Evesos 3:6 - Tennet

⁶ Zoz zin ci i̱ye̱le̱ka̱ annit Ta̱mu̱ta̱dde̱n zoz ko̱ necu, ol wak iróng e̱e̱ggi̱n Ya̱u̱d izeto nege bu̱k dooli ciginnek zo̱ze̱ wa utuhu enne kaviyak ne̱ko̱, ozolit zin nege bu̱k ki olli Israilo kaal cik Ta̱mu̱ta̱dde̱no̱, urumte zin nege do̱o̱k kizeto ele co̱de̱. Ozol zin nege do̱o̱k kaviyak cik abunna bali u̱du̱wa̱ Manyi ngati Ye̱su̱ Ki̱ri̱sto̱ ke̱.

Evesos 3:6 Iomraidhean Croise

1 Ko̱ri̱nto̱ 12:12

A̱gga̱yyu̱, o̱de̱ ele ci e̱e̱t ci diiri ṯok niko, ming adimanai kanyak ngintik meelek giir; ming anyak ngintik meelek nu̱nu̱n, e̱e̱ggi̱n ne̱ke̱ alawo do̱o̱k cik ele co̱de̱. Ogon Ki̱ri̱sto̱ ki i̱yo̱ko̱ ele ko̱.

1 Ko̱ri̱nto̱ 12:27

I̱yo̱ko̱ e̱e̱ggi̱nnu̱ niga ele ci Ki̱ri̱sto̱, e̱e̱ggi̱nnu̱ niga do̱o̱k o̱to̱ cik ele neci.

Ga̱la̱ti̱a̱ 3:14

Imma zin i̱yo̱ko̱, aanyyet daizi ci Ye̱su̱ Ki̱ri̱sto̱ ngati a̱da̱kne̱ ngatinna ol wak iróng een Ya̱u̱d ma̱yu̱we̱ne̱t ki bali aanyik Ta̱mu̱ta̱dde̱n Aburaham oowa ke̱, kar zin ka̱mu̱yu̱k ol cik lo̱o̱tu̱ do̱o̱k. Kar ol wak a̱tu̱we̱ ku̱mu̱dda̱ Vongiz ci A̱li̱le̱ bali u̱du̱wa̱ Manyi ke̱ go̱o̱le̱ ci a̱tu̱we̱ne̱ nege.

Ga̱la̱ti̱a̱ 5:24

Imma ol cik elemtta Ye̱su̱ Ki̱ri̱sto̱, utungtek kaal balik gerzek irez nege ke̱ do̱o̱k korkorrit ki daiz ci Ye̱su̱ keete ci een ta̱la̱ke̱c bali ododine enne ke̱.

Evesos 3:3

I̱ye̱le̱ya̱ Ta̱mu̱ta̱dde̱n annit zoz bali ninne a̱lu̱gnye̱ ke̱, ki bali ming kehera anna arrak do̱yo̱i̱t.

Evesos 5:30

eci naga ol wak ka̱tu̱ Ki̱ri̱sto̱ ke̱e̱ggi̱n ol cik ele cinne.

Evesos 5:7

Ma owowonu ki ol wak iróng a̱du̱wa̱ zoz ci een de̱de̱, iróng o̱ngo̱o̱le̱ Ta̱mu̱ta̱dde̱n.

Kolosiya 2:19

Okko e̱e̱ti̱ ci ogon niko ko̱, iróng enne ngen arume ki Ki̱ri̱sto̱ wa een oo ngati ol wak a̱tu̱ nonno ko̱ do̱o̱k. Kar ele do̱o̱k ka̱gga̱mo̱zi̱k oo, kaanyik ele kurumte nga̱to̱de̱, kar Ta̱mu̱ta̱dde̱n kaanyik kitilizet ki ci orong enne.

1 Jon 1:3

Ka̱du̱wa̱kku̱ng naga i̱ge̱t gi̱i̱ ci kicinnta kar bo̱do̱k kizikta, kar abunna ming karume tu̱we̱nta̱. Kar naga bu̱k kurumte ki Be̱e̱ti̱nna̱ ki Ngerinne Ye̱su̱ Ki̱ri̱sto̱.

1 Jon 2:25

Een necu zoz ci u̱du̱wa̱e̱t enne agita: ruget ci aave udut.