wawac, ming u̱du̱wa̱k Ta̱mu̱ta̱dde̱n nonno zoz neci nu̱nu̱n, eci enne a̱gga̱ zoz bali u̱du̱wa̱ Manyi ke̱.

I̱bu̱ru̱ 11:27

Okko tu̱we̱nta̱ utungek Musesi lo̱o̱c ci Masiro lo̱o̱c, iróng o̱ngo̱o̱le̱ alaan, anime enne eci icin Ta̱mu̱ta̱dde̱n ci iróng naga kacin eberene.

I̱bu̱ru̱ 11:39

Atali zin Ta̱mu̱ta̱dde̱n ol ne̱ke̱ do̱o̱k eci nege anyak tu̱we̱ne̱t. Ngen zin nege kurubta zoz bali u̱du̱wa̱ Manyi ke̱.

1 Peturu 1:1

Ke̱e̱ni̱ anna Peturu wa een to̱ni̱a̱t ci Ye̱su̱ Ki̱ri̱sto̱, keherakkung waraga cu ol wak atahala Ta̱mu̱ta̱dde̱n azanonnik lo̱o̱cco̱k u̱tu̱gu̱zzo̱ kiwagon ol cik een i̱do̱ngi̱, aavtte nege Pontacakte, Ga̱la̱ti̱a̱, Cappadociakte, Asia ki Bithynia.

1 Peturu 1:17

Eci niga awuyyu nonno kize Be̱e̱ti̱nno̱ng, iróng zin Ta̱mu̱ta̱dde̱n ahal ol, abait baiz ci ogon ki ci abakku i̱do̱ngi̱ne̱ lo̱o̱ta̱ ngatu, kar o̱to̱ngo̱o̱ltte̱ Ta̱mu̱ta̱dde̱n.

1 Peturu 2:11

Niga gotonogga ki ngonogga tu̱we̱nta̱, e̱e̱ggi̱nnu̱ niga e̱re̱nno̱k lo̱o̱ce̱ cu. Kilalekkung aarta e̱le̱tti̱ kaale cik gerzek amin zi̱nze̱tti̱ cuggo̱k, eci anyaha zoz necu jo̱o̱re̱ zi̱nze̱tti̱nne̱ cuggo̱k.

1 Jon 3:19

Ming kirez naga ol u̱gge̱, ka̱gga̱ naga niko kaavtte naga zo̱ze̱ ci een de̱de̱, kar zi̱nze̱tti̱ cigga̱c ka̱vvu̱to̱ lo̱o̱ta̱ ki nonno,