Evesos 3:8 - Tennet

⁸ Ma wo̱ye̱ nu̱nu̱n ming ke̱e̱ni̱ anna vu̱rru̱t oroot ngati olli Ta̱mu̱ta̱dde̱no̱ do̱o̱k, anyozia annit deten necu, atahala Ta̱mu̱ta̱dde̱n kar ki̱li̱ngli̱ng li̱ngli̱ngo̱n ci a̱di̱ngdi̱nge̱ oroot kar kuwaheung i̱ge̱t ol wak iróng e̱e̱ggi̱n Ya̱u̱d ko̱ kaviyak cik abunna Ki̱ri̱sto̱, anyak eezet ci iróng naga ka̱gga̱.

Evesos 3:8 Iomraidhean Croise

Lu̱ka̱ 14:22

“U̱du̱wa̱k zin du̱ca̱i̱ti̱ ddi̱ki̱ryo̱i̱t cinne, ‘Ddi̱ki̱ryo̱i̱t, ku̱tu̱gu̱ zoz ci a̱du̱wa̱ i̱nna̱ ke̱, abarik ngen kanyak nginti a̱ppwe̱ dee.’

Kaviyak wak Abunna Ta̱mu̱ta̱dde̱no̱ eher Joni 1:16

Imma deten wa anyak enne a̱ppwe̱ ko̱, kamuda zin naga do̱o̱k ma̱yu̱we̱ne̱t ci a̱ppwe̱.

Buk wa To̱ni̱a̱u̱ 5:41

Iyokta zin to̱ni̱a̱ha̱ lo̱ki̱ka̱ talninta eci nege a̱gga̱ ming apirna nege zare cik Ye̱su̱.

Buk wa To̱ni̱a̱u̱ 9:15

A̱nne̱k zin Manyi Ananiyas ne, “Tinga je̱e̱na̱ bito! Een Sauli e̱e̱t ci katahala anna kize e̱e̱t ci uwahek i̱do̱ngi̱ ki alaat cigge̱k ki ol cik Israilo kaviyak cigannik abunna.

Roma 11:33

Eeh, ngene ci wo̱ye̱ atiman genyiz ki jainzet ci Ta̱mu̱ta̱dde̱no̱? Ngene ci wo̱ye̱ a̱gga̱ zoz ci odola enne, icima oobiket zoz ci ogon enne?

Roma 12:10

Irezto niga do̱o̱k oroot, irez ol wak a̱tu̱we̱ oroot kommog ele cunne.

Roma 2:4

I̱no̱ni̱ i̱nna̱ bunnat ci Ta̱mu̱ta̱dde̱no̱ a̱ppwe̱, icima ki zinin cinne alali ci iróng atin enne aburneki nong? Iróng i̱nna̱ a̱gga̱ zoz ci orong Ta̱mu̱ta̱dde̱n ngatunne abunna ming ungnek mu̱nye̱n lo̱o̱c kar bodak nonno?

1 Ko̱ri̱nto̱ 1:30

E̱e̱ggi̱nnu̱ niga dooli cik Ta̱mu̱ta̱dde̱no̱, urumteu zin niga ki Ye̱su̱ Ki̱ri̱sto̱, wa a̱kku̱ ngati Ta̱mu̱ta̱dde̱no̱ ki̱ki̱ya̱ ki̱ti̱ri̱ze̱t kar enne kanyaha genyiz ci abunna kar bo̱do̱k ki̱li̱li̱.

1 Ko̱ri̱nto̱ 15:9

Eci anna ke̱e̱ni̱ vu̱rru̱t ci to̱ni̱a̱u̱ veelek, iróng agano ming awuya ol kize to̱na̱i̱t, eci anna ki̱gi̱da̱ ol wak a̱tu̱we̱ Ce̱e̱ze̱ wa Ta̱mu̱ta̱dde̱no̱.

1 Ko̱ri̱nto̱ 2:9

Ki i̱yo̱ko̱ ming e̱he̱rye̱ warage wa Ta̱mu̱ta̱dde̱no̱ azi ne: “Ngen e̱be̱re̱ci̱ imma kicin, ngen itati imma kizik, ngen e̱e̱ti̱ imma ki̱no̱na̱, kaal cik idimanek Ta̱mu̱ta̱dde̱n ol wak irez nonno”

Ga̱la̱ti̱a̱ 1:16

kar ki̱ye̱le̱ya̱ Ngerinne, abunna ming kuwaheke ol wak iróng een Ya̱u̱d kaviyak cik abunna. Ngen anna ku̱du̱wa̱k e̱e̱t imma zoz necu.

Ga̱la̱ti̱a̱ 2:8

Ta̱mu̱ta̱dde̱n dee niko ci anyike Peturu komiz kize to̱ni̱a̱t ci uwahek Ya̱u̱d zoz cinne, kar bo̱do̱k atahalan kize to̱ni̱a̱t ci kuwahek ol wak iróng een Ya̱u̱d kaviyak ciginnek.

