I̱bu̱ru̱ 1:14 - Tennet

¹⁴ E̱e̱ggi̱n anjilonya cik Ta̱mu̱ta̱dde̱no̱ vongizzok cik i̱tto̱na̱ Ta̱mu̱ta̱dde̱n kar ki̱li̱ngli̱ngto̱zi̱k ol wak amuda ti̱ri̱ze̱ne̱t ci Ta̱mu̱ta̱dde̱no̱.

I̱bu̱ru̱ 1:14 Iomraidhean Croise

Kananet 32:24

Erahek zin Ya̱ko̱bo̱ do̱, ocodo zin e̱e̱ti̱ imma ki nonno kaal, kaala looci.

Ma̱te̱yo̱ 1:20

Imma zin baling ngen enne i̱no̱n zoz necu niko, i̱ki̱ya̱k nonno anjilo ci Manyi o̱no̱zo̱we̱, a̱nne̱k nonno ne, “Yosevo ngerrti Da̱vi̱de̱, een do̱le̱c ci atin anyak Ma̱ri̱ya̱ ko̱, do̱le̱c ci arike Vongizi ci A̱li̱le̱, ma o̱ngo̱o̱le̱ zoz imma, bit ti̱k nonno labak.

Ma̱te̱yo̱ 13:41

Okko atin Ngerrti E̱e̱to̱ i̱tto̱n anjilonya waginnek ta̱mu̱-kenga, ovvo atin aluta ol ba̱a̱li̱nte̱ cinne wak ogon kaal wak gerzek mu̱nye̱nu̱ do̱o̱k.

Ma̱te̱yo̱ 18:10

“Ma zin ibbezzu do̱le̱c co̱de̱ ṯok doolinne ne̱ko̱. Ka̱du̱wa̱kku̱ng eci anjilonya cigge̱k acin ngu̱m ci Baatanni odohize wa aave ta̱mu̱-kenga.

Ma̱te̱yo̱ 2:13

Baling ovvo e̱re̱nno̱wa̱ a̱mi̱re̱, ma̱i̱je̱ anjilo ci Manyi i̱ye̱le̱k Yosevo o̱no̱zo̱we̱ ele a̱nne̱k ne, “Tinga je̱e̱na̱, i̱yi̱k niye do̱le̱c necu ki yaatinne bite lo̱o̱ce̱ ci Masiro! Bit a̱vvu̱ nginati zee, ku̱du̱wa̱i̱ kizei ne, mi̱re̱ eci alaani ci een He̱ro̱d, orong do̱le̱c necu kar ku̱ru̱k ka̱da̱k.”

Ma̱te̱yo̱ 24:31

Kar zin atin enne ki̱tto̱nna̱ anjilonya ciginnek kar nege ta̱mu̱-kenga kutubuwet tuuret, kar kulutet ol balik atahala Ta̱mu̱ta̱dde̱n lo̱o̱co̱we̱ do̱o̱k ki ta̱mu̱-kenga ke̱.”

Ma̱te̱yo̱ 25:34

“Kar zin alaani atin kizek ol wak aavtte a̱tte̱ ci a̱zzo̱ ko̱ ne, ‘I̱vi̱ta̱, niga ol balik u̱mu̱yu̱ng Baba ke̱, o̱o̱tte̱ kaal cik aragizu niga ba̱a̱li̱nte̱ ci ta̱mu̱-kengo bali adimanekkung enne baling ngen eenyce enne lo̱o̱c ke̱.

Ma̱te̱yo̱ 4:11

Imma nginatu utungek lo̱rye̱nti̱ nonno lo̱o̱c kar anjilonya cik Ta̱mu̱ta̱dde̱no̱ ki̱vi̱ta̱ keeltta nonno.

Marko 10:17

Baling akate Ye̱su̱ we̱t, i̱vi̱ra̱k e̱e̱ti̱ imma nonno kar kakatek u̱zu̱ngti̱nne̱, kar zin ki̱jji̱no̱, ize ne, “De̱me̱zo̱i̱t ci abunna, ku̱tu̱gu̱ nya kar kumuda baiz ci aave udut?”

