Evesos 2:11 - Tennet

¹¹ Abunna zin ming a̱a̱da̱nnu̱ iróng niga e̱e̱ggi̱nnu̱ olli Ya̱u̱do̱. Awuyung ba̱li̱ye̱ ol wak etted wucic vi̱ca̱vi̱cce̱t ko̱ izet ol cik iróng etted wucic vi̱ca̱vi̱cce̱t.

Evesos 2:11 Iomraidhean Croise

Ma̱te̱yo̱ 20:7

“O̱bo̱dde̱k zin nege nonno, ‘Eci ngen e̱e̱ti̱ imma kaanyyet li̱ngli̱ngo̱n.’ “Iizek zin enne nogo ne, ‘I̱yo̱ko̱ zin, oot niga bu̱k li̱ngli̱ngo̱n ma̱ne̱ cinanni.’

Roma 11:17

Ming u̱du̱lte̱ alawo uggak cik keet ci i̱ngi̱ro̱u̱, ogon olli Ya̱u̱do̱ ki alawo wak ettedonik tu̱. Ovvo zin alawo wak alize ko̱, aragiz gonoggi u̱tu̱gu̱zzo̱ nege ki ol wak iróng een Ya̱u̱d, i̱yo̱ko̱ zin, u̱mu̱dda̱ ma̱yu̱we̱ne̱t keete necu nege bu̱k,

Roma 2:26

Ming azunne ol wak iróng etted vi̱ca̱vi̱cce̱t ko̱ lo̱ti̱nno̱k de̱de̱, ubunntta nege ogon ki ol wak etteddit vi̱ca̱vi̱cce̱t.

Roma 2:27

Imma e̱e̱ti̱ ci iróng een Ya̱u̱d kar ku̱tu̱gu̱ kaal cik orong Ta̱mu̱ta̱dde̱n, ettedekkung atin enne lo̱ki̱ko̱ ol balik etteddit vi̱ca̱vi̱cce̱t ko̱. Ming etteddu niga vi̱ca̱vi̱cce̱t nu̱nu̱n, kar bo̱do̱k kanyait zoz ci Ta̱mu̱ta̱dde̱no̱ e̱he̱rye̱, iróng niga o̱ngo̱o̱li̱nnu̱ de̱mzi̱ne̱t neci.

1 Ko̱ri̱nto̱ 12:2

A̱gga̱yyu̱ baling ngen niga a̱gga̱c zoz ci Ta̱mu̱ta̱dde̱no̱, alabanung ba̱li̱ye̱ lo̱rye̱nti̱ i̱ge̱t kar unuwet to̱do̱yyo̱k cik e̱e̱ggi̱n ta̱mu̱ta̱dde̱ne̱t wak adimanai azzine iróng ozozi.

1 Ko̱ri̱nto̱ 6:11

I̱yo̱ko̱ orgene cunno̱ng ngatu, anyak ol u̱gge̱ ba̱li̱ye̱ cik ogon kaal ne̱ko̱. Uburuca zin abarik Manyitinna Ye̱su̱ Ki̱ri̱sto̱ ki Vongiz ci Ta̱mu̱ta̱dde̱no̱ mu̱nye̱n cuggo̱k, kar ka̱a̱nyu̱ng izet dooli cik a̱li̱le̱ Ta̱mu̱ta̱dde̱no̱.

Ga̱la̱ti̱a̱ 2:15

Kar bo̱do̱k kize ne, “Anna ki i̱ge̱t aritanet ol cik een Ya̱u̱d, iróng ke̱e̱ggi̱n olli mu̱nye̱nu̱ ki ol cik iróng een Ya̱u̱d ko̱.

Ga̱la̱ti̱a̱ 6:12

Anyak ol cik orong kubunnta ngu̱me̱ ci ollu ommogkkung zo̱ze̱ ci ettede ol vi̱ca̱vi̱cce̱t. Ogon nege zoz neci niko gerza ming a̱gi̱d ol nogo zo̱ze̱ ci edemeze nege ol zoz ci azi ne, amuda ol ti̱ri̱ze̱ne̱t ngati a̱da̱kne̱ Ye̱su̱ Ki̱ri̱sto̱ ta̱la̱ke̱ca̱ do̱ niko.

Evesos 2:2

Ogonnu kaal cik gerzek, annuyu olli lo̱o̱tu̱, irezzu lo̱rye̱ni̱t wa een alaan ci abal lo̱o̱c kaale do̱o̱k cik iróng nege irez Ta̱mu̱ta̱dde̱n.

Evesos 5:8

Abakku gon ba̱li̱ye̱ niga mu̱hu̱ra̱, imma i̱yo̱ko̱ izetu ol cik abakku vooritena, eci i̱yo̱ko̱ izetu olli Manyi. Abait ki ol wak abak vooritena.

Vilipia 3:3

Eci naga ol wak kanyak te̱di̱ne̱t wa een de̱de̱ kettede mu̱nye̱n zi̱nze̱tti̱nne̱ cigga̱c, cik kinnat Vongize ci Ta̱mu̱ta̱dde̱no̱, ki di̱ngdi̱nga̱ni̱ne̱t Ye̱su̱ Ki̱ri̱sto̱, iróng naga karikka zi̱nze̱tti̱ e̱le̱tti̱ cigga̱k,

Kolosiya 1:21

Edewannu niga ba̱li̱ye̱ e̱le̱tti̱ ngati Ta̱mu̱ta̱dde̱no̱ kar izet mo̱ddo̱ i̱no̱ni̱nte̱ cunno̱ng ma̱rri̱t niga ogonnu mu̱nye̱n.

Kolosiya 2:11

Imma zin go̱o̱le̱ ci utungteu niga mu̱nye̱n lo̱o̱c ko̱, urumteziu niga Ki̱ri̱sto̱, u̱tu̱gu̱zzu̱ ki ol wak etted wucic vi̱ca̱vi̱cce̱t. Iróng zin te̱di̱ne̱t cunno̱ng ogon ol cik diirik azzine, abarik u̱tu̱gu̱ Ki̱ri̱sto̱ ngati elemannu niga nonno.

Kolosiya 2:13

U̱tu̱gu̱zzu̱ niga ba̱li̱ye̱ ki ol cik a̱da̱i̱to̱ mu̱nye̱ne̱ cuggo̱k, ogonnu niga ki ci ngen mu̱nye̱na̱ cuggo̱k kaartai, a̱a̱nyu̱ng zin Ta̱mu̱ta̱dde̱n ruget zo̱ze̱ ci Ki̱ri̱sto̱. Alalek enne mu̱nye̱n cigga̱c agit do̱o̱k.

Kolosiya 3:11

Imma zin zo̱ze̱ cu, i̱llo̱i̱ e̱e̱t ci een Ya̱u̱do̱c icima ci een Gi̱ri̱k, icima e̱e̱t ci etted vi̱ca̱vi̱ca̱ icima iróng ettede, icima e̱e̱t ci een i̱do̱nge̱ni̱t icima ol cik abak lo̱o̱ce̱ ci een Scythian, ki e̱e̱t ci een du̱ca̱i̱t, icima iróng een e̱e̱t ci een du̱ca̱i̱t. Abarik zin olle ne̱ko̱ do̱o̱k, Ki̱ri̱sto̱ ci ommog kaal do̱o̱k, kar enne ka̱vvu̱ kaale do̱o̱k.