I̱bu̱ru̱ 10:22 - Tennet

²² abunna zin naga ka̱vvu̱nna̱k Ta̱mu̱ta̱dde̱n zi̱nze̱tti̱nne̱ cik abunna kar kartik nonno zi̱nze̱tti̱ ki tu̱we̱ne̱t ci okkomi kak. Utunyca bi̱ye̱ta̱ cik Ye̱su̱ ngati a̱da̱kne̱ keete ci een ta̱la̱ke̱c ko̱ mu̱nye̱n, iróng ngen ko̱ngo̱o̱le̱ gi̱i̱ imma. Utunyyce e̱le̱tti̱ cigga̱c ko̱ maame cik caalek ne paz ngati ka̱gga̱me̱ ba̱ti̱ti̱mo̱.

I̱bu̱ru̱ 10:22 Iomraidhean Croise

Ma̱te̱yo̱ 3:11

“Ka̱gga̱me̱kku̱ng anna i̱ge̱t ba̱ti̱ti̱mo̱ maame kar kize gool ci urtannu niga do̱o̱k mu̱nye̱n cuggo̱k. Ma̱i̱je̱ vu̱rrte̱ cinanni a̱kku̱ atin e̱e̱ti̱ ci ommogja annit oroot, iróng wo̱ye̱ anna ke̱e̱ni̱ du̱ca̱i̱t cinne ci kuuli kodong caava ciginnek. Okko atin enne a̱gga̱me̱k ol ba̱ti̱ti̱mo̱ Vongize ci A̱li̱le̱ ki gwo̱o̱.

Lu̱ka̱ 1:1

Eteherit ol cik meelek nga̱ri̱de̱t cik obod ki kaal balik u̱tu̱gu̱zze̱ orgene cinna,

Kaviyak wak Abunna Ta̱mu̱ta̱dde̱no̱ eher Joni 3:5

O̱bo̱de̱k zin bo̱do̱k Ye̱su̱ nonno, a̱nne̱k ne, “Ka̱du̱wa̱ki̱ zoz de̱de̱, iróng e̱e̱ti̱ imma i̱i̱zo̱ ba̱a̱li̱ne̱t ci Ta̱mu̱ta̱dde̱no̱ ming ngen ki̱ti̱rra̱i̱ maame ki Vongiza.

Kaviyak wak Abunna Ta̱mu̱ta̱dde̱no̱ eher Joni 8:9

Abarik baling iziyyet ol zoz ci a̱du̱wa̱ Ye̱su̱ niko, azantte zin nege e̱co̱de̱, e̱co̱de̱, uwante ma̱ti̱yo̱ oowa, bak alungane nege do̱o̱k ne lai, utungtek Ye̱su̱ do̱ lo̱o̱c ki ngaa neci ming ngen abile nginati.

Buk wa To̱ni̱a̱u̱ 22:16

Ere i̱yo̱ko̱ i̱nna̱ nyaa? Tinga je̱e̱na̱ gga̱m ba̱ti̱ti̱mo̱ kar Manyi kutunya mu̱nye̱n cigunnek, kar laa nonno.’

Buk wa To̱ni̱a̱u̱ 8:21

Iróng i̱nna̱ anyai li̱ngli̱ngo̱n imma ngatu, eci zinin cunne iróng abunna ngu̱me̱ ci Ta̱mu̱ta̱dde̱no̱.

1 Ko̱ri̱nto̱ 6:11

I̱yo̱ko̱ orgene cunno̱ng ngatu, anyak ol u̱gge̱ ba̱li̱ye̱ cik ogon kaal ne̱ko̱. Uburuca zin abarik Manyitinna Ye̱su̱ Ki̱ri̱sto̱ ki Vongiz ci Ta̱mu̱ta̱dde̱no̱ mu̱nye̱n cuggo̱k, kar ka̱a̱nyu̱ng izet dooli cik a̱li̱le̱ Ta̱mu̱ta̱dde̱no̱.

2 Ko̱ri̱nto̱ 7:1

Gotonogga ki ngonogga wak kirezi anna ko̱, eci Ta̱mu̱ta̱dde̱n u̱du̱wa̱ zoz cinne kar kaanyyet kizet dooli ciginnek, abunna naga do̱o̱k kabiliz ba̱ci̱nno̱k vongize cinna. Gerza ming kogon kaal cik gerzek, gerza ming ki̱no̱n i̱no̱ni̱ ci gerze. Abunna ko̱ngo̱o̱le̱ Ta̱mu̱ta̱dde̱n, kabak baiz ci caale. Ming ku̱tu̱gu̱zzo̱ naga niko, irezet atin Manyi oroot.

