I̱bu̱ru̱ 10:24 - Tennet

²⁴ Abunna ming ki̱lo̱t ol zo̱ze̱ ci kirezonne bak kogon kaal cik abunna.

I̱bu̱ru̱ 10:24 Iomraidhean Croise

Buk wa To̱ni̱a̱u̱ 11:29

Kar zin nuyaha, nege do̱o̱k arizete cinne̱ng, orongit kar keelta gotonogget wak a̱tu̱we̱ aavtte lo̱o̱ce̱ ci Ju̱de̱ya̱.

Roma 11:4

O̱bo̱de̱k ba̱li̱ye̱ Ta̱mu̱ta̱dde̱n E̱li̱ja̱ zoz ci azi ne? “Kanyikzaki ol cik een i̱bbo̱nge̱t turgerem (7,000) kize ja̱mi̱te̱n cik ngen kalac ta̱mu̱ta̱dde̱n ci een Ba̱a̱l adimana e̱e̱ti̱ azzine.”

Roma 12:15

Ming atalne ol, ataltto niga bu̱k ki nogo. Ming anyak e̱e̱ti̱ u̱lu̱wa̱, u̱tu̱lu̱z niga bu̱k.

1 Ko̱ri̱nto̱ 10:33

Korongi gon anna ol do̱o̱k katalto kaale wak kogonni anna ko̱ go̱o̱lo̱we̱ do̱o̱k. Iróng anna korongi ku̱tu̱gu̱ kaal cik ele cinanni do̱, abarik korongi ku̱tu̱gu̱we̱k ol do̱o̱k kaal cik abunna, kar atin nege kurubta ti̱ri̱ze̱ne̱t ci Ta̱mu̱ta̱dde̱no̱.

1 Ko̱ri̱nto̱ 9:22

Imma ming ka̱li̱ngli̱ngnya̱ ki e̱e̱t ci iróng a̱tu̱we̱ ju̱rru̱m, kobodane anna ele cinanni kar kanyahak nonno tu̱we̱ne̱t ci okkomi. Ku̱tu̱gu̱ anna kaal do̱o̱k kar ki̱ti̱ri̱z ol u̱gge̱ ki̱vi̱ta̱k Ki̱ri̱sto̱ kanyait tu̱we̱ne̱t ci okkomi.

2 Ko̱ri̱nto̱ 8:8

Iróng anna kadangekkung abunna ming ogonnu kaal ne̱ke̱. Eci kicina ol wak a̱tu̱we̱ o̱ro̱gjo̱we̱ ugganik ming anyak zi̱nze̱tti̱ cik voorik orongnyet keeltta ol wak a̱tu̱we̱, korongi ku̱du̱wa̱u̱ng katimani anna rezinet cunno̱ng ming irezzu niga ol de̱de̱.

2 Ko̱ri̱nto̱ 9:2

Ka̱gga̱ anyakku zi̱nze̱tti̱ cik orongnyu de̱de̱ eelta nogo. Kanattung anna oroot ngati ka̱du̱wa̱ke̱ olli Ta̱mu̱ta̱dde̱no̱ lo̱o̱c ci Macedonia zoz ci azi ne, ovvo gotonoggeta tu̱we̱nta̱ rok lo̱o̱c ci een Achaia, ovvo aanyik muci ol wak amati e̱rki̱t necu. Aanyik zin leminet ci anyikku niga ol muci ko̱ nogo koowec muci cinne̱ng bu̱k.

Ga̱la̱ti̱a̱ 5:13

Gotonogga ki ngonogga tu̱we̱nta̱, atahalaung Ta̱mu̱ta̱dde̱n abunna ming abakku baiz ci abunna, kar aanyyait kaal. Ma zin anyikku kaal ne̱ko̱ kize ci ogonnu mu̱nye̱n. Abarik aanyyait kaal ne̱ko̱ kize ci irezzu ol.

Ga̱la̱ti̱a̱ 5:22

Ma̱i̱je̱ baizi Vongiza, een rezinet, ki talninet, ki baiz yahe, ki niimenet no̱ngi̱tto̱n, ki i̱rrke̱ne̱t, ki bunnat, ki tu̱we̱ne̱t Ta̱mu̱ta̱dde̱n,

Ga̱la̱ti̱a̱ 5:6

Ming ke̱e̱ggi̱n ol wak ka̱tu̱ Ye̱su̱ Ki̱ri̱sto̱, i̱llo̱i̱ gi̱i̱ ci kamuda ming ketted wucic vi̱ca̱vi̱ca̱, icima iróng kettedi. Tu̱we̱ne̱t zin ci aanyyet kirezit ol.

