Evesos 2:8 - Tennet

⁸ Kar zin zo̱ze̱ necu, urubtau niga ruget bunnate ci Ta̱mu̱ta̱dde̱no̱ tu̱we̱nta̱, nonno ci a̱ti̱ri̱zu̱ng oroot kommog baiz cunno̱ng. Een necu muci ci Ta̱mu̱ta̱dde̱no̱ ci aanyik e̱e̱t ci diiri, iróng aanyik go̱o̱le̱ ci ogone e̱e̱ti̱ kaal.

Evesos 2:8 Iomraidhean Croise

Ma̱te̱yo̱ 16:17

O̱bo̱de̱k zin Ye̱su̱, a̱nne̱k ne, “A̱mu̱yu̱i̱ Ta̱mu̱ta̱dde̱n i̱nne̱ta̱ Si̱mo̱ne̱ ngerrti Jonah, eci iróng een e̱e̱t ci diiri ci a̱du̱wa̱ki̱ zoz neci, Baba ta̱mu̱-kenga ci i̱ye̱le̱i̱ i̱nne̱t zoz necu do̱o̱k.

Ma̱te̱yo̱ 20:9

“I̱vi̱ta̱ ol balik i̱i̱zo̱ li̱ngli̱ngo̱n yo̱mo̱na̱ ngati izewe i̱i̱ tu̱r ke̱, u̱ru̱we̱k zin enne nogo o̱ro̱bi̱ya̱c co̱de̱ ci een zi̱i̱t kize ci i̱i̱te̱n co̱de̱.

Marko 16:16

Ming elemna e̱e̱ti̱ imma kar ka̱gga̱mo̱zi̱k nonno ba̱ti̱ti̱mo̱, a̱ti̱ri̱z atin Ta̱mu̱ta̱dde̱n nonno. Ma̱i̱je̱ e̱e̱ti̱ ci iróng elemi, ettedozik nonno lo̱ki̱ko̱.

Lu̱ka̱ 7:50

U̱du̱wa̱k zin Ye̱su̱ ngaa, “I̱ti̱ri̱zi̱ i̱nne̱t tu̱we̱ne̱t cunne; bit yahe.”

Kaviyak wak Abunna Ta̱mu̱ta̱dde̱no̱ eher Joni 3:36

Ming anyak e̱e̱t ci a̱tu̱ Ngeranni, amuda atin enne ruget wa aave udut, imma e̱e̱ti̱ wa abure Ngeranni iróng acin ruget, eci Ta̱mu̱ta̱dde̱n aburnek nonno nong.”

Kaviyak wak Abunna Ta̱mu̱ta̱dde̱no̱ eher Joni 4:10

O̱bo̱de̱k zin Ye̱su̱ nonno, izek ne, “Ming aanyi gi̱i̱ gga̱ mucenet ci Ta̱mu̱ta̱dde̱no̱ ki e̱e̱t ci a̱jji̱nni̱ maam ko̱, a̱jji̱nni̱ wo̱ye̱ i̱nna̱ nonno kar kaanyi maam cik rugeto.”

Kaviyak wak Abunna Ta̱mu̱ta̱dde̱no̱ eher Joni 5:24

Emena Ye̱su̱ zoza dee, azi ne, “Ka̱du̱wa̱kku̱ng zoz ci een de̱de̱, ming aziye e̱e̱ti̱ zoz cinanni kar ku̱tu̱ Baba bali i̱tto̱na̱na̱ ke̱, amuda atin enne ruget wa aave udut. Iróng atin lo̱ki̱ko̱ ci gerze ettedonik oo cinne. Utungek enne daiz lo̱o̱c uk rugeta.

Kaviyak wak Abunna Ta̱mu̱ta̱dde̱no̱ eher Joni 6:35

Izek zin Ye̱su̱ nogo ne, “Ke̱e̱ni̱ anna da̱i̱ne̱t cik rugeto. Ming a̱kku̱nna̱ka̱ e̱e̱ti̱, iróng bo̱do̱k adak magiz udut, kar bo̱do̱k ming elemna e̱e̱ti̱, iróng koor a̱ru̱k nonno udut.

Kaviyak wak Abunna Ta̱mu̱ta̱dde̱no̱ eher Joni 6:37

A̱vvu̱na̱ka̱ atin ol wak aanya Baatanni annita, ma̱i̱je̱ ming a̱kku̱nna̱ka̱ e̱e̱ti̱ imma iróng anna ka̱bu̱ri̱.

Kaviyak wak Abunna Ta̱mu̱ta̱dde̱no̱ eher Joni 6:40

Eci gi̱i̱ ci orong Baba icu, ming acin e̱e̱ti̱ imma Ngerinne, kar zin ku̱tu̱ zoz cinne, amuda ruget wa aave udut, kar atin anna kitingawe nonno i̱i̱te̱n ci okko looci aṯurneke.”

