Evesos 2:4 - Tennet

^4-5 Ma̱i̱je̱ Ta̱mu̱ta̱dde̱n anyak deten! Ka̱da̱kta̱ ba̱li̱ye̱ mu̱nye̱ne̱ cik kogon naga, abarik Ta̱mu̱ta̱dde̱n irezet oroot kar kaanyyet ruget ngati Ki̱ri̱sto̱, eelannet bunnati ci Ta̱mu̱ta̱dde̱no̱.

Evesos 2:4 Iomraidhean Croise

Jonah 4:2

Ala Jonah Manyi, “Manyi bai, ngen ba̱li̱ye̱ ku̱du̱wa̱ baling korongi kuk rok orog ci een Tarshish? Ka̱gga̱ niko ba̱li̱ye̱ kar zin ketteda gool cinanni. Ka̱gga̱ niko e̱e̱ni̱ i̱nna̱ Ta̱mu̱ta̱dde̱n ci abunna kar bo̱do̱k i̱i̱rke̱, iróng i̱nna̱ etteda zinin ataman kar bo̱do̱k rezinet cunne abak udut olle, eci e̱e̱ni̱ i̱nna̱ Ta̱mu̱ta̱dde̱n ci iróng adita ol.

Lu̱ka̱ 1:78

eci bunnati ki deten ci Ta̱mu̱ta̱dde̱n cinna, go̱o̱le̱ ci iyowane atin koor ngatinna ta̱mu̱-kenga,

Roma 10:12

I̱llo̱i̱ zoz imma ci gerze. Ming een e̱e̱ti̱ Ya̱u̱d icima iróng een Ya̱u̱d, kanyak Manyi co̱de̱ ṯok, i̱i̱rke̱ enne ngati ol wak a̱jji̱n nonno do̱o̱k.

Roma 2:4

I̱no̱ni̱ i̱nna̱ bunnat ci Ta̱mu̱ta̱dde̱no̱ a̱ppwe̱, icima ki zinin cinne alali ci iróng atin enne aburneki nong? Iróng i̱nna̱ a̱gga̱ zoz ci orong Ta̱mu̱ta̱dde̱n ngatunne abunna ming ungnek mu̱nye̱n lo̱o̱c kar bodak nonno?

Roma 5:8

Ma̱i̱je̱ ba̱li̱ye̱, u̱tu̱gu̱ Ta̱mu̱ta̱dde̱n zoz necu, i̱ye̱la̱ bunnat cinne, baling ngen ke̱e̱ggi̱n naga ol cik mu̱nye̱nu̱, a̱da̱k zin Ki̱ri̱sto̱ zo̱ze̱ cinna.

Roma 9:23

Ogon Ta̱mu̱ta̱dde̱n niko i̱ye̱la̱ di̱ngdi̱ngo̱n cinne, ngati amanik ol ne̱k atahala enne ke̱ kar kozolit ki nonno di̱ngdi̱ngo̱n cinne.

Evesos 1:7

Imma zo̱ze̱ ci Ki̱ri̱sto̱, ku̱mu̱dda̱ naga eelannet bi̱ye̱te̱ ciginnek, alalneket mu̱nye̱n, go̱o̱le̱ ci anyahe Ta̱mu̱ta̱dde̱n deten oroot.

Evesos 2:7

Ogon Ta̱mu̱ta̱dde̱n niko abunna ming i̱ye̱le̱kke̱t bunnat ki i̱rrke̱ne̱t ci lo̱o̱c ci atin a̱kku̱ ke̱ zo̱ze̱ ci Ye̱su̱ Ki̱ri̱sto̱.

Evesos 3:8

Ma wo̱ye̱ nu̱nu̱n ming ke̱e̱ni̱ anna vu̱rru̱t oroot ngati olli Ta̱mu̱ta̱dde̱no̱ do̱o̱k, anyozia annit deten necu, atahala Ta̱mu̱ta̱dde̱n kar ki̱li̱ngli̱ng li̱ngli̱ngo̱n ci a̱di̱ngdi̱nge̱ oroot kar kuwaheung i̱ge̱t ol wak iróng e̱e̱ggi̱n Ya̱u̱d ko̱ kaviyak cik abunna Ki̱ri̱sto̱, anyak eezet ci iróng naga ka̱gga̱.

2 Te̱se̱lo̱ni̱ka̱ 2:13

Gotonogga ki ngonogga wak irezzu Manyi, kanyikka Ta̱mu̱ta̱dde̱n zany odohize eci enne atahalaung i̱ge̱t abunna ming amudannu ti̱ri̱ze̱ne̱t kar izet ol cik a̱li̱le̱ go̱o̱le̱ ci Vongiz ci A̱li̱le̱ ki tu̱we̱ne̱t zo̱ze̱ ci een de̱de̱.

1 Ti̱mo̱te̱yo̱ 1:14

Aanya zin Manyitinna eezete wainne, tu̱we̱ne̱t ki rezinet wa karuba ngati Ye̱su̱ Ki̱ri̱sto̱.

2 Ti̱mo̱te̱yo̱ 1:9

Eelawet Ta̱mu̱ta̱dde̱n kar zin katahalait kizet ol ciginnek A̱li̱le̱, iróng ahalanet gi̱i̱ye̱ ci da̱ abunna kogon naga, abarik idiman da̱ Manyi eci abunna enne la̱du̱n. Baling ngen keteehenye looci, i̱no̱n Ta̱mu̱ta̱dde̱n kar atin kaanyyet eezet go̱o̱le̱ ci atin i̱tto̱na̱kke̱t Ye̱su̱ Ki̱ri̱sto̱ wa atahalai.

1 Peturu 1:3

Kinnatit Ta̱mu̱ta̱dde̱n wa een Be̱e̱ti̱ Manyitinna Ye̱su̱ Ki̱ri̱sto̱. Aanyyet enne agit ti̱ra̱ne̱t ci een jor detente cinne a̱ppwe̱ ci karike naga zi̱nze̱tti̱ go̱o̱le̱ ci ingane Ye̱su̱ Ki̱ri̱sto̱ daiza.