Evesos 3:16 - Tennet

¹⁶ Ka̱jji̱nni̱ Ta̱mu̱ta̱dde̱n kar ka̱a̱nyu̱ng doiz vongize cinne kar okkomit zi̱nze̱tti̱ cuggo̱k, eci anyak doiz do̱o̱k enne.

Evesos 3:16 Iomraidhean Croise

Ma̱te̱yo̱ 6:13

Ma anyike ol kitimanteta, abarik eelawet lo̱rye̱nta̱.’

Roma 2:29

Abunna e̱e̱ti̱ ming een Ya̱u̱do̱c de̱de̱, etted wucic vi̱ca̱vi̱ca̱, o̱ngo̱o̱le̱ lo̱ti̱nno̱k cik Ta̱mu̱ta̱dde̱no̱. Amuda e̱e̱ti̱ rezinet ci Ta̱mu̱ta̱dde̱no̱ de̱de̱ go̱o̱le̱ ci aanyik enne Manyi zinin cinne, iróng een go̱o̱le̱ ci ettede ol vi̱ca̱vi̱cce̱t, een abarik Vongiza. Anyik Ta̱mu̱ta̱dde̱n ka̱ma̱yu̱k e̱e̱t, iróng een ol cik diirik.

Roma 7:22

Kelemi zin anna zinine cinanni do̱o̱k lo̱ti̱nno̱k cik Ta̱mu̱ta̱dde̱no̱.

Roma 9:23

Ogon Ta̱mu̱ta̱dde̱n niko i̱ye̱la̱ di̱ngdi̱ngo̱n cinne, ngati amanik ol ne̱k atahala enne ke̱ kar kozolit ki nonno di̱ngdi̱ngo̱n cinne.

1 Ko̱ri̱nto̱ 16:13

A̱vvu̱t ju̱rru̱m be̱i̱nta̱. Ibilet okkomit kak tu̱we̱nte̱ cunno̱ng. Abunna ming e̱e̱ggi̱nnu̱ ol wak animnyu zoz, kar okkomit kak.

2 Ko̱ri̱nto̱ 12:9

Ma̱i̱je̱ enne a̱nne̱ka̱ ne, “Elenonu i̱nna̱ ki deten cinanni do̱ niko. I̱llo̱i̱ gi̱i̱ imma ci orongi i̱nna̱, aanyi komizi cinanni i̱nne̱t doiz ming i̱llo̱i̱ i̱nne̱t komiz.” Kar zin ming aave Ki̱ri̱sto̱ aanya komiz cinne, katalne kodongi ele ming i̱llo̱i̱ annit komiz.

2 Ko̱ri̱nto̱ 4:16

I̱yo̱ko̱ zin, eci naga ka̱gga̱ go̱o̱le̱ ci kapirnane zo̱ze̱ ci kuwahek ol zoz ci Ta̱mu̱ta̱dde̱no̱ kar ol cik meelek ko̱to̱ngo̱o̱ltte̱ Ta̱mu̱ta̱dde̱n, iróng zin kaburnna nong li̱ngli̱ngo̱ne̱ necu kar kibilizta de̱mzi̱ne̱t ol zoz ci Ta̱mu̱ta̱dde̱no̱. Ming ize ddi̱ki̱ro̱n nu̱nu̱n, eelannet Ta̱mu̱ta̱dde̱n odohize, aanyyet komiz zi̱nze̱tti̱nne̱.

Evesos 1:18

Kalaye anna abunna zi̱nze̱tti̱ cuggo̱k ming o̱o̱ye̱ kar a̱gga̱c zoz ci arikku niga zi̱nze̱tti̱ bali atahalaung enne i̱ge̱t ko̱, eezet ki di̱ngdi̱ngo̱n ci okko Ta̱mu̱ta̱dde̱n aragiz ngati ol wak a̱tu̱ nonno,

Evesos 1:7

Imma zo̱ze̱ ci Ki̱ri̱sto̱, ku̱mu̱dda̱ naga eelannet bi̱ye̱te̱ ciginnek, alalneket mu̱nye̱n, go̱o̱le̱ ci anyahe Ta̱mu̱ta̱dde̱n deten oroot.

