I̱bu̱ru̱ 10:32 - Tennet

³² A̱a̱dda̱ i̱i̱nya̱ balik ngen elemannu Ye̱su̱ jor ke̱. Arikku niga zi̱nze̱tti̱ Ta̱mu̱ta̱dde̱n, ming anyak kaal cik anyahakku̱ng piryanzet.

I̱bu̱ru̱ 10:32 Iomraidhean Croise

Buk wa To̱ni̱a̱u̱ 26:18

kar oo ebere cigge̱k, tuhu nogo ngati mu̱hu̱ri̱ kicinnet nginti voori. Ooga nogo komize ci Sitano ki̱vi̱ta̱k Ta̱mu̱ta̱dde̱n, kar enne kalalek nogo mu̱nye̱n cigge̱k kar nege kidongte ki ol cik Ta̱mu̱ta̱dde̱no̱ a̱li̱le̱ zo̱ze̱ ci a̱tu̱ya̱ nege annita.’

Roma 12:12

Abunna ming atalninnu ngati arikku zi̱nze̱tti̱ Ta̱mu̱ta̱dde̱n. Ming apirnannu, inimet no̱ngi̱tto̱n, alayo odohize.

2 Ko̱ri̱nto̱ 4:6

Azi zoz ci Ta̱mu̱ta̱dde̱no̱ ne, “Anyik koor kataran nginti mu̱hu̱ri̱.” Ta̱mu̱ta̱dde̱n ci adiman zoz cinne obod ki Ye̱su̱, ogon ki vooriten ci alanyit zi̱nze̱tti̱nne̱ cigga̱c. U̱tu̱gu̱we̱t Ta̱mu̱ta̱dde̱n zoz necu agit do̱o̱k wak a̱tu̱ Ki̱ri̱sto̱. Ogon niko abunna a̱gga̱yyu̱ ming ovvo acinnu Ye̱su̱, i̱ye̱la̱ bunnat ci Ta̱mu̱ta̱dde̱no̱ ele.

Vilipia 3:16

Abunna zin naga ming kemenna kowo go̱o̱le̱ ci baiz ci bali kurubta een de̱de̱ ko̱.

Kolosiya 2:1

Korongi anna abunna ming a̱gga̱yyu̱ ka̱li̱ngli̱ngi̱ anna kipira zo̱ze̱ cunno̱ng ki ol wak a̱tu̱we̱ abak lo̱o̱ce̱ ci een Laodicea, ki ol cik ngen anna kicin bu̱k.

I̱bu̱ru̱ 12:4

Imma ngati a̱gi̱dde̱t mu̱nye̱na̱ ko̱ nu̱nu̱n, ngen e̱e̱ti̱ imma ngatinno̱ng ka̱da̱k ki bali Ye̱su̱ ke̱.

I̱bu̱ru̱ 5:12

I̱yo̱ko̱ zin, a̱gga̱yyu̱ wo̱ye̱ ette niga zoz ci Ta̱mu̱ta̱dde̱no̱ ju̱rru̱m kar edemezit ol u̱gge̱. Abarik niga orongnyu e̱e̱t imma ci kar kedemezung zoz ci Ta̱mu̱ta̱dde̱no̱ bo̱do̱k. Ogonnu niga ki dooli cik ngen idice, ngen aud i̱ra̱ do̱, iróng adak á̱há̱t.

I̱bu̱ru̱ 6:10

A̱gga̱m Ta̱mu̱ta̱dde̱n ol go̱o̱le̱ ci abunna, iróng enne erehek li̱ngli̱ngo̱ni̱ ci a̱li̱ngli̱nge̱kku̱ niga nonno ki rezinet ci irezzu niga nonno go̱o̱le̱ ci eelannu ol ciginnek ki ba̱li̱ye̱. A̱gga̱ zin enne niko ming emenannu ngati eelannu nogo.

I̱bu̱ru̱ 6:4

Anyak ol cik elemtta zoz ci Ta̱mu̱ta̱dde̱no̱ arrak de̱de̱, kar kurubta zoz neci, kar ki̱mi̱rte̱ ki vu̱rru̱t, i̱llo̱i̱ bo̱do̱k gool ci kar ko̱bo̱dda̱i̱ nege kar ki̱mi̱rto̱zi̱k zoz wa een de̱de̱ udut, eci bali arrak aavtte nege vooritene ci Ta̱mu̱ta̱dde̱no̱, atarit nege ma̱yu̱we̱ne̱t cinne abunna, kar Vongizi ci A̱li̱le̱ kabak ngatinne̱ng. Iziyyet nege kaviyak cik abunna Ta̱mu̱ta̱dde̱no̱ a̱du̱wa̱k nogo ko̱ do̱o̱k, eci a̱li̱ngli̱ng zi̱nze̱tti̱nne̱ cigge̱k. A̱gga̱ nege zoz ci a̱ddi̱ki̱re̱ atin a̱kku̱ ke̱. Ming a̱gga̱c nege kaal ne̱ko̱ do̱o̱k, kar ki̱mi̱rte̱ ki vu̱rru̱t, iróng ngen obodak Ta̱mu̱ta̱dde̱n, eci nege a̱ru̱we̱k Ngerrti Ta̱mu̱ta̱dde̱no̱ keet ci een ta̱la̱ke̱c, abarik anyakttak nonno a̱li̱ya̱n orgene ci ollu.

2 Jon 1:8

U̱zu̱tte̱ li̱ngli̱ngo̱n bali a̱li̱ngli̱ngnyu̱ niga ke̱. Ming u̱zu̱ttu̱, kar abunna atin a̱ma̱yu̱kku̱ng Ta̱mu̱ta̱dde̱n kar ka̱a̱nyu̱ng kaal cik orong enne ka̱a̱nyu̱ng i̱ge̱ta̱.

O̱no̱zzo̱k 2:5

I̱no̱ni̱t nginti bali aavtiyyu niga ke̱ baling ngen u̱yu̱kte̱, utungtek ba̱ci̱nno̱k lo̱o̱c kar u̱tu̱gu̱z kaal balik ogonnu niga oowa ke̱. Ming iróng niga ungneku mu̱nye̱n lo̱o̱c, kokko anna ka̱kku̱na̱ku̱ng kar kaara gi̱i̱ ci abilne tukuleci ngati aave ko̱.

O̱no̱zzo̱k 3:3

Abunna ming a̱a̱da̱nnu̱ gool ci iziktu niga ko̱ ki ci a̱gga̱ma̱nnu̱ niga zoz ci Ta̱mu̱ta̱dde̱no̱; o̱to̱ngo̱o̱ltte̱ zin zoz neci, kar uturtta mu̱nye̱n cuggo̱k. Ma̱i̱je̱ ming iróng niga ooyyu ebere cuggo̱k, ka̱kku̱ni̱ atin anna kiwagon ogoryaiti, iróng atin niga a̱gga̱yyu̱ i̱i̱te̱n ci ka̱kku̱na̱ku̱ng anna i̱ge̱ta̱.