Evesos 4:11 - Tennet

¹¹ Ki̱ri̱sto̱ zin nenen ci aanyik ol u̱gge̱ kizeto to̱ni̱a̱k, ovvo uggak e̱e̱ggi̱n a̱ri̱tto̱k cik zoz ci Ta̱mu̱ta̱dde̱no̱, ovvo uggak e̱e̱ggi̱n ol wak eron ovvo uwahek ol kaviyak cik Ta̱mu̱ta̱dde̱no̱ i̱do̱ngi̱ne̱, ovvo uggak e̱e̱ggi̱n tuwayok cik zoz ci Ta̱mu̱ta̱dde̱no̱ ki de̱me̱zzo̱k,

Evesos 4:11 Iomraidhean Croise

Ma̱te̱yo̱ 28:20

Edemezit nogo abunna ming o̱ngo̱o̱le̱ kaal cik ka̱du̱wa̱kku̱ng anna i̱ge̱t ko̱ do̱o̱k. Kaave atin ngati een i̱ge̱t odohize, rok nginti aṯurneke looci.”

Buk wa To̱ni̱a̱u̱ 13:1

Anyak ba̱li̱ye̱ ke̱le̱ci̱a̱ ci aave o̱rge̱ ci Antiyoki a̱ri̱tto̱k ki de̱me̱zzo̱k ciko: Barnabas, Si̱mo̱ne̱ wa een zara uggak ne Niger, ki Lucius wa Cyrene, ki Manaen wa bali ingazi ki alaan He̱ro̱d Antipas nga̱to̱de̱ bali ngen e̱e̱ggi̱n dooli ke̱, kar zin Saul.

Buk wa To̱ni̱a̱u̱ 20:28

U̱zu̱tte̱ e̱le̱tti̱ ciggo̱k ki ol wak a̱a̱nyu̱ng Vongizi ci A̱li̱le̱, abunna ming aballu nogo. Izet tuwayok cik ke̱le̱ci̱a̱ ci Ta̱mu̱ta̱dde̱no̱, wak balik uuta Ye̱su̱ bi̱ye̱te̱ ciginnek ke̱.

Buk wa To̱ni̱a̱u̱ 21:8

Kitingazza i̱i̱te̱n ci reng, ko̱o̱tta̱ rok orog ci een Kesarea, kar ka̱vvu̱ta̱ ce̱e̱ze̱ ci Vilipi wa uwahek ol zoz ci Ta̱mu̱ta̱dde̱no̱ ko̱, e̱e̱t co̱de̱ olle balik e̱e̱ggi̱n turgerem.

Roma 12:7

Ming anyak e̱e̱ti̱ arizet ci a̱li̱ngli̱nge̱k ol, abunna ming a̱li̱ngli̱nge̱k ol ju̱rru̱m. Ming anyak e̱e̱ti̱ arizet ci de̱mzi̱nto̱, abunna ming edemez ol ju̱rru̱m.

1 Ko̱ri̱nto̱ 12:4

Anyak arizet cik meelek oroot, aanyik Vongizi ci A̱li̱le̱ ol wak a̱tu̱we̱, a̱vvu̱ arizet ne̱ko̱ do̱o̱k Vongize co̱de̱.

Evesos 2:20

Ogonnu niga kiwagon biyena wak eenyce ol ce̱e̱z ko̱. Imma to̱ni̱a̱ha̱ ki a̱ri̱tto̱k cik zoz ci Ta̱mu̱ta̱dde̱no̱, ogon nege kiwagon biyena wak akane ol teheenyinet ko̱. Ma̱i̱je̱ ngati Ki̱ri̱sto̱ Ye̱su̱, ogon enne kiwagon bee ci riili oroot i̱ti̱re̱ne̱ ce̱e̱z kodok kak.

Evesos 3:5

Imma bali la̱du̱n oowa ke̱, ngen Ta̱mu̱ta̱dde̱n ki̱ye̱le̱k zoz necu e̱e̱t ci diiri, kar zin vu̱rrta̱ i̱ye̱le̱k Vongizi cinne zoz necu to̱ni̱a̱k wak a̱li̱le̱ ki a̱ri̱tto̱k cik zoz cinne.

Evesos 4:8

Ki i̱yo̱ko̱ ming e̱he̱rye̱ Warage ci Ta̱mu̱ta̱dde̱no̱ azi ne: “Baling uk enne ta̱dde̱na̱, uwe ki ol cik meelek giir balik e̱ce̱bje̱ ke̱ kar kaanyik ol muci.”

2 Ti̱mo̱te̱yo̱ 4:5

Imma zin i̱nna̱ zuute ele cunne odohize. Niim piryanzet, li̱ngli̱ng li̱ngli̱ngo̱n ci uwahek ol zoz ci Ta̱mu̱ta̱dde̱no̱.

I̱bu̱ru̱ 5:12

I̱yo̱ko̱ zin, a̱gga̱yyu̱ wo̱ye̱ ette niga zoz ci Ta̱mu̱ta̱dde̱no̱ ju̱rru̱m kar edemezit ol u̱gge̱. Abarik niga orongnyu e̱e̱t imma ci kar kedemezung zoz ci Ta̱mu̱ta̱dde̱no̱ bo̱do̱k. Ogonnu niga ki dooli cik ngen idice, ngen aud i̱ra̱ do̱, iróng adak á̱há̱t.

Ju̱da̱ 1:17

Ma̱i̱je̱ niga gonogga wak zinino, a̱a̱dda̱ zoz bali u̱du̱kta̱u̱ng to̱ni̱a̱ha̱ cik Manyi Ye̱su̱ Ki̱ri̱sto̱ ke̱.

O̱no̱zzo̱k 18:20

Ataltto zin niga ol wak abakku ta̱mu̱-kenga zo̱ze̱ cinne! Ataltto niga olli Ta̱mu̱ta̱dde̱no̱ a̱li̱le̱ ki to̱ni̱a̱k ki a̱ri̱tto̱k cik zoz cinne! Edez Ta̱mu̱ta̱dde̱n nonno zo̱ze̱ bali ogonekku̱ng enne i̱ge̱t ke̱.’”

O̱no̱zzo̱k 21:14

Okko a̱lu̱wa̱ ci orog ci a̱ddi̱ki̱re̱ eenyce lo̱o̱ta̱ biyene cik i̱ti̱re̱ne̱ e̱e̱ggi̱n omoto ki rama, e̱he̱rye̱ zin zara cik to̱ni̱a̱k cik Nyoono omoto ki rama.