Lu̱ka̱ 1:19

Abarizek zin anjilo nonno, “Ke̱e̱ni̱ anna Gaburel. Kabili anna ngati aave Ta̱mu̱ta̱dde̱n, i̱tto̱na̱i̱ anna kar ki̱ki̱ya̱ kozozein kar ku̱du̱wa̱ kaviyak cik abunna ko̱.

Lu̱ka̱ 1:23

Baling edeca enne li̱ngli̱ngo̱n cinne, obodak zin enne ce̱e̱z cinne.

Lu̱ka̱ 16:22

“I̱ki̱ya̱ zin i̱i̱te̱ni̱ imma, a̱da̱k zin e̱e̱ti̱ ci gon alaye ko̱ kar zin anjilonya cik Ta̱mu̱ta̱dde̱no̱ kodongit nonno koot kaarttek abanyit ci Aburahami ta̱mu̱-kenga. A̱da̱k zin bo̱do̱k e̱e̱ti̱ wa bali een i̱to̱i̱t ko̱, a̱da̱ye̱k zin ol nonno lo̱o̱k.

Lu̱ka̱ 2:13

Ataman niko i̱ye̱ltta̱i̱ koole ci a̱ppwe̱ a̱vvu̱ ta̱mu̱-kenga ki anjilo, innat Ta̱mu̱ta̱dde̱n azi ne,

Lu̱ka̱ 2:9

I̱ye̱le̱k zin anjilo ci Manyi nogo ele, kar di̱ngdi̱ngo̱ni̱ ci Manyi ki̱ye̱la̱i̱ ngatinne̱ng, kar nege ko̱to̱ngo̱o̱ltte̱ lo̱o̱c.

Buk wa To̱ni̱a̱u̱ 11:22

Iziyyet olli ke̱le̱ci̱o̱ kaviyak ne̱ko̱ Jerusalema, kar zin ki̱tto̱nni̱t Barnabas kuk rok Antiyok.

Buk wa To̱ni̱a̱u̱ 12:23

Ataman niko, eci He̱ro̱di̱ iróng a̱di̱ngdi̱nga̱n Ta̱mu̱ta̱dde̱n, aanyik zin anjilo ci Manyi nonno ka̱gga̱m morizi, kar u̱lu̱ta̱ kadait nonno ka̱da̱k.

Buk wa To̱ni̱a̱u̱ 12:7

Ataman niko, i̱ki̱ya̱ anjilo ci Manyi atukul lagam kize voor per. Otomowe enne Peturu kar abunna ingazi, kar kizek ne, “Tinga je̱e̱na̱ ataman!” Ki nginti i̱i̱na̱ ziiya ngati Peturu niko.

Buk wa To̱ni̱a̱u̱ 13:2

Imma ngati bali alawe nege Manyi kar bo̱do̱k ki̱ya̱yo̱, ize Vongizi ci A̱li̱le̱ ne, “Atahaltta Saul ki Barnabas ku̱tu̱gu̱zzo̱ li̱ngli̱ngo̱n bali kawak anna nogo la̱du̱n ke̱.”

Buk wa To̱ni̱a̱u̱ 16:26

Ataman niko, i̱ki̱ya̱ ki̱ri̱ki̱ri̱ otomowe lolanya cik lagamo. O̱o̱ye̱ tatugeta cik lagamo do̱o̱k, artai baru balik e̱ce̱bi̱ne̱ nege ke̱ do̱o̱k.

Buk wa To̱ni̱a̱u̱ 27:23

Imma be̱le̱ja̱ a̱kku̱nna̱ka̱ anjilo ngati Ta̱mu̱ta̱dde̱n ci kala anna ko̱ kar bo̱do̱k ki̱li̱ngli̱nge̱k nonno, i̱ki̱ya̱ ibil abanyca ngatinanni,

Buk wa To̱ni̱a̱u̱ 5:19

Imma bali ba̱a̱l i̱ki̱ya̱ anjilo ci Manyi kar koo tatug ci lagamo kar zin to̱ni̱a̱ha̱ kiyokta.

