Evesos 4:1 - Tennet

¹ Eci kaale cik u̱tu̱gu̱we̱u̱ng Manyi Ye̱su̱, kecebje zin anna zo̱ze̱ ci ka̱li̱ngli̱ngo̱ni̱ke̱ nonno, kilalekkung zin anna i̱ge̱t abait baiz ci ol wak a̱tu̱we̱ balik atahalak Ta̱mu̱ta̱dde̱n ele cinne.

Evesos 4:1 Iomraidhean Croise

Kananet 17:1

Baling izeto Aburam e̱rki̱to̱wa̱ moten torkoc ki torkoc, i̱ye̱le̱k zin Manyi Ta̱mu̱ta̱dde̱n ele nonno kar zin kizek ne, “Ke̱e̱ni̱ anna Ta̱mu̱ta̱dde̱n wa anyak Komiz do̱o̱k, li̱ngli̱nge̱ zoz cinanni kar ize e̱e̱t ci iróng anyak mu̱nye̱n.

Kananet 5:24

Ma baling ngen Enoki owowo ki Ta̱mu̱ta̱dde̱n niko, u̱ku̱we̱ zin enne ne dakdak rugetet, eci Ta̱mu̱ta̱dde̱n uwe nonno.

Buk wa To̱ni̱a̱u̱ 9:31

A̱vvu̱to̱ ol wak a̱tu̱we̱ labak lo̱o̱ce̱ ci Ju̱de̱ya̱, Ga̱li̱li̱, ki Samariya. Okkom ke̱le̱ci̱a̱ ne kak, aanyik Vongizi ci A̱li̱le̱ nogo komiz, otorte zin nege izeto meele kar zin nege kabaito ngati o̱ngo̱o̱li̱nne̱ Manyi.

Roma 11:29

Iróng Ta̱mu̱ta̱dde̱n uhu zinin cinne, kar kobodai muci ciginnek balik aanyik enne nogo ke̱.

Roma 12:1

Gotonogga ki ngonogga tu̱we̱nta̱, eci Ta̱mu̱ta̱dde̱n i̱ti̱ri̱zze̱t bunnate cinne, kilalekkung zin aanycik e̱le̱tti̱ ciggo̱k do̱o̱k nonno, aanycik kizeto caale kar kubunnta ki wawa cik kapahek Ta̱mu̱ta̱dde̱n kar enne katalo ngatinno̱ng. Een necu gool ci a̱di̱ngdi̱nga̱nnu̱ niga Ta̱mu̱ta̱dde̱n.

1 Ko̱ri̱nto̱ 4:16

I̱yo̱ko̱ zin, kilalekkung anna, i̱ye̱zta̱ng annita baize cunno̱ng.

2 Ko̱ri̱nto̱ 10:1

I̱yo̱ko̱, kilalekkung anna Pa̱u̱lo̱ eliya i̱ge̱t go̱o̱le̱ ci kozoze muluwe ci alali abunna kiwagon Ki̱ri̱sto̱. Ming kaave anna ki i̱ge̱ta̱, kozozi “dalanzeta” ma̱i̱je̱ ming kaave reena ngatinno̱ng kozozi iróng “ko̱ngo̱o̱le̱” zoz!

2 Ko̱ri̱nto̱ 5:20

Ke̱e̱ggi̱nna̱ naga ol cik ka̱li̱ngli̱nge̱kka̱ Ki̱ri̱sto̱ lo̱o̱ta̱ ngatu. Ming kuwahekka ol kaviyak cik Ki̱ri̱sto̱, Ta̱mu̱ta̱dde̱n ele ci anyike ol kiziyet zoz cinna̱ng. Kilalekkung zin anna i̱ge̱t de̱de̱ zo̱ze̱ ci Ki̱ri̱sto̱, abunna ming anyakku gano ki Ta̱mu̱ta̱dde̱n.

2 Ko̱ri̱nto̱ 6:1

Imma gi̱i̱ye̱ wa ka̱li̱ngli̱ngo̱ni̱kka̱ naga Ta̱mu̱ta̱dde̱n, kilalekkung zin zo̱ze̱ cu: Abunna ming a̱li̱ngli̱ngnyu̱ bunnate ci Ta̱mu̱ta̱dde̱no̱ ju̱rru̱m.

Ga̱la̱ti̱a̱ 4:12

Kilalekkung, gotonogga ki ngonogga tu̱we̱nta̱, abait baiz ci aave do̱, iróng idongze ki kaal u̱gge̱, eci anna kabai baiz ki i̱yo̱ko̱ niga i̱do̱ngi̱ ko̱, kabai baiz ci abano ki lo̱ti̱nno̱k, iróng zin anna kadango ki i̱ge̱ta̱.

