Evesos 2:16 - Tennet

¹⁶ Imma ta̱la̱ke̱ca̱, i̱ti̱vi̱la̱ Ye̱su̱ zoz ci kamarnone naga do̱o̱k. Anyaha gano orgen cinna ki Ta̱mu̱ta̱dde̱n go̱o̱le̱ ci aganize enne olli Ya̱u̱do̱ ki cik iróng een Ya̱u̱d.

Evesos 2:16 Iomraidhean Croise

Roma 5:10

Baling ngen ke̱e̱ggi̱n mo̱ddo̱ cik Ta̱mu̱ta̱dde̱no̱ nu̱nu̱n, aganizet zin enne, eci a̱da̱k Ngerinne zo̱ze̱ cinna. I̱yo̱ko̱ zin, baling kaganto ki nonno, ka̱gga̱ naga kamuda atin baiz ci aave udut eci i̱ti̱ri̱zze̱t bi̱ye̱ta̱ cik Ngerinne Ye̱su̱.

Roma 6:6

Ka̱gga̱ naga odode baizi cinna bali reeni ke̱ ki Ye̱su̱ keete ci een ta̱la̱ke̱c, kar mu̱nye̱na̱ iróng aruba gool ci abaleta,

Roma 8:3

Iróng lo̱ti̱nno̱wa̱ balik aanyik Ta̱mu̱ta̱dde̱n Muses ke̱ aruguzeta eci mu̱nye̱na̱ amunyeta, ki i̱yo̱ko̱, eci naga ol cik diirik iróng kanime ku̱zu̱tte̱ nogo. Abarik zin Ta̱mu̱ta̱dde̱n aanyyet ruget ngati i̱tto̱na̱ne̱ Ngerinne kize e̱e̱t ci diiri ki olli mu̱nye̱nu̱ kar ki̱ki̱ya̱ kize wawac ci aara ol mu̱nye̱n. Aanyik Ta̱mu̱ta̱dde̱n ele ci Ye̱su̱ kize ci edeze enne mu̱nye̱n.

Roma 8:7

Okko e̱e̱ti̱ ci i̱no̱n kaal cik gerzek amin zinin cinne ko̱, ooro enne ki Ta̱mu̱ta̱dde̱n, eci iróng enne o̱ngo̱o̱le̱ lo̱ti̱nno̱k ciginnek, iróng o̱ngo̱o̱le̱ i̱yo̱ko̱ niko, icima iróng bo̱do̱k enne o̱ngo̱o̱le̱ atin udut.

1 Ko̱ri̱nto̱ 10:17

Ma wo̱ye̱ nu̱nu̱n ke̱e̱ggi̱n meele, kozol naga do̱o̱k umune co̱de̱ ṯok niko. Imma zin go̱o̱le̱ necu ku̱tu̱gu̱zzo̱ naga do̱o̱k ki i̱yo̱ko̱ ele co̱de̱ ko̱.

Ga̱la̱ti̱a̱ 2:20

Ogon baizi bali nanni reeni ke̱ ki ci ka̱da̱ha̱ ki bali Ye̱su̱ Ki̱ri̱sto̱ ta̱la̱ke̱ca̱. Iróng ngen kabai baiz ki bali reena, abarik Ki̱ri̱sto̱ ci abak ngatinanni. I̱yo̱ko̱ zin kabai baiz ci karike Ngerrti Ta̱mu̱ta̱dde̱no̱ zinin tu̱we̱nta̱, ci ireza annit kar kutungek lo̱o̱c baiz ci abunna ta̱mu̱-kenga kar ki̱ki̱ya̱ keelawan.

Evesos 2:15

Aara bo̱do̱k Ye̱su̱ marnonet bali anyaha lo̱ti̱nno̱wa̱ wak Ya̱u̱do̱ eher Musesi ke̱. Anyaha enne olli Ya̱u̱do̱ ki modden ka̱vvu̱to̱ nga̱to̱de̱, ku̱tu̱gu̱zzo̱ ki ci e̱e̱ggi̱n nege dooli cik e̱e̱t co̱de̱, ming idonget enne ganonte ci anyaha enne ko̱.

Evesos 3:6

Zoz zin ci i̱ye̱le̱ka̱ annit Ta̱mu̱ta̱dde̱n zoz ko̱ necu, ol wak iróng e̱e̱ggi̱n Ya̱u̱d izeto nege bu̱k dooli ciginnek zo̱ze̱ wa utuhu enne kaviyak ne̱ko̱, ozolit zin nege bu̱k ki olli Israilo kaal cik Ta̱mu̱ta̱dde̱no̱, urumte zin nege do̱o̱k kizeto ele co̱de̱. Ozol zin nege do̱o̱k kaviyak cik abunna bali u̱du̱wa̱ Manyi ngati Ye̱su̱ Ki̱ri̱sto̱ ke̱.

Evesos 4:4

E̱e̱ggi̱nnu̱ niga do̱o̱k ele co̱de̱. Anyakku niga do̱o̱k Vongiz co̱de̱ ṯok ci Ta̱mu̱ta̱dde̱no̱, ogon ki bali arikku niga zi̱nze̱tti̱ zoz co̱de̱ ṯok ci ovvo atin niga arubannu kaal wak u̱du̱wa̱ enne kize cunno̱ng ol balik atahala enne ke̱.

Kolosiya 2:14

Aara zin enne mu̱nye̱n cik aavtte ngatinna zo̱ze̱ ci iróng naga ko̱ngo̱o̱li̱ne̱ Lo̱ti̱nno̱k cik Musesi. Idimak enne mu̱nye̱n tu̱ go̱o̱le̱ ci a̱da̱kne̱ Ye̱su̱ keete ci een ta̱la̱ke̱c.

Kolosiya 3:15

Anyik gano ci Ki̱ri̱sto̱ kabal zi̱nze̱tti̱ cuggo̱k, eci Ta̱mu̱ta̱dde̱n a̱a̱nyu̱ng izet ol co̱de̱ kar anyait gano necu. Kar aanycik nonno zany.