Kaviyak wak Abunna Ta̱mu̱ta̱dde̱no̱ eher Joni 6:44

Emena Ye̱su̱ zoza dee, azi ne, “Iróng e̱e̱ti̱ imma a̱kku̱nna̱ka̱, Baba do̱ niko wa i̱tto̱na̱na̱ ko̱ ci a̱gu̱ra̱ nonno, kingane atin anna nonno daiza i̱i̱te̱ne̱ ci okko looci aṯurneke.

Kaviyak wak Abunna Ta̱mu̱ta̱dde̱no̱ eher Joni 6:65

Oobek zin Ye̱su̱ nogo zoz ci azi ne, “Zoz zin bali ka̱du̱wa̱kku̱ng kazi ne i̱llo̱i̱ e̱e̱t imma ci a̱kku̱nna̱ka̱ ming ngen Baba kaanyik gool.”

Buk wa To̱ni̱a̱u̱ 13:39

Imma zin ngati e̱e̱t ci a̱tu̱ nonno i̱zze̱c mu̱nye̱na̱, iróng lo̱ti̱nno̱wa̱ cik Musesi uule kar kalaleung.

Buk wa To̱ni̱a̱u̱ 14:27

Baling a̱ra̱yya̱ nege Antiyok, u̱tu̱yya̱ ol wak a̱tu̱we̱ do̱o̱k kar ku̱du̱kta̱k kaal cik u̱tu̱gu̱we̱k Ta̱mu̱ta̱dde̱n nogo ki bo̱do̱k ol wak iróng een Ya̱u̱d u̱tu̱we̱t Ye̱su̱.

Buk wa To̱ni̱a̱u̱ 15:11

Iróng zin een niko! Ka̱tu̱yya̱ naga eci zo̱ze̱ ci deten ci Manyitinna Ye̱su̱ kurubta naga ti̱ri̱ze̱ne̱t, ki i̱yo̱ko̱ nege bu̱k.”

Buk wa To̱ni̱a̱u̱ 16:14

Ngaane ne̱k azikne ke̱, een imma zara Lydia ci orog ci een Thyatira, utene da̱ gon ru̱u̱ma̱ni̱ cik een lo̱ddi̱ng adak o̱ro̱bi̱ya̱ cik meelek. Een da̱ gon enne ngaa ci ala Ta̱mu̱ta̱dde̱n, oo Manyi zinin cinne abunna aziye zoz ci a̱du̱wa̱ Pa̱u̱lo̱.

Buk wa To̱ni̱a̱u̱ 16:31

O̱bo̱dde̱k nege, a̱nne̱k ne, “Nyak tu̱we̱ne̱t ngati Manyi Ye̱su̱, kar i̱nna̱ ki ol wak ce̱e̱z cunne urubta ti̱ri̱ze̱ne̱t.”

Roma 10:14

Ma̱i̱je̱ ngatu, a̱jji̱n wo̱ye̱ ol Ye̱su̱ kar keela nogo ming iróng nege a̱tu̱ nonno? A̱tu̱we̱ wo̱ye̱ nege ku̱ ming ngen kiziyet zoz cinne? Aziye wo̱ye̱ nege ku̱ ming iróng e̱e̱ti̱ imma uwahek nogo?

Roma 10:17

A̱kku̱ tu̱we̱ne̱t ming aziye e̱e̱ti̱ kaviyak, kaziye kaviyak ne̱ko̱ zo̱ze̱ ci Ki̱ri̱sto̱.

Roma 4:16

U̱du̱wa̱ Ta̱mu̱ta̱dde̱n, a̱mu̱yu̱k atin enne ol wak a̱tu̱ nonno, eci enne i̱i̱rke̱, anyak deten, irez ol, iróng een zo̱ze̱ ci azunne nege lo̱ti̱nno̱k. Ming anyak e̱e̱ti̱ tu̱we̱ne̱t ki ci Aburahami, a̱mu̱yu̱k atin Manyi nonno, iróng een ol wak azunne lo̱ti̱nno̱k do̱, abarik ki ol wak a̱tu̱ Ta̱mu̱ta̱dde̱n ki Aburahami, wa een be̱e̱ti̱nna̱ tu̱we̱nta̱.

Roma 4:5

Imma e̱e̱ti̱ ci iróng a̱li̱ngli̱ng ma̱i̱je̱ ngatu a̱tu̱ Ta̱mu̱ta̱dde̱n ci alalnek ol mu̱nye̱n, eci Ta̱mu̱ta̱dde̱n elemi tu̱we̱ne̱t cinne kize bunnat.

Roma 9:16

Iróng Ta̱mu̱ta̱dde̱n a̱mu̱yu̱k ol li̱ngli̱ngo̱nte̱ ci ogon nege, icima orong nege oroot, abarik enne u̱mu̱yu̱k ol wak orong zinin cinne eci enne e̱de̱te̱.