Evesos 3:12

Eci enne u̱tu̱gu̱ niko, aanyet Ki̱ri̱sto̱ agit kurumte ki nonno, kanime zin naga kotoz ngu̱me̱ ci Ta̱mu̱ta̱dde̱no̱ labak ci iróng ko̱ngo̱o̱le̱ gi̱i̱ imma.

Evesos 5:26

Ogon enne zoz necu abunna nege ovvo e̱e̱ggi̱n ol cik abunna doize ci zoz cinne, idiman zin enne nogo kizeto ol cik a̱li̱le̱ ngati unye nogo maame.

Evesos 6:5

Niga du̱cca̱ha̱, o̱to̱ngo̱o̱ltte̱ ddi̱ki̱ryyo̱k cuggo̱k lo̱o̱ta̱ ngatu. Abunna ming a̱li̱ngli̱nge̱kku̱ nogo zi̱nze̱tti̱nne̱ cik alali ki i̱yo̱ko̱ ming a̱li̱ngli̱nge̱kku̱ niga Ki̱ri̱sto̱ ko̱.

1 Ti̱mo̱te̱yo̱ 4:2

Edemez ol ne̱k volongak ol wak a̱tu̱we̱ zoz ci volongo a̱ru̱we̱ nege talaben, ki̱zzi̱ ngatinne̱ng rok a̱li̱ya̱n.

Ti̱to̱ 3:5

I̱ti̱ri̱zze̱t enne agita zo̱ze̱ ci bunnat cinne, iróng een kaale cik abunna ku̱tu̱gu̱zzo̱ naga. Utunya Ta̱mu̱ta̱dde̱n mu̱nye̱n cigga̱c komize ci Vongiz ci A̱li̱le̱. Aanyet enne agit kurubta ti̱ra̱ne̱t ci een jor ki baiz ci ngen akane jor.

I̱bu̱ru̱ 10:1

Een lo̱ti̱nno̱wa̱ cik Musesi ri̱ri̱to̱n ci zoz ci abunna een jor, u̱du̱wa̱ Manyi a̱kku̱ atin. Obodonik olli wawaco apahek Ta̱mu̱ta̱dde̱n kaal odohize odohize. Iróng kaala ne̱k apahek olli wawaco Manyi ko̱ a̱vi̱la̱ mu̱nye̱n wak ol wak ala nonno.

I̱bu̱ru̱ 10:19

Gotonogga ki ngonogga tu̱we̱nta̱, aanyyet bi̱ye̱ta̱ cik a̱da̱kne̱ Ye̱su̱ ki̱tto̱z Nginti A̱li̱le̱ Oroot aave Ta̱mu̱ta̱dde̱n Ce̱e̱ze̱ cinne labak.

I̱bu̱ru̱ 11:28

Okko bo̱do̱k tu̱we̱nta̱, uzute enne I̱i̱te̱n wa Va̱rda̱ngi̱nto̱, i̱i̱te̱n bali a̱kku̱nna̱k anjilo ci Ta̱mu̱ta̱dde̱no̱ olli Ya̱u̱do̱ Masire ke̱, kar kazac bi̱ye̱ kar gi̱i̱ ci adita a̱bu̱nya̱ cik Masiro ki̱ki̱ya̱, iróng zin a̱ru̱k a̱bu̱nya̱ cik Ya̱u̱do̱.

I̱bu̱ru̱ 12:24

I̱vi̱ta̱u̱ niga Ye̱su̱ ta̱mu̱-kenga, wa een zoc ci olom ci een jor, ki bali aanyik Ye̱su̱ ele cinne kize wawac, kar bi̱ye̱ta̱ ciginnek kanyakta zoz ci kalalek naga ol, een necu olom ci een jor, ommog necu bi̱ye̱ cik Abeli orong caac.

I̱bu̱ru̱ 4:16

Koot zin naga do̱o̱k rok Manyi Ta̱mu̱ta̱dde̱n ngati iróng ko̱ngo̱o̱li̱ne̱ gi̱i̱ imma kar kaanyyet deten, kar kurubta bunnat kar keelawet agit do̱o̱k i̱i̱te̱ne̱ ci koronge naga kaal.

