Evesos 2:6 - Tennet

⁶ Ma zin i̱yo̱ko̱ kurumtozik naga ki Ye̱su̱ bali itingawe Ta̱mu̱ta̱dde̱n nonno daiza ke̱. Kar kaanyyet nginti aave ojonun ki Ye̱su̱ Ki̱ri̱sto̱, ta̱mu̱-kenga.

Evesos 2:6 Iomraidhean Croise

Ma̱te̱yo̱ 26:29

Ka̱du̱wa̱kku̱ng zoz ci een de̱de̱, iróng atin anna kaudi vi̱no̱ ki i̱ge̱t nga̱to̱de̱ uduce necu zee bak kovvo kaude ki i̱ge̱t atin ba̱a̱li̱nte̱ ci Baba.”

Lu̱ka̱ 12:37

Abunna atin ngati du̱cca̱k cik okko ddi̱ki̱ryo̱i̱ti̱ amuda nogo ming acine ebekce ming okko enne a̱kku̱. Ka̱du̱wa̱kku̱ng anna zoz ci een de̱de̱, aimiz atin enne ele cinne kar ki̱li̱ngli̱ng, okko atin enne aanyik nogo kadakto ki nonno nga̱to̱de̱ kar atin enne ki̱ti̱ri̱z nogo.

Kaviyak wak Abunna Ta̱mu̱ta̱dde̱no̱ eher Joni 12:26

Ming een e̱e̱t ci a̱li̱ngli̱ngngo̱ni̱ka̱n, anyik kunuwan, ming een nginti kaave, aave atin enne bu̱k. Ming a̱li̱ngli̱ngngo̱ni̱ka̱ e̱e̱ti̱ annita, irez atin Baba nonno bu̱k.”

Kaviyak wak Abunna Ta̱mu̱ta̱dde̱no̱ eher Joni 14:3

Ming kuwa kidimanneung lo̱o̱c, koboda atin abunna ming kokko kokkoyyung bu̱k, kar niga bu̱k abait ngati kabahe anna.

Evesos 1:1

Annita Pa̱u̱lo̱ wa ke̱e̱ni̱ to̱ni̱a̱t ci Ye̱su̱ Ki̱ri̱sto̱ zo̱ze̱ ci odola Ta̱mu̱ta̱dde̱n ci keheri warage cu ko̱. Keherik olli Ta̱mu̱ta̱dde̱no̱ ki ol wak a̱tu̱ zoz ci Ye̱su̱ Ki̱ri̱sto̱ ke̱le̱ci̱e̱ ci orog ci een Ephesus.

Evesos 1:3

Abunna zin kinnat Ta̱mu̱ta̱dde̱n wa een Be̱e̱ti̱ Manyitinna Ye̱su̱ Ki̱ri̱sto̱. A̱ma̱yu̱kke̱t enne agit bali ta̱mu̱-kenga ngati i̱tto̱na̱ne̱ Ki̱ri̱sto̱ kar kurubta ma̱yu̱we̱ne̱t ci Vongizo zo̱ze̱ cinne.

Evesos 2:10

Aruguzet Ta̱mu̱ta̱dde̱n kar naga ku̱tu̱gu̱z kaal cik abunna ngati Ye̱su̱ Ki̱ri̱sto̱. A̱rri̱ta̱nne̱t enne agit kar ki̱li̱ngli̱nge̱t li̱ngli̱ngo̱n cinne wa abunna lo̱o̱ta̱ ngatu.

Evesos 2:13

E̱e̱ggi̱nnu̱ niga ol balik aavtiyyu reena ngati Ta̱mu̱ta̱dde̱no̱, ma̱i̱je̱ i̱yo̱ko̱, aanyik Ki̱ri̱sto̱ Ye̱su̱ ele cinne kize wawac kar kidimanung i̱ge̱t izet ol cik Ta̱mu̱ta̱dde̱no̱.

Kolosiya 1:18

Kar zin i̱yo̱ko̱, nonno ci een oo ci eliyo veelek ki ke̱le̱ci̱a̱; nonno ci akanane kaala kar kize a̱bu̱ ci ol cik a̱da̱i̱to̱, kar enne kanyak doiz ci abale kaal do̱o̱k.