I̱bu̱ru̱ 10:4 - Tennet

⁴ eci bi̱ye̱ta̱ cik tiinu ki cik eezau iróng aara ol mu̱nye̱n.

I̱bu̱ru̱ 10:4 Iomraidhean Croise

Marko 12:33

Abunna ming irezi i̱nna̱ nonno zinine cunne do̱o̱k, ki zoz ci a̱gga̱we̱ nonno do̱o̱k, ki komize cunne do̱o̱k, kar bo̱do̱k irez e̱e̱t ci locariyo ki i̱yo̱ko̱ ming irezi i̱nna̱ ele cunne ko̱, riil ti̱lo̱wi̱ne̱t necu kommog kaal cik kapahek naga Ta̱mu̱ta̱dde̱n.”

Kaviyak wak Abunna Ta̱mu̱ta̱dde̱no̱ eher Joni 1:29

Ma̱i̱je̱ nge̱rre̱ti̱n ci reng, edenya Joni Ye̱su̱ ming a̱kku̱nna̱k nonno, kar kize ne, “Icinnet, Nyoon ci Ta̱mu̱ta̱dde̱no̱ wa a̱vi̱la̱ mu̱nye̱n cik lo̱o̱tu̱!

Roma 11:27

Een necu olom cinanni ki nogo, ming kokko atin kaara nogo mu̱nye̱n.”

I̱bu̱ru̱ 10:1

Een lo̱ti̱nno̱wa̱ cik Musesi ri̱ri̱to̱n ci zoz ci abunna een jor, u̱du̱wa̱ Manyi a̱kku̱ atin. Obodonik olli wawaco apahek Ta̱mu̱ta̱dde̱n kaal odohize odohize. Iróng kaala ne̱k apahek olli wawaco Manyi ko̱ a̱vi̱la̱ mu̱nye̱n wak ol wak ala nonno.

I̱bu̱ru̱ 10:11

Abile ol wak wawaco Ce̱e̱ze̱ wa Ta̱mu̱ta̱dde̱no̱ apahek Ta̱mu̱ta̱dde̱n kaal odohize odohize ki ming a̱du̱wa̱ lo̱ti̱nno̱wa̱ cik Musesi, iróng kaala ne̱ke̱ aara ol mu̱nye̱n.

I̱bu̱ru̱ 10:8

A̱du̱wa̱ zin Ye̱su̱ zoz necu azi arrak ne, “Iróng i̱nna̱ Ta̱mu̱ta̱dde̱n elemi kaal cik apaheki ol kize wawac, icima cik aburcene.” Ming nu̱nu̱n a̱du̱wa̱ lo̱ti̱nno̱wa̱ cik Musesi azi ne abunna.

I̱bu̱ru̱ 9:9

Een necu ri̱ri̱to̱n ci zoz ci kacin ngatu ko̱. Iróng muci ki kaal ne̱k apahek olli wawaco Ta̱mu̱ta̱dde̱n cik a̱vi̱la̱ ol mu̱nye̱n.

1 Jon 3:5

A̱gga̱yyu̱ niga a̱kku̱ Ki̱ri̱sto̱ kar ki̱ki̱ya̱ kaara mu̱nye̱n cigga̱c, iróng enne eliya anyak mu̱nye̱n udut.