Evesos 2:10

Aruguzet Ta̱mu̱ta̱dde̱n kar naga ku̱tu̱gu̱z kaal cik abunna ngati Ye̱su̱ Ki̱ri̱sto̱. A̱rri̱ta̱nne̱t enne agit kar ki̱li̱ngli̱nge̱t li̱ngli̱ngo̱n cinne wa abunna lo̱o̱ta̱ ngatu.

Evesos 3:1

Ku̱tu̱gu̱ anna Pa̱u̱lo̱ ki e̱e̱ti̱ ci kecebje, eci atahala Ye̱su̱ Ki̱ri̱sto̱ annit abunna ming keela ol cik iróng een Ya̱u̱d kuwahek nogo zoz ci Ta̱mu̱ta̱dde̱no̱.

Evesos 4:17

Eci anna ke̱e̱ni̱ nuyait ci Manyi, ki̱lo̱tu̱ng oroot, ma ngen abakku ki ol wak iróng e̱e̱ggi̱n Ya̱u̱d a̱zze̱ o̱o̱tti̱ ki ol wak iróng a̱gga̱ Ta̱mu̱ta̱dde̱n.

Evesos 4:4

E̱e̱ggi̱nnu̱ niga do̱o̱k ele co̱de̱. Anyakku niga do̱o̱k Vongiz co̱de̱ ṯok ci Ta̱mu̱ta̱dde̱no̱, ogon ki bali arikku niga zi̱nze̱tti̱ zoz co̱de̱ ṯok ci ovvo atin niga arubannu kaal wak u̱du̱wa̱ enne kize cunno̱ng ol balik atahala enne ke̱.

Evesos 5:2

Abunna ming abakku baiz rezinta ki i̱yo̱ko̱ ming irezet Ki̱ri̱sto̱ ko̱, a̱kku̱ enne ta̱mu̱-kenga ki̱ki̱ya̱ kize wawac cinna ka̱da̱k zo̱ze̱ cinna, atalnet zin Ta̱mu̱ta̱dde̱n zo̱ze̱ cinne.

Vilipia 1:27

Ming i̱na̱ku̱ng no̱ngi̱tto̱na̱ uggak, abait baiz ci abunna anyahak bunnat kaviyaha cik Ki̱ri̱sto̱. Ming ki̱vo̱nnu̱ng icima iróng ka̱kku̱ni̱, ka̱gga̱ atin anna abakku niga baiz ju̱rru̱m nga̱to̱de̱, okkomnu kak, ogon ki e̱e̱ti̱ co̱de̱ ming a̱tu̱ kaviyak cik abunna.

Vilipia 3:14

I̱yo̱ko̱ zin ka̱vi̱ri̱ anna kokko rugeta, kar atin kuruba muci ci awuya Ta̱mu̱ta̱dde̱n ta̱mu̱-kenga zo̱ze̱ ci Ye̱su̱ Ki̱ri̱sto̱.

Kolosiya 1:10

Kalayya Ta̱mu̱ta̱dde̱n kar niga abait baiz ci abunna orong Manyi, kar enne katalo kaale cik ogonnu niga do̱o̱k: Anyak zoz ci a̱li̱ngli̱ngnyu̱ niga kaale cik abunna, amudannu zoz ci a̱gga̱yyu̱ Ta̱mu̱ta̱dde̱n ju̱rru̱m.

Kolosiya 2:6

I̱yo̱ko̱ zin, ming elemttau niga Ye̱su̱ Ki̱ri̱sto̱ kize Manyi cunno̱ng, abunna zin ming abakku baize cinne.

Kolosiya 4:12

I̱tto̱na̱kku̱ng zin bo̱do̱k e̱e̱ti̱ ci een zara Epaphras zawinet cinne i̱ge̱ta̱, een enne e̱e̱t ci orog cunno̱ng kar kize du̱ca̱i̱t ci a̱li̱ngli̱ng zoz ci Ye̱su̱ Ki̱ri̱sto̱. Alawekkung gon enne i̱ge̱t Ta̱mu̱ta̱dde̱n odohize kar ibilet ju̱rru̱m tu̱we̱nta̱ zo̱ze̱ ci Ta̱mu̱ta̱dde̱no̱, ngati ogonnu zoz ci orong enne i̱ge̱t u̱tu̱gu̱z do̱o̱k.

1 Te̱se̱lo̱ni̱ka̱ 2:12

Ki̱lo̱tu̱ng, kadihizung kar kilalekkung abunna ming abakku baiz ci irez Ta̱mu̱ta̱dde̱n, kar atin ka̱a̱nyu̱ng izet ol cik ovvo abakku bu̱k ba̱a̱li̱nte̱ ci okko atin enne abale lo̱o̱c.

