Evesos 2:3 - Tennet

³ Kabak ba̱li̱ye̱ naga bu̱k ki i̱yo̱ko̱, kabal e̱le̱tti̱ kaale cik kireze e̱le̱tti̱. Kaanycik zin naga Ta̱mu̱ta̱dde̱n komoze zo̱ze̱ ci kogon naga ko̱, okko atin enne ettedekket lo̱ki̱ko̱ ki ol do̱o̱k.

Evesos 2:3 Iomraidhean Croise

Kananet 5:3

Baling abak Adami zee kize e̱rki̱nya̱ o̱bo̱n co̱de̱ ki moten i̱i̱yo̱ (130), i̱ti̱rra̱ zin do̱le̱c ci a̱du̱wo̱ ki nonno kar zin kakatek zar kize Seth.

Kananet 6:5

Baling icin Manyi ol lo̱o̱ta̱ izeto gerze, i̱no̱ni̱t nege odohize zi̱nze̱tti̱nne̱ do̱o̱k kaal cik gerzek.

Kananet 8:21

Ocowa Manyi gi̱i̱ ci ongooli laala kar zin kizek zinin ne, “Iróng bo̱do̱k ngen kotori lo̱o̱c zo̱ze̱ ci obod ki e̱e̱t ci diiri udut, ming nu̱nu̱n i̱no̱n enne zinina kaal cik gerzek nginti meer bali kenycane nonno ngati enne ngen idica ke̱. Iróng bo̱do̱k kadita kaal cik aruge do̱o̱k ki baling ku̱tu̱gu̱ ke̱.”

Marko 4:19

ma̱i̱je̱ ming i̱no̱n nege kaal wak baizak, ki lu̱te̱ne̱t wa oronge e̱e̱ti̱ kize jaitot, okko zoz necu adudut zoz bali izik e̱e̱ti̱ ke̱, kar zoz neci iróng ngen anyaha zoz ci abunna.

Kaviyak wak Abunna Ta̱mu̱ta̱dde̱no̱ eher Joni 1:13

Iróng nege bo̱do̱k a̱rri̱ta̱i̱ bi̱ye̱te̱, icima go̱o̱le̱ ci a̱rri̱ta̱ne̱ e̱e̱ti̱ ci diiri, abarik a̱rri̱ta̱ Ta̱mu̱ta̱dde̱n.

Kaviyak wak Abunna Ta̱mu̱ta̱dde̱no̱ eher Joni 8:44

E̱e̱ggi̱nnu̱ niga dooli cik lo̱rye̱nta̱k, be̱e̱ti̱nno̱ng, ogonnu kaal cik orong enne. Bali oowa, een enne e̱e̱t ci a̱ru̱k ol ka̱da̱i̱to̱, iróng enne abak zo̱ze̱ ci een de̱de̱, eci enne iróng anyak zoz ci een de̱de̱. Ming ovolong gon enne zoza, een neci kaale cinne, eci enne een volongnyoit, be̱e̱ti̱ volongo.

Buk wa To̱ni̱a̱u̱ 14:16

Aanyik ba̱li̱ye̱ Ta̱mu̱ta̱dde̱n ol cik lo̱o̱tu̱ do̱o̱k ku̱tu̱gu̱zzo̱ kaal cik orong zi̱nze̱tti̱ cigge̱k ku̱tu̱gu̱zzo̱.

Roma 1:24

Utungek zin Ta̱mu̱ta̱dde̱n nogo ku̱tu̱gu̱zzo̱ kaal cik gerzek irez zi̱nze̱tti̱ cigge̱k, a̱wu̱l e̱le̱tti̱, ottodo kiwagon elegje.

Roma 11:30

Anyak i̱i̱te̱n imma ba̱li̱ye̱ ci aburnnu niga ol cik iróng een Ya̱u̱d zoz ci Ta̱mu̱ta̱dde̱no̱, imma i̱yo̱ko̱ urubtau niga deten eci utuburet nege zoz cinne.

