Evesos 4:12 - Tennet

¹² kar ol ciginnek ke̱de̱me̱zi̱t zoz ci a̱li̱ngli̱nge̱k nege Ta̱mu̱ta̱dde̱n kar ke̱le̱ci̱a̱ ci Ki̱ri̱sto̱ kanyak ol cik meelek.

Evesos 4:12 Iomraidhean Croise

Lu̱ka̱ 22:32

Ma̱i̱je̱ anna kalawei i̱nne̱t Ta̱mu̱ta̱dde̱n, Si̱mo̱ne̱, kar wo̱ye̱ tu̱we̱ne̱t cunne iróng a̱zze̱. Kar ming okko i̱nna̱ uukce, eela gotonoggu tu̱we̱nta̱ kokkomit kak.”

Buk wa To̱ni̱a̱u̱ 1:17

een bali enne e̱e̱t cinna ci ka̱li̱ngli̱ng ki agit nga̱to̱de̱ ba̱li̱ye̱.”

Buk wa To̱ni̱a̱u̱ 1:25

kar karagiz li̱ngli̱ngo̱n bali abure Judasi kar kuk ngati orong enne ke̱.”

Buk wa To̱ni̱a̱u̱ 11:23

Baling arawa enne kar kicin deten ci Ta̱mu̱ta̱dde̱no̱, atal oroot kar zin ku̱du̱wa̱k nogo abunna ming abile de̱de̱ zo̱ze̱ ci Manyi zi̱nze̱tti̱nne̱ cigge̱k do̱o̱k.

Buk wa To̱ni̱a̱u̱ 20:24

Abarik zin anna iróng karik zinin zoz ci atin okko i̱i̱na̱k baiz cinanni, ming kedeca anna li̱ngli̱ngo̱n bali aanya Manyi Ye̱su̱ ke̱, kar kuwahek ol kaviyak cik abunna anyak deten ci Ta̱mu̱ta̱dde̱no̱.

Buk wa To̱ni̱a̱u̱ 20:28

U̱zu̱tte̱ e̱le̱tti̱ ciggo̱k ki ol wak a̱a̱nyu̱ng Vongizi ci A̱li̱le̱, abunna ming aballu nogo. Izet tuwayok cik ke̱le̱ci̱a̱ ci Ta̱mu̱ta̱dde̱no̱, wak balik uuta Ye̱su̱ bi̱ye̱te̱ ciginnek ke̱.

Buk wa To̱ni̱a̱u̱ 9:31

A̱vvu̱to̱ ol wak a̱tu̱we̱ labak lo̱o̱ce̱ ci Ju̱de̱ya̱, Ga̱li̱li̱, ki Samariya. Okkom ke̱le̱ci̱a̱ ne kak, aanyik Vongizi ci A̱li̱le̱ nogo komiz, otorte zin nege izeto meele kar zin nege kabaito ngati o̱ngo̱o̱li̱nne̱ Manyi.

Roma 12:5

Kogon zin bo̱do̱k naga niko, anyak ol cik meelek ngatinna, ke̱e̱ggi̱n naga ele co̱de̱ ngati Ki̱ri̱sto̱. Ka̱vvu̱to̱ naga ki i̱yo̱ko̱ ngintik ele co̱de̱ ko̱.

Roma 12:7

Ming anyak e̱e̱ti̱ arizet ci a̱li̱ngli̱nge̱k ol, abunna ming a̱li̱ngli̱nge̱k ol ju̱rru̱m. Ming anyak e̱e̱ti̱ arizet ci de̱mzi̱nto̱, abunna ming edemez ol ju̱rru̱m.

Roma 14:19

Abunna zin gon odohize kogon kaal cik abunna kar kabait yahe ki ol wak a̱tu̱we̱ do̱o̱k, kar tu̱we̱ne̱t cinna̱ng kuk oowa.

Roma 15:14

Gotonogga ki ngonogga tu̱we̱nta̱, ka̱gga̱yyu̱ng abunnanu niga go̱o̱lo̱we̱ do̱o̱k, eci a̱gga̱yyu̱ zoz ci Ta̱mu̱ta̱dde̱n wa een de̱de̱ ju̱rru̱m, anyakku arizet ci edemezu e̱le̱tti̱ cuggo̱k.

Roma 15:2

Abunna naga ol cik okkomit tu̱we̱nta̱ ko̱ ming kogon kaal cik abunna anyike locari katalo tu̱we̱nta̱, kar keela nonno kanyak tu̱we̱ne̱t ci okkomi kak.

Roma 15:29

Ka̱gga̱ ming kokko ki̱vo̱nnu̱ng, a̱ma̱yu̱kke̱t atin Ki̱ri̱sto̱ agit do̱o̱k.

1 Ko̱ri̱nto̱ 12:27

I̱yo̱ko̱ e̱e̱ggi̱nnu̱ niga ele ci Ki̱ri̱sto̱, e̱e̱ggi̱nnu̱ niga do̱o̱k o̱to̱ cik ele neci.

