I̱bu̱ru̱ 10:25 - Tennet

²⁵ Abunna karume gon nga̱to̱de̱ ngati kalawe Ta̱mu̱ta̱dde̱n, aanycik kize kaale cinna; ki i̱yo̱ko̱ ming iróng ol uggak arume ko̱, eci izeto ojontte i̱i̱nya̱ cik okko Ye̱su̱ obodak lo̱o̱c.

I̱bu̱ru̱ 10:25 Iomraidhean Croise

Ma̱te̱yo̱ 10:15

Ka̱du̱wa̱kku̱ng zoz ci een de̱de̱, obokce atin abarik ngati o̱ro̱gjo̱k cik een Sodom ki Gomorrah i̱i̱te̱ne̱ ci okko Ta̱mu̱ta̱dde̱n ettede lo̱ki̱ko̱ cinne, gerza atin ngati orog neci oroot.

Ma̱te̱yo̱ 18:20

Eci ming alute ol cik een rama icima i̱i̱yo̱ zo̱ze̱ ci zar cigannik, kaave anna orgene cinne̱ng.”

Kaviyak wak Abunna Ta̱mu̱ta̱dde̱no̱ eher Joni 12:48

Imma e̱e̱ti̱ ci iróng elemna annit kar kutubur zoz cinanni, etted atin zoz neci abure enne ke̱ lo̱ki̱ko̱ cinne ming kokko anna Ye̱su̱ obodak lo̱o̱c i̱i̱te̱ne̱ ci uṯuroi looci.

Buk wa To̱ni̱a̱u̱ 16:16

Bali i̱i̱te̱n imma goola ngati kovvoya ngin wa lawinto, kurumtowa ki du̱ca̱i̱t ci nga̱a̱ye̱ anyak kuuloc ci anyike nonno ku̱du̱wa̱ zoz ci okko atin reena i̱i̱na̱. Amuda enne li̱ngli̱ngo̱ne̱ necu o̱ro̱bi̱ya̱ cik meelek aanyik ma̱ci̱gi̱.

Buk wa To̱ni̱a̱u̱ 2:1

Baling i̱ki̱ya̱ I̱i̱te̱ni̱ wa Pentakosi, aavtte bali nege do̱o̱k nga̱to̱de̱.

Buk wa To̱ni̱a̱u̱ 2:42

Aanycik nege e̱le̱tti̱ cigge̱k de̱mzi̱ne̱t ci to̱ni̱a̱u̱ ki wowonet cinne̱ng, ki du̱le̱ne̱t umune nga̱to̱de̱ ki lawinet.

Buk wa To̱ni̱a̱u̱ 20:7

Imma i̱i̱te̱ne̱ wa een Dominika, ka̱vvu̱ta̱ naga do̱o̱k nga̱to̱de̱ kar kadakta umune wa ka̱a̱da̱nna̱ daiz bali Ye̱su̱ ke̱. Uwak Pa̱u̱lo̱ zee kize ba̱a̱li̱n keng, eci bali orong kar koto nge̱rre̱ti̱n ci reng.

Roma 12:8

Ming anyak e̱e̱ti̱ arizet ci i̱lo̱te̱ ol, abunna ming i̱lo̱t ol ju̱rru̱m. Ming anyak e̱e̱ti̱ arizet ci amuce enne ol, anyik kumuc ol ju̱rru̱m. Ming anyak e̱e̱ti̱ arizet ci abale ol, abunna ming abal ol ju̱rru̱m. Ming anyak e̱e̱ti̱ zinin ci a̱ti̱ri̱ze̱ ol, abunna ming a̱ti̱ri̱z ol ju̱rru̱m.

1 Ko̱ri̱nto̱ 11:20

Ming urumteu niga nga̱to̱de̱ kar adait da̱i̱ne̱t wak a̱a̱da̱nnu̱ niga Manyi, iróng niga a̱a̱da̱nnu̱ daiz cinne go̱o̱le̱ ci abunna.

1 Ko̱ri̱nto̱ 14:23

Ming urumte olli ke̱le̱ci̱o̱ do̱o̱k nga̱to̱de̱, kar ol kozozit u̱tu̱ge̱tti̱ne̱ cik iróng nege a̱gga̱, kar ol uggak cik iróng a̱tu̱we̱ ki̱tto̱zo̱ orgen cinne̱ng, iróng atin nege azi ne adak ol ne̱ko̱ ngamoni?

1 Ko̱ri̱nto̱ 14:3

Ma̱i̱je̱ e̱e̱ti̱ ci ozoz arizet ci zoz ci Ta̱mu̱ta̱dde̱no̱, ozozik enne ol wak diirik, kar kaanyik nogo doiz, i̱lo̱t nogo kar kidihiz nogo kokkomit tu̱we̱nta̱ kak.

