I̱bu̱ru̱ 10:29 - Tennet

²⁹ I̱no̱ni̱t lo̱ki̱ko̱ ci okkomi okko Ta̱mu̱ta̱dde̱n etteddek ol wak ibbez zoz ci Ngerrti Ta̱mu̱ta̱dde̱no̱, adima bo̱do̱k bi̱ye̱ cik Ye̱su̱ anyaha olomi ci een jor, wa eela nonno mu̱nye̱ne̱ ko̱ kize gi̱i̱ ci labak, kar bo̱do̱k kodom Vongiz ci A̱li̱le̱ Ta̱mu̱ta̱dde̱no̱ ci aanyik nonno de̱ti̱ne̱t ko̱.

I̱bu̱ru̱ 10:29 Iomraidhean Croise

Ma̱te̱yo̱ 26:28

eci e̱e̱ggi̱n ne̱ko̱ bi̱ye̱ cigannik olomo ci Ta̱mu̱ta̱dde̱no̱ ki ol ciginnek. A̱vvu̱ bi̱ye̱ta̱ ne̱ko̱ abunna aara ol cik meelek mu̱nye̱n.

Ma̱te̱yo̱ 7:6

“Ma adima kaal cik a̱li̱le̱ kar ju̱ke̱k urzi; ma a̱ju̱ke̱k kaal cik riilik kodurukwa, ovvo atin nege orocik lo̱o̱c egerzan zone. Kar atin nege vu̱rrta̱ kerecin.

Marko 7:2

kar nege kicinnet nuyak cik Ye̱su̱ u̱gge̱ ming adakce ngati ngoronye nogo azzina kiwagon olli Varacisi.

Lu̱ka̱ 12:10

Kar e̱e̱ti̱ imma ci ozoz gerzet ngati Ngerrti E̱e̱to̱, alalnek atin enne nonno, ma̱i̱je̱ e̱e̱ti̱ ci odom Vongiz ci A̱li̱le̱, iróng atin enne alalnek nonno udut.

Kaviyak wak Abunna Ta̱mu̱ta̱dde̱no̱ eher Joni 10:36

imma anna, atahala Baba, kar ki̱tto̱na̱ ki̱ki̱ya̱k lo̱o̱c. Nya zin ci a̱du̱wa̱nnu̱ a̱nnu̱ ne odomi anna nonno zo̱ze̱ ci kazi ne, ‘Ke̱e̱ni̱ anna Ngerrti Ta̱mu̱ta̱dde̱no̱’?

Kaviyak wak Abunna Ta̱mu̱ta̱dde̱no̱ eher Joni 17:19

Kanyiya anna ele cinanni ki̱li̱li̱ la̱du̱n, kar ki̱li̱ngli̱ngo̱zi̱k nogo, kar nege kabaito zo̱ze̱ ci een de̱de̱ udut.”

Buk wa To̱ni̱a̱u̱ 7:51

“Niga ol cik okkomi o̱o̱tti̱ kak kar bo̱do̱k kiditeung iina! Ogonnu niga ki ji̱ji̱ti̱ggo̱k: Aburnnu niga odohize Vongiz ci A̱li̱le̱.

Roma 16:20

A̱du̱l atin Ta̱mu̱ta̱dde̱n wa anyak gano ko̱ Sitan kar korocek nonno lo̱o̱c zone cigunnek. Anyik deten ci Manyitinna Ye̱su̱ ka̱vvu̱ ngatinno̱ng.

1 Ko̱ri̱nto̱ 11:27

Ming adak e̱e̱ti̱ umune neci icima aud merte (vi̱no̱) go̱o̱le̱ ci gerze, u̱tu̱gu̱ enne mu̱nye̱n eliya ki bi̱ye̱te̱ cik Manyi.

1 Ko̱ri̱nto̱ 11:29

Ming adak e̱e̱ti̱ imma umune icima aud merte (vi̱no̱) ngati iróng enne elemne ele ci Manyi, adahek icima audek ele cinne lo̱ki̱ko̱ ci okko atin ettedonik nonno.

