Evesos 4:10 - Tennet

¹⁰ Azi keng ci zoz necu ne, Ye̱su̱ bali ci okko todowai, nonno ci bo̱do̱k dee ci okko ta̱mu̱-kenga, ta̱dde̱na̱, kar enne kibbizitan ta̱mu̱-keng ki lo̱o̱c veelek.

Evesos 4:10 Iomraidhean Croise

Ma̱te̱yo̱ 24:34

Ka̱du̱wa̱kku̱ng zoz ci een de̱de̱, iróng atin bu̱u̱l icu a̱da̱i̱ ming ngen kicinnet kaal ne̱ke̱ do̱o̱k ming ogone.

Lu̱ka̱ 24:44

Izek enne nogo ne, “Een necu zoz bali ku̱du̱wa̱u̱ng anna i̱ge̱ta̱ baling ngen kaavtte bu̱k ke̱: Akati atin kaala do̱o̱k mo̱o̱le̱t cik obod ki annit ki ming e̱he̱rye̱ lo̱ti̱nno̱we̱ cik Musesi, ki a̱ri̱tto̱k ki Caliwon.”

Kaviyak wak Abunna Ta̱mu̱ta̱dde̱no̱ eher Joni 1:16

Imma deten wa anyak enne a̱ppwe̱ ko̱, kamuda zin naga do̱o̱k ma̱yu̱we̱ne̱t ci a̱ppwe̱.

Kaviyak wak Abunna Ta̱mu̱ta̱dde̱no̱ eher Joni 19:24

Izeto ne, “Gerza ming kerec naga, kovoccit abarik bibi icima wo̱ye̱ ngene ci okkoye, kar kicinnet i̱i̱na̱k ngene.” Kar zoz necu kakat mo̱o̱le̱t Warage ci Ta̱mu̱ta̱dde̱no̱ ke̱, azi ne, “Engerttek ru̱u̱ma̱ni̱ cigannik e̱le̱tti̱, kar zin bo̱do̱k kovoccit bibi ci ru̱u̱ma̱ni̱ cigannik.” Gi̱i̱ zin ci bali ogon aciiri balik odode Ye̱su̱ ke̱ necu.

Kaviyak wak Abunna Ta̱mu̱ta̱dde̱no̱ eher Joni 19:28

A̱gga̱ Ye̱su̱ niko ming edeccai li̱ngli̱ngo̱ni̱ cinne, kar zoz bali u̱du̱ya̱i̱ Warage ci Ta̱mu̱ta̱dde̱no̱ ke̱ kakat mo̱o̱le̱t, ize ne, “A̱ru̱ka̱ koor.”

Kaviyak wak Abunna Ta̱mu̱ta̱dde̱no̱ eher Joni 19:36

I̱i̱na̱ kaala ne̱ko̱ kar zoz bali e̱he̱rye̱ Warage ci Ta̱mu̱ta̱dde̱no̱ ke̱ kakat mo̱o̱le̱t, azi ne, “Iróng atin emmeni cinne co̱de̱ a̱du̱le̱ udut.”

Buk wa To̱ni̱a̱u̱ 1:11

Azi nege ne, “Ol cik Ga̱li̱li̱, abillu ette ngatu angamniku ta̱mu̱-keng nya? Ye̱su̱ cu ele, ci odonge ngatinno̱ng uk ta̱mu̱-kenga ko̱, okko atin oboda go̱o̱le̱ ci acinnu niga nonno ming okko ta̱mu̱-kenga ko̱.”

Buk wa To̱ni̱a̱u̱ 1:9

Baling u̱du̱wa̱ enne zoz cu, odonge zin Ye̱su̱ ngati acine nege uk ta̱mu̱-kenga, kar zin di̱i̱z ku̱bu̱ng nonno ci iróng nege ngen acin bu̱k.

Buk wa To̱ni̱a̱u̱ 2:33

Uwe Ta̱mu̱ta̱dde̱n nonno ta̱mu̱-kenga, kar karik nonno a̱zzi̱t cinne a̱zzo̱, uruba zin enne ngati Baatinne zoz bali u̱du̱wa̱ enne ke̱, een Vongiz ci A̱li̱le̱ kar ku̱du̱ta̱k lo̱o̱c kaal cik acinnu ko̱ ki cik aziknnu ko̱.