Evesos 2:7

Ogon Ta̱mu̱ta̱dde̱n niko abunna ming i̱ye̱le̱kke̱t bunnat ki i̱rrke̱ne̱t ci lo̱o̱c ci atin a̱kku̱ ke̱ zo̱ze̱ ci Ye̱su̱ Ki̱ri̱sto̱.

Evesos 3:1

Ku̱tu̱gu̱ anna Pa̱u̱lo̱ ki e̱e̱ti̱ ci kecebje, eci atahala Ye̱su̱ Ki̱ri̱sto̱ annit abunna ming keela ol cik iróng een Ya̱u̱d kuwahek nogo zoz ci Ta̱mu̱ta̱dde̱no̱.

Evesos 3:16

Ka̱jji̱nni̱ Ta̱mu̱ta̱dde̱n kar ka̱a̱nyu̱ng doiz vongize cinne kar okkomit zi̱nze̱tti̱ cuggo̱k, eci anyak doiz do̱o̱k enne.

Evesos 3:19

Korongnyung abunna ming a̱gga̱yyu̱ rezinet ci Ki̱ri̱sto̱, ming nu̱nu̱n iróng ol cik diirik a̱gga̱ do̱o̱k zoz ci akati rezinet neci, ngen a̱gga̱yyu̱ niga rezinet neci ju̱rru̱m, kar zin atin Ta̱mu̱ta̱dde̱n ka̱a̱nyu̱ng u̱tu̱gu̱z ki i̱yo̱ko̱ enne ko̱.

Evesos 3:2

Iziktu niga bunnat ci Ta̱mu̱ta̱dde̱no̱ ngati ahalana annit kar keelaung zo̱ze̱ ci Ta̱mu̱ta̱dde̱no̱.

Vilipia 2:3

Ma anyakku meder icima zoz ci odongnyu e̱le̱tti̱, abarik izet ol cik gununik kar aanycik ol u̱gge̱ kizeto riile kommogit e̱le̱tti̱ cuggo̱k.

Vilipia 4:19

Kar atin Ta̱mu̱ta̱dde̱n cinanni ka̱a̱nyu̱ng kaal cik orongnyu niga eezet cinne ngati Ye̱su̱ Ki̱ri̱sto̱.

Kolosiya 1:27

Ogon Ta̱mu̱ta̱dde̱n niko eci enne orong ki̱ye̱le̱k ol wak iróng een Ya̱u̱d zoz cinne a̱lu̱ngnye̱ ko̱, nonno ci een Ki̱ri̱sto̱ ci abak ngatinno̱ng, nonno ci karike naga zi̱nze̱tti̱ kar kurubta di̱ngdi̱ngo̱n ci Ta̱mu̱ta̱dde̱no̱.

1 Ti̱mo̱te̱yo̱ 1:13

Baling ka̱gi̱di̱ ol wak a̱tu̱ zoz ci Ye̱su̱, kar zin kodom nonno nu̱nu̱n, ngen Ta̱mu̱ta̱dde̱n eelanna annit dee, alaleya mu̱nye̱n wagannik ma̱rri̱t ngen bali anna kelema zoz cinne, kar bo̱do̱k ngen ka̱gga̱ kaal ne̱k balik kogonni ke̱.

1 Ti̱mo̱te̱yo̱ 1:15

Een zoz cu de̱de̱, orong kelemtta, i̱ki̱ya̱k Ye̱su̱ Ki̱ri̱sto̱ wa atahalai lo̱o̱c kar ki̱ki̱ya̱ ki̱ti̱ri̱z ol wak mu̱nye̱nu̱ ki bali ming ke̱e̱ni̱ anna e̱e̱t ci mu̱nye̱nu̱ kommogo ke̱.

1 Ti̱mo̱te̱yo̱ 2:7

Atahala Ta̱mu̱ta̱dde̱n annit kize zoc ki to̱ni̱a̱t ci kedemezek ol cik iróng een Ya̱u̱d tu̱we̱ne̱t ci een de̱de̱. Iróng kovolongi, ka̱du̱wa̱ zoz ci een de̱de̱.

2 Ti̱mo̱te̱yo̱ 1:11

Atahala Ta̱mu̱ta̱dde̱n kize to̱ni̱a̱t ci Ye̱su̱ kar kuwahek ol kaviyak cik abunna, kar bo̱do̱k kize de̱me̱zo̱i̱t ci zoz neci.

O̱no̱zzo̱k 3:18

Ki̱lo̱tu̱ng abunna ming uutanu dhahab ngatinanni ci aahe gwo̱o̱ya̱ ju̱rru̱m kize caala, kar atin niga izet jain; kar anyait ru̱u̱ma̱ni̱ cik voorik kar u̱bu̱nge̱t a̱li̱ya̱n cik aavtiyyu niga nga̱dhi̱ri̱r ko̱; kar aartik ya̱ni̱ ebere cuggo̱k kar icinto ju̱rru̱m.