1 Ko̱ri̱nto̱ 15:25

Abal atin arrak Ki̱ri̱sto̱ lo̱o̱c do̱o̱k zee kommog Ta̱mu̱ta̱dde̱n ol wak amarine nonno do̱o̱k. Aanyik Ta̱mu̱ta̱dde̱n atin Ki̱ri̱sto̱ korocek nogo lo̱o̱c zone.

1 Ko̱ri̱nto̱ 15:27

Azi Warage ci Ta̱mu̱ta̱dde̱no̱ ne, “Aanyik Ta̱mu̱ta̱dde̱n Ngerinne kabal kaal do̱o̱k.” Imma zin zo̱ze̱ necu ka̱gga̱ naga niko abal atin Ye̱su̱ Ki̱ri̱sto̱ kaal do̱o̱k. Iróng zin zoz necu ci azi ne, kar atin Ye̱su̱ kabal Ta̱mu̱ta̱dde̱n, een abarik Ta̱mu̱ta̱dde̱n ci anyik nonno kabal kaal ne̱k lo̱o̱tu̱ ko̱ do̱o̱k.

1 Ko̱ri̱nto̱ 6:11

I̱yo̱ko̱ orgene cunno̱ng ngatu, anyak ol u̱gge̱ ba̱li̱ye̱ cik ogon kaal ne̱ko̱. Uburuca zin abarik Manyitinna Ye̱su̱ Ki̱ri̱sto̱ ki Vongiz ci Ta̱mu̱ta̱dde̱no̱ mu̱nye̱n cuggo̱k, kar ka̱a̱nyu̱ng izet dooli cik a̱li̱le̱ Ta̱mu̱ta̱dde̱no̱.

Evesos 4:30

Ma anyikku Vongiz ci A̱li̱le̱ Ta̱mu̱ta̱dde̱no̱ komoze, nonno ci a̱a̱nyu̱ng a̱gga̱c i̱i̱te̱n imma, ovvo atin niga abakku labak ki̱zze̱c mu̱nye̱na̱ ming okko Ye̱su̱ obodak lo̱o̱c.

Evesos 5:26

Ogon enne zoz necu abunna nege ovvo e̱e̱ggi̱n ol cik abunna doize ci zoz cinne, idiman zin enne nogo kizeto ol cik a̱li̱le̱ ngati unye nogo maame.

I̱bu̱ru̱ 10:10

U̱tu̱gu̱ zin enne gi̱i̱ ci orong Manyi nonno ku̱tu̱gu̱, aanyik zin Ye̱su̱ Ki̱ri̱sto̱ ele cinne kize wawac ci aara ol mu̱nye̱n ne lai, lak co̱de̱, kizeto caale paz.

I̱bu̱ru̱ 12:25

U̱zu̱tte̱ zin, abunna ming aziknnu zoz ci Ta̱mu̱ta̱dde̱n ci ozozikkung ko̱. Iróng olli Ya̱u̱do̱ a̱vi̱r ba̱li̱ye̱ balala baling abure zoz ci Musesi, iróng zin naga ka̱vi̱r zoz ci Ta̱mu̱ta̱dde̱no̱ ci ozozikket ta̱mu̱-kenga ko̱, ming kaburnna zoz cinne.

I̱bu̱ru̱ 13:20

Anyik bai Ta̱mu̱ta̱dde̱n ci gon a̱a̱nyu̱ng gano, go̱o̱le̱ ci bi̱ye̱ cik Ye̱su̱ ci een olom ci aave udut ko̱, bali obodai Manyi Ye̱su̱ daiza, Tuwayoit ci a̱ddi̱ki̱re̱ ommog veelek,

I̱bu̱ru̱ 2:11

Ye̱su̱ ci anyike ol kizeto dooli cik a̱li̱le̱ Ta̱mu̱ta̱dde̱no̱, o̱de̱ be̱e̱ti̱ ol ne̱k aanyik Ye̱su̱ kizeto dooli cik Ta̱mu̱ta̱dde̱no̱ ko̱. Iróng a̱li̱ya̱ni̱ adak Ye̱su̱ ngati awu nogo kizeto gotonoggi ki ngonoggi.

