I̱bu̱ru̱ 1:6 - Tennet

⁶ Baling i̱tto̱na̱k Ta̱mu̱ta̱dde̱n Ngerinne wa o̱de̱ ṯok lo̱o̱c, “I̱lo̱te̱k anjilonya waginnek do̱o̱k abunna ming a̱di̱ngdi̱nga̱n nonno.”

I̱bu̱ru̱ 1:6 Iomraidhean Croise

Ma̱te̱yo̱ 24:14

Kar zin kaviyaha cik abunna obod ki ba̱a̱li̱ne̱t ci ta̱mu̱-kengo kuwaktozik lo̱o̱cco̱k do̱o̱k, bak aziye ol lo̱o̱co̱we̱, kar zin atin ṯurnenet ci lo̱o̱tu̱ ki̱ki̱ya̱.”

Kaviyak wak Abunna Ta̱mu̱ta̱dde̱no̱ eher Joni 1:14

I̱ki̱ya̱ Zoz neci ize e̱e̱t ci diiri kar zin kabak orgene cinna, anyak deten ki zoz ci een de̱de̱. Kicinnet naga komiz cinne, komiz ci anyak enne do̱ Ngerrti Ta̱mu̱ta̱dde̱no̱ wa o̱de̱ ṯok wa a̱kku̱ ngati Baatinne.

Kaviyak wak Abunna Ta̱mu̱ta̱dde̱no̱ eher Joni 1:18

Ngen e̱e̱ti̱ imma kicin Ta̱mu̱ta̱dde̱n udut, Ngerinne wa zinino o̱de̱ ṯok een Ta̱mu̱ta̱dde̱n bu̱k ci aanyyet ka̱gga̱c Ta̱mu̱ta̱dde̱n Baatinne.

Kaviyak wak Abunna Ta̱mu̱ta̱dde̱no̱ eher Joni 3:16

“Eci Ta̱mu̱ta̱dde̱n irez ol do̱o̱k oroot, kar zin kaanyik Ngerinne wa o̱de̱ ṯok niko keela nogo, ming anyak ol cik a̱tu̱ nonno, amuda atin nege ruget wa aave udut.

Roma 8:29

a̱gga̱ enne odohize ol wak engera enne. Kar kaanyik ku̱tu̱gu̱zzo̱ ki dooli ciginnek, u̱tu̱gu̱zzo̱ ki Ngerinne Ye̱su̱, kar Ye̱su̱ kize a̱bu̱ cinne̱ng orgene ci dooli cik meelek.

Kolosiya 1:15

Een Ki̱ri̱sto̱ ri̱ri̱to̱n ci Ta̱mu̱ta̱dde̱n ci iróng naga kacin eberene, nonno bo̱do̱k ci een a̱bu̱ ci kaal cik eenyca Ta̱mu̱ta̱dde̱n do̱o̱k.

Kolosiya 1:18

Kar zin i̱yo̱ko̱, nonno ci een oo ci eliyo veelek ki ke̱le̱ci̱a̱; nonno ci akanane kaala kar kize a̱bu̱ ci ol cik a̱da̱i̱to̱, kar enne kanyak doiz ci abale kaal do̱o̱k.

I̱bu̱ru̱ 1:5

Ngen Ta̱mu̱ta̱dde̱n i̱i̱te̱n imma kizek anjilo co̱de̱ anjilonyai ne, “E̱e̱ni̱ i̱nna̱ Ngeranni; kiize anna wazin cu Baatunne.” Icima bo̱do̱k, a̱nne̱k anjilonya u̱gge̱ ngatinne̱ng ne, “Ke̱e̱ni̱ anna Baatunne, Okko i̱nna̱ e̱e̱ni̱ Ngeranni.”

I̱bu̱ru̱ 10:5

Baling i̱ki̱ya̱k Ye̱su̱ Ki̱ri̱sto̱ lo̱o̱c kar kizek Ta̱mu̱ta̱dde̱n ne, “Iróng i̱nna̱ orongi kaal cik kapahekin, abarik i̱nna̱ aanya annit ele;

1 Peturu 3:22

I̱yo̱ko̱ zin, uk Ki̱ri̱sto̱ a̱vvu̱ ta̱mu̱-kenga kar kuk ka̱vvu̱ ngati Ta̱mu̱ta̱dde̱no̱ a̱tte̱ ci a̱zzo̱, urumte ki anjilonya ki alaat wak ta̱mu̱-kengo ki alaanzet do̱o̱k a̱gga̱m enne.

1 Jon 4:9

Een necu zin gool ci i̱ye̱le̱kke̱t Ta̱mu̱ta̱dde̱n rezinet cinne ngati i̱tto̱na̱ne̱ lo̱o̱c Ngerinne wa O̱de̱ Ṯok kar naga kurubta ruget zo̱ze̱ cinne.

O̱no̱zzo̱k 1:5

kar bo̱do̱k ngati Ye̱su̱ Ki̱ri̱sto̱ kize bbacait wa abunna, wa een a̱bu̱ ci ingazi daiza oowa, kar bo̱do̱k kize Alaan ci alaat cik lo̱o̱tu̱ do̱o̱k. Irezet Ye̱su̱ Ki̱ri̱sto̱ kar zin kaara mu̱nye̱n cigga̱c bi̱ye̱te̱ ciginnek,