Ga̱la̱ti̱a̱ 3:14

Imma zin i̱yo̱ko̱, aanyyet daizi ci Ye̱su̱ Ki̱ri̱sto̱ ngati a̱da̱kne̱ ngatinna ol wak iróng een Ya̱u̱d ma̱yu̱we̱ne̱t ki bali aanyik Ta̱mu̱ta̱dde̱n Aburaham oowa ke̱, kar zin ka̱mu̱yu̱k ol cik lo̱o̱tu̱ do̱o̱k. Kar ol wak a̱tu̱we̱ ku̱mu̱dda̱ Vongiz ci A̱li̱le̱ bali u̱du̱wa̱ Manyi ke̱ go̱o̱le̱ ci a̱tu̱we̱ne̱ nege.

Ga̱la̱ti̱a̱ 3:22

Imma zin Waraga ci Ta̱mu̱ta̱dde̱no̱ a̱nne̱kke̱t ne, kecebte naga do̱o̱k mu̱nye̱ne̱. Kamuda gool ci kiyowanne go̱o̱le̱ ci ka̱tu̱we̱ Ye̱su̱ Ki̱ri̱sto̱ do̱ niko.

Evesos 1:19

Korongnyung abunna ming a̱gga̱yyu̱ doiz ci Ta̱mu̱ta̱dde̱no̱ a̱ddi̱ki̱re̱ wa a̱li̱ngli̱ng ngatinna ol wak a̱tu̱ zoz cinne. Doiz neci ele ci a̱li̱ngli̱ng zi̱nze̱tti̱nne̱ cigga̱c,

Evesos 2:10

Aruguzet Ta̱mu̱ta̱dde̱n kar naga ku̱tu̱gu̱z kaal cik abunna ngati Ye̱su̱ Ki̱ri̱sto̱. A̱rri̱ta̱nne̱t enne agit kar ki̱li̱ngli̱nge̱t li̱ngli̱ngo̱n cinne wa abunna lo̱o̱ta̱ ngatu.

Vilipia 1:29

A̱a̱nyu̱ng enne baiz ci ogon niko zo̱ze̱ ci Ki̱ri̱sto̱, ma a̱tu̱yyu̱ nonno do̱ niko, abarik bo̱do̱k amudannu atin pirnanet zo̱ze̱ cinne,

Kolosiya 2:12

Eci ogon ki ci a̱da̱yo̱zi̱u̱ng ol lo̱o̱k ki bali Ki̱ri̱sto̱ ngati a̱gga̱mnyu̱ niga ba̱ti̱ti̱mo̱, kar itingta ki nonno daiza tu̱we̱nta̱ doize ci Ta̱mu̱ta̱dde̱no̱ bali ingane nonno daiza ke̱.

2 Te̱se̱lo̱ni̱ka̱ 1:9

Edez atin Manyi nogo udut kar kanyik ka̱vvu̱to̱ reena alaanzete cinne.

I̱bu̱ru̱ 6:4

Anyak ol cik elemtta zoz ci Ta̱mu̱ta̱dde̱no̱ arrak de̱de̱, kar kurubta zoz neci, kar ki̱mi̱rte̱ ki vu̱rru̱t, i̱llo̱i̱ bo̱do̱k gool ci kar ko̱bo̱dda̱i̱ nege kar ki̱mi̱rto̱zi̱k zoz wa een de̱de̱ udut, eci bali arrak aavtte nege vooritene ci Ta̱mu̱ta̱dde̱no̱, atarit nege ma̱yu̱we̱ne̱t cinne abunna, kar Vongizi ci A̱li̱le̱ kabak ngatinne̱ng. Iziyyet nege kaviyak cik abunna Ta̱mu̱ta̱dde̱no̱ a̱du̱wa̱k nogo ko̱ do̱o̱k, eci a̱li̱ngli̱ng zi̱nze̱tti̱nne̱ cigge̱k. A̱gga̱ nege zoz ci a̱ddi̱ki̱re̱ atin a̱kku̱ ke̱. Ming a̱gga̱c nege kaal ne̱ko̱ do̱o̱k, kar ki̱mi̱rte̱ ki vu̱rru̱t, iróng ngen obodak Ta̱mu̱ta̱dde̱n, eci nege a̱ru̱we̱k Ngerrti Ta̱mu̱ta̱dde̱no̱ keet ci een ta̱la̱ke̱c, abarik anyakttak nonno a̱li̱ya̱n orgene ci ollu.

1 Peturu 1:5

eci tu̱we̱nte̱ cunno̱ng azunnung atin doizi ci Ta̱mu̱ta̱dde̱no̱ ki̱ki̱ya̱ ti̱ri̱ze̱ne̱t ci okko i̱ye̱la̱ ming okko looci aṯurneke.