Ga̱la̱ti̱a̱ 6:1

Gotonogga ki ngonogga, ming i̱ta̱k e̱e̱ti̱ imma mu̱nye̱n, imma niga ol ne̱k okkomnu Vongize ci Ta̱mu̱ta̱dde̱no̱ ko̱, o̱zo̱zze̱k nonno idic kar enne kobodak orgen cunno̱ng. Ming okko e̱e̱ti̱ adiman zoz neci, zuute ele cunne, gerza ming i̱i̱na̱k i̱nna̱ bu̱k mu̱nye̱n.

Kolosiya 3:16

Aanycik zoz ci Ki̱ri̱sto̱ kabak zi̱nze̱tti̱nne̱ cuggo̱k oroot ming i̱lo̱ttu̱ niga e̱le̱tti̱ do̱o̱k genyiza, ki be̱ni̱ne̱t be̱ni̱nno̱k cik a̱di̱ngdi̱nga̱nnu̱ Ta̱mu̱ta̱dde̱n, anyikku nonno zany be̱ni̱no̱we̱ zi̱nze̱tti̱nne̱ cuggo̱k do̱o̱k.

1 Te̱se̱lo̱ni̱ka̱ 1:3

Ka̱a̱da̱nnu̱ng gon lawinte ci kalayya Ta̱mu̱ta̱dde̱n Be̱e̱ti̱nna̱ zo̱ze̱ ci li̱ngli̱ngo̱n wa ogonnu niga ko̱ ngati a̱tu̱yyu̱ nonno, kar inimet no̱ngi̱tto̱n ngati arikku zi̱nze̱tti̱ Manyitinna Ye̱su̱ Ki̱ri̱sto̱.

1 Te̱se̱lo̱ni̱ka̱ 5:11

I̱yo̱ko̱ zin i̱ti̱lo̱zzo̱ e̱le̱tti̱ kar i̱ti̱lo̱z ol do̱o̱k tu̱we̱nte̱ ci Ye̱su̱ bu̱k ki i̱yo̱ko̱ ming abakku ko̱.

2 Te̱se̱lo̱ni̱ka̱ 3:9

Kaburnna wo̱ye̱ da̱ naga li̱ngli̱ngo̱n kar ka̱vvu̱tta̱ gaganiko, korongnyya zin ba̱li̱ye̱ ki̱ye̱ltte̱u̱ng baiz ci abahe ol wak a̱tu̱we̱. U̱tu̱gu̱z ki naga ko̱.

1 Ti̱mo̱te̱yo̱ 6:18

Du̱wa̱k nogo ku̱tu̱gu̱zzo̱ kaal cik abunna, kar kizeto itok zo̱ze̱ ci abunna kar kizeto ol cik i̱i̱rke̱ orong kar kozolit kaal ki ol.

Ti̱to̱ 2:4

Abunna ngaai wak a̱ddi̱ki̱re̱ ko̱ ming edemez ngaai wak kidik kar kirezit macwa cigge̱k ki dooli,

Ti̱to̱ 3:8

Een zoz ci ka̱du̱wa̱kku̱ng ko̱ de̱de̱. Korongi abunna ming odolnannu zo̱zzo̱we̱ ne̱ko̱ oroot, kar zin ol wak a̱tu̱ Ta̱mu̱ta̱dde̱n ku̱zu̱tte̱ zoz neci, kar ku̱tu̱gu̱zzo̱ kaal cik abunna odohize. Abunna kaala ne̱ko̱ do̱o̱k ming eela ol do̱o̱k.

I̱bu̱ru̱ 13:1

Gotonogga ki ngonogga tu̱we̱nta̱, e̱me̱dda̱ irezto niga do̱o̱k.

I̱bu̱ru̱ 13:3

Eelta ol cik e̱ce̱bje̱ lagama, u̱tu̱gu̱z ki ci een i̱ge̱t e̱le̱tti̱ne̱ cik e̱ce̱bi̱nnu̱ lagama. Eelta ol wak a̱gi̱d ol, ogon ki i̱yo̱ko̱ a̱gi̱ddu̱ng ol i̱ge̱t e̱le̱tti̱ne̱.

I̱bu̱ru̱ 3:13

Abarik ki̱ti̱lo̱z gotonogget ki ngonogget odohize, ki i̱yo̱ko̱ ming a̱du̱wa̱kke̱t zoz ci Ta̱mu̱ta̱dde̱no̱ wazin necu ko̱. Ma anyikku mu̱nye̱n kecebtaung o̱o̱tti̱ kar utuburet zoz ci Ta̱mu̱ta̱dde̱no̱.

1 Jon 3:18

Niga dooli wagannik tu̱we̱nta̱, abunna kirez ol rezinet ci een de̱de̱ ngati kogonne kaal cik abunna baize cinna, iróng een zoza utuga.