I̱bu̱ru̱ 2:3

Ming kutuburret naga gool ci abunna kamudane ti̱ri̱ze̱ne̱t ko̱, kalit lo̱ki̱ko̱ ci Ta̱mu̱ta̱dde̱no̱ wo̱ye̱ ku̱? U̱du̱wa̱ Ye̱su̱ Manyi zoz necu arrak oowa, imma ol balik iziyyet ke̱ a̱gga̱c ming een zoz ci een de̱de̱, nogo cik a̱du̱wa̱kke̱ta̱.

I̱bu̱ru̱ 4:14

I̱yo̱ko̱ zin, kanyak naga alaan ci a̱ddi̱ki̱re̱ wawaco, een enne Ye̱su̱, Ngerrti Ta̱mu̱ta̱dde̱no̱ bali okko ta̱mu̱-kenga ke̱. Abunna zin ming kazunne tu̱we̱ne̱t cinna wa bali obod ki nonno.

I̱bu̱ru̱ 6:4

Anyak ol cik elemtta zoz ci Ta̱mu̱ta̱dde̱no̱ arrak de̱de̱, kar kurubta zoz neci, kar ki̱mi̱rte̱ ki vu̱rru̱t, i̱llo̱i̱ bo̱do̱k gool ci kar ko̱bo̱dda̱i̱ nege kar ki̱mi̱rto̱zi̱k zoz wa een de̱de̱ udut, eci bali arrak aavtte nege vooritene ci Ta̱mu̱ta̱dde̱no̱, atarit nege ma̱yu̱we̱ne̱t cinne abunna, kar Vongizi ci A̱li̱le̱ kabak ngatinne̱ng. Iziyyet nege kaviyak cik abunna Ta̱mu̱ta̱dde̱no̱ a̱du̱wa̱k nogo ko̱ do̱o̱k, eci a̱li̱ngli̱ng zi̱nze̱tti̱nne̱ cigge̱k. A̱gga̱ nege zoz ci a̱ddi̱ki̱re̱ atin a̱kku̱ ke̱. Ming a̱gga̱c nege kaal ne̱ko̱ do̱o̱k, kar ki̱mi̱rte̱ ki vu̱rru̱t, iróng ngen obodak Ta̱mu̱ta̱dde̱n, eci nege a̱ru̱we̱k Ngerrti Ta̱mu̱ta̱dde̱no̱ keet ci een ta̱la̱ke̱c, abarik anyakttak nonno a̱li̱ya̱n orgene ci ollu.

I̱bu̱ru̱ 9:13

Imma zo̱ze̱ bali reeni ke̱, apahek tuwayowa cik Ce̱e̱z wa Ta̱mu̱ta̱dde̱no̱ bi̱ye̱ cik eezau ki cik tiinu, kar kazacek ol cik mu̱nye̱nu̱ bbu̱u̱r ci ivade nege mo̱o̱le̱t, ki bi̱ye̱, kar kaara nogo mu̱nye̱n, ka̱vvu̱to̱ labak, kar e̱le̱tti̱ cigge̱k kubunnta eci re̱e̱nu̱no̱.

I̱bu̱ru̱ 9:20

Kar zin bo̱do̱k kazac Ce̱e̱z wa Ta̱mu̱ta̱dde̱no̱ een ti̱ti̱ ki kaal cik lawintak do̱o̱k. Kar zin enne kize ne, “I̱ye̱la̱ bi̱ye̱ta̱ ne̱ko̱ olom ci u̱du̱wa̱u̱ng Ta̱mu̱ta̱dde̱n.”

O̱no̱zzo̱k 1:5

kar bo̱do̱k ngati Ye̱su̱ Ki̱ri̱sto̱ kize bbacait wa abunna, wa een a̱bu̱ ci ingazi daiza oowa, kar bo̱do̱k kize Alaan ci alaat cik lo̱o̱tu̱ do̱o̱k. Irezet Ye̱su̱ Ki̱ri̱sto̱ kar zin kaara mu̱nye̱n cigga̱c bi̱ye̱te̱ ciginnek,