I̱bu̱ru̱ 6:11

Korongnya naga i̱ge̱t do̱o̱k abunna ming emenannu go̱o̱le̱ necu kar u̱mu̱dda̱ kaal wak odolta zi̱nze̱tti̱ cuggo̱k.

I̱bu̱ru̱ 7:19

Iróng zin lo̱ti̱nno̱wa̱ ngen a̱ti̱ri̱z e̱e̱t ci diiri, abarik zin i̱yo̱ko̱, i̱ki̱ya̱ zin zoz ci abunna karike naga zi̱nze̱tti̱, anyahannet zoz neci kar kojongozzit Ta̱mu̱ta̱dde̱n.

I̱bu̱ru̱ 9:10

Eci gool ci unuk ogone nege kaal ko̱ een da̱i̱ne̱t, ki gool ci aburuce nege e̱le̱tti̱. Ogon nege kaal ne̱ko̱ zee ki̱ki̱ya̱ i̱i̱te̱ni̱ ci een jor ming okko Ye̱su̱ anyaha olom ci een jor, kar ku̱tu̱gu̱zzo̱ keer neci go̱o̱le̱ ci aave do̱.

I̱bu̱ru̱ 9:19

Baling ikebek Musesi ol ti̱lo̱wi̱ne̱t ci Ta̱mu̱ta̱dde̱no̱, kar zin kidima varany ki ru̱u̱ce̱ni̱t ci a̱zze̱to̱ u̱zu̱we̱k bi̱ye̱ cik tiinu ki eeza, ki maam kar zin kazacek buk ci Ta̱mu̱ta̱dde̱no̱ ki ol.

Je̱mi̱s 1:6

Abarik zin gon ming a̱jji̱n e̱e̱ti̱ Ta̱mu̱ta̱dde̱n, abunna ming a̱tu̱we̱ enne zinine cinne do̱o̱k, kar iróng anyak zi̱nze̱tti̱ rama. Eci e̱e̱ti̱ ci anyak zi̱nze̱tti̱ rama, ogon kiwagon tawani ci nyataparo omone ngooti, omone ngooti tawan go̱o̱lo̱we̱ do̱o̱k.

Je̱mi̱s 4:8

Ojongozit Ta̱mu̱ta̱dde̱n, kar enne kojongozung i̱ge̱t bu̱k. Utuunyet azzin cuggo̱k, niga olli mu̱nye̱nu̱, kar aanycik zi̱nze̱tti̱ kizeto caale, niga ol cik anyakku zi̱nze̱tti̱ rama ko̱.

1 Peturu 1:2

E̱e̱ggi̱n ne̱ko̱ ol balik atahaltai ngati odola Ta̱mu̱ta̱dde̱n Be̱e̱ti̱nna̱, ahalai li̱ngli̱ngo̱ne̱ ci Vongiz ci A̱li̱le̱, ngati o̱ngo̱o̱li̱nne̱ nege Ye̱su̱ Ki̱ri̱sto̱ ki bi̱ye̱ balik azaconik ol ke̱. Anyik deten ki gano ka̱vvu̱ ngatinno̱ng oroot.

1 Peturu 3:21

Ogon zin maama ne̱k balik tawan neci ki ba̱ti̱ti̱mo̱ ci a̱gga̱me̱ke̱ ol, nonno nenen ci i̱yo̱ko̱ aruguzanung ko̱. Abarik zin ba̱ti̱ti̱mo̱ ommog maam cik arane e̱e̱ti̱ ele. I̱ye̱le̱kke̱t zoz necu gool ci kar naga kubunnta ngu̱me̱ ci Ta̱mu̱ta̱dde̱no̱ zi̱nze̱tti̱nne̱ cik abunna eci bali enne itingai Ye̱su̱ Ki̱ri̱sto̱ daiza.

O̱no̱zzo̱k 1:5

kar bo̱do̱k ngati Ye̱su̱ Ki̱ri̱sto̱ kize bbacait wa abunna, wa een a̱bu̱ ci ingazi daiza oowa, kar bo̱do̱k kize Alaan ci alaat cik lo̱o̱tu̱ do̱o̱k. Irezet Ye̱su̱ Ki̱ri̱sto̱ kar zin kaara mu̱nye̱n cigga̱c bi̱ye̱te̱ ciginnek,