2 Te̱se̱lo̱ni̱ka̱ 1:11

Kalawekku̱ng Ta̱mu̱ta̱dde̱n odohize, kar Ta̱mu̱ta̱dde̱n kize ne abakttu go̱o̱le̱ ci abunna baize ci korongi abait ki bali ka̱du̱wa̱kku̱ng ke̱. Kalawekku̱ng bo̱do̱k Ta̱mu̱ta̱dde̱n cinna ka̱a̱nyu̱ng komiz ci ogonnu kaal cik abunna orongnyu u̱tu̱gu̱z eci niga a̱tu̱yyu̱ zoz ci Manyi Ye̱su̱.

2 Ti̱mo̱te̱yo̱ 1:9

Eelawet Ta̱mu̱ta̱dde̱n kar zin katahalait kizet ol ciginnek A̱li̱le̱, iróng ahalanet gi̱i̱ye̱ ci da̱ abunna kogon naga, abarik idiman da̱ Manyi eci abunna enne la̱du̱n. Baling ngen keteehenye looci, i̱no̱n Ta̱mu̱ta̱dde̱n kar atin kaanyyet eezet go̱o̱le̱ ci atin i̱tto̱na̱kke̱t Ye̱su̱ Ki̱ri̱sto̱ wa atahalai.

Ti̱to̱ 2:10

Gerza bo̱do̱k ming ogoroz kaal cik ma̱ci̱gi̱nnu̱. Abarik abunna ming ogon kaal cik een de̱de̱, kar ol kelemtta de̱mzi̱ne̱t ci Ta̱mu̱ta̱dde̱no̱ wa een Ti̱ri̱zo̱i̱t cinna.

I̱bu̱ru̱ 13:21

nonno ci a̱a̱nyu̱ng kaal do̱o̱k eci niga a̱li̱ngli̱ngnyu̱ zoz cinne, kanycik bai nonno ki̱li̱ngli̱ng baize cinna kaale cik orong enne, go̱o̱le̱ ci Ye̱su̱ Ki̱ri̱sto̱, kanycik nonno ki̱di̱ngdi̱nga̱ne̱ udut. Amen.

I̱bu̱ru̱ 3:1

Gotonogga ki ngonogga wak tu̱we̱nta̱k balik awuyyung Ta̱mu̱ta̱dde̱n wa a̱li̱le̱ ta̱mu̱-kenga, i̱no̱ni̱t zoz ci Ye̱su̱ ko̱, wa een to̱ni̱a̱t ci Ta̱mu̱ta̱dde̱no̱ kar bo̱do̱k kize alaan ci a̱ddi̱ki̱re̱ wawaco wa ka̱tu̱ naga zoz cinne.

1 Peturu 2:11

Niga gotonogga ki ngonogga tu̱we̱nta̱, e̱e̱ggi̱nnu̱ niga e̱re̱nno̱k lo̱o̱ce̱ cu. Kilalekkung aarta e̱le̱tti̱ kaale cik gerzek amin zi̱nze̱tti̱ cuggo̱k, eci anyaha zoz necu jo̱o̱re̱ zi̱nze̱tti̱nne̱ cuggo̱k.

1 Peturu 3:9

Ming ogoneki e̱e̱ti̱ gi̱i̱ ci gerze icima odomnyin, icima amarninin, ma acaca, abarik lalek nonno, ma̱yu̱k nonno, tu̱gu̱we̱k kaal cik abunna eci bali atahalaung Ta̱mu̱ta̱dde̱n kar izet dooli ciginnek tu̱we̱nta̱. Azi Warage ci Ta̱mu̱ta̱dde̱no̱ ne,

1 Peturu 5:10

Ma zin Ta̱mu̱ta̱dde̱n a̱a̱nyu̱ng i̱ge̱t deten do̱o̱k, ngati ipirtayyu niga, okko atin Ta̱mu̱ta̱dde̱n a̱a̱nyu̱ng okkomit kak kar bo̱do̱k ki̱ti̱ri̱zzu̱ng udut, nonno nenen ci i̱tto̱na̱ne̱ enne Ye̱su̱ Ki̱ri̱sto̱ kar ki̱ki̱ya̱ atahalaung ko̱.

2 Peturu 1:3

Aanyyet komizi ci Ta̱mu̱ta̱dde̱no̱ agit kaal do̱o̱k wak korong naga baize cinna, abunna kaanyik Ta̱mu̱ta̱dde̱n katalo ngatinna, baling kiziyet naga awuyet di̱ngdi̱ngo̱nte̱ cinne kar kozolit bunnat cinne.

2 Jon 1:5

I̱yo̱ko̱ zin, ngaa ci kirezi ko̱, ka̱jji̱nni̱ abunna ming kirezo naga e̱le̱tti̱ne̱ do̱o̱k. Iróng neci een ti̱lo̱wi̱ne̱t ci een jor ci keheriki ko̱, abarik een ti̱lo̱wi̱ne̱t ci kanyak naga ba̱li̱ye̱ arrak oowa.