Evesos 3:5 - Tennet

⁵ Imma bali la̱du̱n oowa ke̱, ngen Ta̱mu̱ta̱dde̱n ki̱ye̱le̱k zoz necu e̱e̱t ci diiri, kar zin vu̱rrta̱ i̱ye̱le̱k Vongizi cinne zoz necu to̱ni̱a̱k wak a̱li̱le̱ ki a̱ri̱tto̱k cik zoz cinne.

Evesos 3:5 Iomraidhean Croise

Ma̱te̱yo̱ 13:17

Ka̱du̱wa̱kku̱ng zoz ci een de̱de̱, anyak a̱ri̱tto̱k ki ol cik abunna meelek giir orong nege kicinnet kaal cik icinntu niga u̱tu̱gu̱zze̱ ko̱, iróng zin nege acinni, orong nege kiziyet zoz ci aziknnu niga ko̱, iróng zin nege aziye.

Ma̱te̱yo̱ 20:7

“O̱bo̱dde̱k zin nege nonno, ‘Eci ngen e̱e̱ti̱ imma kaanyyet li̱ngli̱ngo̱n.’ “Iizek zin enne nogo ne, ‘I̱yo̱ko̱ zin, oot niga bu̱k li̱ngli̱ngo̱n ma̱ne̱ cinanni.’

Ma̱te̱yo̱ 23:34

Ki̱tto̱na̱kku̱ng a̱ri̱tto̱k wak zoz ci Ta̱mu̱ta̱dde̱no̱ ki ol wak egenyi ki de̱me̱zzo̱k. A̱ru̱kku̱ atin niga u̱gge̱ ka̱da̱i̱to̱ kar ododek ta̱la̱ke̱c; kar atin bo̱do̱k u̱ru̱we̱t u̱gge̱ Ce̱e̱zi̱nne̱ wak Lawinto, aliyanu nogo o̱ro̱gjo̱we̱.

Lu̱ka̱ 10:24

Eci anna ka̱du̱wa̱kku̱ng, anyak a̱ri̱tto̱k ki alaat cik orong kicinnet zoz necu ma̱i̱je̱ ngatu ngen nege kicinnet, orong kiziyet zoz ci iziktu niga ko̱ ma̱i̱je̱ ngatu iróng nege aziye zoz necu.”

Lu̱ka̱ 11:49

Eci zo̱ze̱ necu, azi Ta̱mu̱ta̱dde̱n genyize cinne ne, ‘Ki̱tto̱nna̱k atin anna nogo a̱ri̱tto̱k ki to̱ni̱a̱k, ovvo atin uggak a̱ru̱we̱ ka̱da̱i̱to̱, kar atin uggak ki̱gi̱dde̱.’

Kaviyak wak Abunna Ta̱mu̱ta̱dde̱no̱ eher Joni 14:26

Okko abarik atin De̱me̱zo̱i̱ti̱ wa een Vongiz ci A̱li̱le̱, wa atin i̱tto̱na̱ Baba zare cigannik, edemezung kaal do̱o̱k kar zin ki̱no̱na̱u̱ng kaal balik ku̱du̱wa̱u̱ng anna ke̱.

Kaviyak wak Abunna Ta̱mu̱ta̱dde̱no̱ eher Joni 16:13

Ming i̱ki̱ya̱ De̱me̱zo̱i̱ti̱ ci een Vongiz wa een de̱de̱, okko atin i̱ye̱le̱kku̱ng de̱mzi̱ne̱t wak e̱e̱ggi̱n de̱de̱. Iróng atin zoz ci okko enne a̱du̱wa̱ ko̱ een zoz cinne, a̱du̱wa̱kku̱ng atin zoz ci izik enne, kar zin atin ku̱du̱wa̱u̱ng gi̱i̱ ci atin okko a̱kku̱.

Buk wa To̱ni̱a̱u̱ 10:28

Kar kizek nogo ne: “A̱gga̱yyu̱ niga ju̱rru̱m keere ci olli Ya̱u̱do̱ iróng abunna ming karume icima ki̱vo̱n i̱do̱nge̱ni̱t ki i̱yo̱ko̱ anna ko̱. Abarik zin Ta̱mu̱ta̱dde̱n i̱ye̱le̱ya̱ o̱no̱zo̱we̱, ma awu e̱e̱t imma azi ne ngoronya.

Roma 16:25

Abunna kinnat Ta̱mu̱ta̱dde̱n kanyike zany, eci anyak enne komiz ci anyike zi̱nze̱tti̱ cuggo̱k kodoit tu̱we̱nte̱ ci kaviyak cik abunna, obod ki Ye̱su̱ Ki̱ri̱sto̱, zo̱ze̱ wa een de̱de̱ bali a̱lu̱gnye̱, ngen e̱e̱ti̱ imma ka̱gga̱ ngati bali akanane looci bu̱u̱llo̱we̱ balik reentik abak udut ke̱.

1 Ko̱ri̱nto̱ 2:10

I̱ye̱le̱i̱t zin Ta̱mu̱ta̱dde̱n agit zoz ci a̱lu̱gnye̱ Vongize cinne. Orongnye Vongizi orong kaal do̱o̱k, orong rok kaal cik riilik Ta̱mu̱ta̱dde̱no̱.

Evesos 2:20

Ogonnu niga kiwagon biyena wak eenyce ol ce̱e̱z ko̱. Imma to̱ni̱a̱ha̱ ki a̱ri̱tto̱k cik zoz ci Ta̱mu̱ta̱dde̱no̱, ogon nege kiwagon biyena wak akane ol teheenyinet ko̱. Ma̱i̱je̱ ngati Ki̱ri̱sto̱ Ye̱su̱, ogon enne kiwagon bee ci riili oroot i̱ti̱re̱ne̱ ce̱e̱z kodok kak.

Evesos 3:9

Ta̱mu̱ta̱dde̱n ci eenyca kaal do̱o̱k, orongnya zin enne annit ki̱li̱ngli̱ng zoz cinne kar keela ol do̱o̱k ka̱gga̱c zoz bali ninne a̱lu̱gnye̱ ke̱.

2 Peturu 3:2

Korongnyung i̱ge̱t a̱a̱dda̱ zo̱zzo̱k balik a̱du̱wa̱ a̱ri̱tto̱wa̱ wak a̱li̱le̱ zoz ci Ta̱mu̱ta̱dde̱no̱, ki bo̱do̱k de̱mzi̱ne̱t ci Manyitinna wa een Ti̱ri̱zo̱i̱t bali edemezek enne to̱ni̱a̱k.

Ju̱da̱ 1:17

Ma̱i̱je̱ niga gonogga wak zinino, a̱a̱dda̱ zoz bali u̱du̱kta̱u̱ng to̱ni̱a̱ha̱ cik Manyi Ye̱su̱ Ki̱ri̱sto̱ ke̱.