Evesos 4:6 - Tennet

⁶ Anyak Ta̱mu̱ta̱dde̱n co̱de̱ wa een Be̱e̱ti̱ ollu do̱o̱k. Abal enne kaal do̱o̱k, abarik a̱li̱ngli̱ng enne baize ci ol do̱o̱k.

Evesos 4:6 Iomraidhean Croise

Kananet 14:19

kar zin ku̱mu̱yu̱k Aburam kize ne, “Anyik Ta̱mu̱ta̱dde̱n wa a̱ddi̱ki̱re̱ veelek ka̱mu̱yu̱k Aburam, nonno ci adiman ta̱mu̱-keng ki lo̱o̱c.

Ma̱te̱yo̱ 6:13

Ma anyike ol kitimanteta, abarik eelawet lo̱rye̱nta̱.’

Ma̱te̱yo̱ 6:9

“Gool zin ci kar niga alaye Ta̱mu̱ta̱dde̱n icu: “‘Be̱e̱ti̱nna̱ng wa aave ta̱mu̱-kenga, anyik zar cigunnek ki̱li̱le̱c,

Kaviyak wak Abunna Ta̱mu̱ta̱dde̱no̱ eher Joni 14:23

O̱bo̱de̱k Ye̱su̱ nogo a̱nne̱k ne, “Ming ireza e̱e̱ti̱ imma annita, elemi wo̱ye̱ enne de̱mzi̱ne̱t cinanni. Okko atin Baba irez nonno, kar zin naga ki̱vi̱ta̱ha̱ nonno, kar koot kidimanta ce̱e̱z wanna̱ng, kar kabakta ki e̱e̱t neci.

Kaviyak wak Abunna Ta̱mu̱ta̱dde̱no̱ eher Joni 17:26

Ku̱du̱wa̱ha̱ anna zar cigunnek nogo ka̱gga̱c, kemenna kanyik, ka̱du̱wa̱i̱ ka̱gga̱yi̱ kar rezinet wa ireza i̱nna̱ annit ka̱vvu̱ ngatinne̱ng bu̱k kar zin anna bu̱k ko̱do̱ye̱wa̱ ki nogo.”

Kaviyak wak Abunna Ta̱mu̱ta̱dde̱no̱ eher Joni 20:17

Izek Ye̱su̱ nonno ne, “Ma odoknonikan, ngen zin bu̱k anna ki̱mi̱re̱ kuk ngati Baba. Bit abarik ngati gotonogga kar zin izek ne, ka̱mi̱re̱ kokko ngati Baba wa bo̱do̱k een be̱e̱ti̱nno̱ng bu̱k, Ta̱mu̱ta̱dde̱n wa nanni kar bo̱do̱k kize Ta̱mu̱ta̱dde̱n cinne̱ng.”

Roma 11:36

Ta̱mu̱ta̱dde̱n ci eenyca kaal do̱o̱k, kar kaanyik nogo do̱o̱k kuruget, azunne enne kaal ne̱ke̱ do̱o̱k komize cinne kizeto kaal ciginnek. Abunna zin ka̱di̱ngdi̱nga̱n naga do̱o̱k nonno udut. Nonno nenen.

1 Ko̱ri̱nto̱ 12:6

Anyak bo̱do̱k ol do̱o̱k li̱ngli̱ngo̱no̱k cik aavtte do̱ do̱, abarik zin Ta̱mu̱ta̱dde̱n co̱de̱ ci aanyik ol ki̱li̱ngli̱nge̱t li̱ngli̱ngo̱no̱k ne̱ke̱ ngati ol do̱o̱k.

1 Ko̱ri̱nto̱ 8:6

ka̱gga̱ naga anyak Ta̱mu̱ta̱dde̱n wa een Be̱e̱ti̱nna̱ o̱de̱ ṯok niko. A̱vvu̱ kaala do̱o̱k ngatinne, kabak naga do̱o̱k zo̱ze̱ cinne; anyak Manyi Ye̱su̱ Ki̱ri̱sto̱ co̱de̱ ṯok niko, a̱vvu̱ kaala do̱o̱k ki ruget ci kabahe naga ko̱ do̱o̱k zo̱ze̱ cinne.

2 Ko̱ri̱nto̱ 6:16

Iróng to̱do̱yo̱wa̱ ne̱k ala ol ko̱ e̱e̱ggi̱n cik Ce̱e̱z wa Ta̱mu̱ta̱dde̱no̱. Ke̱e̱ggi̱n naga e̱le̱tti̱ne̱ Ce̱e̱z wa Ta̱mu̱ta̱dde̱no̱, ki ming a̱du̱wa̱ Ta̱mu̱ta̱dde̱n eliya, “Kabaka atin anna ki ol ne̱ko̱ kar koto orgene cinne̱ng. Ke̱e̱ni̱ atin Ta̱mu̱ta̱dde̱n cinne̱ng, ovvo nege een ol cigannik.”

Evesos 1:21

Imma nginati, anyak Ki̱ri̱sto̱ doiz ci abale kaal do̱o̱k lo̱o̱ta̱ ngatu ki bo̱do̱k atin ta̱mu̱-kenga.

Evesos 2:22

E̱e̱ggi̱nnu̱ zin niga lo̱lo̱i̱t ci ce̱e̱z wa eteeheny Ye̱su̱ ko̱ kar Vongizi ci Ta̱mu̱ta̱dde̱no̱ kabahe.

Evesos 3:17

Kar zin bu̱k Ki̱ri̱sto̱ kabak zi̱nze̱tti̱nne̱ cuggo̱k zo̱ze̱ ci a̱tu̱yyu̱ niga nonno. Inimet no̱ngi̱tto̱n kar anyait rezinet cinne.

Evesos 6:23

Kala Ta̱mu̱ta̱dde̱n bai wa een Be̱e̱ti̱nna̱ ki Manyi Ye̱su̱ Ki̱ri̱sto̱, kaanyyet gano ki tu̱we̱ne̱t, ki rezinet gotonogget wak tu̱we̱nta̱k do̱o̱k.

1 Jon 3:24

Ming ko̱ngo̱o̱le̱ naga lo̱ti̱nno̱k cik Ta̱mu̱ta̱dde̱no̱, kaavtte naga ki nonno zi̱nze̱tti̱nne̱, okko enne aave ki agit bu̱k. Kovvo naga ka̱gga̱ aave enne ngatinna Vongize bali aanyet enne agit ke̱.