1 Ko̱ri̱nto̱ 12:7

I̱ye̱la̱ Vongizi ci A̱li̱le̱ ele olle do̱o̱k go̱o̱lo̱we̱ cik aavtte do̱ do̱ abunna ming eela nogo do̱o̱k.

1 Ko̱ri̱nto̱ 14:12

Ogon zin bo̱do̱k zoz necu ngatinno̱ng niko. Eci niga orongnyu oroot urubta arizet ci Vongizo, abunna ming ogonnu ju̱rru̱m arizet ci eela ol do̱o̱k ke̱le̱ci̱a̱ kar tu̱we̱ne̱t cinne̱ng kokkom kak.

1 Ko̱ri̱nto̱ 14:14

Eci ming kala anna Ta̱mu̱ta̱dde̱n utuge ci iróng anna ka̱gga̱, vongiz cinanni ci ala Ta̱mu̱ta̱dde̱n, imma oo cinanni iróng a̱gga̱.

1 Ko̱ri̱nto̱ 14:26

Gotonogga ki ngonogga tu̱we̱nta̱, kazi zin naga ne? Ming urumteu niga nga̱to̱de̱, anyak e̱e̱t ci orong keben lo̱ng, icima zoz ci ti̱lo̱wi̱nto̱, icima zoz ci i̱ye̱le̱k Ta̱mu̱ta̱dde̱n nonno, icima zoz ci iróng ol a̱gga̱, icima arizet ci a̱du̱wa̱ne̱ u̱nge̱tti̱ cik zozzak. Abunna kaala ne̱ko̱ do̱o̱k ming ogone kar keela ol cik een e̱re̱nno̱k ke̱le̱ci̱a̱.

2 Ko̱ri̱nto̱ 12:19

Iróng ka̱gga̱ ming ikebu waraga cu ko̱, i̱no̱nnu̱ keheri anna kaal ne̱ko̱ abunna kacazi no̱ngi̱tto̱n ngati ol wak ovolongnya annit ko̱, abaccu zin niga. Azikna Ta̱mu̱ta̱dde̱n bu̱k, kozozi niko ke̱e̱ni̱ e̱e̱t ci ka̱tu̱ Ki̱ri̱sto̱. Gonogga, abarik kogonni niko kar ubunntta niga.

2 Ko̱ri̱nto̱ 13:11

I̱yo̱ko̱ zin, Gotonogga ki ngonogga tu̱we̱nta̱, a̱vvu̱t labak. U̱tu̱gu̱z kaal ju̱rru̱m, u̱zu̱tte̱ zoz ci ku̱du̱wa̱ anna ko̱. Abait ki ol labak. Kala Ta̱mu̱ta̱dde̱n wa anyak rezinet ki gano kar ka̱vvu̱ ngatinno̱ng.

2 Ko̱ri̱nto̱ 13:9

Ming iróng naga kokkomi nu̱nu̱n, katalninna eci niga okkomnu, kalayya Ta̱mu̱ta̱dde̱n abunna ming ogonnu ju̱rru̱m kommog baiz necu.

2 Ko̱ri̱nto̱ 3:8

Anyak zoz ci lo̱ti̱nno̱k cik Musesi gool ci u̱tu̱ri̱, imma lo̱ti̱nno̱wa̱ cik een jor anyaha Vongizi ci A̱li̱le̱ ko̱, okkomi kommog lo̱ti̱nno̱k balik reentik ke̱.

2 Ko̱ri̱nto̱ 4:1

I̱yo̱ko̱ zin eci Ta̱mu̱ta̱dde̱n edete kar kaanya gool ci kedemzike ol kaviyak cik abunna, ngen i̱i̱te̱n imma kutubur nong kar kibiliz de̱mzi̱ne̱t ol.

2 Ko̱ri̱nto̱ 5:18

Ta̱mu̱ta̱dde̱n ci adiman kaal cik een jor baize cinna ko̱ do̱o̱k. I̱tto̱na̱ enne Ki̱ri̱sto̱ kar ki̱ki̱ya̱ kaganizet agit ki nonno, kar kaanyyet agit li̱ngli̱ngo̱n ci kaganiza ol ki nonno.

2 Ko̱ri̱nto̱ 6:3

Iróng naga kalamnyya ol ngati a̱tu̱we̱ zoz ci Ye̱su̱, abunna iróng ol atin ibbez li̱ngli̱ngo̱n cinna ngati ka̱li̱ngli̱nge̱k Ta̱mu̱ta̱dde̱n.

2 Ko̱ri̱nto̱ 7:1

Gotonogga ki ngonogga wak kirezi anna ko̱, eci Ta̱mu̱ta̱dde̱n u̱du̱wa̱ zoz cinne kar kaanyyet kizet dooli ciginnek, abunna naga do̱o̱k kabiliz ba̱ci̱nno̱k vongize cinna. Gerza ming kogon kaal cik gerzek, gerza ming ki̱no̱n i̱no̱ni̱ ci gerze. Abunna ko̱ngo̱o̱le̱ Ta̱mu̱ta̱dde̱n, kabak baiz ci caale. Ming ku̱tu̱gu̱zzo̱ naga niko, irezet atin Manyi oroot.