Roma 13:14

Abarik abunna ming arikku baiz ci Manyi Ye̱su̱ Ki̱ri̱sto̱ zi̱nze̱tti̱ cuggo̱k, kar abait baiz ci abunna, ma i̱no̱nnu̱ kaal cik lo̱o̱tu̱ gerzek orong e̱le̱tti̱ cuggo̱k wak anyaha mu̱nye̱n.

Roma 2:14

Anyak ol u̱gge̱ cik iróng een Ya̱u̱d, ol cik iróng anyak lo̱ti̱nno̱k wak Musesi, ma̱i̱je̱ ngatu o̱ngo̱o̱le̱ lo̱ti̱nno̱k cik Ta̱mu̱ta̱dde̱no̱ ming ngen kicinnet, anyak nege zi̱nze̱tti̱nne̱.

Roma 5:10

Baling ngen ke̱e̱ggi̱n mo̱ddo̱ cik Ta̱mu̱ta̱dde̱no̱ nu̱nu̱n, aganizet zin enne, eci a̱da̱k Ngerinne zo̱ze̱ cinna. I̱yo̱ko̱ zin, baling kaganto ki nonno, ka̱gga̱ naga kamuda atin baiz ci aave udut eci i̱ti̱ri̱zze̱t bi̱ye̱ta̱ cik Ngerinne Ye̱su̱.

Roma 5:9

Idimantet zin bi̱ye̱ta̱ cik Ye̱su̱ wak a̱ddu̱ta̱i̱ ko̱ kubunnta ju̱rru̱m, eelawet mozinte ci Ta̱mu̱ta̱dde̱no̱, kar Manyi kelemait zo̱ze̱ necu.

Roma 6:12

I̱yo̱ko̱ zin, ma anyikku mu̱nye̱n kutuwaung o̱o̱tti̱ ciggo̱k kar unuwet kaal cik orong zi̱nze̱tti̱ ciggo̱k.

Roma 7:18

Ka̱gga̱ niko i̱llo̱i̱ gi̱i̱ imma eliya cinanni ci aanya kar ku̱tu̱gu̱ kaal cik abunna. Ma̱i̱je̱ nu̱nu̱n ming korongi ku̱tu̱gu̱ kaal cik abunna abarik ogone kaala cik gerzek.

Roma 9:22

Orong Ta̱mu̱ta̱dde̱n ki̱ye̱la̱ mozinet ki doiz cinne ka̱gga̱we̱, ngati ol wak gerzek agano ki ru̱we̱ne̱t. Abarik enne alalnek ol ne̱ko̱ dee.

1 Ko̱ri̱nto̱ 4:7

Nya ci a̱a̱nyu̱ng i̱ge̱t a̱vvu̱t do̱ koola? Nya ci anyai i̱nna̱ ci iróng aruba ko̱? Gi̱i̱ta̱zi̱ zin ci ngen i̱nna̱ ruba baiza ko̱? Ming a̱a̱nyu̱ng Ta̱mu̱ta̱dde̱n kaal veelek, nya ming odongi i̱nna̱ ele ki ci ngen enne kaanyi i̱nne̱t ko̱?

2 Ko̱ri̱nto̱ 7:1

Gotonogga ki ngonogga wak kirezi anna ko̱, eci Ta̱mu̱ta̱dde̱n u̱du̱wa̱ zoz cinne kar kaanyyet kizet dooli ciginnek, abunna naga do̱o̱k kabiliz ba̱ci̱nno̱k vongize cinna. Gerza ming kogon kaal cik gerzek, gerza ming ki̱no̱n i̱no̱ni̱ ci gerze. Abunna ko̱ngo̱o̱le̱ Ta̱mu̱ta̱dde̱n, kabak baiz ci caale. Ming ku̱tu̱gu̱zzo̱ naga niko, irezet atin Manyi oroot.

Ga̱la̱ti̱a̱ 3:22

Imma zin Waraga ci Ta̱mu̱ta̱dde̱no̱ a̱nne̱kke̱t ne, kecebte naga do̱o̱k mu̱nye̱ne̱. Kamuda gool ci kiyowanne go̱o̱le̱ ci ka̱tu̱we̱ Ye̱su̱ Ki̱ri̱sto̱ do̱ niko.

