I̱bu̱ru̱ 10:34 - Tennet

³⁴ Ippirttau niga ki ol wak e̱ce̱bje̱ lagama, kar bo̱do̱k kaamttaung i̱jjo̱ cuggo̱k, abunna ming anyakku zi̱nze̱tti̱nne̱ cik alali. A̱gga̱yyu̱ niga a̱a̱nyu̱ng atin Ta̱mu̱ta̱dde̱n i̱jjo̱ cik abunna aavtte udut.

I̱bu̱ru̱ 10:34 Iomraidhean Croise

Ma̱te̱yo̱ 19:21

Abariz zin Ye̱su̱, “Ming orongi i̱nna̱ ize e̱e̱t ci iróng anyai mu̱nye̱n, bit tuwoyi i̱jjo̱ cigunnek do̱o̱k, kar anyik o̱ro̱bi̱ya̱ ol cik amati, kar zin kaala cigunnek kadazze ta̱mu̱-kenga. Kar i̱jja̱ zin nuwan.”

Lu̱ka̱ 10:42

abarik anyak gi̱i̱ co̱de̱ ṯok ci korong naga. Atahala zin Ma̱ri̱ya̱ gi̱i̱ ci abunna, iróng atin e̱e̱ti̱ imma a̱gga̱ma̱ ngatinne.”

Lu̱ka̱ 12:33

U̱tu̱yye̱k kaal cik anyakku niga ko̱, kar anycik o̱ro̱bi̱ya̱ ol cik amati. Idimantek e̱le̱tti̱ cuggo̱k de̱he̱rwa̱ cik iróng egerzanne, eezet ci aave ta̱mu̱-kenga ci iróng atin edeccai, nginti iróng anyak ogoryak cik a̱vvu̱ ojonun kar bo̱do̱k i̱llo̱i̱ ngazengaze cik egerzanni.

Lu̱ka̱ 9:25

Nya ci abunna ming anyak e̱e̱ti̱ kaal cik lo̱o̱c cu do̱o̱k, imma ngatu i̱zzi̱ baizi cinne to?

Buk wa To̱ni̱a̱u̱ 21:33

I̱ki̱ya̱ ddi̱ki̱ryo̱i̱ti̱ wa a̱ddi̱ki̱re̱ eceb Pa̱u̱lo̱ kar zin enne ku̱du̱wa̱k ol kecebit nonno diditai cik e̱e̱ggi̱n rama. Kar zin enne ki̱jji̱no̱, een enne ngene, u̱tu̱gu̱ enne nyaa?

Buk wa To̱ni̱a̱u̱ 28:20

Eci zo̱ze̱ necu, korongi anna kurumto ki i̱ge̱t kar kozoziung ko̱ nenen necu. Kecebje anna zo̱ze̱ ci arike olli Israilo do̱o̱k zi̱nze̱tti̱ cigge̱k.”

Buk wa To̱ni̱a̱u̱ 5:41

Iyokta zin to̱ni̱a̱ha̱ lo̱ki̱ka̱ talninta eci nege a̱gga̱ ming apirna nege zare cik Ye̱su̱.

2 Ko̱ri̱nto̱ 5:1

Ka̱gga̱yya̱ naga e̱le̱tti̱ cik kanyak lo̱o̱ce̱ cu ko̱ ogon ki ti̱te̱tta̱ cik a̱ra̱gi̱ne̱ ol. Iróng zin ko̱ngo̱o̱le̱ gi̱i̱ ci adak e̱le̱tti̱ cigga̱c. Ka̱gga̱ ming ka̱da̱i̱, aanyyet atin Ta̱mu̱ta̱dde̱n nginti kaavtte udut ta̱mu̱-kenga. Iróng ngin neci ogon ki ce̱e̱zi̱ cik adiman ol azzine ko̱.

Evesos 3:1

Ku̱tu̱gu̱ anna Pa̱u̱lo̱ ki e̱e̱ti̱ ci kecebje, eci atahala Ye̱su̱ Ki̱ri̱sto̱ annit abunna ming keela ol cik iróng een Ya̱u̱d kuwahek nogo zoz ci Ta̱mu̱ta̱dde̱no̱.

Evesos 4:1

Eci kaale cik u̱tu̱gu̱we̱u̱ng Manyi Ye̱su̱, kecebje zin anna zo̱ze̱ ci ka̱li̱ngli̱ngo̱ni̱ke̱ nonno, kilalekkung zin anna i̱ge̱t abait baiz ci ol wak a̱tu̱we̱ balik atahalak Ta̱mu̱ta̱dde̱n ele cinne.

Evesos 6:20

Eci ke̱e̱ni̱ zin anna to̱na̱i̱t ci kar kuwahek ol kaviyak cik Ta̱mu̱ta̱dde̱no̱ abunna, ming kecebje nu̱nu̱n ko̱. Alayeang Ta̱mu̱ta̱dde̱n kar kuwahek ol zoz ci Ta̱mu̱ta̱dde̱no̱ mazeta labak.

