Evesos 6:9 - Tennet

⁹ Imma niga lo̱ddi̱ki̱re̱ cik een ma̱ci̱gi̱ ce̱e̱zi̱, u̱tu̱gu̱zze̱k du̱cca̱k cuggo̱k kaal cik abunna. Ma a̱gi̱ddu̱ nogo li̱ngli̱ngo̱na̱ oroot. A̱gga̱c een Ye̱su̱ Manyi cunno̱ng okko bo̱do̱k een Manyi cinne̱ng wa aave ta̱mu̱-kenga. Iróng enne enger ol.

Evesos 6:9 Iomraidhean Croise

Kolosiya 3:25

Imma ol wak ogon kaal cik gerzek olle, acaca atin Ta̱mu̱ta̱dde̱n kaal ne̱k gerzek ogon nege ke̱, eci enne iróng ahal ol.

Buk wa To̱ni̱a̱u̱ 10:34

Akate zin Peturu ozoza: “De̱de̱, kacinni, iróng Ta̱mu̱ta̱dde̱n ahal ol

Roma 2:11

Iróng Ta̱mu̱ta̱dde̱n irez ol u̱gge̱ do̱.

Lu̱ka̱ 6:31

U̱tu̱gu̱zze̱k ol kaal cik orongnyu ol ku̱tu̱gu̱zze̱u̱ng i̱ge̱ta̱.

Ma̱te̱yo̱ 7:12

“Imma kaale do̱o̱k, u̱tu̱gu̱zze̱k ol kaal cik abunna orongnyu niga ku̱tu̱gu̱ze̱u̱ng nege i̱ge̱ta̱. Een ne̱ko̱ zo̱zzo̱k cik aruma lo̱ti̱nno̱k cik Musesi do̱o̱k ki zoz ci a̱ri̱tto̱u̱.

Je̱mi̱s 2:13

eci te̱di̱ne̱t lo̱ki̱ko̱ ci gerze okko ngati e̱e̱t ci iróng anyak deten. Ommog zin deteni lo̱ki̱ko̱.

Je̱mi̱s 2:8

Ming azunnu niga lo̱ti̱nno̱k wak riilik Warage ci Ta̱mu̱ta̱dde̱no̱ e̱he̱rye̱ azi ne, “Irez e̱e̱t ci locariyo ki i̱yo̱ko̱ ming irezi i̱nna̱ ele cunne ko̱,” ogonnu niga zoz ci een de̱de̱.

1 Ko̱ri̱nto̱ 1:2

Keherakkung i̱ge̱t waraga cu olli ke̱le̱ci̱a̱k Ta̱mu̱ta̱dde̱no̱ wak abak lo̱o̱ce̱ ci een Ko̱ri̱nto̱. Atahalaung Ta̱mu̱ta̱dde̱n i̱ge̱t izet ol ciginnek a̱li̱le̱ zo̱ze̱ ci oromtoziu niga Ye̱su̱ Ki̱ri̱sto̱. Ki bo̱do̱k ol wak lo̱o̱tu̱ do̱o̱k balik atahala Manyi, kar nege bu̱k ki̱di̱ngdi̱nga̱ni̱t zar cik Manyitinna Ye̱su̱ Ki̱ri̱sto̱ wa een Manyi cinne̱ng ki agit bu̱k.

Kaviyak wak Abunna Ta̱mu̱ta̱dde̱no̱ eher Joni 13:13

Kar zin bo̱do̱k kize ne, “Awuyyang a̱nne̱kka̱ng ne ‘De̱me̱zo̱i̱t’ ki ‘Manyi,’ ilemnyyu ming awuyyang niko ko̱.

Je̱mi̱s 5:4

Icinnet da̱! Iróng niga a̱ru̱we̱kku̱ ol balik a̱li̱ngli̱ng ma̱ne̱ne̱ cuggo̱k ko̱ o̱ro̱bi̱ya̱, a̱lu̱ nege zare cuggo̱k. Uzuca u̱lu̱wa̱ ci ol balik ettedde ma̱ne̱ne̱ cuggo̱k ko̱ iin cik Manyi wa A̱ddi̱ki̱re̱ veelek.

1 Ko̱ri̱nto̱ 7:22

Eci e̱e̱ti̱ bali awu Manyi baling ngen enne een du̱ca̱i̱t ko̱, ize e̱e̱t ci abak labak i̱llo̱i̱ mu̱nye̱n; ogon bo̱do̱k niko, okko e̱e̱ti̱ ci iróng een du̱ca̱i̱t ko̱ baling awu Manyi nonno, ize enne du̱ca̱i̱t ci Ki̱ri̱sto̱.

Ma̱te̱yo̱ 24:51

A̱kku̱ atin manyi ce̱e̱z neci, okko a̱ru̱k du̱ca̱i̱t neci oroot kar kotowek du̱cca̱k wak a̱ru̱k talaben, nginti a̱lu̱we̱ atin nege nyigite cik lo̱o̱tu̱.”

Ma̱te̱yo̱ 24:48

Ma̱i̱je̱ ming ogon du̱ca̱i̱ti̱ neci kaal cik gerzek kar bo̱do̱k ki̱no̱n kize ne, ‘Aave atin manyi ce̱e̱z reena u̱u̱mu̱c,’

Ma̱te̱yo̱ 22:10

Oot zin du̱cca̱ha̱ go̱o̱lo̱we̱ kar kanyakta ol do̱o̱k ce̱e̱z ecito, cik gerzek icima cik abunna, kibbitet zin e̱re̱nno̱wa̱ ce̱e̱z neci.

Ma̱te̱yo̱ 22:8

“Izek zin alaani du̱cca̱k ciginnek ne, ‘Ubunntta da̱i̱ne̱t cik ogone ol eezen ko̱, iróng zin ol balik kawa anna ke̱ agano ming a̱vvu̱ rucenet cu.

Kolosiya 4:1

Imma niga ma̱ci̱gi̱ du̱cca̱k, abunna ming a̱ti̱ri̱zu̱ du̱cca̱k cuggo̱k ju̱rru̱m, eci a̱gga̱yyu̱ anyakku niga bu̱k Manyi ta̱mu̱-kenga.