1 Ko̱ri̱nto̱ 3:13

abarik zin atin li̱ngli̱ngo̱ne̱ cinne i̱ye̱la̱ gi̱i̱ ci ogon enne, eci atin i̱i̱te̱n imma i̱ye̱la̱i̱ atin kaala nginti voori. I̱ye̱la̱i̱ atin li̱ngli̱ngo̱ni̱ cinne gwo̱o̱ya̱ ngati atuzene ce̱e̱z neci, kar atin gwa̱a̱ kitiman li̱ngli̱ngo̱n cinne̱ng e̱co̱de̱ e̱co̱de̱.

1 Ko̱ri̱nto̱ 5:4

Ming arumenu niga zare cik Manyitinna Ye̱su̱, kaave anna bu̱k ki i̱ge̱ta̱ vongiza, kar doizi ci Manyitinna Ye̱su̱, ka̱vvu̱to̱ ngatinna.

Vilipia 4:5

Tu̱gu̱we̱k ol do̱o̱k kaal cik abunna zinine ci alali. Ize ojon i̱i̱te̱ni̱ ci a̱kku̱nne̱ Manyi.

1 Te̱se̱lo̱ni̱ka̱ 4:18

I̱ti̱lo̱zzo̱ kar eelta e̱le̱tti̱ cuggo̱k zo̱ze̱ necu.

1 Te̱se̱lo̱ni̱ka̱ 5:11

I̱yo̱ko̱ zin i̱ti̱lo̱zzo̱ e̱le̱tti̱ kar i̱ti̱lo̱z ol do̱o̱k tu̱we̱nte̱ ci Ye̱su̱ bu̱k ki i̱yo̱ko̱ ming abakku ko̱.

I̱bu̱ru̱ 10:24

Abunna ming ki̱lo̱t ol zo̱ze̱ ci kirezonne bak kogon kaal cik abunna.

I̱bu̱ru̱ 10:37

Eci Waraga ci Ta̱mu̱ta̱dde̱no̱ ozoz zoz ci Ye̱su̱ azi ne, “A̱kku̱ atin enne ataman.

I̱bu̱ru̱ 13:22

Gotonogga ki ngonogga tu̱we̱nta̱, kilalekkung abunna ming azunnu zoz ci ka̱du̱wa̱ anna ko̱, eci keteheraung zoz ci u̱tu̱ri̱ waraga.

I̱bu̱ru̱ 3:13

Abarik ki̱ti̱lo̱z gotonogget ki ngonogget odohize, ki i̱yo̱ko̱ ming a̱du̱wa̱kke̱t zoz ci Ta̱mu̱ta̱dde̱no̱ wazin necu ko̱. Ma anyikku mu̱nye̱n kecebtaung o̱o̱tti̱ kar utuburet zoz ci Ta̱mu̱ta̱dde̱no̱.

Je̱mi̱s 5:8

Inimet niga bu̱k no̱ngi̱tto̱n, abunna ming arikku zi̱nze̱tti̱ lo̱o̱c kar ibilet ṯop baiza, eci ize ojon i̱i̱te̱ni̱ ci a̱kku̱nne̱ Manyi.

1 Peturu 4:7

Ize ojon i̱i̱te̱ni̱ ci aṯurneke kaala veelek. I̱yo̱ko̱ zin, abunna ming egenyyu oroot, abunna bo̱do̱k ming okkomnu lawinta kak.

2 Peturu 3:11

Aditai atin kaala veelek go̱o̱le̱ necu. Abunna zin ming abakku baiz ci a̱li̱le̱ o̱ngo̱o̱li̱nnu̱ Ta̱mu̱ta̱dde̱n kar i̱li̱ngli̱nge̱t zoz cinne.

2 Peturu 3:14

Gotonogga ki ngonogga tu̱we̱nta̱, ming ngen niga erewinnu ko̱, abait baiz ci a̱li̱le̱, i̱llo̱i̱ rok gi̱i̱ imma ci gerze, kar bo̱do̱k abait yahe.

2 Peturu 3:9

Iróng Manyi ogon zoz ci u̱du̱wa̱ enne idic, ki i̱yo̱ko̱ ming i̱no̱n ol uggak ko̱. Alalizan enne zinin cinne ngatinno̱ng, iróng orong e̱e̱t imma ngatinno̱ng ka̱da̱k, abarik orong ol do̱o̱k kuturta mu̱nye̱n cigge̱k.

Ju̱da̱ 1:19

Ol ne̱ko̱ cik anyaha ngero orgen cunno̱ng, eci irez nege kaal cik lo̱o̱tu̱ gerzek, iróng zin nege anyak Vongiz ci Ta̱mu̱ta̱dde̱no̱ zi̱nze̱tti̱nne̱ cigge̱k.