Roma 11:14

Korongi zin gool neci kanyike ol wak iróng e̱e̱ggi̱n Ya̱u̱d kaviyak cik abunna kar ol uggak cigannik kanyait meder kar ki̱vi̱ta̱k Ta̱mu̱ta̱dde̱n bak amuda ti̱ri̱ze̱ne̱t.

Roma 13:6

Abunna zin ming a̱ru̱we̱kku̱ mucuru alaat. Een alaata du̱cca̱k cik Ta̱mu̱ta̱dde̱no̱, een li̱ngli̱ngo̱ni̱ cinne̱ng ci a̱li̱ngli̱nge̱k Ta̱mu̱ta̱dde̱n ngati abale ol ciginnek.

Roma 15:16

Ahalana Ta̱mu̱ta̱dde̱n kar abunna ka̱li̱ngli̱nge̱k Ye̱su̱ Ki̱ri̱sto̱ kize tuwayoit orgene ci ol wak iróng een Ya̱u̱d, kar ki̱ye̱le̱k nogo kaviyak cik abunna. Ogon Ta̱mu̱ta̱dde̱n niko kar ol wak iróng een Ya̱u̱d kumucet Ta̱mu̱ta̱dde̱n, bak elemi enne muci ci aanyik nogo Vongizi ci A̱li̱le̱.

Roma 15:27

Ogon nege zoz necu do̱ zi̱nze̱tti̱nne̱ cik voorik. Agano nege ming ogon zoz necu. Ming ozol olli Ya̱u̱do̱ ki ol wak iróng een Ya̱u̱d ma̱yu̱we̱ne̱t ci Vongizo, ozol nege bu̱k ki olli Ya̱u̱do̱ kaal cik a̱ma̱yu̱we̱ Ta̱mu̱ta̱dde̱n nogo.

Roma 8:17

A̱du̱wa̱kke̱t Vongizi cinne zoz bak ka̱gga̱ naga ki Ye̱su̱ Ki̱ri̱sto̱, aanyyet atin Ta̱mu̱ta̱dde̱n zoz ci u̱du̱wa̱ enne, kozol atin naga di̱ngdi̱ngo̱n ci Ye̱su̱, ming kipirta naga ki nonno.

1 Ko̱ri̱nto̱ 1:21

Eci genyizi ci Ta̱mu̱ta̱dde̱no̱ aave lo̱o̱ta̱ ngatu, iróng zin olli lo̱o̱tu̱ a̱gga̱ nonno genyize cinne̱ng. Atalne zin Ta̱mu̱ta̱dde̱n eci ol cik lo̱o̱tu̱ wak a̱tu̱we̱ u̱mu̱dda̱ ti̱ri̱ze̱ne̱t go̱o̱le̱ ci tarbali uwahek ol nogo kaviyak cik abunna. Abarik zin Ta̱mu̱ta̱dde̱n atahala ol wak a̱tu̱ kaviyak wak uwahek ol nogo ko̱ tarbalun.

2 Ko̱ri̱nto̱ 9:12

Abunna ming a̱gga̱yyu̱, ming amuci ol cik Ta̱mu̱ta̱dde̱no̱, iróng i̱nna̱ anyike kaal cik orong nege. Een necu gool ci ovvo ol cik meelek aanyik Ta̱mu̱ta̱dde̱n zany.

Ga̱la̱ti̱a̱ 3:29

Ming izetu ol cik Ki̱ri̱sto̱ niko ko̱, izetu zin niga bu̱k doolik Aburahami, een zin zoz bali u̱du̱wa̱k Ta̱mu̱ta̱dde̱n Aburaham ke̱ cunno̱ng bu̱k.

Ga̱la̱ti̱a̱ 3:7

Abunna zin ming a̱gga̱yyu̱, een ol wak a̱tu̱we̱ ko̱ dooli cik Aburahami de̱de̱ tu̱we̱nta̱.