Buk wa To̱ni̱a̱u̱ 3:18

Abarik een necu gool ci aanyik Ta̱mu̱ta̱dde̱n zoz cinne kakat mo̱o̱le̱t, baling u̱du̱wa̱k enne a̱ri̱tto̱k okko atin Ki̱ri̱sto̱ cinne apirna.

2 Ko̱ri̱nto̱ 12:2

Anyak e̱e̱t imma ci a̱tu̱ Ye̱su̱ Ki̱ri̱sto̱, ja ku̱du̱wa̱u̱ng zoz cinne, okkoye Manyi Ye̱su̱ nonno rok ta̱mu̱-keng, ngati aave Ta̱mu̱ta̱dde̱n, edeca zoz necu e̱rki̱nya̱ omoto ki we̱c. Iróng ka̱gga̱ ming okkoye ele cinne icima vongiz. Ta̱mu̱ta̱dde̱n do̱ niko ci a̱gga̱.

Evesos 3:19

Korongnyung abunna ming a̱gga̱yyu̱ rezinet ci Ki̱ri̱sto̱, ming nu̱nu̱n iróng ol cik diirik a̱gga̱ do̱o̱k zoz ci akati rezinet neci, ngen a̱gga̱yyu̱ niga rezinet neci ju̱rru̱m, kar zin atin Ta̱mu̱ta̱dde̱n ka̱a̱nyu̱ng u̱tu̱gu̱z ki i̱yo̱ko̱ enne ko̱.

Kolosiya 1:19

Eci Ta̱mu̱ta̱dde̱n atalne ming aave enne do̱o̱k ngati Ki̱ri̱sto̱,

Kolosiya 2:9

Eci ngati Ki̱ri̱sto̱, abak Ta̱mu̱ta̱dde̱n eliye cinne do̱o̱k,

1 Ti̱mo̱te̱yo̱ 3:16

I̱llo̱i̱ gi̱i̱ imma ci ommog li̱ngli̱ngo̱n wa obod ki gool wa Ta̱mu̱ta̱dde̱no̱ bali arrak a̱lu̱gnye̱ ke̱. I̱ye̱la̱i̱ Ye̱su̱ wa atahalai lo̱o̱ta̱ kize e̱e̱t ci diiri. Kar Vongizi ci Ta̱mu̱ta̱dde̱no̱ ki̱ye̱la̱ een enne de̱de̱ Ngerrti Ta̱mu̱ta̱dde̱no̱. Kar zin anjilonya wak Ta̱mu̱ta̱dde̱no̱ bu̱k kicinnet nonno. Uwakttek ol zoz wa obod ki nonno lo̱o̱cco̱k do̱o̱k. U̱tu̱we̱t zin ol cik meelek nonno lo̱o̱cco̱k do̱o̱k, kar zin Ta̱mu̱ta̱dde̱n kodong nonno kuuwe ta̱mu̱-kenga.

I̱bu̱ru̱ 4:14

I̱yo̱ko̱ zin, kanyak naga alaan ci a̱ddi̱ki̱re̱ wawaco, een enne Ye̱su̱, Ngerrti Ta̱mu̱ta̱dde̱no̱ bali okko ta̱mu̱-kenga ke̱. Abunna zin ming kazunne tu̱we̱ne̱t cinna wa bali obod ki nonno.

I̱bu̱ru̱ 7:26

Een Ye̱su̱ alaan ci a̱ddi̱ki̱re̱ wawaco Ce̱e̱ze̱ wa Ta̱mu̱ta̱dde̱no̱ ci korong naga. A̱li̱le̱ enne iróng anyak ba̱ci̱ kar kize voor zinin, aave enne do̱ ngati e̱e̱t ci diiri mu̱nye̱nu̱. Irez Ta̱mu̱ta̱dde̱n nonno kize alaan ci a̱ddi̱ki̱re̱ wawaco ci ommog kaal do̱o̱k, aave ta̱mu̱-kenga.

I̱bu̱ru̱ 8:1

Ungec ci kaal cik riili ka̱du̱wa̱nna̱ ko̱ iciko: Kanyak naga do̱o̱k alaan ci a̱ddi̱ki̱re̱ wawaco Ce̱e̱ze̱ wa Ta̱mu̱ta̱dde̱no̱ ta̱mu̱-kenga, a̱vvu̱ lo̱o̱ta̱ a̱tte̱ ci Ta̱mu̱ta̱dde̱n a̱zzo̱ ta̱mu̱-kenga,