Evesos 1:23

E̱e̱ggi̱n ol wak a̱tu̱we̱ ke̱le̱ci̱a̱ ko̱ ele ci Ki̱ri̱sto̱, abak enne ngatinne̱ng, aanyik enne nogo doiz cinne, nonno zin ci adiman kaal do̱o̱k kubunnta.

Evesos 4:16

ci eliyo, Ki̱ri̱sto̱ zin ci a̱gga̱ ele do̱o̱k kar kaanyik ki̱li̱ngli̱nge̱t ju̱rru̱m, ngati ingane e̱e̱ti̱ kokkom eci enne anyak rezinet.

Evesos 4:29

Ma anyikku zoz ci gerze kiyowa u̱tu̱ge̱tti̱ne̱ cuggo̱k. U̱du̱kta̱ zoz ci een de̱de̱ go̱o̱le̱ ci abunna ngati ol cik azikne, kar eelta nogo zo̱ze̱ ci a̱du̱wa̱nnu̱ niga ko̱.

Evesos 4:4

E̱e̱ggi̱nnu̱ niga do̱o̱k ele co̱de̱. Anyakku niga do̱o̱k Vongiz co̱de̱ ṯok ci Ta̱mu̱ta̱dde̱no̱, ogon ki bali arikku niga zi̱nze̱tti̱ zoz co̱de̱ ṯok ci ovvo atin niga arubannu kaal wak u̱du̱wa̱ enne kize cunno̱ng ol balik atahala enne ke̱.

Kolosiya 1:24

I̱yo̱ko̱ zin, katalne anna eci kipira zo̱ze̱ cunno̱ng, eci u̱ce̱zi̱ ci eliye cinanni ko̱, korongi anna kedecak piryanzet bali apirnane Ki̱ri̱sto̱ zo̱ze̱ ci ol wak a̱tu̱we̱.

Kolosiya 1:28

Kuwaheka zin naga ol zoz ci Ki̱ri̱sto̱, ki̱lo̱tta̱ ol kar bo̱do̱k kedemezta nogo kaal cik aanyik nogo genyiz, kar atin ol cik meelek ka̱gga̱c Ta̱mu̱ta̱dde̱n ju̱rru̱m zo̱ze̱ ci Ki̱ri̱sto̱.

Kolosiya 4:17

U̱du̱kta̱k Arkipas abunna ming edecak li̱ngli̱ngo̱n bali aanyik Manyi nonno ku̱tu̱gu̱ ke̱.

1 Ti̱mo̱te̱yo̱ 1:12

Kanyik zin anna zany Manyitinna Ye̱su̱ Ki̱ri̱sto̱. Kanyik bo̱do̱k zany ngati a̱gga̱we̱ zinin cinanni ming karike nonno. Kar zin a̱gga̱ya̱ annit ke̱e̱ni̱ e̱e̱t ci kabunna kar kaanya komiz ci ka̱li̱ngli̱nge̱ li̱ngli̱ngo̱n wainne.

2 Ti̱mo̱te̱yo̱ 4:11

Karumena i̱yo̱ko̱ ngatu ki Lu̱ka̱ do̱ niko. Ronga Marko kar zin orkortta bu̱k, kar ki̱li̱ngli̱ngo̱zi̱ya̱n.

2 Ti̱mo̱te̱yo̱ 4:5

Imma zin i̱nna̱ zuute ele cunne odohize. Niim piryanzet, li̱ngli̱ng li̱ngli̱ngo̱n ci uwahek ol zoz ci Ta̱mu̱ta̱dde̱no̱.

I̱bu̱ru̱ 13:17

O̱to̱ngo̱o̱ltte̱ lo̱ddi̱ki̱re̱ cuggo̱k, u̱tu̱gu̱z zoz ci a̱du̱wa̱ nege. Een li̱ngli̱ngo̱ni̱ cinne̱ng ci ebekkung nege i̱ge̱ta̱ ju̱rru̱m, ming iróng ebekkung ju̱rru̱m, okko atin Ta̱mu̱ta̱dde̱n a̱jji̱n nogo kaale cik ogon nege do̱o̱k. Ma anyike nogo komozte ming ogon li̱ngli̱ngo̱n cinne̱ng. Anyik nogo katalto. U̱zzu̱tte̱, abunna atin nege eelannung.

I̱bu̱ru̱ 6:1

Abunna zin naga kovvo ki ta̱dde̱n tu̱we̱nte̱ cinna, iróng bo̱do̱k kedemez de̱mzi̱ne̱t bali o̱o̱wu̱ Ki̱ri̱sto̱ ke̱. E̱e̱ggi̱n ne̱ko̱ de̱mzi̱ne̱t cik Ye̱su̱ balik o̱o̱tti̱nu̱ ke̱: Abunna ming kungnek mu̱nye̱n lo̱o̱c cik anyaha daiz ko̱, kar ku̱tu̱we̱t Ta̱mu̱ta̱dde̱n,