Ga̱la̱ti̱a̱ 3:9

Imma zin ngatu, ozol ol wak a̱tu̱ Ye̱su̱ ma̱yu̱we̱ne̱t bali Aburahami ke̱ bu̱k eci enne umuda ma̱yu̱we̱ne̱t neci tu̱we̱nta̱.

Evesos 3:6

Zoz zin ci i̱ye̱le̱ka̱ annit Ta̱mu̱ta̱dde̱n zoz ko̱ necu, ol wak iróng e̱e̱ggi̱n Ya̱u̱d izeto nege bu̱k dooli ciginnek zo̱ze̱ wa utuhu enne kaviyak ne̱ko̱, ozolit zin nege bu̱k ki olli Israilo kaal cik Ta̱mu̱ta̱dde̱no̱, urumte zin nege do̱o̱k kizeto ele co̱de̱. Ozol zin nege do̱o̱k kaviyak cik abunna bali u̱du̱wa̱ Manyi ngati Ye̱su̱ Ki̱ri̱sto̱ ke̱.

Vilipia 2:17

Een tu̱we̱ne̱t cunno̱ng wawac ci li̱ngli̱ngo̱n ci Ta̱mu̱ta̱dde̱no̱, ming a̱ddu̱te̱ bi̱ye̱ta̱ cigannik wawac neci, katalne anna kar niga bu̱k ataltto ki anna.

Vilipia 2:25

Abarik riil oroot ngatinanni ming ki̱tto̱na̱kku̱ng bo̱do̱k Epaphroditus, gotona tu̱we̱nta̱ bali i̱tto̱na̱kka̱ng niga abunna okko eelanna annita ke̱. Ki̱li̱ngli̱ngta̱ anna ki nonno, ogon enne kiwagon aciiroci ci oor illa.

2 Te̱se̱lo̱ni̱ka̱ 1:7

A̱a̱nyu̱ng atin Ta̱mu̱ta̱dde̱n abait yahe niga ol ne̱k a̱gi̱ddu̱ng ol ko̱, ogonekket agit bu̱k ming okko Manyi Ye̱su̱ alucak lo̱o̱c ta̱mu̱-kenga ki anjilonya ciginnek.

Ti̱to̱ 3:7

I̱ti̱ri̱zze̱t Ye̱su̱ agit kubunnta ju̱rru̱m detene cinne kommog kaal do̱o̱k. Aanyet gool ci elemannet Ta̱mu̱ta̱dde̱n kar zoz ci karike naga zi̱nze̱tti̱ ko̱ kamuda atin baize ci aave udut.

I̱bu̱ru̱ 10:11

Abile ol wak wawaco Ce̱e̱ze̱ wa Ta̱mu̱ta̱dde̱no̱ apahek Ta̱mu̱ta̱dde̱n kaal odohize odohize ki ming a̱du̱wa̱ lo̱ti̱nno̱wa̱ cik Musesi, iróng kaala ne̱ke̱ aara ol mu̱nye̱n.

I̱bu̱ru̱ 2:3

Ming kutuburret naga gool ci abunna kamudane ti̱ri̱ze̱ne̱t ko̱, kalit lo̱ki̱ko̱ ci Ta̱mu̱ta̱dde̱no̱ wo̱ye̱ ku̱? U̱du̱wa̱ Ye̱su̱ Manyi zoz necu arrak oowa, imma ol balik iziyyet ke̱ a̱gga̱c ming een zoz ci een de̱de̱, nogo cik a̱du̱wa̱kke̱ta̱.

I̱bu̱ru̱ 5:9

Ma baling elema Ye̱su̱ ku̱tu̱gu̱ zoz neci de̱de̱, aanyik zin enne ol wak elemi nonno ti̱ri̱ze̱ne̱t ci aave udut.

I̱bu̱ru̱ 6:12

Ma arnannu go̱o̱le̱ necu, u̱tu̱gu̱z ki ol wak a̱tu̱we̱ wak a̱gi̱d ol kar ku̱zu̱tte̱ zoz ci Ta̱mu̱ta̱dde̱no̱.