Evesos 2:7

Ogon Ta̱mu̱ta̱dde̱n niko abunna ming i̱ye̱le̱kke̱t bunnat ki i̱rrke̱ne̱t ci lo̱o̱c ci atin a̱kku̱ ke̱ zo̱ze̱ ci Ye̱su̱ Ki̱ri̱sto̱.

Evesos 3:15

Amuda kaala cik abak ta̱mu̱-kenga ki lo̱o̱ta̱ ngatu ruget do̱o̱k ngatinne.

Evesos 3:8

Ma wo̱ye̱ nu̱nu̱n ming ke̱e̱ni̱ anna vu̱rru̱t oroot ngati olli Ta̱mu̱ta̱dde̱no̱ do̱o̱k, anyozia annit deten necu, atahala Ta̱mu̱ta̱dde̱n kar ki̱li̱ngli̱ng li̱ngli̱ngo̱n ci a̱di̱ngdi̱nge̱ oroot kar kuwaheung i̱ge̱t ol wak iróng e̱e̱ggi̱n Ya̱u̱d ko̱ kaviyak cik abunna Ki̱ri̱sto̱, anyak eezet ci iróng naga ka̱gga̱.

Evesos 6:10

I̱yo̱ko̱ zin okkomit kak rumente ci arumenu niga ki Manyi doize wa a̱a̱nyu̱ng enne i̱ge̱ta̱.

Vilipia 4:13

Kogonni wo̱ye̱ anna kaal do̱o̱k zo̱ze̱ ci Ki̱ri̱sto̱ nonno ci aanya doiz.

Vilipia 4:19

Kar atin Ta̱mu̱ta̱dde̱n cinanni ka̱a̱nyu̱ng kaal cik orongnyu niga eezet cinne ngati Ye̱su̱ Ki̱ri̱sto̱.

Kolosiya 1:11

Kalayya nonno bu̱k abunna ming a̱a̱nyu̱ng doiz ci a̱kku̱ di̱ngdi̱ngo̱nte̱ cinne kar atin niga anyait zi̱nze̱tti̱ cik alali animnyu no̱ngi̱tto̱n, kar bo̱do̱k abait baiz talninta.

Kolosiya 1:27

Ogon Ta̱mu̱ta̱dde̱n niko eci enne orong ki̱ye̱le̱k ol wak iróng een Ya̱u̱d zoz cinne a̱lu̱ngnye̱ ko̱, nonno ci een Ki̱ri̱sto̱ ci abak ngatinno̱ng, nonno ci karike naga zi̱nze̱tti̱ kar kurubta di̱ngdi̱ngo̱n ci Ta̱mu̱ta̱dde̱no̱.

Kolosiya 2:2

Korongi anna ki̱ti̱lo̱ nogo kokkomit zi̱nze̱tti̱ kar urumte nga̱to̱de̱ rezinta, kar zin anyait genyiz ci a̱gga̱yyu̱ zoz ju̱rru̱m, kar a̱gga̱c zoz ci Ta̱mu̱ta̱dde̱no̱ a̱lu̱gnye̱ ci een Ki̱ri̱sto̱ ele.

2 Ti̱mo̱te̱yo̱ 4:17

Abarik wazin neci, uzuta Manyi kar zin kaanya komiz ci kuwaheke ol kaviyak ciginnek ju̱rru̱m, kar ol wak iróng een Ya̱u̱d do̱o̱k kiziyet. Eelawa zin Ye̱su̱ daiza.

I̱bu̱ru̱ 11:34

Adit gwo̱o̱ ci apadpadi, alit ilanya. Okko piryanzet cinne̱ng ukce kize doiz. Okkomit kak illawa kar mo̱ddo̱ do̱o̱k ki̱vi̱re̱t.

1 Peturu 3:4

Abarik zin abunna ming a̱kku̱ zi̱zi̱wo̱ni̱ cunne zinina, zi̱zi̱wo̱n ci iróng aditai ki zinin ci abunna, een necu zoz ci riili ngu̱me̱ ci Ta̱mu̱ta̱dde̱no̱.