Evesos 5:4 - Tennet

⁴ Ma ngen a̱du̱wa̱nnu̱ zoz ci gerze ki zoz ci tarbali, zoz ci iróng agano ming kozozi, abarik ozozit zoz ci abunna ci anyikku Ta̱mu̱ta̱dde̱n zany.

Evesos 5:4 Iomraidhean Croise

Marko 7:22

elem ci a̱ppwe̱, marnonet ol, lu̱te̱ne̱t ol, dominet, ṯeel, ruwenet ki donginet ele ki tarbalzet.

Kaviyak wak Abunna Ta̱mu̱ta̱dde̱no̱ eher Joni 6:23

Ma̱i̱je̱ bo̱do̱k i̱vi̱tta̱k i̱be̱tta̱ uggak ti̱ti̱m, a̱vvu̱ o̱rge̱ ci een Tiberias, a̱vvu̱na̱k ti̱ti̱m bali adahe ol da̱i̱ne̱t ngati aanyik Manyi Ye̱su̱ Ta̱mu̱ta̱dde̱n zany.

Roma 1:28

Imma go̱o̱le̱ ci iróng ol ne̱ke̱ orong ka̱gga̱c Ta̱mu̱ta̱dde̱n, icinnek zin enne nogo kabalit e̱le̱tti̱ cigge̱k zi̱nze̱tti̱nne̱ cik vangvangik ko̱, zoz zin ci ogon nege kaal cik gerzek ko̱ necu.

2 Ko̱ri̱nto̱ 1:11

ki i̱yo̱ko̱ ming eelannetu niga ngati alawakket Ta̱mu̱ta̱dde̱n. Ovvo atin ol cik meelek anyike Ta̱mu̱ta̱dde̱n zany zo̱ze̱ ci lawinet cunno̱ng ngatinna̱ng.

2 Ko̱ri̱nto̱ 9:15

Kanyikka Ta̱mu̱ta̱dde̱n zany eci enne i̱tto̱na̱i̱t muci ci a̱zi̱ze̱ oroot, iróng wo̱ye̱ kozozi.

Evesos 1:16

Imma zin zo̱ze̱ necu, kanyike gon anna Ta̱mu̱ta̱dde̱n zany odohize zo̱ze̱ cunno̱ng, ka̱a̱da̱nnu̱ng zin i̱ge̱t ngati kalawe Ta̱mu̱ta̱dde̱n odohize.

Evesos 4:29

Ma anyikku zoz ci gerze kiyowa u̱tu̱ge̱tti̱ne̱ cuggo̱k. U̱du̱kta̱ zoz ci een de̱de̱ go̱o̱le̱ ci abunna ngati ol cik azikne, kar eelta nogo zo̱ze̱ ci a̱du̱wa̱nnu̱ niga ko̱.

Vilipia 4:6

Ma anyikku zi̱nze̱tti̱ kibilet je̱e̱na̱ zo̱ze̱ ci kaalu, abarik alac Ta̱mu̱ta̱dde̱n kaale do̱o̱k zi̱nze̱tti̱nne̱ cik alali ngati anyikku nonno zany.

Kolosiya 3:8

Imma zin i̱yo̱ko̱, abunna ming odotekku kaal ne̱ko̱ do̱o̱k lo̱o̱c: burnenet nong, zi̱nze̱tti̱ cik mu̱hu̱ri̱k, baizzok cik a̱mu̱we̱, ki zoz ci volongo a̱mu̱we̱ iyowa u̱tu̱ge̱tti̱ne̱ cuggo̱k.

1 Te̱se̱lo̱ni̱ka̱ 3:9

Kanycik zin naga do̱o̱k Ta̱mu̱ta̱dde̱n zany zo̱ze̱ ci abunna ogonnu niga ko̱.

1 Te̱se̱lo̱ni̱ka̱ 5:18

aanycik Ta̱mu̱ta̱dde̱n odohize zany kaale do̱o̱k, eci een necu zoz ci odola Manyi kize cunno̱ng ngati a̱tu̱yyu̱ Ye̱su̱ Ki̱ri̱sto̱ wa atahalai.

Vilomene 1:8

Eci anna kanimnyi zo̱ze̱ ci Ki̱ri̱sto̱ kar ku̱du̱wa̱ zoz ci korongi anna i̱nne̱t kar tu̱gu̱, een de̱de̱.

I̱bu̱ru̱ 13:15

Abunna zin naga kinnat Ta̱mu̱ta̱dde̱n odohize zo̱ze̱ ci Ye̱su̱. Ogon inatinnet cinna ci kinnate Manyi ko̱ atubo ki muci ci kanyike naga nonno.

2 Peturu 2:18

Odong nege e̱le̱tti̱ gaganiko, ozoz zoz ci ilabane ol wak amuje o̱o̱tti̱ orong kaal cik lo̱rye̱nta̱k.

2 Peturu 2:7

Eela zin bali Ta̱mu̱ta̱dde̱n Lot, e̱e̱t ci bali abak baiz ci emede ngu̱me̱ ci Ta̱mu̱ta̱dde̱no̱, u̱la̱l zin nonno baizi ci abahe olli mu̱nye̱nu̱ wak abak bu̱k ko̱.

Ju̱da̱ 1:10

Imma ol ne̱ko̱ odomnye zo̱ze̱ ci iróng nege bu̱k a̱gga̱, ogon nege kiwagon elegje cik iróng i̱no̱ne̱. Gi̱i̱ zin ci egerzan nogo ko̱ nenen necu.

Ju̱da̱ 1:13

Imma kaala ne̱k gerzek ogon nege i̱yo̱ko̱ ko̱, atubo ki tawan ci maam wak gon apalpalan ngooti nyatapare ci a̱ddi̱ki̱re̱ ko̱, adima kaal cigge̱k gerzek arike ti̱ti̱m. Kar bo̱do̱k nege ogon ki i̱yo̱ko̱ munyunya wak owo, imma ngatu iróng aavtte nga̱to̱de̱, ovvo nege ngati mu̱hu̱ri̱ udut.