I̱bu̱ru̱ 6:17

Azi Ta̱mu̱ta̱dde̱n ne, i̱tto̱ni̱k ele cinne, orong enne zoz wainne een de̱de̱ ko̱ kar ka̱gga̱c ol ju̱rru̱m, iróng atin enne uhu zoz neci, kar ol wak elemna nonno ka̱gga̱c een zoz cinne de̱de̱.

I̱bu̱ru̱ 8:6

Imma i̱yo̱ko̱, aanyik Ta̱mu̱ta̱dde̱n Ye̱su̱ di̱ngdi̱ngo̱n ki li̱ngli̱ngo̱n ci ommog veelek, ommog li̱ngli̱ngo̱n ci ol wak wawaco balik lo̱o̱tu̱ ke̱, een necu olom ci elema Manyi ko̱ ci ommog veelek, anyaha gano ngati Ta̱mu̱ta̱dde̱no̱ kar kanyik e̱e̱t ci diiri, een Ye̱su̱ zoc ci ommog bali reeni ke̱.

I̱bu̱ru̱ 9:28

Imma zin i̱yo̱ko̱, a̱da̱i̱ Ye̱su̱ Ki̱ri̱sto̱ lak co̱de̱ kize wawac ci aara ol cik meelek mu̱nye̱n. Obodak atin enne lo̱o̱c kar ki̱ki̱ya̱ kanyahak ti̱ri̱ze̱ne̱t ol wak ere nonno.

Je̱mi̱s 2:5

Izikto, gotonogga ki ngonogga tu̱we̱nta̱, Ta̱mu̱ta̱dde̱n ci ahala ol cik amati ngati acine ol cik diirik kar kizeto ol cik een jain tu̱we̱nta̱, kar karagizet ba̱a̱li̱ne̱t ci u̱du̱wa̱k enne ol wak irez nonno.

1 Peturu 1:12

I̱ye̱lto̱zi̱k nogo iróng nege a̱li̱ngli̱nge̱k e̱le̱tti̱ cigge̱k abarik a̱li̱ngli̱ngngo̱ni̱kku̱ng. Uwakteung nege kaviyak cik abunna Ta̱mu̱ta̱dde̱no̱ i̱ge̱ta̱ komize ci Vongiz ci A̱li̱le̱ bali i̱tto̱na̱i̱ ta̱mu̱-kenga. Orongit anjilonya bu̱k kicinnet kaal ne̱ke̱.

1 Peturu 1:4

Aanyyet kaal cik karagiz naga abak aavtte udut, aavtte ta̱mu̱-kenga kize cuggo̱k,

1 Peturu 3:7

Anycik ol cik macik go̱o̱le̱ necu bu̱k ko̱to̱ngo̱o̱ltte̱ ngaai cigge̱k ming abakku bu̱k ko̱, i̱ti̱ri̱zze̱t nogo labak kizeto ngaai, kar niga do̱o̱k ozolit ruget ci aave udut, ki bali amuccu̱ng Ta̱mu̱ta̱dde̱n i̱ge̱ta̱ rugeta ko̱, kar atin i̱llo̱i̱ gi̱i̱ imma ci alam lawinet cunno̱ng ngati Ta̱mu̱ta̱dde̱no̱.

Ju̱da̱ 1:14

Imma e̱e̱ti̱ ci een zara Enok wa een do̱le̱c ci do̱le̱c ci Adami, u̱du̱wa̱ zoz ci ol ne̱ko̱: “Icinnet, a̱kku̱ Manyi ki ol ciginnek a̱li̱le̱ meelek giir,

O̱no̱zzo̱k 5:6

Kicina zin anna Nyoon ci abile lecera orgena, aburuk kaala cik aruge e̱e̱ggi̱n we̱c ki lo̱ddi̱ki̱re̱. Anyak enne o̱to̱ turgerem ki ebere turgerem, e̱e̱ggi̱n ne̱ko̱ vongizzok cik Ta̱mu̱ta̱dde̱no̱ e̱e̱ggi̱n turgerem i̱tto̱na̱k enne lo̱o̱c.