Vilipia 1:7

Aavtiyyu niga odohize zinine cinanni, kirezung anna i̱ge̱t oroot, abunna zin ming kabai anna go̱o̱le̱ necu ngatinno̱ng. Ming kaave ngati kapirnane lagama ko̱ icima kuwahek ol kaviyak cik abunna, eeltau niga do̱o̱k li̱ngli̱ngo̱n ci kozol naga ki i̱ge̱t deten ci Ta̱mu̱ta̱dde̱no̱ ki annit bu̱k.

Kolosiya 1:5

Een tu̱we̱ne̱t necu ki rezinet ci a̱kku̱ zo̱ze̱ ci arikku niga zi̱nze̱tti̱ zoz ci e̱re̱yyu̱ niga aave ta̱mu̱-kenga, iziktu niga zoz neci zo̱ze̱ ci een de̱de̱, kaviyahe cik abunna

1 Ti̱mo̱te̱yo̱ 6:19

Imma go̱o̱le̱ necu aarik atin nege i̱to̱kze̱t cinne̱ng kize ci een ja̱mi̱te̱n ci bu̱u̱llo̱k cik a̱vvu̱, kar nege ka̱gga̱mi̱t baiz wa een baiz de̱de̱.

2 Ti̱mo̱te̱yo̱ 1:16

Anyik Manyi ka̱mu̱yu̱k ce̱e̱z ci Onesiphorus, ma̱rri̱t ba̱li̱ye̱ ozozikan, iróng enne anyak a̱li̱ya̱n zo̱ze̱ ci kecebine anna lagama ko̱.

2 Ti̱mo̱te̱yo̱ 2:9

Kapirna zo̱ze̱ ci kuwaheke ol kaviyak cik abunna ko̱. Kecebje lagama kiwagon mu̱ju̱li̱, iróng zin zoz ci Ta̱mu̱ta̱dde̱no̱ bu̱k e̱ce̱bje̱.

2 Ti̱mo̱te̱yo̱ 4:8

I̱yo̱ko̱ kere gi̱i̱ ci okko Ta̱mu̱ta̱dde̱n aanya luluk ci abunna alaanzetu, eci anna kelemi zoz cinne. Aanya atin Manyi i̱i̱te̱ne̱ ci okko enne obodak lo̱o̱c, iróng enne anyak mu̱nye̱n, etted atin lo̱ki̱ko̱ labak. Iróng zin atin Manyi amuca annit do̱, amuc ol do̱o̱k wak irez nonno kar kerec i̱i̱te̱n ci okko enne obodane.

I̱bu̱ru̱ 11:16

Abarik nege orong orog ci riili aave ta̱mu̱-kenga, iróng zin a̱li̱ya̱ni̱ a̱da̱k Ta̱mu̱ta̱dde̱n ming awu nege nonno Ta̱mu̱ta̱dde̱n cinne̱ng, eci adimanek nogo orog ta̱mu̱-kenga.

I̱bu̱ru̱ 13:14

Ka̱gga̱ naga ju̱rru̱m iróng looci cu ci kabahe udut, anyak atin orog ci aave udut, ngen naga kere orog ci aave do̱ ci atin a̱kku̱.

I̱bu̱ru̱ 13:3

Eelta ol cik e̱ce̱bje̱ lagama, u̱tu̱gu̱z ki ci een i̱ge̱t e̱le̱tti̱ne̱ cik e̱ce̱bi̱nnu̱ lagama. Eelta ol wak a̱gi̱d ol, ogon ki i̱yo̱ko̱ a̱gi̱ddu̱ng ol i̱ge̱t e̱le̱tti̱ne̱.

I̱bu̱ru̱ 9:15

Ye̱su̱ Ki̱ri̱sto̱ ci een zoc ci Ta̱mu̱ta̱dde̱no̱, anyaha olom ci een jor, kar ol cik awu Ta̱mu̱ta̱dde̱n kar elemtta olom ci een oo, aruba baiz ci aave udut kar kanyait kaal do̱o̱k, eci Ye̱su̱ a̱da̱i̱ kar kaara ol mu̱nye̱ne̱ balik ogon nege lo̱ti̱nno̱we̱ balik Musesi reentik ke̱.

Je̱mi̱s 1:2

Gotonogga ki ngonogga tu̱we̱nta̱, abunna zin kaavtte talninta, ming nu̱nu̱n atimanet no̱ngi̱tto̱na̱ go̱o̱lo̱we̱ cik aavtte do̱ do̱ baiza.

1 Peturu 1:4

Aanyyet kaal cik karagiz naga abak aavtte udut, aavtte ta̱mu̱-kenga kize cuggo̱k,

1 Jon 3:2

Gonogga wak zinino, ke̱e̱ggi̱n naga de̱de̱ dooli cik Ta̱mu̱ta̱dde̱no̱, iróng naga ka̱gga̱ ogon e̱le̱tti̱ cigga̱c ku̱. Abarik ka̱gga̱ atin naga e̱le̱tti̱ cigga̱c kogon naga ki i̱yo̱ko̱ Ki̱ri̱sto̱ ko̱, ming okko enne obodak lo̱o̱c, eci kacin atin naga nonno de̱de̱.