Evesos 2:2

Ogonnu kaal cik gerzek, annuyu olli lo̱o̱tu̱, irezzu lo̱rye̱ni̱t wa een alaan ci abal lo̱o̱c kaale do̱o̱k cik iróng nege irez Ta̱mu̱ta̱dde̱n.

Evesos 4:22

Edemezung de̱me̱zzo̱wa̱ ba̱li̱ye̱ zoz cu, ibilizet baiz bali reeni ke̱ eci baizi bali reeni amin zi̱nze̱tti̱ ciggo̱k ke̱ ecebannung o̱o̱tti̱ kar kegerzan baiz cunno̱ng.

Kolosiya 1:21

Edewannu niga ba̱li̱ye̱ e̱le̱tti̱ ngati Ta̱mu̱ta̱dde̱no̱ kar izet mo̱ddo̱ i̱no̱ni̱nte̱ cunno̱ng ma̱rri̱t niga ogonnu mu̱nye̱n.

1 Te̱se̱lo̱ni̱ka̱ 4:13

Gotonogga ki ngonogga tu̱we̱nta̱, korongnyung a̱gga̱c zoz ci een de̱de̱ obod ki ol wak a̱tu̱we̱ a̱da̱i̱to̱. Iróng korongnyung i̱ge̱t u̱tu̱lu̱z ki ol wak iróng arike zi̱nze̱tti̱ zoz ci baiz wa ovvo ol wak a̱da̱i̱to̱ obodane.

1 Te̱se̱lo̱ni̱ka̱ 5:6

Ku̱zu̱tte̱ e̱le̱tti̱, gerza ming keceba o̱o̱tti̱ ki ol cik iróng a̱tu̱we̱, iróng ka̱gga̱ ming okko atin Ye̱su̱ obodak lo̱o̱c.

1 Ti̱mo̱te̱yo̱ 6:9

Ma̱i̱je̱ ol wak orong kizeto bo̱to̱ro̱, ovvo i̱i̱na̱k zoz ci gerze atimane lo̱rye̱nti̱ kar atin kidita nogo pit.

Ti̱to̱ 3:3

Ke̱e̱ggi̱n ba̱li̱ye̱ naga bu̱k tarbale ki i̱yo̱ko̱ ol ne̱k iróng a̱tu̱ zoz ci Ye̱su̱ ko̱, ol u̱gge̱ cik a̱ti̱kke̱t tu̱, kar kizetta du̱cca̱k cik kireza kaal cik orong e̱le̱tti̱ lo̱rye̱nta̱k. Anyak baizi cinna ṯeel ki meder. Kamartoyya ol, ovvo bo̱do̱k ol amarinetta.

1 Peturu 1:14

Ki i̱yo̱ko̱ dooli cik aziye zoz ko̱, ma ngen ogonnu bo̱do̱k kaal cik gerzek balik ogonnu niga baling ngen a̱gga̱c zoz ci een de̱de̱.

2 Peturu 2:14

I̱no̱n nege zoz ci gerze orongit kimice ngaai, ovvo ngaai orong ol cik macik. Orong ku̱lu̱ta̱ ol cik amuje o̱o̱tti̱. Abbize zi̱nze̱tti̱ cigge̱k gerziten do̱ niko.

2 Peturu 2:18

Odong nege e̱le̱tti̱ gaganiko, ozoz zoz ci ilabane ol wak amuje o̱o̱tti̱ orong kaal cik lo̱rye̱nta̱k.

1 Jon 2:16

A̱kku̱ zoz ci kodonge naga e̱le̱tti̱ ko̱ lo̱o̱ta̱ ngatu, ki zoz ci kamanik naga kaal ki zoz ci koronge naga kaal do̱o̱k cik kacin naga eberene. Iróng baizi ci ogon niko ko̱ a̱kku̱ ngati Baba.

1 Jon 2:8

Ngen zin keherakkung ti̱lo̱wi̱ne̱t ci een jor; i̱ye̱la̱i̱ zoz cinne de̱de̱ ngati Ki̱ri̱sto̱ ki i̱ge̱ta̱, i̱llo̱i̱ mu̱hu̱ri̱te̱n udut, enyerkai tukuleci ci een de̱de̱.