I̱bu̱ru̱ 10:38 - Tennet

³⁸ Imma e̱e̱ti̱ cinanni abunna abak atin tu̱we̱nta̱. Ming a̱mi̱re̱ enne ki vu̱rru̱t, iróng anna kirezi kaal ne̱k ogon enne ke̱.”

I̱bu̱ru̱ 10:38 Iomraidhean Croise

Ma̱te̱yo̱ 12:18

“Icu du̱ca̱i̱t cinanni wa bali katahala anna ke̱, wa o̱de̱ ṯok kirezi anna, katalne zo̱ze̱ cinne, karike atin anna Vongiz cinanni nonno, kar atin enne keela ol lo̱o̱co̱we̱ do̱o̱k kurubta lo̱ki̱ko̱ ci een de̱de̱.

Ma̱te̱yo̱ 13:21

Iróng zin egero cigge̱k i̱i̱zo̱ lo̱o̱c oroot, iróng bo̱do̱k abak u̱u̱mu̱c. Ming ize gerza baizi icima amuda no̱ngi̱tto̱n kaviyahe ne̱ke̱, iróng anime, ungnek zin kaviyak ne̱ke̱ lo̱o̱c.

Roma 1:17

Eci kaviyahe cik abunna Ye̱su̱ i̱ye̱la̱ ming a̱kku̱ bunnati ngati Ta̱mu̱ta̱dde̱no̱, aara zin ol balik u̱tu̱gu̱zzo̱ mu̱nye̱n ke̱ kizeto ol cik abunna, a̱kku̱ bunnati neci tu̱we̱nta̱ arrak oowa okko rok vu̱rru̱t, ki i̱yo̱ko̱ ming e̱he̱rye̱, azi ne, “Abak atin e̱e̱ti̱ ci abunna tu̱we̱nta̱.”

Ga̱la̱ti̱a̱ 3:11

Een de̱de̱, iróng e̱e̱ti̱ imma abak baiz ci abunna ngu̱me̱ ci Ta̱mu̱ta̱dde̱no̱ ming azunne enne lo̱ti̱nno̱k do̱, eci e̱he̱rye̱ Warage ci Ta̱mu̱ta̱dde̱no̱ azi ne, “Abak atin e̱e̱ti̱ ci abunna tu̱we̱nta̱.”

1 Te̱se̱lo̱ni̱ka̱ 2:15

U̱ru̱we̱t zin ba̱li̱ye̱ Ya̱u̱di̱ uggak a̱ri̱tto̱k wak zoz ci Ta̱mu̱ta̱dde̱no̱, kar kurumttek ki Manyi Ye̱su̱ vu̱rrta̱. I̱yo̱ko̱ amartoitta kar zin kottoktetta. Kar kanycik kutuburret nong kar bo̱do̱k kamartoi ol do̱o̱k,

I̱bu̱ru̱ 10:39

Imma naga e̱le̱tti̱ne̱, iróng kogon ki ol wak a̱mi̱re̱ ki vu̱rru̱t tu̱we̱nta̱ ko̱, kar kidittai, abarik naga ke̱e̱ggi̱n ol wak ka̱tu̱ Ta̱mu̱ta̱dde̱n, a̱ti̱ri̱ze̱t atin enne.

Je̱mi̱s 5:6

Etteddeu niga ol cik abunna lo̱ki̱ko̱ kar bo̱do̱k u̱ru̱kttu̱ ol cik gununik, ol balik iróng adangnyung bu̱k.

1 Jon 2:19

Engertta ol ne̱ke̱ e̱le̱tti̱ cigge̱k, iróng nege e̱e̱ggi̱n ol cigga̱c. Ming e̱e̱ggi̱n nege ol cigga̱c de̱de̱, aavtte weda ki agita. Abarik engerttai nege ngatinna, i̱llo̱i̱ rok e̱e̱t co̱de̱ ci kaavtte bu̱k.