I̱bu̱ru̱ 10:11 - Tennet

¹¹ Abile ol wak wawaco Ce̱e̱ze̱ wa Ta̱mu̱ta̱dde̱no̱ apahek Ta̱mu̱ta̱dde̱n kaal odohize odohize ki ming a̱du̱wa̱ lo̱ti̱nno̱wa̱ cik Musesi, iróng kaala ne̱ke̱ aara ol mu̱nye̱n.

I̱bu̱ru̱ 10:11 Iomraidhean Croise

I̱bu̱ru̱ 10:1

Een lo̱ti̱nno̱wa̱ cik Musesi ri̱ri̱to̱n ci zoz ci abunna een jor, u̱du̱wa̱ Manyi a̱kku̱ atin. Obodonik olli wawaco apahek Ta̱mu̱ta̱dde̱n kaal odohize odohize. Iróng kaala ne̱k apahek olli wawaco Manyi ko̱ a̱vi̱la̱ mu̱nye̱n wak ol wak ala nonno.

I̱bu̱ru̱ 10:4

eci bi̱ye̱ta̱ cik tiinu ki cik eezau iróng aara ol mu̱nye̱n.

I̱bu̱ru̱ 5:1

Ta̱mu̱ta̱dde̱n ci ahala alaan ci a̱ddi̱ki̱re̱ wawaco do̱o̱k. Aanyik enne nonno ki̱li̱ngli̱ng kar kalawek ol Ta̱mu̱ta̱dde̱n, kar bo̱do̱k kotodongek nonno kaal cik aara ol mu̱nye̱n.

I̱bu̱ru̱ 7:27

Ommog enne alaat wak a̱ddi̱ki̱re̱ wawaco Ce̱e̱ze̱ wa Ta̱mu̱ta̱dde̱no̱ do̱o̱k. Iróng enne apahek Ta̱mu̱ta̱dde̱n wawa kiwagon alaata cik a̱ddi̱ki̱re̱ wawaco odohize, apahek arrak mu̱nye̱n cigge̱k kar vu̱rrta̱ kapaktek mu̱nye̱n cik ollu. I̱ti̱ri̱z zin Ye̱su̱ ol do̱o̱k mu̱nye̱ne̱ lak co̱de̱ ngati a̱da̱kne̱ keete ci een ta̱la̱ke̱c.

I̱bu̱ru̱ 8:2

a̱li̱ngli̱ng enne Ce̱e̱ze̱ wa Ta̱mu̱ta̱dde̱no̱ de̱de̱, eenyca Manyi Ta̱mu̱ta̱dde̱n iróng een e̱e̱t ci diiri.

I̱bu̱ru̱ 8:4

Baling ngen weda Ye̱su̱ aave lo̱o̱ta̱ ngatu, iróng weda een e̱e̱t ci wawaco ci apahek Ta̱mu̱ta̱dde̱n wawac, eci enne iróng een boor co Le̱vi̱ wak anyak ol wak wawaco wak apahek Manyi ki baling a̱du̱wa̱ lo̱ti̱nno̱wa̱ cik Musesi ke̱.